Morgunblaðið - 18.01.1998, Síða 40

40 SUNNUDAGUR 18. JANÚAR 1998
MORGUNBLAÐIÐ
Ferdinand
Ég get eins vel sagt þér það Óttalegustu orð sem maður getur
núna ... látið út úr sér: ... „Ég get eins vel
sagt þér það núna“.

BREF
TIL BLAÐSINS
Kringlan 1 103 Reykjavík • Sími 569 1100 • Símbréf 569 1329
Besta bókin um
geimrannsóknir
í nærri fímmtíu ár
Frá Reyni Eyjólfssyni:
MANNAÐAR geimferðir til Mars
hafa verið lengi á döfínni en ekkert
orðið úr, aðallega vegna mikils
kostnaðar. Oftast hefur verið gert
ráð fyrir því að fyrst yi'ði byggð
geimstöð á braut umhverfis Jörðu
þar sem mikil og voldug Marsflaug
yrði sett saman. Áætlun frá um
1990 gerði ráð fyrir að þetta fyrir-
tæki myndi kosta um 450 milljarða
dollara.
í hittiðfyrra kom út bók í Banda-
ríkjunum sem heitir The Case for
Mars eftir geimflugs-verkfræðing
að nafni Robert Zubrin. Par er
gömlu áformunum lagt fyrir róða
en stungið upp á beinu flugi til
rauðu plánetunnar með gamal-
reyndum eldflaugum á borð við Sa-
turn V (USA) eða Energia-B
(Rússland). Kostnaður við þetta
yrði aðeins brot af fyrri áætlunum,
eða 20-30 milljarðar dollara.
Undirritaður hefur lesið mikið
magn rita um stjörnufræði/geim-
flug svo að segja frá blautu barns-
beini og leyfir sér að fullyrða að
bók Zubrins er besta alþýðlega
fræðiritið um geimrannsóknir síð-
an margfrægt verk Arthurs C. Cl-
arkes, The Exploration of Space,
kom út laust eftir 1950. Það er ekki
vanþörf á að mannkynið fari að fást
við ný og krefjandi verkefni til að
komast út úr þeirri stöðnun, sem
hefur orðið á síðari áratugum. Til
dæmis hefur mönnum harla lítið
miðað í áttina við að beisla kjama-
samruna eða lækna krabbamein sl.
30 ár. Þetta stafar fyrst og fremst
af miklu og sívaxandi skrifræði og
afskiptasemi stjórnvalda, sem
verkar eins og dauð hönd á alla ný-
sköpun og framþróun.
íslenskir áhugamenn geta stutt
við bakið á Zubrin með því að
kaupa bókina, t.d. af netinu
(http://www.amazon.com eða
http://www.magick.net/mars)
og/eða gerast áróðursmenn fyrir
geimrannsóknum með því að
ganga í National Space Society
(922 Pennsylvania Avenue SE,
Washington DC 20003, USA) eða
The Planetary Society (65 North
Catalina Ave., Pasadena CA
91106-2301, USÁ). Árgjöld eru um
40 dollarar.
REYNIR EYJÓLFSSON,
Eyrarholti 6, Hafnarfirði.
Er fríhafnarrekst-
urinn í takt við
jafnræðisreglur?
Frá Halldóri Jónssyni:
í SJÓNVARPINU á laugardags-
kvöldið voru landslýð boðuð þau
tíðindi, að nú gætu menn keypt sér
gleraugu án virðisaukaskatts og
tolla í nýrri gleraugnabúð á Kefla-
víkurflugvelli. Maður þarf bara
flugmiða og getur þar með sparað
sér tugþúsundir í verði gleraugna,
sem maður þarf annars að kaupa af
innlendum gleraugnasölum. Það
fylgdi ekki einu sinni sögunni hvort
maður þarf að leggja flugið til út-
landa á sig.
Auðvitað á maður svo að greiða
tollinn og vaskinn þegar maður
kemur inn í landið aftur með gler-
augun á nefinu. Og ef maður þarf
að láta þjónusta þau síðar, þá getur
maður hitt tollfría gleraugnasalann
annarsstaðar. - Jamm.
Þetta er mikil blessun fyrir
landslýð allan, sem er auðvitað
hundleiður á að borga þennan virð-
isaukaskatt. Já og okrið á brenni-
víninu, mar - Og tóbakinu, far-
símunum, græjunum, - ,jú neim
it“. Bara fara í flugstöðina, mar.
Get ég ekki fengið að setja upp
borð þama suðurfrá og fengið að
selja ferðamönnum steypu án vsk?
Þeir fá hana svo bara afhenta
héma heima síðar, þegar þeir
þurfa á henni að halda. Er ekki líka
pláss fyrir Jóa í Bónus og Stöð2
þama?
Þegar ég var strákur, þá var svo
mikil hátíð að fara til útlanda, að
maður setti á sig slifs og fór í spari-
fötin. Fékk svo „flugvélabensín „ í
vélinni og ódýrt að reykja. Þá vora
Islendingar menn, lasm.
Nú er ekkert fínt lengur að fara
til útlanda og liðið fer á gallabuxum
án tillits til sóma ættjarðarinnar.
En flugvélabensínhefðin, hún er
lífseig. Ennþá virðist okkur sjálf-
sagt, að sigldir menn fá að kaupa
sér tollfrítt brennivín og annan lúx-
us án greiðslu á vsk.
Skyldi þessi fríhafnarrekstur yf-
irleitt vera í takt við þessar jafn-
ræðisreglur sem pólitíkusamir era
að fjasa um við hátíðleg tækifæei.
En þeir eru ekki manna minnst á
ferðalögum til þess að bjarga heim-
inum eins og maður gat séð í ára-
mótaskaupinu.
Er ekki bara óþarfi að byggja
við flugstöðina ef við leggjum niður
þessa fríhafnarsýningu? Nú eða
opnum frísvæði fyrir alla? Best
væri áreiðanlega fyrir þjóðina, að
Island væri frísvæði án allra tolla
og neysluskatta, sem hvort sem er
stuðla bara að svindli og undan-
skotum. Ríkið getur sem best aflað
sinna tekna á ótal aðra vegu.
HALLDÓRJÓNSSON
verkfræðingur.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.