Dagblaðið Vísir - DV - 12.07.2001, Blaðsíða 12

12
FIMMTUDAGUR 12. JÚLÍ 2001
Skoðun DV
Hvað sástu síðast í bíó?
Björn Eyjólfsson málari:
Ég sá myndina Tomb Raider,
hún var allt í lagi.
Viðar Sveinbjörnsson netstjóri:
Þaö var myndin Castaway, hún var
alla vega mjög löng.
Guðrún Jóna Sigurjónsdóttir:
Þaö var barnamynd sem ég fór á
meö barnabörnunum og ég náöi aö
sofa allan tímann í öllum hávaöanum.
Sif Kristinsdóttir:
Ég fór á myndina Tomb Raider, hún
er spenna frá A-Ö.
Vilhjálmur Þorgeirsson veggfóðrari:
Ég sá myndina Along Came a Spider
meö Morgan Freeman, þaö var heil-
mikil spenna.
Olíuborun í Fær-
eyjum - ekki hér?
*
í Flatey á Skjálfanda
Örkan streymir upp á yfirboröiö (myndin er frá rannsóknarborun
Orkustofnunar fyrir um áratug).
Gísli Ölafsson
skrifar:__________________________
Nýlega mátti lesa frétt í blöðum
hér að nú mætti kanna orku með
borun á tvöfalt meira dýpi en hing-
að til hefur þekkst. Fréttin varð til
þess að ég fór að hugsa til frænda
okkar, Færeyinga, sem nú eru að
láta bora hjá sér á landgrunninu til
að kanna hvort olía leynist þar.
Áður var búið að staðfesta að olíu
væri þar að finna og nú eru erlend-
ir aðilar farnir af stað með borun og
innan nokkurra vikna, í mesta lagi
örfárra mánaða, verður ljóst hvort
Færeyingar detta í lukkupottinn til
jafns við Norðmenn að þessu leyti
og geta þar með státað af því að
verða eitt olíuríkja heimsins.
Hér á íslandi hafa líka fundist set-
lög sem eru neðansjávar út af Skjálf-
andaflóa, í Flatey, og hugsanlega
víðar á þessum slóðum. Bráða-
birgðakönnun erlendra aðila stað-
festir að þama séu setlög rík af gasi
og megi hugsanlega ætla að í setlög-
unum reynist olía, þótt þessi lög séu
eitthvaö yngri en víðast hvar þarf
til að olía sé til staðar. - Fyrir
nokkrum árum skrifuðu einhverjir
aðilar á Orkustofnun greinar um
þetta mál í DV en ég á ekki lengur
þau blöð, enda orðið eitthvað um 10
ár síðan.
Með djúpborun þeirri sem skýrt
var frá í fréttinni sem vitnað er í
hér í byrjun mætti hugsanlega
kanna betur hvort olía finnst hér
líkt og í Færeyjum. Á háhitasvæð-
unum hér á landi má nú bora allt
niður á 5000 metra dýpi. Hvort það
er nægilegt dýpi til að kanna setlög
á hafsbotni hér við land veit ég
ekki. Mér finnst ekki nema sjálfsagt
„Svo vél þekki ég landa
mína að þeim stœði ekki á
sama um olíufund Fcerey-
inga. Þess vegna er ég þeirr-
ar skoðunar að þegar og ef
olía finnst í fœreyskri lög-
sögu þá munum við ekki
bíða boðanna heldur láta
kanna setlögin sem hér eru
sannanlega til staðar. “
að Orkustofnun taki nú við og láti
kanna allar aðstæður upp á nýtt.
Svo mikið er víst að finnist vinn-
anleg olía við eða í Færeyjum þá
þarf ekki að fara i grafgötur um það
hver áhrifin yrðu á efnahagslíf Fær-
eyinga. Svo vel þekki ég landa mína
að þeim stæði ekki á sama um ol-
íufund Færeyinga. Þess vegna er ég
þeirrar skoðunar að þegar og ef olía
finnst í færeyskri lögsögu þá mun-
um við ekki bíða boðanna heldur
láta kanna setlögin sem hér eru
sannanlega til staðar.
Djúpborun hér á landi ætti að geta
hleypt nýju lífi í þessar rannsóknir.
Olía sem einn aðalorkugjafmn mun
verða notuð um mörg ókomin ár svo
málið er jafnbrýnt fyrir okkur ís-
lendinga og aðrar þjóðir.
írafárið og norsku loðnuskipin
Árni Árnason
s krifar:_________________________
Fjögur norsk loðnuskip voru tek-
in og færð til hafnar á ísafirði vegna
meints misræmis í aflatölum skip-
anna og þeim tölum sem gefnar
voru upp til stjómstöðvar Landhelg-
isgæslunnar hér. Á Seyðisfirði
liggja svo önnur norsk skip sem tek-
in voru vegna meintra ólöglegra
veiða i íslenskri landhelgi. Það sem
vekur eftirtekt mina er hve búið er
að tönnlast á þessu. Alla helgina og
allt fram til dagsins í dag, þriðjudag,
þegar þetta er skrifað.
