Skírnir - 01.01.1890, Blaðsíða 11

FERT) STANLEYS í AFRÍKU 1887-89.
11
það kvöld og næsta dags morgun mætti jeg matarsveitinni
labbandi í hægðum. Jeg seinkaði þeim ekki, svo 26 tímum
eptir að jeg lagði af stað vorum vér að gína yfir sjóðandi
graut og banana-ávöxtum, kjöti í vellandi kötlum og pisang-
ávöxtum á glóðum».
.Mdrei hef jeg verið svo langt leiddur af hungri á Afríku-
ferðum mínum; af mönnum mínum létust 21 í þessu hræði-
lega rjóðri. Hinn 17. desember komum vér að Ihuru og
fórum yfir fljótið næsta dag, reikuðum stigleysu um skógana
og vorum svo hundheppnir, að rekast á Fort Bodo 20. desem-
ber. Setuliðið sat þar kyrrt, 51 voru eptir af 59, og Emin og
Jephson höfðu ekki gert vart við sig í þá 7 mánuði, sem jeg
hafði verið í burtu. Hinn 23. desember lögðum vér allir af
stað og gekk svo seint, af því vér urðum að bera hinn mikla
forða, sem var geymdur í virkinu, svo að vér komumst ekki á
hinn síðasta áfangastað vorn í skóglendinu við slcttuna fyr
en 9. janúar 1889. Jeg var orðinn svo hræddur um Emin
og Jephson, að jeg skildi Stairs eptir með allan farangurinn
að kalla og 124 menn á stað, þar sem gott var til matar, og
rauk af stað 11. janúar. Sléttubúar mundu orusturnar vetur-
inn 1887 og flykktust að oss og buðu oss skatta og matvæli.
Vór gengum í fóstbræðralag og vökvuðum oss blóð, gáfumst
á gjafir og vinguðumst. þeir reistu oss búðir og færðu oss
vatn, mat og eldivið hvar sem vér tjölduðum. jpeir nefndu
ekkert um hvíta menn við Albert Nyanza, svo jeg varð enn
hræddari um þá og enn meir hissa, þangað til 16. janúar.
þann dag komu sendimenn til mín með bréfaböggul. í hon-
um var eitt bréf frá Jephson, dagsett þrisvar með nokkurra
daga millibili, og tvö stutt bréf frá Emin. Ilvað jeg varð
hissa, þegar jeg las þau, get jeg ekki sagt; jeg set hér brot úr
þeim. Jephson ritar:
Dufflé, 7. nóvember 1888.
Jeg rita til að láta þig vit hvernig öllu líður og biðja þig
að vera var um þig. Hinn 18. ágúst var gerð uppreisn hér
og Kmin og jeg voru teknir höndum. Egypzkir foringjar og
skrifarar 5 eða 6 hófu hana og menn gengu í lið með þeim,
flestir af hræðslu; hermennirnir tókn engan þátt í henni, en
hlýddu foringjum sínum.............Tveir menn gengu mann
frá manni og sögðu þeim, að þú værir flökkumaður og kæmir