Fréttablaðið - 04.12.2001, Blaðsíða 14

FÓTBOLTI
Hvernig fer Arsenal -
Juventus?
Arsenal er með sterkara lið en Juventus og
hafa veríð að spila vel undanfarið og vinna
2-1. Thierry Henry skorar allavega eitt mark
og líklega skorar Freddy Ljungberg hitt en
hann hefur verið spila feikilega vel undan-
farið. ■
Bjarni Felixson er íþróttafréttamaður hjá RÚV.
PAUL GASCOIGNE
Hefur komið víða við á ferli sínum s.s.
Tottenham, Glasgow og Lazio en er nú hjá
Everton.
Paul Gascoigne:
Gerir sér
vonir um
landsliðssæti
fótbolti Paul Gascoigne, miðvallar-
leikmaður Everton, segist enn vera
að gæla við þá hugmynd að vinna
sér sæti í enska landsliðshópnum
fyrir HM 2002. Gascoigne kom inn
á sem varamaður í seinni hálfleik
þegar Everton lagði Southampton
með tveimur mörkum gegn engu.
„Ég verð bara að halda áfram að
spila vel,“ var haft eftir hinum
þéttvaxna miðjumanni.
„Það væri mikill árangur ef ég
kæmist í hópinn en þótt ég komist
ekki mun ég hvetja Sven Göran
Eriksson [landsliðsþjálfara] og
strákana." ■
2001 ÁRGERÐIN
Ross Brawn, tæknilegur ráðgjafi Ferrari,
sagðist ekki hafa miklar áhyggjur þó 2002
árgerðin yrði ekki tilbúin fyrir fyrstu
keppnirnar á næsta ári, en timabiliði hefst
I Ástralíu 3. mars.
Ferrari:
Ovíst hvort
nýi bíllinn
verði tilbúinn
kappakstur Svo gæti farið að
Ferrari-liðið hefji nýtt keppnis-
tímabil í Formúlu 1 á 2001 ár-
gerðinni af Ferrari, eða sama bíl
og það notaði á síðasta keppnis-
tímabili. Nýi bíllinn, sem verið er
að hanna þessa dagana, verður
mikið breyttur en róttækasta
breytingin snýr að vélinni og gír-
kassanum, en stefnt er að því að
sameina þessar einingar í eina
heild.
Ross Brawn, tæknilegur ráð-
gjafi Ferrari, sagðist ekki hafa
miklar áhyggjur þó 2002 árgerðin
yrði ekki tilbúin fyrir fyrstu
keppnirnar á næsta ári, en tíma-
biliói hefst í Ástralíu 3. mars. Það
er líka kannski óþarfi fyrir hann
að hafa miklar áhyggjur því 2001
árgerðin tryggði Michael
Schumacher yfirburðarsigur í
Formúlu 1 í haust. ■
14
FRÉTTABLAÐIÐ
4. desember 2001 ÞRIÐJUDAGUR
David O'Leary:
Hafnaði 9 milljarða
boði í Ferdinand
fótbolti David O'Leary, stjóri
Leeds, segir að liðið hafi fengið 60
milljóna punda boð, sem samsvarar
um 9 milljörðum íslenskra króna, í
varnarmanninn sterka Rio Ferdin-
and. Ferdinand hefði þá orðið dýr-
asti leikmaður heims en hann hefur
átt frábæran leik í vörn Leeds á
tímabilinu og þrátt fyrir ungan ald-
ur hefur hann verið fastamaður í
landsliði Englands. Hann var keypt-
ur frá West Ham fyrir 18 milljónir
punda fyrir þetta tímabil.
OTeary, sem keypti Robbie
Fowler fyrir 11 milljónir punda í
síðustu viku, hefur orðið fyrir mik-
illi gagnrýni fyrir eyðslusemi en
hann er talinn hafa eytt um 100
milljónum punda á þeim þremur
árum sem hann hefur verið við
stjórnvölin á Ellan Road. Hann neit-
ar þó þessum sögusögnum.
„Allt tal um 100 milljónir punda
er bull. Ég hef aðeins eytt 60 millj-
ónum en ég hef þegar fengið álíka
boð í Rio Ferdinand.