Og þaö er ekki bara eins og frétta-
leysið hjá íslenskum íjölmiðlum, að-
allega ljósvakamiðlunum, verði til
þess að hamast með þessar „fréttir“
„Já, við íslendingar erum
ekki heilagir í leik okkar á
Landhelgisgœslu, Fiskistofu
og Hafrannsóknastofnun.
Það er algjör óþarfi að
blása upp meint brot Norð-
manna, a.m.k. á meðan
ekkert er sannað.“
sem segja í raun ekkert sérstakt,
heldur skín líka hræsnin út úr allri
umfjölluninni. Og þá einkum vegna
þess að hálfur íslenski flotinn, þ.e.
við íslendingar, er sjálfur sakaður
um að falsa aflatölur í gríð og erg og
koma með því m.a. öllum fiskirann-
sóknum okkar um stofnstærð á helj-
arþröm.
Já, við íslendingar erum ekki
heilagir í leik okkar á Landhelgis-
gæslu, Fiskistofu og Hafrannsókna-
stofnun. Það er algjör óþarfi að
blása upp meint brot Norðmanna,
a.m.k. á meðan ekkert er sannað.
Svona írafár líkist engu meira en
hræsni og yfirdrepsskap sem við
erum alltof rík af. - Að svona frétt-
um er hlegið af þeim áhugamönnum
erlendum sem fylgjast náið með
sjávarútvegsmálum hér á landi. -
Skýrslutaka af hinum norsku loðnu-
skipstjórum er svo enn einn fars-
inn, a.m.k. eins og fréttastofa Bylgj-
unnar greinir frá í hádegisfréttum
sl. þriðjudag.

Ekkert má nú!
Það eru mikil tíðindi að gerast í íslenska við-
skiptaspilinu sem stundum er er raunar líka
kallað íslenski fjármála- og hlutabréfamarkaður-
inn. Garri hefur verið að fylgjast með þessu spili
síðustu misserin og horft á þátttakendur ýmist
gráta eða hlæja eftir því hvernig þeim hefur
gengið. Raunar virtust allir vera að vinna lengi
framan af en eftir því sem liöið hefur á spilið
hefur velgengni þátttakenda orðið misjafnari.
Áberandi hefur verið aö þeim sem eru fljótir að
tileinka sér reglumar í spilinu og ná að hafa á
hraöbergi ýmsar túlkanir á því hvað þær þýða
hefur gengið langbest. Þetta stafar af því að leið-
beiningamar sem fylgdu spilinu þegar það kom
til íslands voru eithvað fátæklegar og því hefur
mikið oltið á því hvernig þessar fáu og óskýru
reglur hafa verið túlkaðar. Hraðvirkir og hug-
myndaríkir spilendur hafa þannig náð að skapa
sér góða stöðu á spilaboröinu, rakað saman fé og
eignum en eins og í gamla góða Matadorinu er
það er einmitt höfuðtilgangur spilsins.
Djarfir drengir
Það hefur sett svip sinn á spilamennskuna hér
á íslandi að snöggu og túlkunarglöðu spilararnir
eru famir að líta á það sem sjáfsagðan hlut að
þeirra túlkun gildi og því hafa margir leikir
þeirra verið djarfir og óvæntir. Og þessir djörfu
leikir þeirra hafa líka ótrúlega oft gengið upp
því þeir hafa jú alltaf haft þann möguleika í bak-
höndinni að liðka til með því að túlka reglur
spilsins þannig að henti þeirra hagsmunum. En
nú virðist sem breyting kunni að verða á allri
spilamennsku í kjölfar mikilla sviptinga í kring-
um Lyfjaverslun ríkisins. Þar eru allt í einu
komnar nýjar reglur sem eru miklu skýrari og
afdráttarlausari en menn hafa átt að venjast,
engu líkara en búið sé að þýða yfir á íslensku
spjaldið með leikreglunum sem notaðar eru í
þessu spili annars staðar í hinum vestræna
heimi! Þvi miður óttast Garri að þetta verði til
þess að spilla mjög fyrir áhorfsgildi Viðskipta-
spilsins, okkur öllum, sem erum í hlutverki
áhofandans, til mikillar mæðu. Viðskiptaspilið
verður ekki nærri eins dramatískt eins og það
var - miklu minna um blóð og tár.
