Dagur - 06.07.1999, Blaðsíða 5

FRÉTTIR
p o p t t t ti \ a fin ,n n unmfl - £•
ÞRIÐJUDAGUR 6. JÚLÍ 1999 - S
Byggðastofinm
lokar á Rauðsíðu
Það virðist ekki vera að birta tii hjá fiskvinnslufólkinu á Þingeyrí og Bíldudal.
Nái forráðameim
Rauða hersins á Vest-
fjörðum ekki uauða-
samningum fyrir 15.
júlí blasir gjaldþrot
við og „langir og erf-
iðir dagar bíða fólks á
Þingeyri og Bíldu-
dal,“ segir Kristinn
H. Gunnarsson al-
þingismaður. Byggða-
stofnun hefur neitað
Rauða hemum um
lán.
Rauði herinn á Vestfjörðum fær
ekki frekari fyrirgreiðslu hjá
Byggðastofnun. Þetta var ákveðið
í gær og segir formaður stjórnar
Byggðastofnunar að það hefði
verið ábyrgðarlaust að veita fyrir-
tækinu 150 milljóna króna að-
stoð af almannafé. Akvörðunin
er áfall fyrir atvinnulffíð á Þing-
eyri og Bíldudal.
Egill Jónsson, stjórnarformað-
ur Byggðastofnunar, segir of
mörgum spurningum ósvarað um
framtíðina varðandi umsókn fyr-
irtækisins um lán. Hann sagði
ólíklegt að fyrirtækið gæti í fram-
haldinu átt kost á að sækja um fé
úr lánasjóðum Byggðastofnunar.
Nú er aðeins vika þar til
greiðslustöðvun fyrirtækja Rauða
hersins á Vestíjörðum rennur út.
Sfðan greiðslustöðvunin fékkst
hafa forráðamenn fyrirtækisins
unnið hörðum höndum að því að
ná fram nauðasamningum. Krist-
inn H. Gunnarsson, þingmaður
Vestfirðinga og varaformaður
sjávarútvegsnefndar Alþingis,
segir að framtíð Þingeyrar og
Bíldudals ráðist mjög af því hvort
það tekst. Ef ekki, blasi gjaldþrot
við. „Fari fyrirtækið í gjaldþrot
sýnist mér að það séu langir og
erfíðir dagar framundan á báðum
stöðunum. Það virðist enginn til-
búinn að hefja atvinnurekstur á
þessum forsendum að nýju, þótt
margir séu tilbúnir til að dæma
fyrirtækin í gjaldþrot," segir
Kristinn H.
Allt mun dragast saman
Kristinn segir að gjaldþrot muni
verða til þess að íbúum á Þing-
eyri muni fækka verulega og allt
dragast saman á staðnum. „Eg sé
ekki að neinir aðilar séu tilbúnir
til að vera með atvinnurekstur í
sjávarútvegi á Þingeyri. Þeir sem
eiga kvóta halda fast um hann og
vilja ekkert láta af sínu til þess að
deila með Þingeyringum. Menn
voru aftur á móti fúsari að hirða
af þeim þann kvóta sem þeir eitt
sinn áttu,“ segir Kristinn.
Kostaði rimmu
Talað hefur verið um að Þingeyr-
ingar og Bílddælingar fái af hin-
um svo nefnda byggðakvóta, sem
er 1500 tonn og ætlaður til að-
stoðar verst settu byggðarlögun-
um. „Byggðakvótinn er nú eina
haldreipi Þingeyrar á þessari
stundu. Eg spyr hvað menn
hefðu ætlað að bjóða upp á ef
þeir hefðu ekki haft hann í Ijósi
þeirrar miklu baráttu sem við
áttum í við að ná honum inn í
löggjöfina í janúar sl. Þá lagði ég
til að lögð yrðu 5 þúsund tonn í
þetta en það náðust ekki nema
1500 lestir og kostaði rimmu,“
segir Kristinn H. Gunnarsson.
Greiðslustöðvun Rauða hers-
ins rennur út 13. júlí næstkom-
andi. - S.DÓr/bþ
Skammast
minekkert
Páll Pétursson:
Hissa á ummæl-
um framkvæmda-
stjóra Áfengis- og
vímuvarnarráðs.
