Morgunblaðið - 14.03.1997, Qupperneq 21

MORGUNBLAÐIÐ
FÖSTUDAGUR 14. MARZ 1997 21
ERLENT
Sókn gegn
skærulið-
um í Alsír
ALSÍRSKAR öruggissveitir
hafa fellt 40 skæruliða bók-
stafstrúarmanna á fáum dög-
um, þar af 12 í árás á fylgsni
þeirra í Algeirsborg. 25 voru
síðan felldir í Sour el Ghozlane,
sem er eitt helsta vígi bókstafs-
trúar um 90 km suður af höfuð-
borginni. Þrír voru felldir ann-
ars staðar. Hefur stjórnarher-
inn hafið mikla sókn gegn
skæruliðum og er þeirra víða
leitað hús úr húsi. Þingkosning-
ar verða í Alsír 5. júní nk. og
hefur Liamine Zeroual, forseti
landsins, heitið að tryggja ör-
yggi kjósenda.
Herferð gegn
barnaklámi
STJÓRNVÖLD í Frakklandi
hafa hafíð herferð gegn barna-
klámi og misnotkun á börnum.
í fyrradag voru meira en 200
manns tekin til yfirheyrslu,
hald lagt á 4.000 klámspólur
og sérstök rannsókn er hafin á
málum 21 manns. í þeim hópi
eru meðal annars kennarar,
starfsmaður félagsmálastofn-
unar og forstöðumaður barna-
heimilis. Alain Juppe, forsætis-
ráðherra Frakklands, skoraði á
alla landa sína að taka höndum
saman gegn þessum viðbjóði,
sem misnotkun á börnum væri,
en atburðirnir í Belgíu eru ein
af ástæðunum fyrir þessari
herferð.
Nirmala í
stað Móður
Teresu
SYSTIR Nirmala, indversk
kona af hástéttarættum, hefur
verið kjörin til að taka við regl-
unni, sem Móðir Teresa stofn-
aði fyrir 49 árum. Var mikill
einhugur um hana og bað hún
systurnar um að biðja fyrir sér
í starfi sínu. Nirmala, sem þýð-
ir „hreinn" á sanskrít, er 63
ára að aldri, fædd inn í hind-
úska yfirstéttarfjölskyldu í Bi-
har. Hún er stjórnmálafræðing-
ur að mennt og las lög að auki
en 24 ára gömul snerist hún
til kristinnar trúar.
Tsjernobyl
að stöðvast
HUGSANLEGT er, að rekstri
Tsjernobyl-kjarnorkuversins
verði hætt í þessum mánuði en
þó ekki vegna ástandsins á
verinu sjálfu, heldur vegna
skulda. A það milljarða kr. í
útistandandi skuldum og hefur
ekki lengur fé til kaupa á elds-
neyti. Til þessa hefur verið
fengið eldsneyti frá Rússum í
skiptum fyrir kjarnaodda, sem
þangað voru sendir, en nú er
uppspretta þorrin.
Fríríkið Texas
stofnað í af-
skekktum kofa
HÓPUR vopnaðra manna hefur
lýst því yfír að Texas sé sjálfstætt
ríki og gert tilkall til allra eigna
ríkisins fyrir dómstólum. Höfuð-
paurinn, Richard McLaren, lýsir
sér sem sendiherra fríríkisins og
segir lífverði sína, sem hann kallar
„pappírshermenn", staðráðna í að
veija „sendiráðið" reyni „erlent
innrásarlið“ að handtaka þá og
bijóta uppreisnina á bak aftur.
McLaren er 43 ára og býr ásamt
tólf fylgismönnum sínum í kofa í
skógi á einum afskekktasta stað
Bandaríkjanna og þar hagnýta
þeir sér tölvutæknina til hins ýtr-
asta. Yfirvöld hafa gefið út tilskip-
un um handtöku hans en halda sig
í hæfilegri fjarlægð þar sem þau
óttast blóðsúthellingar verði henni
fylgt eftir.
McLaren segir að yfirvöld Texas
og bandaríska alríkisins komist
ekki hjá því að viðurkenna sjálf-
stæði ríkisins. Hann segist hafa
aflað sér 10.000 stuðningsmanna,
einkum með því að hagnýta sér
alnetið.
