Morgunblaðið - 10.05.1978, Blaðsíða 17
48
MORGUNBLAÐIÐ, MIÐVIKUDAGUR 10. MAI 1978
Eitt
dagheimili
í notkun
og byrjað
á þremur
dagvistunar-
stofnunum
DaKheimili í Hóiahverfi
verður tekið í notkun á
þessu ári og byrjað verður
á framkvæmdum við skóla-
dagheimili við Vöivufell,
þar sem verður rými fyrir
20 börn. Einnig verður
byrjað á dagvistunarstofn-
unum við Iðufeil og Arnar
bakka og verða það bland-
aðar stofnanir* sambland
af dagheimiii og leikskóia
fyrir 97 börn á hvorum
stað. t>etta kom fram í
ræðu borgarstjóra. Gæziu-
völlur við Fífusel verður
tekinn í notkun um næstu
mánaðamót og gæziuveilir
við Tindasel og Þrastahóla
síðar á árinu.
Borgarstjóri rakti, að í
Breiðholti væru nú tvö
daghcimilit Bakkaborg
fyrir 09 börn og Völvuborg
fyrir 48 börn. Þá eru
leikskólarnir Arnarborg
með 114 rýmum. Seijaborg
með 110, Fellaborg og
Ilólaborg með 114 hvor og
nýlega tók Reykjavíkur-
borg við rekstri Leikfells
við Æsufell af húsfélagi,
sem þann ieikskóia rak.
Fjölbrauta-
skólinn
stærsta
verkefnið
„f'jölbrautaskóiinn í
Breiðholti, skipulagning
hans og starfsemi, hefur
verið stærsta verkefnið,
sem borgin hefur staðið að
á sviði skóiamála á þessu
kjörtímabili og mun svo
einnig verða næstu árin,“
sagði borgarstjóri í ræðu
sinni.
„Eftir að grunnskóiinn
er tekinn að festast í sessi
verður eitt helzta viðfangs-
efnið að skipuleggja þá
kennslu á framhaldsskóla-
stigi, sem kemur til með að
fara fram í skólum, sem
reknir eru sameiginlega af
ríki og borg. Starf Fjöi-
brautaskólans í Breiðhoiti
hefur verið stefnumótandi í
þessum efnum, sem sjá má
af stofnun fjölbrautaskóla
á ýmsum stöðum á iandinu.
og þær hugmyndir, sem
fram hafa verið settar um
löggjöf fyrir framhalds-
skólastigið, eru að veru-
legu ieyti mótaðar af skóla-
stefnu Fjölbrautaskólans.*4
Sagði borgarstjóri að
brýnt væri orðið, „að ekki
dragist iengi að löggjöf
verði sett um framhalds-
skólastigið.“
eitt dagheimili
fokhelt í 5 ár og ylli nábúum
óþægindum. Friðrik
Guðmundsson spurði hversu lengi
húsbyggjendur mættu láta hús sín
standa fokheld án frekari fram-
kvæmda og borgarstjóri gat þess
að hann hefði undir höndum
ítarlegt bréf frá íbúðareigendum
aðTorfufelli 1 — 11 og 13—17, þar
sem spurt væri hvers vegna
borgaryfirvöld gerðu ekki neitt til
þess að láta húsbyggjendur í
hverfinu fullgera hús sín og lóðir,
þó sá tími sé löngu liðinn að
íbúðalóðir eigi að vera fullfrá-
gengnar samkvæmt lóðasamning-
um. „Hér er um allerfitt vandamál
að ræða,“ svaraði borgarstjóri.
„En ég verð að vísu að segja að
þessum vandamálum fer fækk-
andi, þar sem borgaryfirvöld hafa
í ljósi reynslunnar hert sína
skipulagsskilmála hvað varðar
frágang húsa og lóða.