Bannað, bannaö
Sem kunnugt er ætlaði Jóhann Óli Guðmunds-
son, einn aðaleigandi Lyfjaverslunar, í sakleysi
sínu að selja Lyljaversluninni fyrirtæki sem
hann átti og fá fyrir það hlutabréf í Lyfjaversl-
uninni. Þar með hefði hann orðið risahluthafi í
Lyfjaversluninni og hefði ekki þurft að hlusta á
pípið í hinum eigendum Lyfjaverslunar sem
töldu að fyrirtæki Jóhanns Öla hefði verið keypt
á yfirverði. Þannig hefði hann náð virkilega
flottri stöðu í spilinu með gott tak á þessu spenn-
andi fyrirtæki sem Lyfjaverslunin er. í handbolt-
anum hefði þetta verið kallað sirkusmark og í
myllu héti svona nokkuð svikamylla. En Hæsti-
réttur hefur nú sett nýjar reglur og bannað
svona tilþrif. Á vakningarsamkomu, þar sem
nær allir hluthafar Lyfjaversunar voru mættir,
tókst endanlega að koma i veg fyrir þessi
glæsitilþrif. Það sem meira er, nú má búast við
því að litlir hluthafar hér og hyar í félögum fái
þá tilfinningu að þeir skipti máli, og það mun
enn trufla fléttur djarfra leikmanna Viðskipta-
spilsins. Eftir verður flatneskjan ein og Garri
hlýtur að taka undir með unglingnum sem bann-
að var að brjóta rúður„Ekkert má nú!“
Garri
Valdir öldungar í
Sóltúnið?
Bjarni Halldðrsson hringdi:
Maður hefur
verið að fylgjast
með hinu afar ein-
kennilega máli
sem varðar Lyfja-
verslun ríkisins
og hugsanleg kaup
á Frumafli í eigu
Jóhanns Óla Guð-
mundssonar. Ég
spyr nú bara: Er
eigandi Frumafls
að tapa einhverj-
um fjármunum
þótt því hafi verið
hafnað að kaupa
af honum? Hann á sinn hlut eftir
óskertan engu að síður en hefur
engu tapað í sjálfu sér. Hann verður
bara af hinum mikla gróða. En
enginn spyr þeirrar spurningar fyr-
ir hverja er verið að byggja hjúkr-
unarheimilið Öldung í Sóltúni. Er
þetta bara ekki eins konar plott sem
framsóknarmenn eru að stússa í
fyrir útvalinn hóp úr finu íbúðum
aldraðra og sem nú krefjast sér-
stakrar umönnunar hjá borginni?
Jóhann Öli
Guðmundsson
athafnamaöur.
Tapar engu en
græöir heldur
ekkert.
Frjálslyndi flokkurinn
- ekkert prófkjör
Runólfur skrifar:
Nú vill Frjálslyndi flokkurinn
líka í framboð í Reykjavik og er bú-
inn að ráða nokkra „málsmetandi"
menn til að gefa kost á sér í borg-
inni. En Frjálslyndi flokkurinn set-
ur eitt skilyrði, það er mikilvægt,
segir talsmaður hans, það má ekki
viðhafa prófkjör, bara stilla upp
mönnum. Allt í samráði við mið-
stjórn og forsvarsmenn. Og hverjir
skyldu nú verða á þeim lista? Sverr-
isdóttirin auðvitað, hvað annað? Og
svo ætlar flokkurinn að komast í
oddaaðstöðu! - Ég á ekki orð yfir
bjartsýni þessa flokkskrílis sem
varð til upp úr spillingarbroti innan
eins stærsta banka þjóðarinnar.
Menn muna bankastjórann fyrrver-
andi sem gekk út úr bankanum
með plastpokana í höndum, ekki
satt? Er þetta liður í framtiðarmús-
ík Reykjavíkur?
Malbikinu sturtað á Hringbrautina
Svikin vara?
Malbikið út og inn
ðskar Sigurðsson skrifar:
Ég las í þessum dálkum DV 3. júlí
sl. fyrirspurn frá ökumanni sem
ræddi malbiksframkvæmdir þær og
fræsun sem nú eiga sér stað á veg-
um borgarinnar í umsjá verktaka.
Ökumaðurinn taldi að aö hér væri
um offramkvæmdir að ræða, sumar
götur væru fræstar upp að þarf-
lausu o.s.frv. Hann spurði líka
hvort malbikið sem fræst er af göt-
unum væri endurunnið og svo
skellt á göturnar aftur, og réði það
af því að malbikið væri svo gróft að
líktist mest olíumöl eftir lögnina.
Þvi var hins vegar ekki svarað í
bréfi ökumannsins. Þessi spurning
stendur því enn: Hvað verður um
gamla malbikið?
-1 eftirgrennslan umsjónarmanns
lesendasíðu hjá Hlaðbæ Colas, sem
sér um þennan þátt gatnaviðhalds-
ins, kemur fram að það malbik sem
íjarlægt er af götum borgarinnar er í
raun endurunnið til notkunar á ný,
oftast í hlutfóllunum 40 (gamalt)/60%
(nýtt). - Þannig fer gamla malbikið
út og inn aftur að stórum hluta.
Lesendur geta hringt allan sólarhring-
inn í síma: 550 5035.
Eöa sent tölvupóst á netfangiö:
gra@ff.is
Eöa sent bréf til: Lesendasíöa DV,
Þverholti 11, 105 Reykjavík.
Lesendur eru hvattir til að senda mynd
af sér til birtingar meö bréfunum á
sama póstfang.