Dagur - 06.10.1988, Blaðsíða 6
6 - DAGUR - 6. október 1988
Sjúkrahús Húsavíkur:
Ný setustofa fyrir aldraða
- tekin í notkun á hjúkrunardeild
Starfsfólk og vistmenn voru í sannkölluðu
hátíðarskapi er ný setustofa var tekin í notkun á
Sjúkrahúsi Húsavíkur fyrir skömmu. Setustofan er
á þriðju hæð hússins en þar er hjúkrunardeild fyrir
aldraða. Tilkoma hinnar nýju setustofu uppfyllir
brýna þörf vistmanna fyrir notalegan og vistlegan
stað á hæðinni, en eina setustofan fyrir
fólkið hefur verið á ganginum við stigauppgönguna
og matsalur fólksins er inni í miðju húsi
og gluggalaus.
Á hæðinni eru nú rúm fyrir 32
vistmenn en það var ein sjúkra-
stofan sem var innréttuð sem
setustofa. í stofunni eru sæti fyrir
22, auk þess sem rými er fyrir
hjólastóla. Húsgögnin sem keypt
voru í stofuna eru hönnuð sér-
staklega með þarfir aldraðra í
huga og stofan er björt, rúmgóð
og vistleg.
Geirþrúður Pálsdóttir, hjúkr-
unardeildarstjóri átti hugmynd-
ina að því að búa betur að vist-
mönnum á deildinni með því að
innrétta eina stofuna sem setu-
stofu. Eftir tveggja eða þriggja
ára umræður, umhugsun og
undirbúning hefur verið gefið
samþykki til breytinganna, inn-
réttingin hönnuð og setustofan
opnuð.
Félagasamtök hafa lagt hönd á
plóginn við húsgagnakaup og
búnað setustofunnar og þakkaði
Geirþrúður fulltrúum jjeirra í
ávarpi þegar stofan var tekin í
notkun. Þessi félagasamtök eru
Styrktarfélag aldraðra í Þingeyj-
arsýslu, ýmis kvenfélög í sýsl-
unni, Kiwanisklúbburinn Skjálf-
andi á Húsavík og Bahá’íar á
Húsavík. Gjafir til stofunnar bár-
ust einnig frá öðrum deildum
stofnunarinnar og einstaklingum.
Starfsfólkið á hæðinni hélt veg-
legt kaffisamsæti fyrir vistmenn
og gesti og gaf vinnu sína og ann-
að það sem til veislunnar þurfti.
Sr. Sighvatur Karlsson flutti
blessunarorö og Hulda Salóinons-
dóttir flutti ávarp fyrir hönd
starfsfólks. Einnig fluttu ávörp
þær Elín Aradóttir frá Styrktar-
félagi aldraðra og Aldís Friðriks-
dóttir, hjúkrunarforstjóri Sjúkra-
hússins. IM
Hulda Salómunsdóttir flytur þakkir
frá starfsfólki.
Sigurjón Jóhannesson og Elín Aradóttir frá Styrktarfélagi aldraðra.
Geirþrúður Pálsdóttir hjúkrunardeildarstjóri þakkar félögum framlögin til setustofunnar.
Geirþrúður Pálsdóttir ásamt einum heimilismanni.
Starfsfólk útbjó og gaf veitingar í tilefni dagsins. Myndir: IM