Dagur - 12.05.1990, Blaðsíða 17

Laugardagur 12. maí 1990 - DAGUR - 17
efst í hugo
Þingmenn! Látið
byggðasjónarmið ráða
Þaö sem mér er efst í huga núna er hin
mikla umræða um atvinnumál, sem farið
hefur fram á Akureyri undanfarið og þá
sérstaklega um álver við Eyjafjörð. Ég
verð að viðurkenna að ég man ekki eftir
annarri eins svartsýni og nú er ríkjandi
hér í bæ í atvinnumálum. Þetta á sér-
staklega við þegar maður talar við vini
og kunningja, sem margir eru iðnaðar-
menn, verkamenn eða atvinnurekendur.
Minna ber á svartsýninni hjá starfs-
mönnum ríkis og bæjar, sem er ekki
óeðlilegt, því þeir telja sig nokkuð
örugga með sína vinnu.
Þegar maður hugleiðir af hverju
umræðan snýst að miklu leyti um það
hvort álver verði byggt við Eyjafjörð eða
á Faxaflóasvæðinu, liggur svarið í aug-
um upþi. Stjórnvöld hafa tekið um það
pólitíska ákvörðun að álver rísi á íslandi
og mikill meirihluti þingmanna styður þá
ákvörðun. Einn þingflokkur er þó á móti
stóriðju en það eru þingmenn Kvenna-
listans. Þá er Stefán Valgeirsson einnig
á móti. Alþýðubandalagsmenn hengja
haus eins og vanalega þegar minnst er á
stóriðju og vitna í flokkssamþykktir um
eignaraðild (slendinga o.s.frv., en eru
ekki alfarið á móti álveri.
Það liggur Ijóst fyrir af hverju stjórn-
völd leggja svo mikla áherslu á stóriðju
nú. Aðalatvinnuvegir íslendinga búa við
samdrátt og kvóta, bæði sjávarútvegur
og landbúnaður, og ekkí er fyrirsjáanleg
nein breytinga á því á næstunni. Það
þarf því að renna fleiri stoðum undir
atvinnulífið ef okkur á að takast að við-
halda því velferðarkerfi, sem við búum
nú við.
Það er við þessar aðstæður sem við
ræöum um staðsetningu álvers. Bygging
álvers og virkjana er stærsta fram-
kvæmd, sem ráðist hefur verið í á ís-
landi og slagar hátt upp í fjárlög íslend-
inga á ejnu ári. Af því framkvæmdin er
svona stór, skiptir mjög miklu máli hvar
álverið verður reist. Svo stór fram-
kvæmd getur hæglega valdið stórkost-
legri byggðaröskun en áður hefur þekkst
hér á landi.
Það er því fullkomlega eðlilegt að fólk
á Akureyri og í Eyjafirði óttist um sinn
hag og krefjist þess að ríkisvaldið og
raunar allir þingmenn, sem eru fylgjandi
þessari stórframkvæmd, láti byggða-
sjónarmið ráða. Svavar Ottesen
Útgáfa tímaritsins New Scandinavian Technology:
Tækifæri til að afla
sambanda í Evrópu
Nýlega hófst útgáfa á tímaritinu
New Scandinavian Technology.
Því er ætlað að vera vettvangur
fyrirtækja, rannsóknaraðila og
annara aðila á Norðurlöndunum
sem vilja tækninýjungar og vörur
sem er árangur af rannsókna- og
þróunarvinnu. Blaðinu er fyrst
og fremst dreift á megilandi
Evrópu en í minna mæli til ann-
arra heimsálfa.
Útgefendur eru tæknistofnanir
á öllum Norðurlöndunum auk
Norræna Iðnaðarsjóðsins. Full-
trúi íslands í útgáfunefnd er Emil
B. Karlsson, kynningarstjóri Iðn-
tæknistofnunar. Tilgangurinn
nteð útgáfunni er að kynna sam-
eiginlega þær nýjungar á sviði
rannsókna og vöruþróunar sem
fram koma á Norðurlöndunum,
gagnvart sameiginlegum markaði
Evrópubandalagsins. Blaðinu er
einnig beint á aðra markaði en þó
ekki í eins ríkum mæli og til
Evrópu.
Fyrirtæki og aðilar sem eiga
erindi í blaðið eru einkum þeir
sem óska eftir samböndum setn
gætu leitt til samstarfs, sölu á
einkaleyfi eða umboðs erlendis.
Enginn kostnaður fylgir því að fá
umfjöllun í blaðinu en útgáfu-
nefnd tekur ákvarðanir um efni
hvers blaðs. Allir sem telja sig
eiga erindi með efni í blaðið eru
hvattir til að koma því á framfæri
við Emil B. Karlsson. Enn sem
komið er eru engar auglýsingar í
blaðinu en áætlað er að síðar
meir verði blaðið að einhverju
leyti fjármagnað með auglýsinga-
tekjum.
