Morgunblaðið - 06.06.1981, Side 22

22
MORGUNBLAÐIÐ, LAUGARDAGUR 6. JÚNÍ1981

Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guðmundsson,
Björn Jóhannsson.
Freysteinn Jóhannsson,
Magnús Finnsson,
Sigtryggur Sigtryggsson.
Baldvin Jónsson.
Ritstjórn og skrifstofur: Aöalstræti 6, sími 10100. Auglýsingar:
Aðalstræti 6, sími 22480. Afgreiðsla: Skeifunni 19, sími 83033.
Áskriftargjald 70 kr. á mánuði innanlands. í lausasölu 4 kr. eintakið.
N úllpunktsstefna
stjórnvalda
Það kom margt athyglisvert fram í setningarræðu Gunnars
Guðjónssonar, stjórnarformanns SH, á aðalfundi samtak-
anna í fyrradag. Hann staðhæfði að þrátt fyrir góðan árangur í
sölustörfum hefði ekki tekizt að halda í við verðbólguna, sem
hrjái íslenzkan atvinnurekstur, né forða því að gengið væri á
fjármagn og afkomu frystihúsanna. Árið 1980 var dæmigert
fyrir þessa þróun, að dómi stjórnarformannsins. Útflutt
aflamagn var þá svipað og árið áður en verðmætisaukning, í
krónum talin 43,5%. Á sama tíma var verðbólguvöxturinn
hinsvegar 58%. Allt árið 1980 var barist fyrir því að koma
heildinni á svokallaðan núllpunkt en tókst ekki.
Formaður SH sagði verðhækkanir á Bandaríkjamarkaði gera
lítið meira en bæta stöðu Verðjöfnunarsjóðs, — miðað við
skuldbindingar sem hann tók á sig í ársbyrjun. Við gerum þær
kröfur til stjórnvalda, sagði hann, að þau sjái til þess að
sérhverri vinnslugrein séu búnar rekstraraðstæður sem leiði til
jákvæðrar afkomu. Millifærslur á góðri afkomu einnar
vinnslugreinar til að leiðrétta lélega afkomu annarrar, eða
útjöfnun, sem færir alla á núllpunktinn afkomulega, er hættuleg
stefna, sem getur eyðilagt jákvæða alhliða framþróun í
íslenzkum fiskiðnaði. Krafa okkar er sú, að vegna innlendrar
verðbólguþróunar, sem gerir söluaðilum íslenzkra sjávarafurða
erlendis ókleift að mæta innlendum tilkostnaðarhækkunum,
með hækkun söluverðs erlendis, verði að tryggja sérhverri
vinnslugrein, frystingunni sem öðrum, viðeigandi rekstrar-
grundvöll, sagði formaður SH að lokum í setningarræðu sinni.
Staða Alþýðubandalagsins
í verkalýðshreyfingunni
Þjóðviljinn birti á dögunum viðtöl við verkamenn, sem sóttu
aðalfund Dagsbrúnar. Umsagnir þeirra vóru mjög neikvæð-
ar bæði í garð ríkisstjórnarinnar og „sendiherra" Alþýðubanda-
lagsins í launþegasamtökunum. Verkamaður, sem spurður var
um ríkisstjórnina og stöðu hennar meðal almennings, sagði
orðrétt: „Það var mátulegt á fólkið að fá hana yfir sig. Það veit
nú, hvað það hefur kosið yfir sig. Þetta er eintómt kjaftæði, sem
þeir láta út úr sér. Maður bjóst við stuðningi við verkafólkið í
landinu, en þetta er alltaf sama sagan. Þeir mega heldur betur
breima ef þeir ætla að fá stuðning næst!“
Annar sagði, aðspurður um verkalýðsforystuna, hvern veg
hún hefði staðið sig: „Djöfullega. Það ætti að reka þá alla.“ Sá
þriðji kvað svo að orði um forystu Verkamannafélagsins
Dagsbrúnar, að sögn Þjóðviljans: „Það þarf að bylta í okkar
félagi. Það er ekki staðið við samninga og það þýðir ekkert að
kvarta við félagið, forystan er ekki til viðtals."
