Dagur - 06.10.1988, Blaðsíða 13

6;' öktóbér' 1988 - DAGUR - f3

Fiskurinn tók eldinu misjafnlega, sérstaklega villifiskurinn. Þarna sést hvað hann hefur stækkað inismikið.
Dýhóll:
Býður til bleikjuveislu
á Hótel Blönduósi
Á síðastliðnum vordögum var
stofnað á Klönduósi hlutafé-
lagið Dýhóll hf. Markmið
félagsins var að gera tilraunir
með að aia bleikju í markaðs-
stærð. Komið var upp tveimur
eldiskerum og leitt að þeim
lindarvatn úr vatnsbólum sem
vatnsveita Blönduóss var hætt
að nýta sem neysluvatns-
brunna. Nú er fiskurinn kom-
inn í neyslustærð og fyrir
skömmu bauð Dýhóll ýmsum
velunnurum fyrirtækisins og
blaðamönnum til hádegisverð-
ar á Hótel Blönduósi þar sem
eldisbleikja var á borðum.
Það eru sex áhugamenn, Pétur
Brynjólfsson, Sturla Þórðarson,
Sigurður Kr. Jónsson, Sigurður
H. Þorsteinsson, Ágúst Sigurðs-
son og Þórður Pálsson sem eru
hluthafar í Dýhóli hf. Flestir eru
hluthafarnir þekktir veiðimenn,
en þó með ákveðnum undan-
tekningum.
Þetta mun fyrst hafa verið
kannað fyrir um ári og þá verið
unnið nokkuð af Pétri Brynjólfs-
syni og Unni Kristjánsdóttur,
iðnráðgjafa. Unnur var á þessum
tíma að vinna að sérstöku verk-
efni í sambandi við nýtingu veiði-
vatna og markaðsmöguleika á
því sviði. Sem kunnugt er, er
mjög löng hefð fyrir veiði í sil-
ungsvötnum í þessu héraði.
Gögn voru fengin úr nyrstu
héruðum Noregs þar sem bleikju-
eldi er stundað og einnig voru
kannaðar aðstæður hér heima
fyrir.
Þetta gæti verið mikilvægt
atriði. Ef um útflutning á villi-
bleikju væri að ræða gæti eldið á
eldisbleikju og fóstur á villi-
bleikju lengt markaðstímabilið.
Ekki fundust sérlega hentugar
aðstæður á þessu svæði sem mælt
gætu með því að hér yrði stundað
bleikjueldi en menn staðnæmd-
ust við Dýhól.
Kannað var hvort hægt væri að
nýta fóður úr rækjuúrgangi eða
öðru heimafengnu hráefni. í
samráði við doktor Tuma Tómas-
son, fiskifræðing, útibússtjóra
veiðimálastofnunar á Hólum í
Hjaltadal, var ákveðið að gera
tilraun með bleikjueldi, þá með
því að ná villifiski og og ala hann
með sama hætti og eldisfiskinn.
Kom það í hlut Dýhóls að kanna
hvort hægt væri að ala bleikjurn-
ar við orkulausar aðstæður
þ.e.a.s. í köldu lindarvatni.
Þegar til átti að taka voru
bleikjuseiði nánast ófáanleg á
landinu en þó fengust 2500 stykki
af 50 g seiðum hjá Hólalaxi og
voru þau keypt og sett í eldisker
þann 19. maí.
Þá var hafist handa við að ná
villibleikju sem sett var í annað
ker sem Dýhóll var þá búinn að
setja upp og tengja. Það gekk illa
að ná villibleikjunni og var fengin
sérfræðiaðstoð að sunnan en hún
skilaði mjög takmörkuðum ár-
angri. Villibleikjan var veidd á
þremur stöðum, í Friðmundar-
vatni á Auðkúluheiði, Svínavatni
og einu vatni í Langadal.
Margir hafa sýnt þessu fram-
taki verðskuldaðan áhuga og
m.a. hefur Mjólkurfélag Reykja-
víkur lagt til allt fóður fyrir
fiskinn.
Bæjaryfirvöld á Blönduósi
hafa greitt götu Dýhóls eftir því
sem hægt var og fiskifræðingar
hafa sýnt þessari tilraun veruleg-
an áhuga.
Nú hefur fiski verið slátrað og
var hann á borðum á Hótel
Blönduósi síðasta laugardaginn í
september. Fiskurinn sem á
borðum var, var 3-400 g og taldi
hótelstjórinn það mjög hag-
kvæma stærð til neyslu á matsölu-
stöðum. Flakanýtingin var að
sögn hans ótrúlega góð, eða lið-
lega 50% sem mun teljast mjög
gott.
Kynnt var fyrir boðsgestum
hvernig starfsemi Dýhóls hefði
gengið og lögð voru fram sýnis-
horn af fiski sem sýndu að villi-
bleikjan hafði tekið eldinu mis-
jafnlega. Skásta útkoman varð á
þeirri bleikju sem náðist í upp-
hafi, áður en vötnin fóru að hlýna
og sýndu bestu einstaklingarnir
svipaða svörun við eldinu og
eldisbleikjan.