Nú er til dæmis í nýjum
úthlutunum tekinn tryggingarvíx-
ill að upphæð ein milljón krónur
Mbl. 01. K. M.
af hverjum raðhúsalóðarhafa til
að tryggja það, að borgin geti á
hans kostnað látið gera það sém
þarf, ef ekki verður af fram-
kvæmdum af hans hálfu. Þetta
tíðkaðist ekki þegar þessum lóðum
í Torfufelli var úthlutað. En í
slíkum tilvikum getur verið um
tvennt að ræða. Ef ekki er búið að
gera lóðarsamning getur borgin
afturkallað lóðarúthlutun, tekið
lóðina til sín og greitt viðkomandi
eftir mati þann kostnað, sem hann
hefur lagt í við mannvirkjagerð á
lóðinni. Þegar hins vegar er búið
að gera lóðarsamning, eins og er
í þessu tilviki við Torfufell og
raðhús við Vesturberg, sem spurn-
ing Friðriks beinist sennilega að,
þá eru fokheld hús að öllu leyti
komin í eigu og umráð viðkom-
andi, sem getur þá gert við það,
hvað sem hann vill, en borgin á
ákaflega erfitt um vik og hefur
reyndar engin þvingunartæki til
að fá menn til að fullgera sín hús.
Það er ekki hægt að taka lóðina
aftur. Við getum einungis með
fortölum og hvatningum reynt að
fá menn til að ganga frá sínum
húsum, en það er alveg undir
viðkomandi manni komið, hvort
hann sinnir slíkum hvatningum
eða ekki.
Hitt þykir mér rétt að taka
fram, sem snýr .að lóðarhöfum
sjálfum að í öllum skilmálum og
þar á meðal skilmálunum fyrir
þessi hverfi var mönnum bent á að
stofna með sér húsfélög um
viðkomandi lóðir. Þetta hafa því
miður fáir gert en slík húsfélög
hafa lögum samkvæmt nokkurt
vald og geta ákveðið sameiginlegar
framkvæmdir með meirihlutasam-
þykktum. Hefði verið farið eftir
þessu ákvæði skilmálanna í upp-
hafi og húsfélög stofnuð, þá væru
lóðareigendur ef til vill i sumum
tilvikum að minnsta kosti betur
settir en þeir eru nú. Það vald sem
borgin hefur lögum samkvæmt,
þegar búið er að gera lóðarsamn-
inga, er í þessum efnum ákaflega
lítið og mjög takmarkað."
Leið 13 um
Fálkabakka
Gísli Júlíusson. Akraseli 17,
spurði hvort hægt væri að breyta
akstursleið leiðar 13 þannig að
strætisvagninn gengi niður Selja-
braut. Benti Gísli á að vagninn
gengi fram hjá Landspítalanum og
Háskólanum, en fólk þyrfti að fara
yfir Breiðholtsbrautina til að ná
vagninum. „Eina breytingin, sem
fyrirhuguð er á leið 13 er að á
næstunni er ætlunin að skapa
greiðari samgöngur með því að
láta vagninn ganga af Arnarbakka
nýja inn upp í Hólahverfi í stað
þess að fara hring um Arnarbakk-
ann í báðum ferðum," svaraði
borgarstjóri. „En ég skal koma
þessari ábendingu um Seljabraut-
ina til forstjóra SVR.“
Gísli spurði einnig um gang-
braut milli Seljahverfis og Fella-
hverfis og svaraði borgarstjóri því
til, að hann gerði sér grein fyrir
því að það þyrfti að koma á betra
göngusambandi milli hverfanna.
„Hins vegar hefur það verið
nokkurt vandamál, hvernig eigi að
leysa þetta í sambandi við Breið-
holtsbrautina. Okkar sérfræðingar
í umferðarmálum eru mjög hik-
andi við að setja merkta gang-
braut yfir Breiðholtsbrautina, þar
sem hún gæti haft aukna slysa-
hættu í för með sér, en við vitum
að gangbrautir eru ekki alltaf
virtar og þess vegna gæti merkt
gangbraut þarna skapað falskt
öryggi, þar sem mikil og hröð
bílaumferð er um, og þannig verið
verri en ekki. Endanleg lausn fæst
því ekki fyrr en með þeim
undirgöngum sem fyrirhuguð eru,
en þau eiga vafalaust nokkuð langt
í land.“
Einnig spurði Gísli, hvort það
væri rétt að 9. bekkur Fellaskóla
ætti að sækja kennslu í Fjöl-
brautaskólanum. „Það hygg ég sé
nú ekki,“ svaraði borgarstjóri.
„Hins vegar hefur það komið á
dagskrá í sambandi við næsta
vetur að hugsanlega mundi 9.
bekkur Hólabrekkuskóla fá hús-
næði í Fjölbrautaskólanum, en það
er ekki afráðið ennþá og ekki ljóst,
hvernig vandi 9unda bekkjar
verður leystur á næsta vetri.“
Jón Sigurðsson kaupmaður í
Straumnesi, spurði, hver það væri
„sem skipuleggur verzlanir hér í
hverfinu og eftir hverju er farið".
