Morgunblaðið - 17.09.1987, Blaðsíða 52
52
MORGUNBLAÐIÐ, FIMMTUDAGUR 17. SEPTEMBER 1987
Ekki
harmonikku-
leikari
- segir Grétar örvarsson, hljómsveitarstjóri í Súlnasal
Grétar
Órvarsson
VILTU bregða þér í sveiflu?
- spyija þeir félagar í nýrri
hljómsveit Grétars Örvarssonar,
sem nú leikur fyrir dansi í Súlna-
sal Hótel Sögu og reyndar hefur
samnefnt lag hljómað á öldum
Ijósvakans að undanförnu. Grét-
ar hefur nefnilega verið að vinna
að gerð hljómplötu nú i haust,
hinni fyrstu sem við hann er
kennd, og verður lagið á þeirri
plötu ásamt fimm öðrum eftir
hann sjálfan og einu eftir félaga
hans Gylfa Gunnarsson. Grétar
hefur þó haft í nógu öðru að
snúast að undanfömu, hann hef-
ur sett saman nýja hljómsveit og
að auki tekið við skemmtana-
stjóm í Súlnasal ásamt Magnúsi
Kjartanssyni sem hefur, eins og
kunnugt er, verið hljómsveitar-
stjóri á Sögu um nokkurra ára
skeið. Sjálfur hefur _ Grétar
stjómað hljómsveit í Átthaga-
salnum undanfarin fjögur ár, en
með þvi að flytja sig upp i Súlna-
sal hefur hann aukið og endur-
bætt hljómsveit sína og gert hana
að „fullkominni, nýtískulegri
danshljómsveit," eins og hann
orðar það sjálfur.
„Þegar við Maggi tókum við
skemmtanastjóm í Súlnasal töldum
við eðlilegt að skipta vetrinum á
milli hljómsveitanna. Staðreyndin
er sú, að hljómsveit sem er of lengi
á sama stað þreytist gjaman og
þegar menn eru búnir að spila í
sama húsi, allar helgar í heilan
vetur verða þeir eins og flakandi
sár. Ég held að þetta sé því eðlileg
skiping, og meiningin er að við spil-
um þama fram að áramótum og
síðan taki hljómsveitin hans Magga
við eftir áramót," sagði Grétar.
Hann kvaðst vera mjög ánægður
með nýju sveitina, en auk hans
skipa hana Gylfi Gunnarsson,
söngvari og gítarleikari, Steingrím-
ur Oli Sigurðarson trommari, _ en
þeir tveir voru með Gretari í Átt-
hagasal, og svo nýliðamir Eiður
Ámason bassaleikari, Hilmar Jens-
son á gítar og saxafónleikarinn
Einar Bragi Bragason. „Þetta eru
allt toppmenn og mér fínnst í raun-
inni að þetta sé í fyrsta skipti sem
ég get virkilega spilað þá tónlist
sem mig langar til að spila. Það
er talsvert mikill munur á að spila
á svona almennum veitingastað eða
í einkasamkvæmum í Atthagasal.
Hins vegar missi ég aldrei sjónar á
því að við erum að skemmta fólki
og haga lagavalinu í samræmi við
það.“
Glæsileg vetrardagskrá
Grétar sagði að ætlunin væri að
hafa mikla fjölbreytni í skemmtana-
haldi í Súlnasal í vetur. „Við gerum
okkur grein fyrir að það eru að
verða miklar breytingar á skemmt-
anavenjum fólks og tíminn nú er
ekki sá rétti til að leggja áherslu á
Hljómsveit Grétars Örvarssonar, sem nú leikur fyrir dansi i Súlnasal. Frá vinstri: Eiður Arnason, Hilm-
ar Jensson, Gylfí Gunnarsson, Grétar Örvarsson, Steingrímur Óli Sigurðarson og Einar Bragi Bragason.
skemmtanir fyrir matargesti. Þess
vegna munum við verða með mið-
nætursýningar næstu vikumar og
byijum nú um næstu helgi með
miðnætursýningu þar sem byggt
verður á söngleiknum „The Wiz-
zard“. Þar fáum til liðs við okkur
flölhæfa listamenn og mun Bára
Magnúsdóttir annast uppfærslu á
sérstökum dansatriðum í tengslum
við sýninguna.