Þjóðviljinn hefur jafnframt eftir einum viðmælanda sínum:
„Þeir tóku af okkur 7% og nú eru að skella yfir verðhækkanir
rétt einu sinni ...“
Þannig var hljóðið í verkamönnum sem sóttu aðalfund
Dagsbrúnar, að sögn Þjóðviljans. Þessi ummæli og ýmislegt
annað bendir til þess að veldi Alþýðubandalagsins í verkalýðs-
hreyfingunni sé að molna innan frá. Þetta er í sjálfu sér ofur
eðlilegt, í íslenzkri stjórnmálasögu hefur enginn stjórnmála-
flokkur svikið jafn mörg kosningaloforð til jafn fjölmennra
þjóðfélagshópa jafn rækilega á jafn skömmum tíma og
Alþýðubandalagið í ríkisstjórn.
Sýnið varúð og tillitssemi
Hvítasunnuhelgin er ein mesta ferðamannahelgi hér á landi.
Þessvegna er ástæða til að minna fólk á þrjú mikilvæg
atriði, sem vert er að hafa ríkt í huga.
í fyrsta lagi að sýna tillitssemi og varúð í umferð á vegum úti.
Sýnum samstöðu í þeirri viðleitni að fyrirbyggja slys í
umferðinni um þessa helgi og framvegis.
I annan stað er rétt að hafa í huga að slys gerast víðar en á
vegum úti, ekki sízt á veiðivötnum og í ám, sem við sækjum
gjarnan heim á þessum árstíma. Sýnið fyllstu aðgæzlu, hvern
veg sem þið verjið helgarfríinu.
Síðast en ekki sízt er rétt að minna okkur öll á að umgangast
landið okkar með hlýhug og tillitssemi. Skiljið hvorki eftir
ykkur sár á gróðurlendi né rusl á áningarstað.
Gleðilega hvítasunnuhelgi, heima og heiman.
Ingólfur Aðalsteinsson framkvæmdastjóri kynnir starfsemi Hitaveitu Suðurnesja fyrir landstjóranum
og fyltrdarliði hans. Við hlið landstjórans stendur forseti íslands og lengst til hægri á myndinni er
Eirikur Alexandcrsson.
og Lily Schreyer, kveðja viðstadda áður en þau stíga inn i
Ljósm. Emilla.
Opinberri heimsókn
landstjóra Kanada lokið
LANDSTJÓRI Kanada.
Edward R. Schreyer, og kona
hans Lily, fóru af landi brott
kl. 12.30 í gær ásamt föruneyti
sínu og lauk þar með opinberri
heimsókn landstjórahjónanna
til íslands. Við brottförina
kvaddi forseti íslands, frú Vig-
dís Finnbogadóttir, landstjóra-
hjónin við einkaflugvél þeirra
á Keflavikurflugvelli. Á flug-
völiinn voru einnig mætt for-
sætisráðherrahjónin og utan-
ríkisráðherrahjónin ásamt
fleirum til þess að kveðja land-
stjórahjónin.
Á leiðinni frá Reykjavík til
Keflavíkurflugvallar heimsótti
landstjóri Kanada ásamt föru-
neyti sínu Hitaveitu Suðurnesja
í Svartsengi í fyigd með forseta
Islands. Þar tóku á móti þeim
Eiríkur Alexandersson, stjórn-
arformaður, og Ingólfur Áðal-
steinsson, framkvæmdastjóri. í
stuttri ræðu, sem Eiríkur hélt
við þetta tækifæri þakkaði hann
landstjóra Kanada þann heiður
er hann sýndi Suðurnesja-
mönnum með því að hafa áhuga
fyrir að skoða orkuverið í
Svartsengi. Þá kynnti Ingólfur
starfsemi Hitaveitunnar fyrir
landstjóranum en að því búnu
var gestunum sýnt orkuverið og
athafnasvæði þess.
Við þetta tækifæri gróðursetti
landstjóri Kanada þrjár Alaska-
aspir, sem hann hafði með sér, í
innireit í móttökusal Hitaveitu
Suðurnesja en mæltist til að
þær yrðu fluttar á einhvern stað
úti undir beru lofti er tækifæri
gæfist.
Meðan landstjórinn skoðaði
orkuverið í Svartsengi hafði
landstjórafrúin notað tímann til
að verzla í fríhöfninni og hittust
þau aftur á Keflavíkurflugvelli
þar sem þau kvöddu forseta
Islands og fleiri viðstadda.
Landstjóri Kan-
ada gróðursetur
þrjár Alaska-aspir
í innireit í
móttökusal Hita-
veitu Suðurnesja
með aðstoð Eiriks
Alexanderssonar,
stjórnarformanns.
Að baki þeim
stendur forseti ís-
lands. frú Vigdis
Finnbogadóttir.
Landstjórahjónin, Edward R. Schreyer
einkaflugvél sina á Keflavikurflugvelli.