Morgunblaðið - 04.06.2002, Blaðsíða 11
FRÉTTIR
MORGUNBLAÐIÐ ÞRIÐJUDAGUR 4. JÚNÍ 2002 11
MORGUNBLAÐINU hefur borist
eftirfarandi athugasemd frá Bjarna
Ó. Halldórssyni, framkvæmdastjóra
Aalborg Portland Íslandi hf., vegna
fréttar í Morgunblaðinu 1. júní sl.
undir fyrirsögninni „Laust sement
kostar 1.000 kr. danskar í Færeyj-
um“.
„Eins og fram kemur í yfirskrift
greinar þá er haldið fram að laust
sement kosti 1.000 danskar í Færeyj-
um. Hér verður ekki gerð athuga-
semd um þessa fullyrðingu enda má
gróft sagt einu gilda hvað endurselj-
endur á sementi í Færeyjum selja
sementið á þar. Aalborg Portland A/S
dreifir ekki sementi innan Færeyja
og ræður því ekki endursöluverði í
Færeyjum. Það skal engu að síður
upplýst að þetta verð í Færeyjum er
sennilega eitthvað ódýrara en það
verð sem þurfti að greiða á Íslandi
fyrir samkeppni á sementsmarkaði.
Í umræddri grein Mbl. tel ég að
verið sé að rugla saman epli og app-
elsínu, þ.e. innflutningsverði annars
vegar, sem er u.þ.b. 600 kr. danskar
eins og áður hefur komið fram, og út-
söluverði hins vegar, sem samkvæmt
áreiðanlegum upplýsingum Mbl. er
1.000 kr. danskar. Ekki veit ég hver
tilgangur Mbl. er með þessum skrif-
um.
Ég tel að sá blaðamaður Morgun-
blaðsins sem skrifaði grein um sam-
keppni á sementsmarkaði s.l. fimmtu-
dag hafi gert efninu nokkuð góð skil
og að hér hafi ekkert nýtt komið fram
sem upplýsi um háttsemi samkeppn-
isaðila á sementsmarkaði.
Að lokum ber að geta þess að Sam-
keppnisstofnun hefur nýverið
ákvarðað um verð og samkeppnis-
hætti hvað varðar Aalborg Portland
Íslandi hf. Samkeppnisstofnun taldi
ekki ástæðu til að aðhafast. Á næst-
unni mun verða ákvarðað um sam-
keppnishætti Sementsverksmiðjunn-
ar hf. Undirritaður mun bíða rólegur
en samt með ákveðinni eftirvæntingu
eftir þeirri ákvörðun samkeppnis-
ráðs.“
Athugasemd frá Aal-
borg Portland Íslandi hf.
MENNTAMÁLARÁÐHERRA hef-
ur skipað Halldór Pál Halldórsson í
embætti skólameistara Menntaskól-
ans að Laugarvatni til fimm ára frá
1. september 2002 að telja.
Halldór hefur gegnt stöðu skóla-
meistara Menntaskólans að Laug-
arvatni síðastliðið skólaár í fjarveru
Kristins Kristmundssonar skóla-
meistara, sem hefur fengið lausn frá
embætti að eigin ósk frá og með 1.
september 2002.
Ráðuneytinu barst ein umsókn
um embættið sem send var skóla-
nefnd Menntaskólans að Laugar-
vatni til umsagnar. Skólanefndin
mælti í umsögn sinni til mennta-
málaráðherra einhuga með því að
Halldóri Páli Halldórssyni yrði veitt
embættið.
Halldór Páll
skipaður
skólameistari
á Laugarvatni
ÞYRLA varnarliðsins náði í hjart-
veikan rússneskan sjómann um borð
í togarann Nivenskoe á laugardag en
togarinn var þá staddur á Reykja-
neshrygg.
Beiðni um aðstoð barst Landhelg-
isgæslunni um klukkan 13 og var sjó-
maðurinn kominn á Landspítala –
háskskólasjúkrahús við Hringbraut
um átta klukkustundum síðar.
Stærri þyrla Landhelgisgæslunnar,
TF-LIF, hefur verið í viðhaldsskoð-
un en búist er við að hún komist í
gagnið í næstu viku.
