Þjóðviljinn - 14.03.1973, Blaðsíða 2

2 SÍÐA — ÞJÓÐVILJINN Miövikudagur 14. marz 1973
LITLI
GLUGGINN
BÍLLINN
Við Sigga eigum heima úti við
Smálönd. Þar er gaman. Einu sinni
fórum við út að leika okkur í góða
veðrinu, þá sáum við bíl, hann var
með augu og munn. Við gátum ekki
stillt okkur um að fara að tala við
hann, vegna þess að hann brosti svo
sætt til okkar. Þegar við komum
nær, byrjaði hann að tala. Hann
sagðist sjá á okkur, að við værum
góð börn og hann gæti treyst okkur,
og hann sagði: Þannig er málið vax-
ið, að eigandi minn er svo vondur við
mig, ég er látinn standa hérna úti og
géra ekkert, og stundum koma
menn og skoða mig og þeir sparka
alltaf í dekkið hérna, þá meiði ég
mig svo. En nú ætla ég að strjúka og
þið eigið að hjálpa mér.
— Hvernig getum við hjálpað
þér? spurðum við.
— Sko hlustið á mig: Þið farið út í
nótt og kaupið benzín. . .
— Kaupurn benzín,-—það er ekki
hægt á nóttunni, og svo höfum við
enga peninga.
— Allt í lagi, það eru peningar og
brúsi í skottinu á mér, hlaupið núna
og kaupið benzín í brúsann og látið
hann svo í skottið, síðan komið þið í
nótt og hellið benzíni á mig. Svo ek
ég í burtu. Er það samþykkt?
— Já, sögðum við bæði. Síðan
lögðum við af stað til að kaupa
benzín. Við létum svo brúsann í
skottið, en þegar við ætluðum að
fara í burtu, kom eigandinn. Við
þóttumst vera að skoða bílinn, en
maðurinn sagði að við ættum að
hypja okkur burt og láta bílinn vera.
Um klukkan 3 eftir miðnætti fór-
um við út að hjálpa bílnum. Við fðk-
um benzínbrúsann og létum benzín á
bílinn, síðan gengum við fram fyrir
hann og sögðumst vera búin. Þá
sagði hann okkur að taka töskuna,
sem væri í skottinu og það væri
galdrataska, sem gerði allt fyrir
okkur, sem við vildum. Við gerðum
þetta, síðan kvöddum við hann og
gengum heim á leið.
Jæja, svona endar þetta þá/ og
verið þið svo blessuð og sæl. . . En
meðan ég man þá heiti ég Fúsi og er
bróðir Siggu. Bless, bless.
Vilborg Gréta Jónsdóttir,13 ára.
Þessa mynd hefur Valgerður teiknað fyrir okkur.
Valgerður á heima á Hjarðarhaga. Við þökkum
henni kærlega fyrir þessa fallegu mynd.
JZ
^fíRR
Þessa fallegu mynd teiknaði Gunnhildur Hjálmarsdóttir fyrir
okkur. Við þökkum Gunnhildi kærlega fyrir.
o
V.
Þessa mynd hefur Ingibjörg
Björnsdóttir, Selfossi, teiknað
fyrir okkur. Hún er 5 ára. Við
þökkum henni kærlega fyrir
þessa fallegu mynd.
Þol &
%
ffOIÍAl
Þessa mynd teiknaði Helga Hreinsdóttir, Reyðar-
firði, fyrir okkur. Helga er 8 ára. Við þökkum henni
kærlega fyrir.
Þessa mynd teiknaði Pétur, 5 ára, fyrir Þessa mynd teiknaði Hallsteinn, 6 ára, fyrir okk-
okkur. Pétur á heima i Mosfellssveit. Við ur. Hann á heima i Mosfellssveit. Við þökkum
þökkum honum kærlega fyrir. honum kærlega fyrir.