Fréttablaðið - 04.12.2001, Blaðsíða 2

KJÖRKASSINN
SNJÓRINN GÓÐUR
Snjórinn gerir fólkinu ekki
lífið leitt ef marka má
skoðanakönnun gærdags-
ins á Vísir.is. í flestum til-
fellum er hann gleðigjafi
fyrir fullorðna sem og börn,
nema kannski þegar moka
þarf bílinn út úr stæðinu á
köldum vetrarmorgni.
Cerir snjórinn þér lífið leitt?
Niðurstöður gærdagsins
á www.visir.is
31%
Spurning dagsins í dag:
Notar þú strætó?
Farðu inn á vísi.is og segðu
þína skoðun
Sveinn Hjörtur Hjartar-
son, hagfræðingur hjá
LIU um olíuverð:
300 milljónir
í sparnað á
hverja krónu
oiía Sveinn Hjörtur Hjartarson,
hagfræðingur hjá Landssambandi
íslenskra útvegsmanna, segir um
300 milljónir króna sparnað nást
að meðaltali fyrir hverja krónu-
lækkun á lítra
af skipagasolíu
og svartolíu.
Um töluverðan
sparnað sé því
að ræða fyrir
útgerðirnar
sem vissulega
séu jákvæð tíð-
indi. Hann seg-
ir allar forsend-
ur fyrir frekari
JÁKVÆÐ TÍÐINDI
Sveinn Hjörtur Hjart-
arson, hagfræðingur
hjá LÍÚ, segir lækkun lækkun á olíu
á eldsneytisverði já- sem helgist af
kvæð tiðmdí og að ástandi mála á
TSXr heimsmarkaðn-
um og minni
eftirspurn. Lítrinn af skipagasolíu
lækkaði 1. desember s.l. um 2 kr.
og kostar nú 25,95 kr.
„Á hinn bóginn erum við að
horfa á verulega lækkun á inn-
kaupsverði. Munurinn á inn-
kaupsverði og útsöluverði er bú-
inn að vera mjög mikill í ár og
meiri en verið hefur undanfarin
ár,“ segir Hjörtur, sem kann enga
skýringu á því aðra en að olíufé-
lögin séu að bæta sér upp gengis-
tap með skjótvirkari hætti. ■
SAMVINNUFERÐIR - LANDSYN
Reynt til þrautar að komast að
samkomulagi.
Gagntilboð skiptastjóra
SL:
Vilja funda
með Ragnari
SAMVINNUFERÐIR-LANDSÝN „Við urð-
um ásáttir um að sofa á þessu,“
sagði Andri Már Ingólfsson hjá
Heimsferðum þegar blaðið náði
tali af honum síðdegis í gær, um
það leyti sem gagntilboð Ragnars
H. Hall, skiptaráðanda þrotabús
Samvinnuferða - Landsýnar rann
út. Hann útilokaði þó ekki að
framhald yrði á aðkomu sinni og
Garðars K. Vilhjálmssonar hjá ís-
lenskum ævintýraferðum að mál-
inu, ekki væri enn loku fyrir það
skotið að þeir keyptu fyrirtækið.
Þeir félagar hafa sóst eftir fundi
með Ragnari fyrir hádegi í dag.
Andri vildi ekkert segja um inn-
hald gagntilboðsins eða hversu
mikið bæri á milli. ■
FRETTABLAÐIÐ
4. desember 2001 ÞRIÐJUDAGUR
Endurgreiddur ríkisstyrkur:
Dómstólaleiðin
líklega farin
mjólkurframleiðsla „Málinu hefur
verið vísað til meðferðar hjá land-
búnaðarráðherra en endar að öll-
um líkindum með því að við förum
dómstólaleiðina til að fá úr þessu
skorið," segir Ólafur Björnsson,
lögmaður, sem gengur réttar um
20 bænda af Suðurlandi sem krafð-
ir hafa verið um endurgreiðslu rík-
isstyrks vegna mjólkurfram-
Leiðslu. Bændurnir eiga það sam-
eiginlegt að hafa tekið þátt í því á
síðasta tímabili að kaupa mjólk af
nágrannabændum til að hafa upp í
greiðslumark, en slíkt hefur að
þeirra sögn tíðkast um árabil. Rík-
ið greiðir um helming hvers mjólk-
urlítra í samræmi við greiðslu-
mark.
í blaðinu hefur áður verið
greint frá nýlegu bréfi Bænda-
samtakanna til bænda á Suður-
landi þess efnis að ofgreiddur
styrkur til þeirra dreginn frá þeim
KÝR Á TÚNI
Landssamband kúabænda hefur tekið afstöðu gegn þeim bændum sem krefja á um end-
urgreiðslu ríkisstyrks.
á næsta tímabili. Ólafur staðhæfir
að ekkert sé í reglum sem banni
viðskipti bænda sín á milli með
mjólk og það muni reynast yfir-
völdum erfitt að koma í veg fyrir
þessa framkvæmd, líklegt sé að
hún verði áfram stunduð þrátt fyr-
ir viðleitni Bændasamtakanna. ■
ELDAR SLÖKKTIR
Palestínskir slökkviliðsmenn vinna bug á eldi sem kviknaði í íbúð skammt frá höfuðstöðvum Jassers Arafats I Gazaborg, eftir að Israelsmenn réðust á svæðið með flugskeytum.
Sharon lýsir yfír stríði
ísraelsher gerir árásir í hefndarskyni vegna sjálfsmorðsárása. Ríkisstjórn ísraels ræddi frekari
aðgerðir gegn hryðjuverkum. Sharon var nýkominn frá Bandaríkjunum, þar sem George W.
Bush lagði blessun sína yfir aðgerðirnar.