Margar fyrirspurnir
hafa borist
Tvö tölublöð hafa nú þegar kom-
ið út, hvert í 30.000 eintökum.
Upplag blaðsins fer vaxandi og
verður 50.000 eftir tvö ár. Blaðið
er sent endurgjaldslaust til sér-
staklega valins hóps aðila auk
þeirra sem óska eftir áskrift.
Mjög markvisst er unnið að því
að finna viðtakendur að blaðinu.
M.a. var fenginn áskrifendalisti
af sambærilegu blaði, listar með
sérstökum ntarkhópum eru
keyptir auk þess sem blaðið er lát-
ið liggja frammi á viðeigandi sýn-
ingum í Evrópu þar sem hægt er
að gerast áskrifandi. Enda hafa
viðbrögðin ekki látið á sér standa
og hafa fyrirspurnir um vörur og
verkefni, sem blaðið hefur tekið
til umfjöllunar, farið fram úr
björtustu vonum. í síðasta blaði
var Sjávarnasl, sem Fiskmar hf.
framleiðir, kynnt. Meðal fyrir-
spurna sem bárust kom ein frá
Japan þar sem óskað er eftir gerð
kaupsamnings hið fyrsta.
Blaðið er skrifað á ensku, á
málfari sem auðvelt er að skilja.
Það er prentað í lit og allt hið
vandaðasta í útliti.
Álver við Eyja^örð:
Almennur fundur í Sjall-
anum á þriðjudagskvöld
Iðnþróunarfélag Eyjafjarðar
og álviðræðunefnd sveitarfé-
laga við Eyjafjörð boðar
Akureyringa og aðra Eyfirð-
inga til almenns fundar í Sjall-
anum á Akureyri nk. þriðju-
dagskvöld, 15. maí, kl. 20.30.
Fundarefnið er álver við
Eyjafjörð.
A fundinum verða flutt þrjú
framsöguerindi. Andrés Svan-
björnsson, yfirverkfræðingur
markaðsskrifstofu iðnaðarráðu-
neytisins og Landsvirkjunar, flyt-
ur erindi urn umhverfisáhrif
álvers. Þóra Hjaltadóttir, for-
maður Alþýðusambands Norður-
lands, fjallar um atvinnuleg og
félagsleg áhrif álvers og Sigurður
P. Sigmundsson, framkvæmda-
stjóri Iðnþróunarfélags Eyja-
fjarðar, flytur erindi sem hann
nefnir „Álver á íslandi - Mögu-
leikar Eyfirðinga".
Búist er við að fundurinn verði
mjög fjölmennur, enda óhætt að
fullyrða að fyrirhuguð bygging
nýs álvers á íslandi sé mál mál-
anna á Eyjafjarðarsvæðinu um
þessar mundir og stutt í að
ákvörðun um staðarval slíks iðju-
vers verði tekin.
Fundarstjóri verður Jón Arn-
þórsson.
SUMARBÚÐIR
LAUGUM f REYKJADAL
27. maí-2. júní 12 ára og eldri
3. júní-9. júní 8-11 ára
ÍÞRÓTTIR ★ LEIKIR ★ FÉLAGSMÁL ★ ÚTIVIST
Innritun og upplýsingar:
Freydís Anna .. 43134
Anna Rúna ..... 41271-41333
Gunnar ........ 43107-43116
Heslamenn
Akureyri - Eyjafirði
Hinn kunni reiðkennari Eyjólfur ísólfsson mun
halda reiðnámskeið á Akureyri dagana frá 16.-
24. maí.
Þeir sem hafa áhuga á að taka þátt í námskeiðinu
mæti til skráningar í Skeifuna miðvikud. 16. maí kl.
20.00.
íþróttadeild Léttis.
BRIDGE • BRIDGE
Opið kvöld
Opið þriðjudaginn 15. maí, spilamennskan hefst
Iþróttakennarar!
Vegna forfalla vantar íþróttakennara við Hrafna-
gilsskóla frá 1. sept. 1990 til 1. feb. 1991.
Nýtt og glæsilegt íþróttahús.
Upplýsingar veitir Sigurður Aðalgeirsson, skólastjóri
í síma 96-31137 eða 96-31230.
Bifreiðastöð Norðurlands hf. vill gjarnan
koma efri tveim hæðum hússins, Hafnar-
stræti 82, í notkun.
Ekki er ráðgert að selja hæðirnar, en langtíma leiga er
æskileg. Hæðirnar eru til ráðstöfunar í einu lagi eða
í hlutum. Á það skal bent að húsnæðið þarfnast endur-
bóta. Hvor hæð er um 200 m2.
Áhugasamir aðilar hafi samband við Gunnar M. Guð-
mundsson, stjórnarformann, í síma 23510 eða sendi
tillögur til Bifreiðastöðvarinnar, Hafnarstræti 82, 600
Akureyri.