„Ég varð satt að
segja verulega
hissa á þessum
skilningi, sem
framkvæmda-
stjóri Áfengis-
og vímuvarnar-
ráðs, lagði í
okkar aðgerðir.
Ég hélt að hún
mætti vera feg-
in hvaðan sem
gott kæmi. Ég
hef ekkert til
að skammast
mín fyrir og
vísa því algerlega til föðurhús-
anna að ég hafi farið út fyrir
valdsvið mitt eða gert eitthvað
sem ég þarf að biðjast afsökunar
á,“ segir Páll Pétursson, félags-
málaráðherra, aðspurður um
þau ummæli Þorgerðar Ragnars-
dóttur, hjá ÁVR, að nýlega boð-
aðar aðgerðir til að auka með-
ferðarúrræði hefðu ekki verið
bornar undir ráðið, þótt ráð sé
gert lyrir slíku í lögum.
Páll segir að samráð hafi verið
haft við Barnaverndarstofu og að
byggt hafí verið á tillögum sér-
stakrar nefndar „um vandamál
krakkanna og biðlistann á Stuðl-
um,“ sem í voru landlæknir, að-
stoðarmaður Páls og fulltrúi frá
dómsmálaráðuneytinu. Hann
segist ekki sjá eftir fé sem renni
til meðferðarstarfs Byrgisins.
„Byrgið stendur fyrir mjög mikil-
vægri starfsemi, sem léttir mjög
á ríkiskassanum. Það er engin
ástæða til að vera að hnýta í það
góða fólk sem leggur þetta á sig,
á sama tíma og ríkið er vanbúið
að takast á við þá skjólstæðinga
sem Byrgið skýtur skjólshúsi
yfir,“ segir Páll. - FÞG
„Miög ljót aðkoma“
Hrottaleg árás í húsi í
Vík þar sem eigin-
maður lagði ítrekað
til konu sinnar með
hnifi auk harsmíða.
Tvö höm vora á vett-
vangi en era talin
hafa sofið á meðan.
Reykvísk kona um þrítugt liggur
töluvert slösuð á Sjúkrahúsi
Reykjavíkur eftir að eiginmaður-
inn stakk hana ítrekað í andlit og
útlimi í húsi í Vík aðfaranótt
sunnudags. Tvö börn voru í bú-
staðnum með hjónunum og voru
þau í umsjá barnaverndarfull-
trúa fyrst um sinn eftir árásina
en eru nú komin til skyldmenna.
Lögreglunni í Vík barst til-
kynning frá Reykjavík á fimmta
tímanum aðfaranótt sunnudags
um að hugsanlega væri eitthvað
að í fyrrnefndu húsi. Þá hafði
árásarmaðurinn hringt til
Reykjavíkur en óljóst þótti hvað
væri að gerast í húsinu. Þar sem
lögreglan var stödd á ballvakt á
Kirkjubæjarklaustri um 70 km
frá Vík og enginn lögreglumaður
á staðnum, hringdi lögreglumað-
ur fyrst frá Klaustri og náði þá að
ræða við konuna. Lögreglan
lagði samstundis af stað og kom
skömmu síðar á staðinn ásamt
sjúkrabíl.
Ekkert gæsluvarðhald
„Aðkoman var mjög ljót. Við
fluttum konuna stra.x á Sjúkra-
hús Reykjavíkur með sjúkrabíl.
Maðurinn var handtekinn og
fluttur í fangageymslur á Sel-
fossi þar sem hann var yfirheyrð-
ur daginn eftir. Þau voru bæði
undir áhrifum," segir aðstoðar-
varðstjóri hjá lögreglunni í Vík. I
kjölfarið var barnaverndarfull-
trúi kallaður til en svo virðist
sem börnin hafi sofið á meðan
illdeilurnar stóðu sem hæst. í
kjölfarið voru aðstandendur
ræstir út sem náðu f börnin.
Maðurinn játaði brot sitt og er
málinu að mestu Iokið að sögn
lögreglunnar. Því þótti ekki
nauðsyn að fara fram á gæslu-
varðhald yfír gerandanum sem
er á fertugsaldri.
Sex stungur
Talið er að konan hafi verið
stungin fimm til sex sinnum. Þá
hafði hún orðið fyrir miklum
barsmíðum og reyndst m.a. nef-
brotin en missti aldrei meðvit-
und. Hnífurinn sem notaður var
kallast fyrirristuhnífur og er kúla
á enda hnífsblaðsins en ekki
oddur. Betur fór en á horfðist
skv. upplýsingum lögreglunnar í
Vík.
