Dagur - 23.06.1993, Blaðsíða 3
Miðvikudagur 23. júní 1993 - DAGUR - 3
Fréttir
Frá ársþingi Rotaryumdæmisins á laugardag.
Ársþing og formót Rotary
-á Sauðárkróki um síðustu helgi
Ársþing og formót Rotaryum-
dæmisins á Islandi var haldið á
Sauðárkróki sl. föstudag og
iaugardag. Um 230 manns voru
á ársþinginu þegar mest var og
var þingið haldið í íþróttahús-
inu. Áð mati Gests Þorsteinsson-
ar fyrrv. umdæmisstjóra Rotary
sýndi þetta og sannaði að Sauð-
árkrókur hentar vel sem ráð-
stefnu- og fundastaður.
Rotaryklúbbur Sauðárkróks
undirbjó þingió. Klúbburinn hefur
nýlega, auk þessa undirbúnings,
staöiö fyrir útgáfu upplýsingabæk-
lings um Sauöárkrók, Króksbók. I
henni er að finna ágrip af sögu
bæjarins og ýmsar aðrar upplýs-
ingar. Einnig eru kort af bænum,
annars vegar götu- og húsheita-
kort og hins vegar kort af gamla
bænum með upplýsingum um
húsin.
Rotaryþingið var haldið í sal
íþróttahússins, en fundir vinnu-
hópa og kvenna í Inner Wheel
voru í húsnæði Gagnfræðaskól-
ans. Þegar mest var sóttu 230
manns ársþingið og rúmuðust
auóveldlega í sal íþróttahússins,
sem Rotaryfélagar höfðu skreytt
listilega. Þetta sannar að bærinn er
vel í stakk búinn aó taka á móti
ráðstefnum, að mati Gests Þor-
steinssonar. Hann sagði salinn
henta vel sem fundarsal og nægt
gistirými væri í Hótel Áningu.
Fundapláss ykist enn og batnaði
með tilkomu bóknámshúss FNV.
Á föstudaginn var haldið svo-
kallað formót, en þar fór fram
fræósla fyrir verðandi embættis-
menn í umdæminu, þ.e. forseta og
ritara í klúbbunum. Klúbbarnir á
landinu cru 25 talsins, þannig að
50 verðandi embættismenn fengu
fræðslu á formótinu. Ágúst Guð-
mundsson tckur við starfi forseta
Rotaryklúbbs Sauðárkróks af
Reyni Barðdal, en Kristján Arason
verður ritari. Gestur Þorsteinsson
Iætur nú af starfi umdæmisstjóra
og við tekur Jón Hákon Magnús-
son.
Farin var skoðunarferð um
Skagafjöró á föstudag og fóru 70
manns í hana. Á laugardag var
síðan sjálft umdæmisþingið, scm
er það 47. í röðinni. Aö lokinni
þingsctningu hélt Ab Boers full-
trúi forseta Rotary International
ræðu. Ymsir aðilar iluttu ávörp og
ræður og ýmis mál voru afgreidd.
Jafnframt var haldið ársþing Inner
Wheel, sem í eru eiginkonur Rot-
arymanna. Aó loknu þingi var
helgistund í Sauðárkrókskirkju og
að lokum hátíðarkvöldvcrður. Þar
voru veitt verðlaun úr Starfs-
greinasjóði Rotary og hlaut
Sveinn Guðmundsson hrossarækt-
andi á Sauðárkróki þau. sþ
Gunnar Sæmundsson í Hrútatungu:
Verulegur samdráttur í sölu
sauðflárafurða á þessu ári
- ef við hættum að framleiða landbúnaðarvörur
hættum við að vera sjálfstæð þjóð
„Að niínu inati horfir það illa
nieð sölu á kindakjöti á þessu
verðlagsári að gera verður ráð
fyrir verulegum samdrætti á
greiðslumarki fyrir næsta verð-
lagsár,“ sagði Gunnar Sæ-
mundsson, bóndi í Hrútatungu
og formaður Búnaðarsambands
Vestur-Húnvetninga, á fundi
um stöðu og framtíðarhorfur í
íslenskri sauðfjárrækt á
Hvammstanga.
Gunnar rakti nokkuð þróun
landbúnaðarmála og byggðar í
Vestur-Húnavatnssýslu á undan-
förnum árum með tilliti til sam-
dráttar í hefðbundnum greinum
landbúnaðar og þá einkum sauð-
fjárræktinni. Lagði hann fram töl-
ur máli sínu til stuðnings og sagði
aó stór hluti búa væri þegar kom-
inn undir þau mörk sem svonefnt
vísitölubú væri miðaó við. Við
óbreyttar aðstæður og
áframhaldandi samdrátt mætti
gera ráð fyrir að fleiri og fleiri bú
felli niður fyrir þau mörk. Þá
myndi bændum óhjákvæmilega
fara fækkandi. Gunnar sagði að ef
engar breytingar yrðu á sölu á
kindakjöti þá mánuði sem eftir
væruaf verðlagsárinu yrði að gera
ráð fyrir allt að 10% skerðingu
greiðslumarks sauðfjárafurða.
Gunnar kvaðst einnig spá því að
sala á sauðfjárafuróum myndi
dragast saman um allt að 5% á ár-
unum 1995 til 1998. Þvíværu eng-
ar breytingar til batnaðar fyrirsjá-
anlegar aó óbreyttu ástandi.
