Morgunblaðið - 06.06.1981, Side 42

42
MORGUNBLAÐIÐ, LAUGARDAGUR 6. JÚNÍ 1981

Ljósm. MbJ. Guðjón B.
• Leikmenn meistaraflokks FH á æfingu. Á þeim var engan bilbug að finna. Þeir voru ákveðnir i því að standa sig vel i næstu
leikjum ok selja sík dýrt.
„Knattspyrnan í vor hefur verið
hreint ut sagt ömurlega slök“
- segir þjálfari FH Ingi Björn Albertsson
„ÞAÐ ER erfitt að þjálfa ok leika með sama iiði, en ég er
keppnismaður og það er erfitt að standa fyrir utan þetta. Ég tel að
þetta komi vel út þar sem ég hef mjög góðan aðstoðarþjálfara Þórir
Jónsson. Hann sér um stjórnunina á liðinu utan vallar. Við stillum
okkur vel saman og þetta rekst ekki á. Hvað sjálfan mig varðar er ég
ekki enn búinn að ná mér fullkomlega af þeim meiðslum sem ég hlaut.
En vonandi lagast þetta þegar líða tekur á sumarið, sagði þjálfari FH
Ingi Björn Albertsson.
Ingi Björn er leikmaður sem
allir knattspyrnuáhugamenn
kannast við. Hann lék lengi með
Mfl. Vals og var landsliðsmaður í
knattspyrnu. Síðan varð hann
fyrir slæmum meiðslum í hné og
ökla og varð að hætta knatt-
spyrnuiðkun um skeið. Ingi Björn
sagði að það hefði verið með öllu
óvíst er hann tók að sér þjálfun
FH-liðsins hvort hann gæti leikið
með liðinu. En svo hefði komið á
daginn að meiðslin voru á bata-
vegi.
— Við höfum æft vel og erum í
góðri líkamlegri æfingu. Hins veg-
ar þurfum við að stilla okkur
betur saman í leikjum. Það sem
hefur háð okkur er að við höfum
ekki getað stillt okkar sterkasta
liði upp ennþá vegna meiðsla. En
þetta á eftir að koma hjá okkur.
Það er ýmislegt sem við þurfum að
bæta. Við þurfum að læra að leika
boltanum betur frá vörninni þegar
við á. Meta hvenær á að hreinsa
eða byggja upp samspil. Þetta er á
réttri leið. En það er ekki nóg að
vörnin standi sig, miðjuleikmenn-
irnir verða að leika vel líka. Svo og
framlínuleikmennirnir.
Knattspyrnan í vor hefur verið
hreint út sagt ömurlega slök. Það
vantar í hana allt þetta fína.
Höfuðorsökin fyrir því er sú að
liðin hafa æft á malarvöllum og
leikið þar líka. Við í FH höfum til
dæmis aðeins tekið eina æfingu á
grasi. Að mínum dómi á að sleppa
því alveg að leika á malarvöllum.
Við eigum að fresta mótinu þang-
að til hægt er að leika á grasi. Það
Ingi Björn Albertsson
má leika fleiri leiki á skemmri
tíma. Ég er alfarið á móti því að
leikið sé á gervigrasi, miðað við þá
þekkingu sem ég hef á því.
„Okkur vantar afgerandi góða
boltamenn í íslenska knattspyrnu
í dag. Við eigum sterka varnar-
leikmenn. En markaskorara og
snjalla framlínumenn vantar."
Knattspyrnan í dag er svipuð og
hún var á árunum 1969 til 70. Árin
1974 til 78 fór hún uppávið.
Tímabilið hefur byrjað verr nú en
í fyrra. Og var þó slæmt þá. Það
sem vantar hjá liðunum er leik-
gleði, meiri hreyfing leikmanna
inn á vellinum. Stöðuskipting og
hlaup inn í eyður. Vinna bolta-
lausir.
Það er eitt sem ég vil taka fram,
sagði Ingi Björn. — Varðandi
félagaskipti hér á landi. Ólafur
Danivalsson sem lék áður með
Val, og tók þátt í innanhússmóti
með þeim í vetur verður ekki
löglegur hjá FH fyrr en eftir tvo
mánuði. En leikmenn sem eru að
koma frá Þýskalandi þeir Ragnar
Margeirsson og Sigurður Grét-
arsson geta farið að leika eftir
einn mánuð, frá félagskiptum.
Þetta er óréttlæti og tóm vitleysa,
sgði Ingi Björn.
- ÞR.
