Morgunblaðið - 17.09.1987, Blaðsíða 36
36
MORGUNBLAÐIÐ, FIMMTUDAGUR 17. SEPTEMBER 1987
AKUREYRI
Twin Otter í vor
Amaro stækkar efstu hæðina
Morgunblaðið/GSV
AMARO hf. er að byggja við efstu hæðina á
húsi verslunarinnar við Hafnarstræti. Er 6. hæð-
in lengd til austurs.
Fæst út úr viðbótinni um 120 fermetra hús-
næði sem að sögn Birkis Skarphéðinssonar
framkvæmdastjóra verður notað fyrir skrifstof-
ur og sýningarsal, en þröngt er orðið um þessa
starfsemi að hans sögn. Birkir segir að við-
byggingin ætti að verða fokheld innan tíðar.
Dregið fram ýmislegt
sem fólk ekki veit um
í SJALLANUM verður í vetur sýnd skemmtidagskrá með Ingimar
Eydal og hljómsveitum hans f gegn um tíðina. Aætlað er að frum-
sýna dagskrána 3. október. Flestir þekktustu söngvarar hljómsveit-
arinnar á undanförnum árum koma fram með Ingimar og
hljómsveit, meðal annars Þorvaldur, Helena og Bjarki.
„Við vöknuðum upp við þann
vonda draum að f ár eru 25 ár lið-
in frá því hljómsveit undir mfnu
nafni kom fyrst fram,“ sagði Ing-
imar Eydal í samtali við blaðamann
sem leit við á æfingu hjá honum f
vikunni. „Annaðhvort var að gera
eitthvað í þessu núna eða bíða eft-
ir 50 ára afmælinu. Við drifum í
þessu, enda ekki víst hvað þeir
endast lengi þessir yngri menn,“
sagði Ingimar, hress að vanda.
Ingimar sagðist reyndar hafa verið
lengur í hljómsveitum, til dæmis
með Finni og Helenu, áður en
hljómsveit með hans nafni var
stofnuð 1962.
Ingimar sagði: „Ætlun okkar er
að búa til nokkuð heillega mynd
af tveimur gömlum Sjallahljóm-
sveitum auk hljómsveitarinnar sem
nú er hljómsveit hússins. Fram
munu koma ýmsir gamlir og góðir
söngvarar, svo sem Þorvaldur,
Bjarki og Heiena. Við munum leika
lög af gömlu plötunum og rifja
hitt og þetta upp. Þetta á ekki að
vera nein ævisaga, heldur fyrst og
fremst létt dagskrá. Til dæmis
verður dregið fram í dagsljósið
ýmislegt sem gerst hefur á þessum
árum, án þess að almenningur hafi
fengið um það að vita.“
Dagskráin verður um hálfs ann-
ars tíma löng. Leikstjóri er Saga
Jónsdóttir og sögumaður Gestur
E. Jónasson. Auk hljómsveitanna
kemur fram dansflokkur frá Dans-
stúdíói Alice.
Inga Hafsteinsdóttir fram-
kvæmdastjóri Sjallans segir að
skemmtidagskráin með hljómsveit-
um Ingimars Eydal verði aðalmálið
hjá Sjallanum í vetur. Dagskráin
verði fyrir matargesti og sfðan al-
mennur dansleikur á eftir. Bjóst
hún við að öðrum landsmönnum
yrði boðið upp á pakkaferðir til
Akureyrar á sýningamar. Þá mætti
búast við að farið yrði með dag-
skrána suður í Broadway.
FLUGFÉLAG Norðurlands
hefur ákveðið að kaupa nýja
Twin Otter flugvél í stað
TF-JMD, elstu Twin Otter
Magriús Gamalíels-
son hf. á Ólafsfirði:
vélar félagsins. Vélin á að
koma til landsins næsta vor.
Eru þessi vélaskipti liður í
endurnýjun flugflota félags-
ins, að sögn Sigurðar Aðal-
steinssonar, framkvæmda-
stjóra.
Nýja Twin Otter vélin er 10
ára, af gerðinni 300. Hún er nærri
því helmingi yngri og töluvert
hraðfleygari en Twin Otter 200,
sem seld er í staðinn.
Eftir þessi vélaskipti mun FN
eiga tvær Twin Otter 300, hin var
keypt í vor, og eina 200-vél.
Sigurður Aðalsteinsson segir að
reksturinn gangi sæmilega í ár.
Árið yrði þó ekki eins gott og árið
1986, þegar metár var í flutning-
um hjá félaginu.
Morgunblaðið/GSV
Æfing hjá Ingimar Eydal, f.v.: Grfmur Sigurðsson, Finnur Eydal, Helena Eyjólfsdóttir og Ingimar.
Ingimar Eydal í gegnum tíðina í Sjallanum í vetur:
Rækjuvinnsla
hefst um áramót
RÆKJUVINNSLA hefst á Ólafs-
firði eftir áramótin. Eitt fisk-
vinnslufyrirtækjanna á staðnum,
Magnús Gamalielsson hf., hefur
fengið rækjuvinnsluleyfi fyrir
tvær pillunarvélar sem settar
verða upp á næstu mánuðum.
Svavar B. Magnússon fram-
kvæmdastjóri Magnúsar Gamalíels-
sonar hf. segir að pillunarvélamar
séu komnar til Ólafs§arðar en þær
voru keyptar frá Bandaríkjunum.
Jafnframt er verið að smíða annan
búnað hjá fyrirtækjunum Meka og
Traust hf. í Reykjavík. Býst Svavar
við að uppsetning tækjanna hefjist
síðari hluta októbermánaðar.