Gunnar sagði að gegn þessari
þróun yrði að vinna meö öllum til-
tækum ráðum. „Ef við hættum að
framleiða landbúnaðarvörur í
landinu þá hættum við að vera
sjálfstæð þjóð en verðum föst í
hlekkjum erlendra auðjöfra," voru
lokaorð hans á fundinum. ÞI
Mývatnssveit:
Um 2.500 flár á
afréttarlandinu
Nokkur styr hefur staðið milli
Landgræðslu ríkisins og nokk-
urra bænda í Mývatnssveit um
ástand upprekstrarlands Mý-
vetninga en fé var rekið á afrétt
áður en Landgræðslan taldi
landið undir það búið. Ekki
hafa allir verið sammála þeirri
túlkun, þ.m.t. formaður land-
búnaðarnefndar Skútustaða-
hrepps, Hjörleifur Sigurðarson
bóndi á Grænavatni. Líklegt er
að um 2.500 fjár séu nú komin á
afréttarlandið.
Engin viðurlög eru við því að
reka fé á afrétt fyrr en samkomu-
lag segir til um heldur hefur þaó
verið samkomulagsatriði milli
Landgræðslunnar, bænda í Mý-
vatnssveit og gróðurvemdarnefnd-
ar hvenær talið yrði óhætt að
beita landið. Samkvæmt lögum er
það sveitarstjórn Skútustaða-
hrepps sem hefur ákvörðunar-
valdið og hún getur sett bændum
stólinn fyrir dyrnar gagnvart
upprekstri en kannski er erfitt aó
setja strangari viðurlög en yfir-
völd eru tilbúin til að fylgja eftir.
GG
Kaupfélag Þingeyinga:
Nýir deildarstjórar
-þrír stjórnendur hjá KÞ nýlega
komnir til starfa
Sl. mánudag tóku til starfa tveir
nýir deildarstjórar hjá Kaupfé-
lagi Þingeyinga. Akureyringur-
inn Jón Stefán Einarsson tók við
sem verslunarstjóri Miðbæjar -
sérvöruverslunar KÞ á Húsavík.
Nýr verslunarstjóri í söluskála
KÞ, Naustagili, heitir Svava
Kristjánsdóttir og er hún af
Tjörnesi.
Fyir í vor létu tveir deildar-
stjórar Kaupfélags Þingeyinga af
störfum og aó sögn Hreiðars
Karlssonar kaupfélagsstjóra hafa
Jón Stefán og Svava nú verió ráð-
in til þeirra starfa. Jón Stefán cr
stúdent af verslunarsviói og hefur
m.a. reynslu af rekstri skóbúðar á
Akureyri. Svava er verslunar-
skólagengin og er auk þess með
búfræðimenntun að sögn Hreið-
ars.
Dagur hefur áður sagt frá því
að iönaðartæknifræðingurinn Páll
Arnar frá Reykjavík hefur tekið
við sem sláturhússtjóri í slátur-
húsi/kjötiðju KÞ. GT
Sjallinn 30 ára:
Aftnælishátíð á laugardag
—lífið fyrir þrjátíu árum í hnotskurn
Á laugardaginn verður haldin
afmælishátíð í Sjallanum. Til-
efnið er 30 ára afmæli þessa
merka húss, húss sem hefur hýst
landsmenn á gleðistundum í öll
þessi ár. Glæsileg skemmtiatriði
og góður matur verða á boðstól-
um.
Á laugardaginn 26. júní verður
haldin afmælishátíó í tilcfni þess
að Sjallinn hefur verið starfræktur
sem skemmtistaður í 30 ár. Aö
sögn Kolbeins Gíslasonar, fram-
kvæmdastjóra Sjallans, koma
margir góðir gestir fram á
skemmtuninni s.s. hljómsveit I.
Eydal, Herntann Gunnarsson,
Omar Ragnarsson, Ragnar Bjarna-
son, Helena og Finnur Eydal, Júlí-
us Guðmundsson, Inga Eydal o.fl.
Reynt verður að varpa ljósi á
stemmninguna eins og hún var
fyrir 30 árum og sýndar vídeó-
myndir úr húsinu og frá hljóm-
sveit Ingimars Eydal. Húsið veró-
ur skreytt gömlum myndum þar
sem fólk ætti aó geta þckkt gömlu
poppstjörnurnar uppi á veggjum.
Glæsileg tvíréttuö máltíð með for-
drykk og kaffi verður á boðstól-
um. SV
Frumsýnd kyimingarmynd
rnn Dhnmuborgir
Næstkomandi föstudag verður
frumsýnd í Reykjavík ný kynn-
ingarmynd um Dimmuborgir í
Mývatnssveit sem Landgræðsla
ríkisins og Valdimar Leifsson
standa að.
Sveinn Runólfsson, land-
græðslustjóri, segir að um sé aó
ræða kynningarmynd um
Dimmuborgirnar, sögu og ýmis-
legt er lýtur að verndun þeirra.
Sveinn sagði aó myndin yrði
síðar sýnd í sjónvarpi, en ekki
væri búió aö ákveða útsendingar-
dag. óþh
Þjóðleikhúsið sýnir:
HAFIÐ
Akureyri ......miövikud. 23. júní kl. 20.30
Miðgaröi......fimmtud. 24. júní kl. 20.30
Aðgöngumiðasala samdægurs á sýningar-
stöðum, á Akureyri í Samkomuhúsinu
frá kl. 16.00.