„Ætla að leika knatt-
spyrnu næstu 10 árin“
- segir Viðar Halldórsson leikreyndasti maður FH
LEIKREYNDASTI maður FH-liðsins í knattspyrnu er Viðar Hall-
dórsson. Hann hefur leikið rúmlega 280 leiki fyrir félag sitt i
meistaraflokki. Viðar var mjög hress að vanda er Mbi. ræddi við hann
og sagðist vera í góðri æfingu um þessar mundir. Að vísu hefur hann
átt við meiðsli að striða, og varð að taka sér hvíld frá æfingum í hálfan
mánuð. Viðar tognaði illa i lærvöðva. Viðar sagðist ætla sér að halda
áfram að leika knattspyrnu næstu 10 ár, hann væri rétt að byrja.
Varðandi yfirstandandi ís-
landsmót sagði Viðar: „Það er
alveg ljóst að við FH-ingar verð-
um í fallbaráttunni í deildinni að
þessu sinni. Við vorum frekar
óheppnir í fyrstu þremur leikjum
okkar. Það er margt sem hjálpast
hefur að. Leikmenn hafa átt við
meiðsli að stríða o.fl. Á móti KA
vorum við hinsvegar mjög slakir.
Liðið kom beint úr flugvélinni í
leikinn og slíkt kann ekki góðri
lukku að stýra. En það er bjart-
sýni ríkjandi í herbúðum okkar.
Við eigum eftir að snara inn
nokkrum stigum í næstu leikjum.
Liðin í 1. deild eru mjög jöfn að
getu. Ekkert eitt sker sig úr, og
því getur allt skeð.
Knattspyrnan svona í upphafi
mótsins hefur verið frekar slök,
enda hafa flestir leikirnir farið
fram á malarvöllum. Á þeim er
vonlaust að leika góða knatt-
spyrnu. Og að mínum dómi stend-
ur það knattspyrnunni hér á landi
fyrir þrifum hversu slæm aðstað-
an er. Við verðum að fara að koma
okkur upp gervigrasvelli. Við
FH-ingar verðum sennilega fyrst-
ir til þess. Við eigum að setja
gervigras á malarvöllinn okkar.
Vonandi rætist sá draumur ein-
hvern tíma.
Þá finnst mér vanta toppa í
íslenska knattspyrnu í dag. Það er
máske eðlilegt þar sem þeir sem
eitthvað sýna eru svo til strax
teknir I atvinnumennskuna. Að
lokum sagðist Viðar vera mjög
ánægður með þjálfara FH-liðsins
Inga Björn Albertsson. Það stæði
liðinu ekki fyrir þrifum að hafa
leikmann sem þjálfara. Þó væri
nauðsynlegt að sá hefði góðan
aðstoðamann og það hefði Ingi
Björn. Þórir Jónsson sér vel um þá
hlið mála. — ÞR.
Viðar Halldórsson
„Liðin svipuö
aö styrkleika“
- segir Þórir Jónsson
j***" ------' > *—■•****
Þórir Jónsson
„ÞETTA á eítir að verða
erfitt en við ætlum að selja
okkur dýrt í þeim leikjum
sem framundan eru,“ sagði
Þórir Jónsson liðsstjóri FH.
„Okkur mun bætast goður
liðsauki á næstunni. Þá
verða þeir ólafur Danivals-
son og Guðmundur Kjart-
ansson iöglegir með liðinu.
Að mínum dómi höfum við
síst verið lakari en mótherj-
ar okkar i fyrstu leikjum
mótsins. Þar undanskil ég
leikinn gegn KA. Við höfum
æft vel að undanförnu og
munum stefna uppá við.
Það sem við þurfum að
leggja áherslu á er að bæta
varnarleikinn. Við höfum
fengið á okkur of mikið af
mörkum. Það hefur haft sín
áhrif að leikið hefur verið á
möl. Við erum betri á gras-
inu. Ég vil engu spá um úrslit
í mótinu. Mér sýnist öll liðin
vera svipuð að styrkleika. En
það á máske eftir að breytast
þegar líða tekur á rnótið."
- ÞR
Pálmi Jónsson
„Er ekki of
bjartsýnn“
„ÉG ER ekki of bjartsýnn á
framhaldið en vona samt að þetta
komi á næstunni. Við hljótum að
geta náð okkur i nokkur stig."
sagði Pálmi Jónsson.
Pálmi sem leikur framherja
sagðist eiga von á því að vörn
Fram yrði erfiðasta vörnin við að
eiga. En bætti við að vörn ÍA
hefði ekki fengið á sig mark, og
það segði sína sögu.
„Ég skoraði fimm mörk i
mótinu í fyrra og er ákveðinn í
því að gera betur í ár,“ sagði
Pálmi.
— ÞR
J