Dagur - Tíminn Reykjavík - 15.01.1997, Blaðsíða 6
6 -Miðvikudagur 15. janúar 1997
|Dítgur-‘2Iferóm
FRÉTTIR
Smáþjóðaleikar
Hundruð hlaupa með
„ólympíu“eld umhverfis landið
Smáþjóðaleikar eru smátt nafn á risastóru verkefni, íþróttaleikum undir-einni-milljón þjóðum Evrópu. Júlíus Haf-
stein, formaður Ólympíunefndar íslands, er formaður framkvæmdanefndar Smáþjóðaleikanna. Hann segir þetta
skemmtilegasta verkefni sem hann hefur unnið að tii þessa. Mynd: Hilmar Þór.
Jón Birgir
Pétursson
skrifar
Smáþjóðaleikar íslands, An-
dorra, Lúxembúrgar, Mó-
nakó, Möltu, San Marino,
Liechtenstein og Kýpur eru eins
konar Ólympíuleikar hinna
fólksfáu landa Evrópu. Lönd í
Evrópu með minna en eina
milljón íbúa eiga kost á að taka
þátt. Stærri lönd hafa áhuga, til
dæmis írar. Greinilegt er að
leikamir draga dám af alvöru
Ólympíuleikum. Undir það tek-
ur Júlíus Hafstein, formaður
framkvæmdanefndar Smá-
þjóðaleikanna.
Meira að segja „ólympíueld-
ur“ verður tendraður á Laugar-
dalsvelli, eftir að hundruð
vaskra hlaupara hefur farið
með eldinn umhverfis landið í
boðhlaupi. Eftir Smáþjóðaleik-
ana verður hlaupið að nýju frá
Reykjavík tU Borgarness með
eldinn, og þar lifir hann áfram
á Landsmóti ungmennafélag-
anna.
„Þannig tengjum við saman
íþróttahreyfinguna í þéttbýli og
dreifbýli," sagði Júlíus Hafstein
í gær. Um 800 sjálfboðaliðar
víða að af landinu munu taka
þátt sem starfsmenn Smáþjóða-
leika, og nemar í Matvælaskól-
anum í Kópavogi munu annast
um kokkamennsku og þjónustu
við gestina.
Erfiðar síðustu krónur
Kostnaðurinn við að halda
Smáþjóðaleikana er 88 tU 90
milljónir króna. Júlíus Hafstein
sagði í gær að nefndin væri bú-
in að tryggja sér drjúgan hluta
þessa Qár, eða um 75 milljónir
lcróna. Talsverður hluti þess
kemur erlendis frá. „En síðustu
krónurnar eru alltaf erfiðastar,
og við það glímum við núna að
fá þær í kassann," sagði Júlíus í
samtah við Dag- Tímann.
„Þetta eru stærstu íþrótta-
leikar sem íslendingar hafa
ráðist í til þessa og það skiptir
höfuðmáli að vel takist til hjá
okkur um þessa framkvæmd,
og við erum ákveðin í að svo
verði,“ sagði Júlíus Hafstein,
formaður Ólympíunefndar og
forseti framkvæmdanefndar
Smáþjóðaleikanna, sem hefjast
í Reykjavík 4. júm næstkom-
andi.
Fjöldi íþróttamanna
og forysta Ólympíu-
hreyfingarinnar
Hingað til lands koma 1.100
keppendur frá átta smáþjóðum
Evrópu, auk aðstoðarfólks og
annarra gesta. Umfang þessara
leika er gífurlegt, og að fram-
kvæmdinni hefur unnið galvösk
sveit, 17 manna framkvæmda-
nefnd, sem hefur haft í mörg
horn að líta.
Það er ekld einungis að
gestafjöld frá öðrum löndum
gisti ísland dagana 3. til 7. júní
vegna Smáþjóðaleikanna. Hér á
landi verður haldinn stjórnar-
fundur heimssambands ólymp-
íunefnda í tengslum við leikana
og fer fundurinn fram 2. júm' í
Reykjavík.