Maðurinn hefur aldrei komið
áður við sögu lögreglu og sam-
kvæmt heimildum Dags hafa
hjónin ekki komið við sögu
barnaverndaryfirvalda áður. - BÞ
Helga seld til Grænlands
Útgerð Geira Péturs ÞH, á
Húsavík, hefur fest kaup á nýjum
rækjutogara frá Grænlandi,
Luutivik, sem kemur í stað nú-
verandi Geira Péturs ÞH, sem
settur hefur verið á söluskrá.
Hann var keyptur frá Færeyjum.
Nýi togarinn er mun stærri en sá
eldri, 46 metrar að lengd og 11
metrar að breidd en sá eldri er
40 metrar á lengd og 8,5 metrar
á breidd. Frystigeta nýja skipsins
er um 70% meiri. Kvóti Geira
Péturs ÞH er 1.849 þorskígildis-
tonn.
Útgerð Luutivik, Polar
Seafood, hefur fest kaup á ís-
lenska rækjutogaranum, Helgu
RE, af Ármanni Ármannssyni en
skipið hefur aðallega stundað
rækjuveiðar á Flæmingjagrunni,
og er þar nú. Kvóti Helgu RE,
sem smíðuð var í Noregi 1996,
er 3.335 þorskígildistonn, en fyr-
irhugað er að endurnýja skipa-
kostinn þegar Helga RE hefur
verið afhent í haust. Ekki liggur
þó fyrir hvort keypt verður nýtt
skip eða eldra. - GG
Stórhækkun hjá strætó
Stjórn SVR hefur ákveðið að bregðast við 5%
farþegafækkun á árinu með 25% hækkun á
almennum fargjöldum strætisvagna frá nk.
fimmtudegi - nema á „Græna kortinu", sem
hækkar um tæp 15%. Staðgreitt unglingafar-
gjald fellur niður, sem í raun þýðir 150%
hækkun, en afsláttarfargjöld unglinga (20
miða kort á 1.000 kr.) verða óbreytt. Stjórn
SVR bendir á að gjaldskránni var síðast breytt
í október 1995, fyrir nærri fjórum árum síðan. En hún bendir ekki á
að síðan hefur vísitala neysluverðs einungis hækkað um tæp 8%.
Hún samþykkti því fargjaldahækkun sem er ríflega þrefalt/tvöfalt
meiri en vísitöluhækkanir frá síðustu gjaldskrárhækkun. - HEI
Stefan hættir hjá Kongsvinger
Norska úrvaldsdeildarliðið Kongsvinger sem Stefán Þórðarson og
Steinar Adolfsson leika með, hefur ákveðið að reka 5-8 af núverandi
leikmönnum Iiðsins, en Iiðinu hefur ekki gengið sem skyldi í deild-
inni. „Hreinsanirnar“ hófust síðan í gær og varð Stefán Þórðarson
fyrstur til að vera kvaddur á fund forráðamanna liðsins þar sem hon-
um var tilkynnt að þjónustu hans myndi ekki verða óskað áfram.
Stefán hefur sáralítið fengið að spreyta sig með liðinu upp á síðkast-
ið, en Kongsvinger keypti hann frá Brann í fyrra og gerði þá við hann
þriggja ára samning.
Embætti prests á Akureyri laust
Biskup íslands, hr. Karl Sigurbjörnsson, hefur auglýst laust til um-
sóknar embætti prests í Akureyrarprestakalli frá 1. september nk. Sr.
Svavar A. Jónsson, sem gegnt hefur því embætti frá því á árinu 1995
mun taka \ið embætti sóknarprests í Akureyrarprestakalli af sr. Birgi
Snæbjörnssyni sem lætur af störfum 1. september nk. Skipað er í
embættið til fimm ára.
Valnefnd velur prest samkvæmt starfsreglum um presta, en biskup
ákveður hvern hann skipar náist ekki samstaða í valnefnd. Flogið
hefur fyrir að ýmsir hafi áhuga á þessu embætti, en það verður ljóst
15. júlí nk. þegar umsóknarfrestur rennur út. - GG