Lesbók Morgunblaðsins - 23.06.1984, Page 14
Vegabréfaskoðun er nákvæm, því þeir eru varkárir og
dálítið varir um sig þegar útlendingar eru annars vegar.
Það er heldur ekki hlaupið að því að fá vegabréfsáritun
til Ástralíu: Sendiráð þeirra í Stokkhólmi er eini stað-
urinn sem veitir Norðurlandabúum slíkan stimpil, og
það er ekki fyrr en eftir greinargóð svör frá umsækj-
endum og yfirlýsingar um að þeir hinir sömu muni
halda til síns heima að lokinni heimsókninni, í stað þess
að hverfa inn á víðáttu eyjaálfunnar, þangað sem
starfsmenn hins opinbera í Canberra eiga ekki mögu-
leika á að ná til þeirra.
En þótt mikið nauð og nú kostaði að fá leyfi til þess
að heimsækja Ástralíu var sú fyrirhöfn ekki unnin fyrir
gýg: Þetta er stórkostlegt land og þjóð, sem á sér án efa
glæsilega framtíð. Ung þjóð í einu elsta landi hnattar-
UR ÞORPII milljónaborg
Borgin Sydney hefir á þeim tæpum tvö hundruð ár-
um, sem liðin eru frá því að nokkrir breskir tukthúslim-
ir voru settir þar á land nauðugir, árið 1788, vaxið úr
smáþorpi í glæsiborg 3 milljóna íbúa, sem státar af
fegurstu byggingum, menningarlífi á við það sem best
gerist í þeim efnum og er hreinni en flestar stórborgir í
gamla og nýja heiminum.
Sydney og umhverfi býður íbúum sínum og þeim sem
þangað sækja upp á flest það sem nútímamaðurinn
þráir og telur reyndar til nauðsynja, eins og tækifæri til
útivistar og þess að geta notið sjávar og sólar. í Sydney
eru 34 baðstrendur innan seilingar ef svo má segja, því
höfnin, svo hrein sem hún er, lumar á ótal víkum og
vogum, þar sem Ástralíubúinn sólar sig að loknum
vinnudegi, ef hann fer þá ekki eitthvað lengra eða um
borð í lystibátinn og siglir um hafnarsvæðið eða jafnvel
til næstu fjarðar og flóa.
Höfnin í Sydney býður upp á ótrúlega fjölbreytilega
fegurð, eins og reyndar borgin sjálf. Höfnin er 54 km2 að
flatarmáli og á kvöldin og um helgar skipta lystibátarn-
ir þar þúsundum, en yfir 5 þús. slíkir farkostir eru á
skrá hjá hafnaryfirvöldum.
Baðströndin Bondi er frægust allra slíkra í Sydney,
svipað og Coþacabana í Rió. Þetta er nokkurskonar
almenningsgarður, þar sem allir geta notið sjávar,
sands og sólar. Sú stefna yfirvalda í borginni að auð-
velda fólki útivist og frjálsan aðgang að fegurstu stöð-
um kunna íbúarnir sýnilega vel að meta.
SÖMU SÝNINGAR SEM í LONDON,
PARÍS Og New York
Bygging óperuhússins beindi athygli heimsins að
Sydney, þegar er myndir af þessu furðulega og fagra
húsi tóku að berast um heimsbyggðina. Arkitektinn,
Jorn Utzon, danskur maður, varð ásamt samstarfs-
mönnum að leysa fjölmörg byggingartæknileg vanda-
mál áður en byggingu lauk. Um tíma var jafnvel rætt
um að hætta vð bygginguna eða láta hana standa hálf-
kláraða. Sem betur fer tókst um síðir að yfirstíga örð-
ugleikana og nú státar borgin af húsi sem er engu öðru
líkt, jafnt að utan sem innan.
„Hér njótum við sömu lista og menningarviðburða og
fólk sem býr í London, París og New York,“ sagði Ásgeir
H. Magnússon, íslenskur kaupsýslumaður, sem fyrir sex
árum flutti til Sydney ásamt fjölskyldu og gerðist ástr-
alskur ríkisborgari.