„Þarna mæta fulltrúar allra
heimsálfanna sem sitja í heims-
stjóminni, fulltrúar 30 þjóða,
fimm frá hverri heimsálfu, und-
ir stjórn forseta Alþjóðaólymp-
íuhreyfingarinnar, Samaranch,
sem verður viðstaddur leikana.
Hér má reikna með að verði
staddir fulltrúar 40 til 50
ólympíunefnda úr veröldinni.
Og það er nokkuð sem ég full-
yrði að gerist ekki nema einu
sinni á íslandi. Þetta er stærsti
viðburður í sögu íslenskrar
íþróttahreyfingar,“ sagði Júlíus
Hafstein í gær.
Siglingar og
skotfimi á Islandi
Júlíus segir að opinberir aðilar
hafi tekið vel í aðstoð við verk-
efnið Smáþjóðaleika. Ríkis-
stjómin styrkir verkefnið með
20 milljón króna framlagi,
Reykjavíkurborg með 6 milljón-
um, Kópavogsbær styrkir verk-
efnið ennfremur, sem og
Reykjanesbær.
Fyrir forystulið Smáþjóða-
leikanna blasir við umfangs-
mikil keppni í 10 íþróttagrein-
um, - í tveim þeirra fer í fyrsta
skipti fram alþjóðleg keppni, í
siglingum og skotfími.
„A Heiði út með Höfnum er
verið að byggja upp myndar-
lega skotaðstöðu utanhúss,
hina fyrstu á íslandi. Keppt
verður með loftrifílum og loft-
byssum í íþróttahúsinu í Njarð-
vík,“ sagði Júlíus um þessa ný-
stárlegu keppnisgrein.
„Mér virðist að undirbún-
ingur standi nú þannig að öll
íþróttaaðstaða og mannvirki
séu í lagi. Það er margoft búið
að yfirfara þessa hluti af tækni-
stjóra okkar, Ara Bergmann.
Það hafa allir staðið sig vel í
þessum efnum. Þá er búið að
gera samninga við hótelin um
gistiaðstöðu og nokkur fyrirtæki
hafa gert samninga við okkur
vegna leikanna, til dæmis Bún-
aðarbankinn og VISA. Undir-
búningurinn hefur gengið vel,
en auðvitað er margt eftir. Með-
al kynningarstarfa má nefna að
við erum í sambandi við 150
fjölmiðla og fréttastofur í 20
löndum og kynnum Smáþjóða-
leikana og ísland. Það er sama
hvar við drepum niður fæti,
okkur hefur verið tekið frábær-
lega vel,“ sagði Júlíus Hafstein.
Áríðandi að
vel takist til
„Það er áríðandi að íslending-
um takist vel tU með fram-
kvæmdina. Auðvitað er það
mikið undir íþróttahreyfingunni
sjálfri komið hvernig til tekst.
Það verður horft á ísland af
stórum hluta íþróttaheimsins,
menn munu fylgjast með hvern-
ig okkur tekst tU. Verði þetta já-
kvætt þá munu forystumenn
ýmissa íþróttasamtaka segja
sem svo að það sé allt í lagi
með litla ísland, þeir geti þetta.
Þetta er þýðingarmikið fyrir
íþróttirnar, og einnig fyrir land
og þjóð,“ sagði Júlíus.
-Stefnum við á að halda
Ólympíuleika?
„Nei, þeir eru auðvitað of
stór framkvæmd fyrir okkur.