Næstu helgar verður einnig með
okkur látúnsbarkinn Bjami Arason,
sem að mínum dómi er einn efnileg-
asti söngvari sem komið hefur fram
í langan tíma. Hann mun setja sam-
an dagskrá í anda rokkóngsins Elvis
Presley enda er sagt að Bjami nái
Elvis betur en Elvis sjálfur. í októ-
ber setjum við upp fimm stjömu
kvöld, þar sem við tökum fyrir fímm
vinsælustu söngleiki seinni tíma í
einni dagskrá.
Þá mun Laddi mæta aftur til leiks
í nóvember vegna fjölda áskoranna
og sýningar með honum verða út
mánuðinn. Eftir áramót verður
síðan sett upp ný og viðamikil sýn-
ing og ekkert til sparað að gera
hana sem glæsilegasta. Þá er líka
runninn upp tími árshátíða og því
munum við Ieggja áherslu á góða
sýningu fyrir matargesti. Að öllu
samanlögðu má því segja að Súlna-
salur mun bjóða upp á glæsilega
vetrardagskrá í vetur.“
Rug’lað saman við
pabba
Grétar hóf að leika fyrir dansi
14 ára gamall austur á Homafírði,
en áður hafði hann stundað tónlist-
amám þar eystra í nokkra vetur.
Fyrstu tvö árin spilaði hann í hljóm-
sveit á Hótel Höfn, en síðan stofnaði
hann popphljómsveit sem lék í sam-
komuhúsinu Sindrabæ á Höfn og á
sveitaböllum víða um Austurland.
Síðan flutti hann suður og lék um
skeið einn síns liðs á ýmsum veit-
ingastöðum, meðal annars á
Skálafelli.
„Mér var svo boðið að spila með
hljómsveit í Átthagasalnum í einn
vetur og veturinn eftir stofnaði ég
svo eigin hljómsveit, sem hefur leik-
ið þar síðan,“ segir Grétar þegar
við rifjum upp ferilinn. Hann á ekki
langt að sækja tónlistargáfuna því
faðir hans er hinn kunni harmon-
ikkuleikari Örvar Kristjánsson.
Tveir bræðra hans em líka að halsa
sér völl á tónlistarsviðinu, þeir Karl
og Atli í hinni efnilegu hljómsveit
Stuðkompaníinu.
„Við höfum þetta sjálfsagt frá
pabba og frá honum hef ég einnig
fengið harmonikkustimpilinn, sem
mér hefur reynst býsna erfítt að
þvo af mér. Raunar hefur þetta háð
mér talsvert og á tímabili var ég
að hugsa um að fara í apótek og
biðja um eitthvað „harmonikkueyð-
andi“. Nei, í alvöru talað þá er mér
oft ruglað saman við pabba og
menn virðast ekki alltaf gera grein-
armun á Örvari og Örvarssyni. Við
erum hins vegar af sitt hvorri kyn-
slóðinni og harmonikkan tilheyrir
kynslóðinni hans. Með þessu er ég
alls ekki að gera lítið úr harmon-
ikkutónlist og ég er viss um að
karlinn myndi gera það gott, ef
hann færi aftur af stað í lausabrans-
anum. En það sem ég er að gera
á Sögu er allt annars eðlis. Þar er
á ferðinni nýtískuleg danshljóm-
sveit með toppmönnum," sagði
Grétar að lokum.
Iðnaðarnj ósnir ?
Þessir þjóðlega klæddu Þjóðveij-
ar eru hér að skoða gangverkið
í nýjustu árgerðinni af Toyotu Co-
rollu, sem sýnd var í fyrsta skipti
á bílasýningu í Frankfurt nú á dög-
unum, þar sem myndin var tekin.
Corollan hefur selst í 16 milljónum
eintökum í gegnum árin, svo það
er kannski ekki nema von að hinir
miklu bílaframleiðendur, Þjóðveij-
ar, reyni að komast að leyndarmál-
inu að velgengni hennar - og það
er aldrei að vita nema að menn finni
það undir vélahlífínni ef þeir leita
nógu gaumgæfílega.
Þjóðverjar reka nefíð ofan S nýjustu Corolluna.
Reuter