Dagblaðið - 21.09.1976, Blaðsíða 24
Meint áfengisneyzla fanga á Litla-Hrauni:
Ráðuneytíð kannar hvað
kann að hafa gerzt — segir Jðn Thors
,,Vi(5 ætlum aö kanna hvað
þarna kann að hafa verið á
ferðinni,'1 sagði Jón Thors, full-
trúi í dómsmálaráðuneytinu, i
samtali við fréttamann DB í
gær um þá staðhæfingu í grein
Vilmundar Gylfasonar í
blaðinu sl. föstudag, að áfengis-
neyzla fanga á Litla-Hrauni
hefði leitt til árásar fanga á
fangavörð þar.
Jón kvaðst ekki hafa fengið í
hendurnar gögn um rannsókn
málsins á sinum tíma, enda
væri dómarinn, Örn Höskulds-
son, í leyfi þessa viku.
í grein Vilmundar, sem
byggð var á dómsskjölum, var
að því vikið, að rannsókn máls-
ins hefði i engu beinzt að því
hvernig áfengið komst inn fyrir
fangelsismúrana. Lögmaður
fangans, sem réðist á fanga-
vörðinn og var síðar dæmdur í
tíu mánaða fangelsi fyrir, vildi
í vörninni gera fangelsið að
hluta ábyrgt fyrir þvi, sem
gerðist, m.a. þar sem fangarnir
hefðu getað haft áfengi um
hönd. Jón Thors vildi ekki tjá
sig um þá staðhæfingu, að
áfengi hefði verið innan fang-
elsisveggjanna, en ítrekaði, að
ætlun ráðuneytisins væri að
kanna hvað ,,kynni að hafa
gerzt".
Þess má geta, að fyrrum
fangar á Litla-Hrauni hafa oft-
ar en einu sinni skýrt blaða-
mönnum DB frá því, að tiltölu-
lega einfalt sé að útvega áfengi
á Litla-Hrauni — og jafnvel lyf
og fíkniefni — eftir fleiri
leiðum en einni. —ÓV
Það
hafðist ó
tvöföldum
hjólaútbúnaði
Þegar bændur víða um land
eru að huga að töðugjöldum
sínum er enn verið að berjast
við ofvaxið gras í höfuðborg-
ini . Reyndar var það nú ekki í
heyskaparskyni sem þessi
dráttarvél berst um á túnspildu
milli Suðurlandsbrautar og
Miklubrautar. Það hafði lengi
staðið til að slá þessa órækt sem
orðin var. En spildan var svo
blaut að ekki gaf á hana. Nú var
það til ráðs tekið að setja tvö-
föld hjól undir dráttarvélina og
þannig barðist hún fram og
aftur um spilduna með ljáinn í
eftirdragi og hafði grasið niður.
DB-mynd Sv. Þorm.
Tónabœr opinn til reynslu i tvo mónuði:
Reynslan verður að leiða nyt-
semi tilraunarinnar í Ijós
Borgarráð kemur saman eftir
hádegið i dag til að ræða
skýrsíu Æskulýðsráðs Reykja-
víkur um starfsemi Tónabæjar.
A fundi Æskulýðsráðs i gær var
ákveðið að opna Tónabæ á ný
til reynslu í tvo mánuði, að
dansleikir yrðu tveir í viku í
stað þriggja og að hljómsveitir
hættu að koma fram þar en
tónlist yrði framreidd af hljóm-
plötum eingöngu.
Akvörðun þessi var tekin af
Æskulýðsráði svo að tími gæfist
til að kanna nánar ýmsa þætti
þessa máls. Starfsmenn ráðsins
hyggjast þó alls ekki sitja
auðum höndum á meðan, að því
að blaðið hefur fregnað, heldur
munu þeir fylgjast með þró-
uninni á næstu vikum og verða
ákvarðanir væntanlega teknar i
samræmi við hana.
— ÓV.
Engin breyting hjá
sjónvarpsmönnum ennþá
— Það situr allt við hið sama
hjá okkur ennþá og engin
breyting virðist í aðsigi, sagði
Eiður Guðnason, formaður
Starfsmannafélags Sjónvarps-
ins í samtali við DB í morgun.
Eiður kvað óljóst hvort gripið
yrði til einhverra frekari
aðgerða, en starfsmannafélagið
hygðist halda fund fyrir
hádegi, og gæti orðið um ein-
hverjar nýjar ákvarðanir að
ræða.
Starfsmannafélag Ríkis-
útvarpsins, hefur sent frá sér
yfirlýsingu þar sem lýst er yfir
stuðningi við aðgerðir sjón-
varpsmanna og skorað á ríkis-
valdið að taka þegar í stað upp
viðræður við þá. Eiður sagði
sjónvarpsmenn þakkláta fyrir
þennan stuðning, „þó hann
hefði mátt koma fyrr,“ eins og
hann orðaði það.
JB
frfálst, nháð dagblað
ÞRIÐJUDAGUR 21. SEPTEM'bÉR
3 sitja inni:
STÁLU OG
SVIKU ÚT
HUNDRUÐ
ÞÚSUNDA
Þrír menn sitja nu 1 gæzlu-
varðhaldi og bíða dóms vegna
þjófnaðar á ávísanaheftum,
stimplum fyrirtækja og föls-
unar ávísana úr heftunum.
Hafa þeir allir játað verknað
sinn, en ekki er Ijóst ennþá,
hversu mikið fé og verðmæti
þeir hafa svikið út.
