Dagblaðið - 21.09.1976, Blaðsíða 2

DAGBLAÐIÐ. ÞRIÐJUDAGUR 21. SEPTEMBER 1976.
i
I fýlu
KÆRU FELAGAR!
oð
horfa
ósjón-
varpið
- það þýðir
bara alls
ekki
Selfossbúi skrifar:
„Mig langar að svara skrifum
frá ungum Akureyringi sem
var að kasta rýrð á sjónvarpið.
Þetta finnst mér ekki sann-
gjarnt. Þessi ungi maður hefur
áreiðanlega verið í vondu skapi
og hann veit ennfremur alls
ekki hvað hann er að tala um.
Við megum vel við una að hafa
sjónvarp yfirleitt og með það
sem við þó höfum. Að mínum
dómi höfum við frábæra starfs-
krafta í sjónvarpi en þeir hafa
bara ekki nógu hátt kaup, svo
fréttir berast um að þeir séu
margir hverjir að hætta
störfum.
Svo að ég víki að íþróttafrétt-
um, þá vil ég benda fólki á að
það er eins gott að vera vel
heima í hlutunum til þess að
geta séð um svona þætti. Þessi
ungi maður frá Akureyri segir
að Bjarni Felixson hafi gert
einhverjar vitleysur, en við
skulum muna að það getur
verið að þú hafir rangt fyrir
þér, ungi maður. Það er einmitt
í íþróttum sem menn hafa
skiptar skoðanir. Ég er
hræddur um að það verði vand-
fundinn sá maður sem getur
skilað þessu frá sér eins og
Sjarni gerir.
Sjónvarpið er sem sagt ágætt
og það er hægt að setjast niður
og horfa á ágætis efni og slappa
af. Ef ég má bera fram ein-
hverja ósk þá vildi ég að sýndar
yrðu kvikmyndir tvö kvöld í
viku og þær mega alveg eins
vera gamlar, þær eru margar
hverjar alveg ágætar. Svo ættu
þeir sem eru svona óánægðir að
reyna að hressa upp á sjálfa sig
og vera ekki í svona vondu
skapi þegarþeir horfa á sjón-
varpið."
Lótum oss
mótmœla
Ásgeir Beinteinsson skrifar:
Gerræði er ekki til að auka
mönnum trú á lýðveldisskipu-
lagið. Fjölmenn samtök launa-
manna hafa fellt gerða samn-
inga við vinnuveitendur sína.
Hvað gerir þá ríkisstjórn lýð-
veldisins islands? Hún lög-
festir samningana. Hver er for-
senda slíkra laga? Ég veit það
ekki, en hlýtur forsendan ekki
að þurfa að vera ærin? Það
hefði maður haldið. Hins vegar
liggja ástæðurnar ekki fyrir, að
minnsta kosti get ég ekki komið
auga á þær.
Þessar staðreyndir eru
hverjum manni augljósar og
því fer ég ekki nánar út í þær.
Til hvers hefur fólkið í landinu
kosið sér forseta? Til að eiga
lifandi puntudúkku til að sýna
þjóðhöfðingjum annarra ríkja?
Nei, hann á að standa vörð um
lýðveldið. Nú er vegið að lýð-
veldinu en hvað gerir hann?
Hann skrifar undir. Þetta eru
lög auðvaldsherranna, þetta
eru lög þeirra sem samþykktu
samningana. Ætti forsetinn
ekki að standa vörð um þá hópa
í þjóðfélaginu sem vegið er að?
Á forsetinn ekki að koma í veg
fyrir að þegnar lýðveldisins séu
beittir gerræði af hálfu ríkis-
stjórna?
Ég held að við Islendingar
ættum að taka til íhugunar
stöðu forsetans og vald hans
innan lýðveldisins. Það skelfir
mig að hugsa til þess að við
getum átt von á næstum hverju
sem er af hálfu þessarar og
annarra ríkisstjórna. Það eina
sem við getum gert er að bíða
næstu kosninga. Að hugsa sér
að okkur skuli vera stjórnað af
veldissprotum peningafurst-
anna! Hvílíkt hlutskipti! Eina
von okkar gegn gerræði
ríkisstjórna bregzt.