Erlend sambönd
byggð upp
„Þeir geta ekki sigrað okkur
nema með því að beita valdi og
geri þeir það snýst allur heimurinn
gegn þeim,“ segir McLaren. „Það
er vegna þess að við höfum varið
miklum tíma í að byggja upp er-
lend tengsl, gert allt það helsta sem
þarf til að gera lýðveldið Texas
að veruleika.“
Dómsmál valda
vandræðum
Þótt kofinn sé afskekktur og
hópurinn fámennur hefur honum
tekist að vekja athygli á baráttu
sinni út um allt Texas. Hópurinn
hefur gert tilkall til höfuðborgar
ríkisins, Austin, sent ríkisstjóran-
um, George W. Bush, fyrirmæli
um að hypja sig úr skrifstofu sinni
og gert kröfu til allra eigna ríkis-
ins fyrir dómstólum.
Bush fékk sig fullsaddan á vand-
ræðunum, sem öll þessi málaferli
voru farin að valda ríkinu, enda
geta þau torveldað sölu eigna.
Hann greip til þess ráðs í janúar
að lýsa yfir neyðarástandi, sem
gerði þingi Texas kleift að komast
hjá viðteknum starfsháttum og
setja strax lög sem banna slík
málaferli. Hann gerði það að beiðni
Dans Morales, æðsta lögfræðilega
embættismanns Texas, sem hópur-
inn lítur á sem erkifjanda sinn.
Innlimunin
sögð ólögleg
Morales fyrirskipaði hundruðum
starfsmanna í tveimur opinberum
byggingum nálægt þinghúsinu í
Austin að mæta ekki til vinnu 7.
janúar vegna sprengjuhótunar.
Þann dag höfðu fulltrúar „lýð-
veldisins Texas“ ætlað að rétta í
máli kjörinna embættismanna í
þinghúsinu, en Morales kom í veg
fyrir það. Hópurinn neitaði að hafa
hótað sprengjutilræðum.
Krafa McLarens og fylgis-
manna hans um sjálfstæði Texas
er byggð á mjög flókinni blöndu
af sögulegum gögnum og tilvísun-
um í þjóðarétt. Þeir halda því fram
að bandaríska þingið hafi innlimað
Texas í Bandaríkin með ólögleg-
um hætti árið 1845 og að íbúar
ríkisins þurfi að samþykkja inn-
limunina. Þeir krefjast þess að hún
verði borin undir þjóðaratkvæði
og þangað til segjast þeir ætla
að stjórna ríkinu. Þeir hafa því
komið á fót bráðabirgðastjórn,
vegabréfaskrifstofu og dómstól
sem dæmir í málum embættis-
manna ríkisins.
McLaren segir að enginn ætti
að vanmeta „lýðveldið Texas“.
Hann hefur sent Sameinuðu þjóð-
unum beiðni um að þær viðurkenni
Texas sem sjálfstætt ríki og sent
sérlegan sendimann sinn, lög-
manninn Karen Kosier, til ísraels
í von um að ísraelskir embættis-
menn vilji ræða við hann. „Israelar
þarfnast okkar,“ segir hann.
McLaren kveðst hvergi ætla að
hvika í baráttunni. „Ég fer aðeins
fram á sannleikann og réttinn til
að greiða atkvæði um hann. Hvað
hræðast þessir menn?“
I dagfögnum við merkum áfanga þegar
við opnum nýja deild með garðskála-
plöntum og viðkvæmari garðagróðri.
Nýi garðskálinn er með sjálfstæðri
hitastýringu sem tryggir ferskleika
og bestu hugsanlegu
söluaðstæður.
Fyrsta
tunglferðin
í 25 ár
Sunnyvale. Reuter.
BANDARÍSKA geimferðastofn-
unin (NASA) kynnti á miðviku-
dag „Tunglkönnuðinn", sem
ekki ber þó fyllilega nafn með
rentu, þar sem um er að ræða
ómannað geimfar sem ætlað er
að kanna hvort að vatn er á
tunglinu. Ef allar áætlanir
standast verður geimfarinu
skotið á loft í september og
verður þetta fyrsta ferð NASA
til tunglsins frá 1972, en þá var
farin sjötta og síðasta ferð
Apolló-geimfarsins til tunglsins.
Hér bendir Alan Binder, starfs-
maður Lochheed Martin-fyrir-
tækisins, sem smíðaði geimfarið,
á loftnet þess.
Geimfarið er ekki stórt, að-
eins um 1,35 m á hæð og vegur
um 300 kg þegar það er fullt
af eldsneyti. Það er hluti af
nýrri áætlun NASA þar sem lögð
er áhersla á ódýrar og tíðar
könnunarferðir út í geim.

fí'ÍKÚS V/V'S
^ 12 c
Qcirðókálaplimtiír luð rétl fiitaótity