Forsagan er sú að síðari
hluta ágústmánaðar var brotizt
inn að Ármúla 42 og mikið
rótað f skrifstofum þriggja
fyrirtækja, Glófaxa, Rafhönn-
unar og Húsafells. Frá einu
fyrirtækjanna var stolið 7
ávísanaheftum og stimplum
frá tveimur. Síðan var fölsuð-
um ávísunum spreðað út bæði
í Reykjavík og úti á landi og
hafa ávísanafalsararnir verið
teknir bæði í Reykjavík og út
um land. Hafa þeir svikið út
verðmæti og fé fyrir hundruð
þúsunda en nákvæm upphæð
svindlsins lá ekki fyrir í gær.
_______________—ASt.
Sœlgœti
og tóbaki
stolið í
Drangi
Þegar skipstjórinn á Drangi
kom um borð skömmu eftir
klukkan átta í gærmorgun þar
sem skipið lá við bryggju á
Akureyri komst hann að raun
um að brotizt hafði verið inn í
skipið. Farið hafði verið inn
um dyr við skorstein skipsins,
þaðan niður í vélarrúm
skipsins og síðan í vistarverur
skipverja.
I skipinu er smáverzlun þar
sem selt er sælgæti og tóbak og
þaðan hafði verið stolið bæði
vörum og nokkur þúsund
krónum i peningum. A.Bj.
Milljóna vextir af „yfirdrœtti"
sem ekki er til samkvœmt reglum
— Viðtal við reikningshafa
„Það er alveg rétt, sem Hrafn
Bragason, umboðsdómari,
segir, þegar hann telur að
kunningsskapur virðist vera
með flestum hinna 15 reikn-
ingshafa í hinu svokallaða ávis-
anakeðjumáli," sögðu tveir
reikningshafanna í viðtali við
fréttama^n Dagblaðsins.
„Rannsókn Seðlabankans var
og er beint að þessum tiltekna
hópi manna," bættu þeir við.
Annar viðmælenda DB kom
snemjna við sögu þessa máls en
hinn síðar. Þeir sögðu enn-
fremur: „Tilefni hinnar upp-
haflegu athugunar i Seðlabank-
anurn var að rannsaka fjármál
þeirra manna. sem sátu i gæzlu-
varðhaldi i Geirfinnsmálinu.
Athugunin veitti engar upp-
lýsingar um það mál. Þá var
rannsókninni beintaðkunningj-
um þeirra og viðskiptavinum,"
sögðu þessir tveir reiknings-
hafar.
,,Að minnsta kosti einn hinna
15 reikningshafa hefur krafizt
þess fyrir rétti, að könnun
verði gerð á öllum ávísana-
reikningum á íslandi á sama
hátt. A meðan það er ekki gert,
er alveg út í hött að staðhæfa
eitt eða annað um fjölda reikn-
inga, sem eru athugaverðir,
eins og bankastjóri Landsbank-
ans gerði nýlega í viðtali í einu
dagblaðanna."
Aðspurðir um þá ályktun, að
reikningshafar hefðu borið
saman bækur sínar og leitað
aðstoðar lögfræðinga, sögðu
þeir: „Við erum kvaddir fyrir
rétt út af rannsókn, sem beinist
að þvi að upplýsa meint sak-
næmt atferli okkar. Það þykir
vonandi ekki einkennilegt, þótt
við leitum aðstoðar lögfræðinga
og kunnáttumanna í bankalög-
gjöfinni. Þeim mun frekari
ástæðu teljum við til að leita
ráða. sem hér er ekki verið að
gura neina almenna könnun,
heldur aðeins á okkur," sögðu
reikningshafarnir.
Fram hefur komið, að einn
reikningshafanna heldur þvi
fram að hann hafi greitt um kr.
400 þús. í vexti á einu ári af
yfirdrætti. sem viðskiptabanki
veitti honum. Viðmælendur DB
töldu, að vaxtagreiðslur allra
reikningshafa af slíkum yfir-
dráttum, næmu milljónum
króna árlega þau tvö ár, sem
rannsóknin tekur til. Þannig
hafi bönkunum ekki aðeins
verið kunnugt um það, þegar
ávísað var fram yfir innstæður,
heldur hafi þeir samþykkt það,
enda hagnazt mjög vel á þessu
fyrirkomulagi.
Að minnsta kosti einhverjir
þeirra reikninga, sem verið er
að rannsaka, eru svokallaðir
sparisjóðsávísariareikningar.
Yfirdráttur á slikum reikning-
um er ekki til, samkvæmt
reglum bankanna og eðli reikn-
inganna. Heimild til yfirdráttar
á slíkum reikningum er því
ekki hægt að veita að sögn
bankamanna. Af smávægileg-
um yfirsjónum eru hins vegar
teknir refsivextir. Meiri háttar
yfirsjónir valda lokun reikn-
inga sem þessara. Þess má geta,
að yfirdráttur á hlaupareikn-
ingi er heimilaður með sam-
komulagi við bankastjóra og þá
krafizt trygginga fyrir yfir-
drættinum.
Af framansögðu má vera
ljóst, að hundruð þúsunda
vaxtagreiðslur af „yfirdrætti",
sem ekki er til samkvæmt
bankareglum, kallar á skýr-
ingar frá þeim bönkum, sem
mótað hafa slíka viðskipta-
hætti. BS