Vanhöld hafa engin verið á
eldisbleikjunni og lítil á hinni,
þótt hún hafi tekið fóðri misvel.
Fyrirtækið á nú nokkur hundruð
kíló af eldisfiski sem er tilbúinn
til neyslu ef áhugi er fyrir hendi.
Þrátt fyrir að Dýhóll hafi ekki
skilað neinum arði til þessa ríkti
mjög góð stemmning á matar-
fundinum og hluthafarnir titluðu
hver annan með virðulegum
nöfnum eins og framkvæmda-
stjóra og formann og þess háttar.
Fram kom að þetta hefur fram að
þessu líkst góðum veiðitúr með
tilheyrandi kostnaði sem hefur
skilað litlu öðru en mikilli ánægju
af því að standa í þessu.
Áuðheyrt var að hluthafarnir
voru ekki komnir að því að
leggja árar í bát en þess í stað
virtust þeir ákveðnir í að halda
starfinu áfram og reyna að finna
leiðir til að gera starfsemina arð-
bæra.
Bleikjan bragðaðist mjög vel
en nokkur blæbrigðamunur var á
lit fisksins eftir því hvort um var
að ræða eldis- eða villifisk. Eldis-
fiskurinn var mjög vel rauður en
villifiskurinn var nokkuð misjafn-
ari að því leyti.
Um 20 manns voru í matar-
boðinu og voru allir sammála um
að fiskurinn hefði bragðast mjög
vel og einnig fóru allir út fróðari
um það sem er að gerast hjá
Dýhóli og að hverju þeir félagar
stefna. fh
Þingeyjarsýslur:
Aðalgeir
hættir
Húsvfkingar - Þingeyingar. Hinn
1. okt. sl. hætti ég flutninga-
starfsemi minni en nýtt fyrirtæki,
Aðalgeir Sigurgeirsson hf. tók við
starfseminni. Um leið og ég
þakka ánægjuleg viðskipti í 32 ár,
vona ég að nýja fyrirtækjð njóti
áfram viðskipta ykkar. Lifið heil.
Aðalgeir Sigurgeirsson.
(Fréttatilkynning.)
Tökum slysin
úrumferð
- JC-félögin selja möppur
undir tjónaskýrslur
Er tjónaskýrslan krumpuð í
hanskahólfinu? Er til penni í
bílnum? Er eitthvað sem hægt er
að skrifa á ef óhapp verður?
Sé svarið við einhverri þessari
spurningu já, er þörf fyrir möpp-
urnar undir tjónaskýrslur sem
JC-félögin á Norðurlandi eru
með til sölu. Þessar möppur eru
litlar og handhægar, passa akkúrat
undir tjónaskýrslurnar, þeim
fylgir penni og þær eru nógu stíf-
ar til að hægt sé að skrifa á þeim.
Sölubörn ganga í hús á laugar-
daginn 8. október nk. og vikuna
þar á eftir og bjóða fólki möpp-
urnar, en hvert eintak kostar 300
kr. Þar sem fólki ber skylda til að
vera með tjónaskýrslur í bílnum,
ætti mappan að vera kærkomin
lausn á geymsluvanda þeirra, því
eins og allt of oft hefur viljað
brenna við, eru þær krumpaðar
og óhrjálegar þegar til á að taka.
Utan á möppunum eru síma-
númer lögreglu, sjúkrabíls og
læknavaktar um land allt, en á
framhliöinni eru menn hvattir til
að taka slysin úr umferð. Eða
eins og einn af hönnuðum ntöpp-
unnar orðaði það: Megi allir
bíleigendur í landinu eignast
svona möppu og geyma síðan
tjónaskýrsluna sína í henni,
slétta og fallega, um ókomna
framtíð.
Mappan er úr stinnu plasti og því
auðvelt að skrifa á henni. Mynd: gb
Rafmar hf. er flutt
að Draupnisgötu 7
Sími 27410.
Körfubolti
Æfingatímar
veturinn 1988-89
Meistaraflokkur
Mánudaga
Miövikudaga
Fimmtudaga
Föstudaga
3. flokkur
Miövikudaga
Fimmtudaga
Sunnudaga
4. flokkur
Þriðjudaga
Fimmtudaga
Sunnudaga
Minni bolti
Þriöjudaga
Sunnudaga
Þessi æfingatafla verður í gildi í vetur
kl. 20.30-22.00 Skemman
kl. 19.00-20.30 Skemman
kl. 19.00-20.30 Höll
kl. 18.00-19.00 Skemman
kl. 18.00-19.00 Glerárskóli
kl. 22.00-23.00 Glerárskóli
kl. 15.00-16.15 Glerárskóli
kl. 20.00-21 .OO Glerárskóli
kl. 21 .00-22.00 Glerárskóli
kl. 13.45-15.00 Glerárskóli
kl. 17.00-18.00 Glerárskóli
kl. 12.30-13.45 Glerárskóli
it
Eiginmaður minn,
KJARTAN EIÐSSON,
Höfðahlíð 13,
verður jarðsunginn frá Akureyrarkirkju föstudaginn 7. október
kl. 16.00.
Björg Steingrímsdóttir
og börn.
Aðalheiður Jónsdóttir
og systkini hins látna.