Stokkhólmur hefur sótt um
leikana 2004 og eru sterkt inni
í myndinni í hópi 12 stórborga,“
sagði Júlíus, „en það eru fleiri
stórmót en ÓlympíiUeikar og
einhverjir shkir viðburðir
kynnu í framtíðinni að koma
hingað tU lands, takist okkur
vel upp með Smáþjóðaleikana.“
Sundmenn synda úti
Sundmenn á íslandi gerðu tals-
vert múður út af slakri aðstöðu
til sundiðkunar. Þeir fóru fram
á byggingu yfirbyggðrar 50
metra sundlaugar fyrir Smá-
þjóðaleikana og sem framtíðar
keppnis- og æfingaaðstöðu. Þeir
töluðu fyrir daufum eyrum en
höfðu stór orð um að draga sig
til baka úr Smáþjóðaleikunum.
Það verður ekki, og sundmenn
munu synda í Laugardalslaug,
vonandi í góðu veðri, og tU sig-
urs!
„Sundíþróttin hefur gert
ákveðna kröfu um 50 metra
yfirbyggða laug. Það hallar
mjög á sundíþróttina varðandi
keppnisaðstöðu hér á landi. Op-
inberir aðilar voru ekki tilbúnir
að fara í þessa framkvæmd
núna, en eflaust mun verða
ráðist í hana síðar. Það er stað-
reynd að íslendingar hafa skar-
að fram úr á Smáþjóðaleikum í
sundinu. Það sýnir að sundfé-
lögin standa sig vel þrátt fyrir
aðstöðuleysi," sagði Júlíus
Engar HM-væntingar
um ferðamenn
HM í handbolta 1994 varð
mönnum til sárra vonbrigða.
Búist hafði verið við þúsundum
handboltafikla, sem síðan létu
ekki sjá sig. Eru væntingarnar
miklar nú hvað þetta varðar?
„Það verða engin vonbrigði
sem þessi núna. Við höfum sagt
allan tímann að það komi ekki
margir fylgifiskar með íþrótta-
fólkinu. En þarna eru stórir
hópar, 1.100 íþróttamenn, en
síðan vitum við um kannski
hundrað manns til viðbótar sem
koma með íþróttafólkinu. Þetta
mun standa. Við erum ekki með
nein yfirboð í þessum efnum.
Handknattleiksforystan féll í þá
gryflu að vera með of miklar
væntingar varðandi gesti á HM.
Ferðaþjónustan varð ekki vör
við þá gesti á hótelum og veit-
ingahúsmn. Þarna var yfirmat á
aðstæðum sem varast ber. En
að hér verði á annað þúsund
manns vegna leikanna er ár-
angur út af fyrir sig.
Enginn má
draga lappirnar
Júlíus sagði að lokum að fram-
kvæmdanefnd leikanna ynni vel
að því að skapa góða Smá-
þjóðaleika. Hann kvaðst vonast
til að öll íþróttahreyfingin, allir
íþróttamenn landsins, tækju
virkan þátt í að allt gengi upp,
enda mikið í húfi.
„Hér er um að ræða stærsta
íþróttaviðburð sem fram hefur
farið á íslandi. Þetta getur því
aðeins tekist ef öll íþróttahreyf-
ingin stendur saman að því að
gera leikana glæsilega. Ef ein-
hver er að draga lappirnar í
þessu máli þá er það ekki bara
óþægilegt fyrir Ólympíunefnd-
ina, heldur getur það skaðað
alla íþróttahreyfinguna. Þess
vegna vona ég að enginn af
þeim sem koma ekki beint að
framkvæmdinni sem slíkri láti
hjá líða að veita okkur styrk.
Við þurfum frið, stuðning og já-
kvæða umijöllum um þetta risa-
stóra verkefni,“ sagði Júlíus
Hafstein að lokum.
Keppnisgreinar á Smáþjóða-
leikum eru 10 talsins, Frjálsar
íþróttir, körfubolti, fimleikar,
júdó, borðtennis, siglingar,
skotfimi, sund, tennis og blak.
Aðrar íþróttagreinar sækja á og
vilja inn á leikana, meðal ann-
ars handknattleiksmenn þjóð-
anna og fulltrúar fleiri greina.
-JBP