Frjáls verslun - 01.05.1998, Page 61

ATVINNULIFÐ
skiptatengsl um allan heim og fáum
aðgang að sérþekkingu þeirra á
mörgum sviðum skipahönnunar. Við
höfum þegar ráðið i]óra starfsmenn
vegna aukinna verkefna í kjölfar sam-
runans.
Þetta eru við-
skipti sem henta
báðum mjög vel.
Vik&Sandvik fá
tengsl inn á ís-
lenskan markað.
Hér hefur orðið til
mikil þekking og
reynsla í hönnun
skuttogara en í
Noregi er til þekking á því nýjasta í
smíði flottrolls- og nótaskipa sem er
e.t.v. það sem íslenska útgerðarmenn
vantar. Við teljum að með þessu séum
við að treysta stöðu okkar, skapa
sóknarfæri og flytja út íslenska tækni-
þekkingu,“ sagði Bárður.
STOFNAÐ ÞJQÐHÁTÍÐARÁRIÐ
Skipatækni er tæplega 25 ára gam-
alt fyrirtæki sem var stofnað þjóðhá-
tíðarárið 1974 af tveimur ungum
mönnum þeim Bárði Hafsteinssyni og
Olafi Jónssyni skipatækniffæðingum.
Þetta var í upphafi skuttogaraaldar á
íslandi og Skipatækni var fyrsta fyrir-
tækið sem helgaði sig sérstaklega
skipahönnun en fram til þess höfðu ís-
lenskir stéttarbræður þeirra unnið við
hönnun í hjáverkum.
Olafur og Bárður störfuðu saman
uns Olafur lést síðla árs 1984 en þá
keypti Bárður hans hlut af fjölskyld-
unni og hefur rekið Skipatækni sem
sitt einkafyrirtæki síðan.
Fyrst um sinn var fyrirtækið tíl húsa í
Garðastræti og Borgartúni en fluttí síðar
í sitt eigið húsnæði á Grensásvegi þar
sem það hefur verið síðan en nú þarf
stærra húsnæði og því mun Skipatækni
flytja í nýtt húsnæði við Borgartún 30 á
næstu árum.
Lengi vel voru starfsmennirnir að-
eins þrír en þeim ijölgaði jafnt og þétt
og í dag eru 13
starfsmenn hjá
Skipatækni. Þetta
eru skipatækni-
fræðingar, og verk-
fræðingar, vél-
tæknifræðingur,
vélstjóri og tækni-
teiknarar og skrif-
stofustúlkur.
Fyrirtækið
komst fljótt á legg og hefur hannað
fleiri skip en hér er rúm tíl að rekja.
„Við fengum gott start því það var
mikil gróska í nýsmíði fyrir Islendinga
á þessum árum. Okkar fyrstu skip
voru smíðuð í Slippstöðinni og þau
heita í dag Breki VE og Björg Jóns-
dóttír ÞH. Síðan kom Heiðrún ÍS og
síðar kom tíl fjöldi breytingaverkefiia
og nýsmíða," sagði Bárður.
AFLASKIP í RÖÐUM
Það hafa skipst á skin og skúrir í
skipasmíðum á Islandi í takt við sveifl-
ur í veiði og útgerð. Eftír niðursveiflu
í kringum 1980 kom uppsveifla á árun-
um 1985 til 1990. Þá hannaði Skipa-
tækni aflaskip eins og Sjóla, Harald
Kristjánsson, Júlíus Geirmundsson,
Snæfugl, Björgvin, Ymi, Hálfdán í Búð
og fleiri. Á árunum eftír 1990 ber hæst
Baldvin Þorsteinsson EA og Guð-
björgu ÍS. Á þessum tíma má einnig
nefna ferjur eins og Baldur og Heijólf.
Að sögn Bárðar hafa hin síðari ár
einkennst af aukinni sókn fyrirtækis-
ins á erlendan markað og stórauknum
verkefnum í endurbótum og lenging-
um, sérstaklega á loðnuflotanum.
„Við höfum unnið að mjög mörg-
um verkefnum og þar á meðal
nokkrum þar sem við höfum aðstoðað
útgerðarmenn við að laga sig að úr-
eldingarreglum og þannig í raun end-
ursmíðað eldri skip frá grunni án þess
að það sé skilgreint sem nýsmíði.
Mættí benda á Örn KE og Berg VE.
Þetta er byggt á okkar hugmyndum
og útfærslu.“
Bárður vildi aðspurður ekki gefa
upp hve mikið hinir norsku aðilar
hefðu greitt fyrir hlutinn í Skipatækni
en sagðist vera ánægður með þessi
viðskipti og þá möguleika sem þau
bjóða upp á. B3
Gæðahirslur á góðu verði.
Fagleg ráðgjöf og þjónusta.
®!'Ofnasmiöjan
Verslun Háteigsvegi 7 • Sími 511 1100
Verksmiðja Flatahrauni 13 • Sími 555 6100
FRÆG AFLASKIP
Skipatækni hefur hannað aflaskip eins
og Sjóla, Harald Kristjánsson, Júlíus
Geirmundsson, Snæfugl, Björgvin,
Ými, Hálfdán í Búö og fleiri. Á árunum
eftir 1990 ber hæst Baldvin Þor-
steinsson EA og Guöbjörgu ÍS.
PIR HELMINGINN
flotans, hefur selt norsku fyrirtæki,
fyrirtœki á sviöi skipahönnunar og ráögjafar.
61