„Leikhúsverk, tónlist, listdans — allt kemur þetta
hingað enda þótt leiðin sé talsvert löng. Við hér í Ástr-
alíu kunnum líka vel að meta slíkar heimsóknir og það
vita listamenn um allan heim.“
Jóna Sigurðardóttir, kona Ásgeirs, tekur undir þetta:
„Hér hefir maður allt það besta og svo þetta frábæra
veður mestan hluta ársins.“ Ásgeir, gamall og góður
vinur frá siglingaárunum, tók sér frí frá störfum og
sýndi okkur Sydney. Synir þeirra hjóna, Sigurður og
Magnús, búa báðir í borginni, Sigurður kvæntur Svöfu
Birgisdóttur, um það bil að ljúka háskólanámi. Magnús,
enn í háskóla og ókvæntur en stundar jafnframt há-
skólanáminu klassískan gítarleik og kennir á gítar í
virtasta tónlistarskóla borgarinnár.
Öll kunna þau vel við sig í Sydney. Ásgeir rekur þar
gott innflutnings- og útflutningsfyrirtæki og hefir
nokkra menn í vinnu.
„Hér er gott að vera og héðan fer ég aldrei", sagði
Ásgeir þegar við kvöddum þessi ágætu hjón eftir
skemmtilegan eftirmiðdag á heimili þeirra, þar sem
íslensk málverk eftir meistarana sígildu prýða veggi.
Fegursta og frægasta bygging í Sydney er án efa óperuhúsið, sem Daninn Jörn Utzon teiknaði.
ví hefir oft verið haldið fram að þrjár borgir, sem allar eru
nafntogaðar — keppi um hver þeirra eigi fegursta hafnar-
svæðið. Rio de Janeiro með sykurtoppinn við hafnarmynn-
ið, San Francisco með sína frægu brú yfir Golden Gate og
svo Sydney, höfuðborg New South Wales í Ástralíu, sem
Sveinn Sæmundsson heldur
áfram hnattferð sinni
og næsti viðkomu-
staður er ein fegursta borg
heimsins, Sydney
í Ástralíu, þar sem m.a. er rætt
við innflytjendur
frá íslandi
undirritaður álítur að tvímælalaust hafi vinninginn í
þessari fegurðarsamkeppni. Sydney státar líka af
frægri brú yfir sina höfn, Harbour Bridge, sem byggð
var fyrir rúmlega 50 árum og tengir borgarhlutana tvo,
aðalborgina og norðurhverfin. Þessi brú er 134 metra há
og um fimm km á lengd. Þó hefir þessi fræga brú
eignast skæðan keppinaut um aðdáun og hylli þeirra
sem skoða fræg mannvirki, nefnilega óperuhúsið, sem
stendur við höfnina stutt frá brúnni — bygging sem er
byggingartæknilegt undur og frábærlega fögur.
Það er merkileg reynsla að koma á flugvöllinn í Syd-
ney eftir að hafa dvalið nokkrar vikur í austurlöndum.
Um leið og flugvélin hefir numið staðar fyrir framan
flugstöðina storma inn sóttvarnarverðir, sem sprauta
farþegarýmið og jafnvel farþega með sótthreinsunar-
efni. Meðan þeir marséra eftir endilangri breiðþotunni
og úðinn streymir úr sóttvarnarbrúsunum sitja farþeg-
arnir stjarfir af undrun yfir þessum aðförum, enda þótt
þeir hafi einhvers staðar lesið að Ástralía sé verndað
land — eða öllu heldur vernduð heimsálfa — þar sem
óheimilt er að flytja inn lifandi dýr, blóm, uppstoppaða
hluti o.fl.
Með þessum ströngu reglum hafa Ástralíumenn var-
ist ýmsum pestum og plágum, sem herja á dýr og plönt-
ur í nágrannalöndunum þarna suðurfrá og lái þeim hver
sem vill þótt þeir neyti allra bragða til þess.
f flugstöðinni kemur maður allt í einu inn í Vestur-
lönd, þar sem tollararnir eru hvítir en tala með þessum
sérkennilega ástralska hreimi, sem er auðþekktur, en
heyrist sjaldan í útvarpinu né heldur í sjónvarpi í Ástr-
alíu.