Við vitum að það verður ekki
farið eftir þessum lögum þegar
í harðbakkann slær, og við
huggum okkur við það. Á að
byggja réttlát þjóðfélög svona?
Það getur ekkert þjóðfélag,
réttlátt eða óréttlátt, staðið án
laga. Ég segi án laga, þvi lög
sem ekki er farið eftir, eru
engin lög. Með lögum skal land
byggja en með ólögum eyða.
Það er einmitt það sem er að
gerast hér. Það er verið að eyða
landinu með ólögum. Við vitum
að þessi lög verða aldrei annað
en pappírsgögn. Það væri líka
allt í lagi ef þetta væru einu
lögin sem svo fer fyrir. Á
hverjum degi eru brotin lög í
þessu landi en aldrei er neinn
sóttur til saka. Hvers vegna
fáum við ekki að heyra nöfn
ávísanafalsaranna? Er það
vegna þess að þeir eru mismun-
andi sekir? Hvers vegna vill
ríkisstjórn peningafurstanna
ekki breyta skattalögunum, svo
þeir fari að borga skatt sem
mest berast á? Jú, það má vera
að lögin séu í athugun en hvað
hafa þau verið lengi í athugun?
Okkur er sagt að þetta sé
réttlátasta þjóðfélag sem til er.
Hver trúir því? Ekki ég. Væru
fjármunir þeir sem eru i höll-
unum á Arnarnesi ekki betur
komnir annars staðar? Væri
ekki réttlátara að verja þeim til
að bæta aðstöðu þeirra sem
minna mega sín? Ég hef séð í
stofu hallar einnar borðstofu-
sett, sem kostar árslaun verka-
manns. Ég á ekki við verka-
mann sem vinnur fjórtán tíma
á sólarhring allt árið. Ætli þeim
auði sem fiskimenn okkar og
verkafólkið í fiskvinnsluhúsun-
um aflar sé ekki misskipt? Ætli
hlutur þeirra ætti ekki að vera
hærri en hinna sem sitja á rass-
inum og semja skattaskýrslur
fyrir enn aðra sem leika sér
með peningana úr bönkunum?
Ég spyr: Er þetta réttlátt?
Kæru félagar, lítið upp frá
vinnu ykkar og lítið inn í hug-
skot ykkar. Leynist ekki ein-
hvers staðar efi? Eg veit og við
vitum öll að þetta er ekki rétt-
látt og það eru mörg ár síðan
sum ykkar vissuð það. Af
hverju rísið þið ekki upp á
afturfæturna og mótmælið? Ég
segi afturfæturna, því þið eruð
orðin eins og þægir sauðir í
garði óðalsbóndans.
Aumingja
við sem
erum
ótjón óra
Guðný Friðriksdóttir skrifar:
Eg er átján ára gömul og eitt
laugardagskvöld fyrir nokkru,
langaði mig og strákinn sem
ég er trúlofuð (nann er 25 ára
gamall) til að skreppa á dans-
leik.
Við ætluðum í Klúbbinn og
eftir mikið tilstand komumst
við á leiðarenda, og bæði vorum
við beðin um passa. Að sjálf-
sögðu komst hann inn, en ekki
ég, því aldurstakmarkið er 20
ár.
Svo við snerum við. Hvert
áttumviðað fara? Á hallæris-
planið að leika okkur? Nei, mér
finnst það vera fyrir neðan
allar hellur, þetta fyrirkomu-
lag. Fólk sem orðið er átján ára,
er flest orðið fullþroska fólk.
Af hverju í ósköpunum er
þessu ekki breytt? Það er alltaf
verið að kvarta undan þessu, en
það ber engan árangur.
Hvernig væri nú að þessir háu
herrar sem fara með völdin
gerðu eitthvað róttækt í mál-
inu, eða er þetta kannski gömul
hefð eins og svo margt annað
hér norðúr á köldum klaka?