Vísaði Jón til skipulags varðandi
Mjóddina, þar sem hann sagði
koma „laxagildru fyrir búðirnar
hér upp frá“. „í rauninni var
skipulag verzlana í Breiðholts-
hverfum fullfrágengið þegar byrj-
að var að byggja þessi hverfi og
skipulag var samþykkt," svaraði
borgarstjóri, „þannig að bæði
íbúar og verzlunareigendur í
hverfunum vissu að hverju þeir
gengu og þá líka hvaða verzlanir
voru fyrirhugaðar í þessum hverf-
um, þegar úthlutanir fóru fram.
í megindráttum er gert ráð fyrir
því að í hverju hverfi fyrir sig sé
ein stór hverfisverzlun; miðstöð,
þar sem hægt er að koma fyrir
nokkrum verzlunartegundum, og
einnig séu minni verzlanir innan
hverfanna, en Mjóddin er ráðgerð
sem eins konar miðbæjarhverfi
fyrir öll þessi hverfi og að þar
verði um nokkuð fjölþætta
verzlunarstarfsemi að ræða. Þetta
var skipulagið í upphafi og það var
öllum ljóst, þegar úthlutað var hér
í þessu hverfi. Nú hefur allmiklu
verið úthlutað til verzlána í
Mjóddinni og framkvæmdir þar
munu væntanlega hefjast á þessu
ári.“
Kennsla hefst
í Seljaskóla
haustið 1979
Ilildur Sigurðardóttir. Selja-
hraut 42, spurði: „Hvenær kemur
Seljaskóli?" „Það er reiknað með
að Seljaskóli verði boðinn út á
þessu ári,“ svaraði borgarstjóri,
„og í útboðslýsingum er gert ráð
fyrir því að fyrsti áfangi skólans
verði tilbúinn haustið 1979, þannig
að þá geti kennsla hafizt."
Rúnar Steindórsson, Lamba-
stekk 8, sagði, að vegarspottinn,
sem lagður var í fyrrasumar „á
milli Arnarbakka og götunnar
ofan úr Hólahverfi hefur tekið við
megninu af umferðinni úr Hólun-
um, þannig að sú umferð er komin
á Arnarbakkann að mestu.“ Spurði
Rúnar, hvort hugmyndin væri að
þessi gata væri opin fyrir almenna
umferð eða bara strætisvagna.
„Upphaflega var þessi gata, sem
heitir Fálkabakki, fyrst og fremst
lögð fyrir strætisvagna," svaraði
borgarstjóri, „til að skapa greiðari
tengsl milli hverfanna fyrir SVR.
Hins vegar virðist þessi spotti vera
orðinn það vinsæll og svo mikið
notaður fyrir aðra umferð, og þá
umferð milli hverfanna fyrst og
fremst, að ég hef ekki trú á því að
honum verði lokað aftur.
Hins vegar er gert ráð fyrir því
að umferð í bæinn fari fyrst og
fremst niður á Stekkjarbakkann
og þá ieiðina út úr hverfinu, þó
vafalaust séu einhver brögð að því
að menn fari Fálkabakkann þegar
þeir eru á leið út á Reykjanes-
brautina."
Birna Ólaísdóttir og Georg
Jósefsson, Vesturbergi 77, spurðu,
hvenær hægt yrði að taka sund-
laugina í notkun og vísaði borgar-
stjóri til þess sem hann hefði sagt
í ræðu sinni um að hann gerði sér
vonir um að af því gæti orðið á
síðari hluta þessa árs, en í síðasta
lagi yrði það þá í byrjun næsta árs.
Ellert Sigurhjörnsson spurði
hvaða ráðstafanir væru fyrir-
hugaðar til að sjá eldri börnum í
Seljahverfi fyrir skólavist. Borg-
arstjóri svaraði því til að þess væri
ekki að vænta að börnin fengju
kennslu innan hverfisins fyrr en
Seljaskóli kæmi. „Það er talið
eðlilegt að hafa það fyrirkomulag
á frekar en að nýta lausu kennslu-
stofurnar fyrir eldri börnin. Þau
voru tiltölulega fá í upphafi og þvi
eðlilegra að nýta það skólahús-
næði og þá kennslukrafta sem
fyrir voru, þótt það kosti ferðalög
barnanna á milli hverfa."