„Þeir leikmenn sem ég hef keypt
eru heldur ekki að spila sitt síðasta
FLOTTUR
Rio Ferdinand hefur staðið sig vel með
Leeds og enska landsliðinu. Hann verður
að öllum líkindum í öftustu víglínu lands-
liðsins á HM á næsta ári.
tímabil og ég held að við getum náð
miklu meira úr þeim.“ ■
Enski boltinn:
Tottenham í
fjórða sætið
FÓTBOLTi Tottenham sigraði Guðna
Bergsson og félaga hans í Bolton
3-2 á heimavelli í gær og skaust
upp í fjórða sæti Úrvalsdeildar-
innar með 24 stig. Bolton er enn í
tíunda sæti.
Michael Ricketts kom Bolton
yfir á 8. mínútu og var staðan 1-0
í hálfleik. Á fyrstu þremur mínút-
um síðar hálfleiks komst Totten-
ham í 2-1 með mörkum frá Gusta-
vo Poyet og Les Ferdinand. Rod
Wallace jafnaði metin fyrir
Bolton á 55. mínútu, en Teddy
Sheringham tryggði Tottenham
sigurinn fimm mínútum fyrir
leikslok. ■
Real Madrid
einfaldlega
bestir
Fjórir leikir fara fram í Meistaradeild Evrópu í
kvöld. Real Madrid tekur á móti Panathinai-
kos en Vicente del Bosque segir að ekkert lið
hafi leikið betur en Real Madrid hafi gert und-
anfarið. Stórleikur verður á Highbury þegar
Arsenal tekur á móti Juventus.
fótbolti Vicente del Bosque,
framkvæmdastjóri Real Madrid,
telur að liðið sé að leika bestu
knattspyrnuna í Evrópu sem
stendur. í kvöld mætir Real Ma-
drid gríska liðinu Panathinaikos í
C-riðli og telja flestir að spænska
liðið sé mun sigurstranglegra,
enda sigraði það Sparta Prag 3-2
á útivelli í síðustu umferð.
„Það er ekkert lið, hvorki á
Spáni né í Evrópu, sem getur
leikið jafnvel og við höfum gert
undanfarið,“ sagði del Bosque.
„Við erum einfaldlega að leika
bestu knattspyrnuna þó við höf-
um ekki getað haldið uppi sama
hraða í gegnum heilan leik.“
Frammistaða Real Madrid í
Prag fyrir tveimur vikum þótti
um margt minna á liðið sem
sigraði Evrópukeppnina fimm ár
í röð á sjötta áratuginum þegar
Frenc Puskas og Alfredo di
Stefano voru upp á sitt besta.
Þrátt fyrir að hafa aðeins
sigrað í tveimur af síðustu átta
leikjum í ítölsku A-deildinni er
Juventus án efa eitt af þeim lið-
um sem ætti að geta velgt Real
Madrid eitthvað undir uggum í
keppninn. Juventus á hins vegar
mjög erfiðan leik fyrir höndum í
kvöld, því þeir þurfa að mæta
Arsenal á Highbury í D-riðli.
Arsenal hefur verið að leika
mjög vel undanfarið þó árangur
þess á útivöllum í Meistaradeild-
inni hafi verið hræðilegur, en
liðið tapaði 2-0 fyrir Deportivo
fyrir tveimur vikum. Juventus
sigraði hins vegar Bayer
Leverkuson 4-0 í síðustu viku og
hafa bæði Alessandro Del Piero
og David Trezeguet verið í
hörku formi í síðustu leikjum.
Á Highbury mun Trezeguet
mæta Thierry Henry, samherja
sínum í franska landsliðinu, en
hann lék einmitt með Juventus
um skeið.
„Henry náði sér aldrei á strik
með Juventus en ég veit að hann
hefur fundið sig veH Englandi,"
sagði Trezeguet. „Ég er mjög
ánægður fyrir hans hönd enda
erum við góðir vinir og spjöllum
oft saman. Hann er leikmaður
sem nýtur sín best þegar hann
fær gott pláss og það er auðveld-
ara í Englandi en á Ítalíu."