JERÚSALEM. GAZABORG. WASHINCTON
ap Ariel Sharon, forsætisráðherra
Israels, lýsti yfir stríði gegn
hryðjuverkum í sjónvarpsávarpi
sínu í gær. Hann sagði jafnframt
að Jasser Arafat, leiðtogi Palest-
ínumanna, bæri beina ábyrgð á
árásum á ísraelska borgara.
Sharon sagði að ísraelsmenn
myndu grípa til allra ráðstafana
sem tiltækar væru. Á ríkisstjórn-
arfundi að loknu sjónvarpsávarp-
inu samþykkti stjórnin margvís-
legar hefndaraðgerðir gegn
Palestínumönnum.
Sumar af þeim aðgerðum voru
þá þegar hafnar. ísraelskar F-16
herþotur gerðu í gær árás á
palestínska lögreglustöð í borg-
inni Jenín á Vesturbakkanum, og
ísraelsmenn skutu einnig í gær
a.m.k. tíu flugskeytum úr þyrlum
í áttina að höfuðstöðvum Jassers
Arafat í Gazaborg. Þá lést náinn
samstarfsmaður Arafats í spreng-
ingu á heimili sínu í Betlehem, og
sögðu Palestínumenn að ísraelsku
flugskeyti hefði verið skotið á
húsið.
Þessar árásir voru gerðar í
hefndarskyni vegna sjálfs-
morðsárása liðsmanna Hamas-
samtakanna, sem urðu 26 manns
að bana á sunnudaginn. Moussa
Abu Marzouk, leiðtogi Hamas,
sagði þessar sjálfsmorðsárásir
aftur á móti hafa verið gerðar í
hefndarskyni vegna þeirra Palest-
ínumanna sem ísraelsmenn hafi
drepið.
Israelsmönnum og Bandaríkja-
mönnum finnst Jasser Arafat og
Palestínustjórn hans ekki hafa
gert nóg til þess að koma í veg
fyrir hryðjuverk gegn ísrael, og í
gær lét hann að nokkru undan
þrýstingi þeirra.
Hann lét handtaka á annað
hundrað herskáa Palestínumenn í
kjölfar sjálfsmorðsárásanna og
lýsti yfir neyðarástandi. Þá var
Sheikh Ahmed Jassin, sem er and-
legur leiðtogi Hamas-samtak-
anna, sagður hafa verið settur í
stofufangelsi og honum bannað að
ræða við fréttamenn.
Hamas-samtökin standa fyrir
flestum sjálfsmorðsárásum á
hendur ísrael, og í gær komu um
þúsund Hamasliðar saman í Gaza-
borg meðan á jarðarför eins árás-
armannanna frá á sunnudag stóð.
Mannfjöldinn hótaði fleiri árásum
og krafðist þess að stjórn Palest-
ínumanna hætti að handtaka her-
skáa Palestínumenn.
Sharon kom til ísraels í gær-
morgun að lokinni stuttri heim-
sókn í Bandaríkjunum. Sharon
sagði við George W. Bush Banda-
ríkjaforseta að fsraelsmenn
myndu grípa til harðra ráðstafana
gegn hryðjuverkum, og Bush
gerði að sögn ísraelskra embætt-
ismanna engar athugasemdir við
það. ■
Meðstjómandi stefnir Verkalýðsfélagi Akraness:
Félagið hefur orðið af 10 milljónum í vaxtatekjum
PÓmsmál Vilhjálmur Birgisson,
meðstjórnandi í stjórn Verkalýðs-
félags Akraness, hefur stefnt fé-
laginu til að leggja fram ársreikn-
inga á árabilinu 1997 ‘99. Vil-
hjálmur segir bókhaldið hafa ver-
ið vanrækt til margra ára með
þeim hætti að ekki verði við unað.
Meðal annars hafi félagið orðið af
umtalsverðum vaxtatekjum
vegna þessa að háar fjárhæðir
voru látnar liggja á tékkareikn-
ingi með lítilli ávöxtun. Málið
verður þingfest fyrir Héraðsdómi
HERVAR
GUNNARSSON
Leitað er til dómstóla
svo bókhald Verka-
lýðsfélags Akraness
verði lagt fram.
Vesturlands í
dag.
„Eg benti á
það á aðalfundi
í fyrra að á
tékkareikningi
félagsins lægju
tæpar 16 millj-
ónir á 0,37%
ávöxtun og sér
hvert manns-
barn að það
gengur auðvit-
að ekki upp,“
segir Vilhjálmur. Hann segist
hafa skoðað bókhaldsbækur fé-
lagsins aftur til ársins 1994 sem
sýni að fjármunir þess hafi að
stórum hluta verið á tékkareikn-
ingnum. Vilhjálmur segir pening-
ana nú liggja á bundnum reikningi
samkvæmt tillögu frá honum þess
efnis á síðasta aðalfundi. Félagið
hafi hins vegar orðið af tæpum 10
milljónum króna í vaxtatekjur frá
árinu 1995. Hann nefnir einnig að
félagið eigi um 6 milljónir króna í
útistandandi skuldum hjá Sveina-
félagi málmiðnaðarmanna og
Verslunarmannafélagi Akraness í
tengslum við rekstur á vinnumiðl-
un sem félögin þrjú komu að.
Samkvæmt fyrningarlögum séu
skuldirnar fyrndar auk þess sem
ekki hafi verið haldið utan um
bókhaldið í tíu ár.
Ekki náðist í Hervar Gunnars-
son, formann Verkalýðsfélagsins
og vildi varaformaður ekki tjá sig
að öðru leyti en að búist yrði við
fjörugum aðalfundi félagsins sem
haldinn verður í kvöld. ■