20 manna lögregla
í Breiðholt
Halldór Gunnarsson spurði,
hvort ekki ætti „að taka löggæzlu
í Breiðholtshverfum fastari tök-
um, setja upp aðstöðu fyrir
lögreglu, og hvort staðsetning
sjúkra- og slökkvibifreiða sé fyrir-
huguð í hverfinu". „Lögreglustöð
er fyrirhuguð í Mjóddinni," sagði
borgarstjóri, „og borgin hefur
þegar úthlutað dómsmálaráðu-
neytinu þar lóð undir lögreglustöð.
Það er verið að teikna þá stöð og
á fjárlögum ríkisins er áætlað til
byrjunarframkvæmda. Ég skal
ekkert um það segja, hvenær hún
verður tilbúin, en síðan þarf
jafnframt að fá fjárveitingu fyrir
auknu lögregluliði, en það er taiið
að fjölga þurfi um 20 manns í
lögregluliði borgarinnar, þegar
þessi stöð verður tilbúin.
Það er ekki f.vrirhugað að reisa
slökkvistöð í Breiðholti, heldur er
reiknað með að Breiðholti verði
þjónað frá stöðinni við Öskjuhlíð
og Arbæjarstöðinni og þegar
tengingin kemur milli Breiðholts
og Arbæjar á brú yfir Elliðaárnar,
verður mun greiðari leið milli
Arbæjarstöðvarinnar og þessa
hverfis en nú er“.
Jón Guðmundsson spurði, hvaða
aðgerða væri að vænta af hálfu
borgaryfirvalda „til að stöðva og
snúa við þeirri óheillaþróun að
gömlu borgarhverfin tæmast með-
an borgin þenst út með tugþúsund-
ir íbúa í nýjum hverfum". Borgar-
stjóri hafði í ræðu sinni gert grein
fyrir hugmyndum um endurnýjun
eldri hverfa sem gera ráð fyrir því
að auka íbúðarhúsnæði um 1000
íbúðir, eða íbúðir fyrir 3—4000
manns. Á svæðinu sem er frá
Hlemmtorgi að Aðalstræti, búa nú
4.600 manns, en í stríðslok bjuggu
þar 12.000 manns.
Guðmundur Kristófersson
spurði hvenær sett yrði lýsing við
Arnarbakka, í brekkunni samsíða
Breiðholtsbraut, og hvenær yrði
gengið frá svæðinu þar á milli.
„Það er gert ráð fyrir því að vinna
töluvert í sumar við Arnarbakk-
ann, einmitt á þessum slóðum, en
ég er ekki viss um að það verði
alveg gengið frá svæðinu á þessu
ári.
Það er ekki búið að ákveða
hvenær lýsing kemur þarna á
þessum slóðum."
Jean Jensen. Vesturbergi 175,
minnti á skipulagsáætlanir um
hraðbraut eftir endilangri brekk-
unni milli Vesturbergs og Arnar-
bakka og sagði það sína skoðun að
það yrði „mikið slys ef af hrað-
brautarlagningunni yrði, því
áreiðanlega mætti gera þarna
mjög eftirsóknarvert útivistar-
svæði fyrir börn og fullorðna og
sæjust þess reyndar þegar nokkur
merki. Kvaðst Jean draga í efa
nauðsynina á hraðbraut þarna, en
hins vegar þyrfti áreiðanlega að
leggja í nokkurn kostnað í því
sambandi, í trjárækt, gangstíga og
opin svæði. Spurði Jean síðan
borgarstjóra hvort hann vildi
beita sér fyrir ítarlegri endurskoð-
un á lagningu hraðbrautar áður en
af framkv'æmdum yrði. Borgar-
stjóri sagði það rétt vera, að
samkvæmt aðalskipulaginu væri
gert ráð fyrir því að Höfðabakkinn
framlengdist á þessum slóðum í
brekkunni á milli hverfanna.
„Allavega, er ljóst að hann kemur
til með að ná að þeirri götu sem
nú er búið að leggja niður af
Vesturhólunum á Stekkjarbakka,
Fundarstjóri á hverfafundinum í Breiðholti var Gunnar Snorrason kaupmaður og
fundarritarar Pétur J. Eiríksson hagfræðingur og Ása Finnsdóttir húsmóðir. Ljósm.