Tímarnir breytast og
mennirnir með og þannig ætti
því einnig að vera varið með
þetta. Við höfum talað við
margt fólk sem eins er ástatt
fyrir og er okkur svo hjartan-
lega sammála. Vonandi fer
þetta bráðlega að breytast. Eg
ætla að minnsta kosti að gera
mér vonir um að barnabörnin
þurfi ekki að kvarta undan
þessu líka.
Dylgjur í
garð
Frímúrara
Halldór Indriðason hringdi:
„Hinar sífelldu dylgjur dag-
blaða í garð frímúrararegl-
unnar hafa löngum vakið furðu
mína og gremju. Öll blöðin eru
þar undir sama hatti — ekki
síður Dagblaðið en önnur blöð.
Frímúrarareglan er góður og
heiðarlegur félagsskapur þar
sem saman eru komnir margir
ágætir og mætir menn úr þjóð-
félaginu. Þetta má e.t.v. að ein-
hverju leyti rekja til þess að
reglan er fremur lokaður
félagsskapur en það breytir því
ekki að þessar sífelldu dylgjur
eru rakalausar.
Dagblöðin eiga að sjá sóma
sinn í því að vera ekki með
dylgjur í garð neinna aðila
hvort sem það er frímúrara
reglan eða aðrir.“
BOGGI DAUFUR
OG LÍTT FYNDINN
RUSLIÐ í BREIÐHOLTI
— skömm fyrir borgina
íbúi vió Iðufell hringdi:
..Alveg er stórfurðulegt
hve hreinsunarmenn frá borg-
inni koma sjaldan í heimsókn
hér upp í Breiðholt. Hér fýkur
rusl um allt. Lóðirnar hjá
okkur eru fullar af bréfadrasli
svo ekki sé talað um hve ógeðs-
legt það er að fá þetta fjúkandi
í andlit sér þegar rok er. Það
má vera að þetta komi frá búð-
unum hér í kring, en það er
sérstaklega mikið rusl á göngu-
götunni sem liggur frá KKON.
Þegar leið mín hefur legið í
miðbæinn þá hef ég tekið eftir
því að þar er alltaf verið að
snyrta og hreinsa til. Það
kemur ekki fyrir að maður fái
bréfaruslið fjúkandi framan í
sig í hvassviðri. Þar er allt
hreint og snyrtilegt. Hvers
vegna er ekki hreinsað til í
Breiðhollinu? Það er ekki í lagi
að hafa þetta rusl í Breiðholti.
Það er skömm fyrir borgina að
láta þetta sjást."
Gunnar Pálsson hringdi:
Mikið óttalega finnst mér
fyndnin á lágu stigi hjá þeim
sem teiknar þennan Bogga í
blaðinu ykkar. Mér finnst að
frumskilyrði þess að vera góður
grínisti sé að gera góðlátlegt
grín að sjálfum sér og öðrum,
birta skrýtlur sem hægt er að
hlæja að en ekki eitthvert
óskiljanlegt þrugl sem enginn
botnar upp né niður í.
Mér fannst það mikil ókurt-
eisi hjá teiknaranum er hann
lét birta þessa mynd af þýzka
rannsóknarlögreglumanninum.
pað er að mínu viti alveg óþarfi
að bera slíkt á gesti okkar, sem
eru hér til að aðstoða við rann-
sókn glæpamála. Teiknarinn
ætti að viðurkenna mistök slr.
og biðjast afsökunar á þessari
„fyndni“ sinni.
Á sömu síðu og Boggi er mjög
góð teiknimyndasaga, Lalli og
Lína. Þar er fyndin í lagi og
væri ekki úr vegi að teiknari
Bogga tæki sér tií fyrirmyndar
þá fyndni sem þar kemur fram
og reyna að glæða Bogga nýju
og fyndnu lífi í framtíðinni.
Megi hann þá lengi lifa..
V
„F.vndnin i Bogga er a lágu
plani og óskiljanlegt þrugl,"
segir bréfritari.