Morgunblaðið - 23.08.2000, Síða 28

28 MIÐVIKUDÁGUR 23. ÁGÚST 2000
LISTIR
MORGUNBLAÐIÐ
Hauganesundur, olía á striga, 1994, eftir Jóhannes Geir Jónsson er meðal verka á sýningunni í Gimli.
Sturlungamyndir í Gimli
í GIMLI í Kanada stendur yfír sýn-
ing á Sturlungamyndum Jóhannesar
Geirs listmálara. Sýningin er í boði
New Iceland Heritage Museum og
Listanefndarinnar í Gimli í samstarfí
við Listasafn ASÍ í Reykjavík.
Sýningin verður síðan flutt til
Winnipeg og mun verða opnuð í sýn-
ingarsal Winnipeg-háskóla þann 23.
október n.k.
Sýningin var upphaflega haldin á
Sauðárkróki 1994, en verkin á sýn-
ingunni eru máluð fyrir Sauðarkróks-
bæ handa Gagnfræðaskólanum þar.
Myndröð Jóhannesar Geirs, sem
samanstendur af um 30 myndum og
11 stórum olíumálverkum auk teikn-
inga og krítarmynda, fjallar um stór-
orrustur og aðra atburði í Skagafirði
frá 1208-1255 og er fylgt frásögnum
Sturlu Þórðarsonar í Islendingabók.
Forvitnilegir
munir og
ijarsjoðir
SÝNINGARGESTUR virðir hér
fyrir sér franska 19. aldar kjóla.
Kjóllinn til vinstri er kvöldkjóll frá
því um 1880, á meðan sá til vinstri
er frá því 1878 og var sá hinn sami
ætlaður til tedrykkju.
Kjólarnir eru hluti af sýningunni
„Forvitnilegir munir og fjársjóðir"
sem nú stendur yfír í Metropolitan
listasafninu í New York. Þeir eru úr
búningasafni listasafnsins, en á sýn-
ingunni er athygli gesta beint að
skartklæðnaði í gegnum aldirnar.
Þjóðleikhúsið
Sjálfstætt fólk
á EXPO 2000
Sýning Þjóðleikhússins
á Sjálfstæðu fólki er
-----------7------------------
framlag Islands til þjóð-
ardagsins á EXPO 2000
í Hannover 30. ágúst.
Þetta er jafnframt viða-
mesta leiksýning sem
farið hefur úr landi.
ALLAR þær þjóðir sem taka þátt í
heimssýningunni EXPO 2000 í
Hannover fá sinn sérstaka dag þar
sem kynnt er menning þjóðarinnar á
ýmsan máta. Islenski þjóðardagur-
inn er 30. ágúst og verður þá fjöl-
breytt dagskrá ýmissa listgreina.
Sýning Þjóðleikhússins á Sjálfstæðu
fólki eftir Halldór Laxnessvar valin
sem leiklistarframlag íslands og er
þetta viðamesta leiksýning sem
nokkru sinni hefur farið úr landi.
Leikgerð Kjartans Ragnarssonar og
Sigríðar Margrétar Guðmundsdótt-
ur á Sjálfstæðu fólki skiptir sem
kunnugt er verkinu í tvo hluta;
Bjartur - landnámsmaður Islands
og Ásta Sóllilja - lífsblómið eina.
Verða báðir hlutamir sýndir 30.
ágúst í Borgarleikhúsinu í Hanno-
ver, Niedersachsische Staatstheat-
er.
Hefur leikhúsáhugafólk á svæðinu
sýnt framlagi íslands mikinn áhuga
og forsala aðgöngnmiða gengið vel-
.Að sögn Guðrúnar Bachmann kynn-
ingarstjóra hefur verið ákveðið að í
tilefni af ferð Þjóðleikhússins til
Hannover verði nokkrar sýningar á
Sjálfstæðu fólki á Stóra sviði Þjóð-
leikhússins í haust. „Verkið var
frumsýnt í mars 1999 og gekk fyrir
fullu húsi allt til loka þess árs. Þá var
sýningum hætt fyrir fullu húsi svo nú
er tækifæri fyrir þá sem misstu af
Sjálfstæðu fólki að sjá þessa ein-
stöku sýningu. Aðeins verður um ör-
fáar sýningar að ræða, nokkrar
kvöldsýningar og örfáa „langa leik-
húsdaga þar sem báðir hlutarnir eru
sýndir á einum og sama deginum,"
að sögn Guðrúnar. Ingvar E. Sig-
urðsson fékk menningarverðlaun
DV 2000 í leiklist fyrir túlkun sína á
Bjarti og var sýningin í heild einnig
tilnefnd til verðlauna.
Aðrir leikendur eru Arnar Jóns-
son, Margrét Vilhjálmsdóttir, Stein-
unn Ólína Þorsteinsdóttir, Edda
Heiðrún Backman, Valdimar Örn
Flygenring, Edda Arnljótsdóttir,
Herdís Þorvaldsdóttir, Baldur
Trausti Hreinsson, Bergur Þór Ing-
ólfsson, Gunnar Eyjólfsson, Krist-
björg Kjeld, Magnús Ragnarsson,
Stefán Jónsson, Þór H. Tulinius og
Randver Þorláksson.
Atli Heimir Sveinsson samdi tónl-
ist við sýninguna og þrír hljóðfæra-
leikarar taka þátt í henni, þeir Guðni
Franzson, Tatu Kantomaa og Þórð-
ur Högnason. Lýsingu hannar Páll
Ragnarsson. Höfundur leikmyndar
er Axel Hallkell og höfundur bún-
inga Þórunn Elísabet Sveinsdóttir.
Höfundur sviðshreyfinga er Lára
Stefánsdóttir og leikstjóri Kjartan
Ragnarsson.
Nánari upplýsingar um sýning-
arnar er að finna á heimasíðu Þjóð-
leikhússins www.leikhusid.is
^-M-2000
Miðvikudagur 23. ágúst
Ingvar E. Sigurðsson og Margrét, Vilhjálmsdóttir í hlutverkum Bjarts
og Rósu í Sjálfstæðu fólki.
HÁSKÓLABÍÓ
Rauða plánetan - Alþjóðleg ráð-
stefna um rannsóknir á Mars
Á þessari alþjóðlegu ráóstefnu um
plánetuna Mars verður í dag farið í
skoðunarferð með þátttakendur að
Þingvöllum, norður fyrir Skjaldbreið
og Hlöðufell og aö Gullfossi og Geysi.
ththor@raunvis.hi.is
www.reykjavik2000.is - wap.olis.is.