í hinum leiknum í D-riðli mætir
Leverkuson spænska liðinu
Deportivo á heimavelli. Deportivo
MORIENTES
Fernando Morientes, framherji Real Madrid, er loks farinn að skora aftur fyrir liðið, en
hann hafði verið i nokkurri lægð síðustu mánuði.
féll af toppi spænsku deildarinnar
um helgina þegar liðið tapaði fyrir
Espanyol. Búist er við að Javier
Irueta, framkvæmdastjóri
Deportivo, setji fyrirliðann Sergio
Gonzales á bekkinn, en hann átti
mjög slakan leik gegn Espanyol.
Þá er einnig búist við að varnar-
mennirnir Cesar Martin og Helder
Cristovao verði settir út úr liðinu.
í C-riðli mætast Porto og Pan-
athinaikos, en gríska liðið hefur
komið verulega á óvart í keppn-
inni og vann m.a. riðilinn sinn í
1. umferð keppninnar. ■
MEISTARAPEILP EVROPU
í KVÖLD
C-RIÐILL
Porto - Sparta Prag
Real Madrid - Panathinaikos
D-RIÐILL
Arsenal - Juventus
Leverkusen - Deportivo
Á MORGUN
A-RIDILL
Man. Utd. - Boavista
Nantes - B. Munchen
B-RIÐILL
Barcelona -Galatasaray
Roma - Liverpool
Ludmila Engquist:
Tveggja ára
keppnisbann
lyfjanotkun Frjálsíþróttakonan
Ludmila Engquist var í gær
dæmd í tveggja ára keppnisbann
eftir að hún féll á lyfjaprófi.
Sænska bobsleðasambandið hefur
útilokað hana frá keppni þar til 3.
desember 2003 eftir að leyfar af
sterum fundust í blóði hennar.
Engquist vann gullverðlaun í
100 metra grindahlaupi á Ólymp-
íuleikunum í Atlanta árið 1996 en
snéri sér nýlega að bobsleða-
keppni og ætlaði að verða fyrsta
konan til að vinna gullverðlaun á
sumar- og vetrarólympíuleikum.
Lyfjapróf sem var tekið af
henni eftir æfingu í Lillehammer,
þar sem Ólympíuleikarnir fóru
fram árið 1994, leiddi í ljós að hún
hefði neytt stera. Engquist viður-
kenndi notkun lyfsins, sagðist
hafa tekið fimm töflur en fleygt
afgangnum.
LUDMILA ENGQUIST
Sænska frjálsíþrótta- og bobsleðakonan
hefur verið dæmd í tveggja ára keppnis-
bann vegna steranotkunar.
Hún keypti töflurnar á ferða-
lagi um Rússland og sagðist hafa
gert það þar sem hún hataði nýju
íþróttagreinina en vildi ekki valda
samherjum sínum vonbrigðum.
Engquist fékk rúmlega 20 daga
frest til að áfrýja málinu til sæns-
ka íþróttasambandsins. ■
Gebrselassie í maraþon:
Fær 50 milljónir
fyrir nýtt heimsmet
FRJÁLSAR ÍÞRÓTTIR
Eþíópíumaðurinn
Ilaile Gebrselassie,
einn besti langhlaup-
ari allra tíma, mun í
apríl á næsta ári taka
þátt í sínu fyrsta
maraþonhlaupi. Hann
á heimsmetið í 5.000
og 10.000 metra hlaupi
og ef hann setur nýtt
heimsmeit í maraþon-
hlaupinu, sem fer
fram í London, fær
hann rúmar 50 millj-
ónir króna.
„Ég er ekkert að
hugsa um peningana,"
sagði hinn 28 ára gamli Gebr-
selassie. „Ég hugsa bara um það
að hlaupa. Þegar ég vakna á
morgnana hugsa ég
um að hlaupa. Ég æfi
tvisvar á viku og hleyp
að meðaltali um 30
kílómetra á dag. Núna
hleyp ég aðeins meira
eða um 35 kílómetra á
dag. Stundum hlusta
ég á vasadiskóið þegar
ég hleyp en oftast tala
ég bara við æfingafé-
laga mína.“
David Bedford,
einn af skipuleggjend-
um Lundúnarmara-
þonsins, sagðist vera
himinlifandi með að
hafa fengið Gebr-
selassie til að taka þátt. Hann
sagði að líklegu myndu allir veð-
mangararnir spá honum sigri. ■
EÞÍÓPÍUMAÐUR
„Ég er ekkert að hugsa um
peningana," sagði hinn 28
ára gamli Gebrselassie.