Svavar segir að rælquvinnslan sé
viðleitni í þá átt að haida hráefninu
heima. Rækjuvinnslan væri alger við-
bót við atvinnulíf staðarins. Fjórir
Ólafsíjarðarbátar, þar af einn frá
Magnúsi Gamalíelssyni, væru á djúp-
rækjuveiðum. Þeir lönduðu aflanum
á Olafsfirði og honum síðan ekið
annað til vinnslu.
Vetraráætlun flugfélaganna tekur gildi á mánudag:
Flugfélag Norðurlands býð-
ur „míníprí s “-fargj öld
VETRARÁÆTLUN Flugleiða og
Fugfélags Norðurlands tekur
gildi næstkomandi mánudag, 21.
september. Flugfélag Norður-
lands býður nýtt fargjald í hluta
ferða sinna, svokallaðan
„mínipris". Er veittur 50% af-
sláttur af flugmiðanum að
ákveðnum skilyrðum uppfyllt-
um.
Ferðum Flugleiða á milli
Reykjavíkur og Akureyrar fækkar
þegar vetraráætlunin tekur gildi.
Þá taka Flugleiðamenn daginn
heldur seinna en í sumar. Fyrsta
vél á morgnana fer frá Reykjavík
klukkan 8 í stað 7.30 og klukkan 9
á sunnudögum.
Flugleiðir byija að bjóða hina
hefðbundnu helgarpakka 9. októ-
ber.
Þegar vetraráætlun Flugfélags
Norðurlands tekur gildi byijar fé-
lagið aftur að fljúga frá Olafsfirði
til Reykjavíkur. Flogið verður þijá
daga í viku og alla virka daga á
leiðinni Akureyri — Ólafsfjörður —
Siglufjörður. FN flaug ekkert til
Ólafsfjarðar_ í sumar. Þá verður
ferðum til ísafjarðar fækkað um
tvær á viku, en að öðru leyti verður
ferðafjöldi sá sami og í sumar. Hins
vegar breytast komu- og brott-
farartímar vélanna eitthvað, m.a.
vegna breytinga á áætlun Flugleiða.
Sigurður Aðalsteinsson fram-
kvæmdastjóri FN segir að félagið
bjóði að mestu sömu afslætti af
flugfargjöldum og Flugleiðir og
ætli nú að auki að gera tilraun með
sérstakan afslátt, svokallaðan
„míníprís“. Veittur er 50% afsláttur
en til að fólk geti notið þeirra kjara
þarf það að kaupa farmiðann báðar
leiðir og fara með þeim ferðum sem
merktar eru með rauðu í áætlun
Flugfélags Norðurlands.
Sigurður sagði að fargjaldið væri
í boði á þeim tímum sem nýting
hefði verið í minna lagi og væri til-
gangurinn að reyna að fá betri
nýtingu á flugvélamar. „Míníprís-"
fargjöldin væru misjafnlega mikið
í boði eftir leiðum, í flestum ferðum
á illa nýttum leiðum en í innan við
helmingi ferða á þeim leiðum sem
nýting væri betri.
„Míníprís-“fargjöld FN eru nýj-
ung hér á landi, en eru að erlendri
fyrirmynd eins og nafnið bendir til.
Sigurður sagði að þetta fyrirkomu-
lag hefði reynst vel þar sem það
hefði verið reynt erlendis, og vonað-
ist til að eins vel tækist til hér.
„Míníprís-“fargjöldin gilda á öll-
um leiðum FN, sem eru: Egilsstaðir,
Grímsey, Húsavík, Isafjörður,
Kópasker, Ólafsfjörður, Raufar-
höfn, Reykjavík, Siglufjörður,
Vopnáflörður og Þórshöfn.
Haukur Torfa-
son útsölu-
stjóri ÁTVR
JÓN Baldvin Hannibalsson fjár-
málaráðherra hefur ákveðið að
skipa Hauk Torfason, forstöðu-
mann Vinnumiðlunarskrifstofu
Akureyrarbæjar, sem útsölu-
stjóra Áfengis- og tóbaksverslun-
ar ríkisins á Akureyri. Tuttugu
sóttu um stöðuna auk hans.
Haukur er 34 ára að aldri, kvænt-
ur og þriggja bama faðir. Hann er
með meistararéttindi í ketil- og plöt-
usmíði og vann lengi í Slippstöðinni.
Hann hefur verið forstöðumaður
Vinnumiðlunarskrifstofunnar í 6 ár.
Haukur sagðist í gær ekki vita
hvenær hann tæki við nýja starf-
inu, enda hefði hann enn ekki fengið
skipun í stöðuna. Miðað hefur verið
við að Ólafur Stefánsson útsölu-
stjóri hætti vegna aldurs þann 1.
september, en hann mun gegna
starfínu til bráðabirgða þar til
Haukur byijar.
Þrír umsækjenda um stöðuna
óskuðu nafnleyndar, en aðrir em:
Helgi G. Bjömsson, Már Jóhanns-
son, Sigurður Karlsson, Ævar Karl
Ólafsson, Guðmundur Á. Axelsson,
Þórður Eggert Viðarsson, ívar Sig-
mundsson, Pálmi Einarsson, Anton
Valdimarsson, Hjörtur Herberts-
son, Einar Benediktsson, Karólína
Guðmundsdóttir, Herdís Ingvadótt-
ir, Þór Ragnarsson, Gunnlaugur
Bjömsson, Gunnar Gunnarsson og
Svanborg Magnúsdóttur.
Nokkrir umsækjenda em starfs-
menn ÁTVR.
Morgunblaðið/GSV
Haukur Torfason, nýráðinn
„ríkissljóri“ á Akureyri.