Hjartveikur
Rússi á Reykja-
neshrygg
SIGRÍÐUR Jónsdóttir, varaforseti
Íþrótta- og ólympíusambands Ís-
lands, ÍSÍ, og Guðrún Sigurjóns-
dóttir, formaður Samhjálpar
kvenna, hafa fyrir hönd sinna sam-
taka gert með sér samning sem
kveður m.a. á um að ákveðinn hluti
af söluverðmæti af bolum sem seld-
ir verði í Kvennahlaupi ÍSÍ 16. júní
nk. renni til Samhjálpar kvenna. Í
samstarfssamningnum, sem und-
irritaður var í gær, segir að ef seld-
ir verða 12.000 Kvennahlaupsbolir
eða fleiri renni 50 kr. af hverjum
seldum bol til Samhjálpar kvenna.
„Ef salan nær ekki þessu marki er
fjárhagslegur stuðningur ekki
mögulegur,“ segir í samstarfs-
samningnum. Samhjálp kvenna er
félagsskapur kvenna sem hafa
fengið krabbamein í brjósti.
Sigríður Jónsdóttir, varaforseti
ÍSÍ, segir að markmið samningsins
sé m.a. að vekja athygli kvenna á
mikilvægi reglulegrar hreyfingar.
„Með því að taka þátt í Kvenna-
hlaupinu eru konur ekki bara að
styrkja sjálfar sig heldur einnig að
stuðla að því að styrkja aðrar konur
sem hafa átt um sárt að binda
vegna krabbameins.“ Undir þetta
tekur Guðrún Sigurjónsdóttir, for-
maður Samhjálpar kvenna. „Með
þessu erum við að vekja athygli á
forvörnum gegn brjóstakrabba-
meini,“ segir hún og bendir á að
rannsóknir hafi sýnt að hreyfing
virðist vinna á móti krabbameini.
Guðrún segir að um 1.600 konur
séu á lífi á Íslandi í dag sem hafi
greinst með brjóstakrabbamein, en
um 160 konur greinast árlega með
brjóstakrabbamein hér á landi.
Kvennahlaup ÍSÍ fer fram í 13.
skipti hinn 16. júní nk. Gert er ráð
fyrir að um 20.000 konur hvaðan-
æva af landinu taki þátt í hlaupinu.
Það mun fara fram á yfir hundrað
stöðum á landinu, en einnig verður
hlaupið á nokkrum stöðum erlend-
is. Þátttökugjald er 800 kr. og er
innifalið í því bolur og verðlauna-
peningur. Heimasíða Kvenna-
hlaupsins er sjova.is.
Morgunblaðið/Golli
Guðrún Sigurjónsdóttir, formaður Samhjálpar kvenna, og Sigríður Jónsdóttir, varaforseti ÍSÍ.
Minna á mikilvægi hreyfingar
FJÁRLAGANEFND mun í næstu
viku funda um málefni Sólheima í
Grímsnesi, samkvæmt upplýsingum
frá skrifstofu Alþingis. Nefndin mun
fara yfir skýrslur Ríkisendurskoð-
unar vegna Sólheima og ræða við-
brögð stjórnvalda við þeim vanda
sem kominn er upp í rekstri stað-
arins.
Fundað
um málefni
Sólheima
LÖGREGLUMENN frá Ísafirði og
Bolungarvík, með fíkniefnahund sér
til halds og trausts, fundu um 15 g af
hassi, 18 g af amfetamíni og 2 g af
kókaíni í bifreið sem þeir stöðvuðu á
Hrafnseyrarheiði á föstudag.
Þrír menn voru í bílnum og geng-
ust þeir við að eiga fíkniefnin auk
tækja og tóla til fíkniefnaneyslu. Þeim
var sleppt að loknum yfirheyrslum.
Ætluðu
sjálfir að nota
fíkniefnin
RÍKISSTJÓRN Sjálfstæðisflokks
og Framsóknarflokks eykur lítil-
lega fylgi sitt, samkvæmt nýrri
símakönnun Gallup, sem fram fór
dagana 29. apríl til 29. maí sl. Alls
sögðust 59% aðspurðra styðja rík-
isstjórnina, samanborið við 57% í
könnun Gallup í apríl.
Í Þjóðarpúlsi Gallup segir að
breytingar á fylgi flokkanna sem
eru á Alþingi hafi verið litlar und-
anfarna mánuði. Helstar eru þær
að fylgi Vinstri hreyfingarinnar –
græns framboðs hefur dalað nokk-
uð og virðist sem að Samfylkingin
og Framsóknarflokkurinn hafi
bætt sig að sama skapi, að mati
Gallup.
Samkvæmt könnuninni nú fengi
Sjálfstæðisflokkurinn tæplega 42%
fylgi, Framsóknarflokkurinn
17,3%, Samfylkingin 21,3%, Vinstri
grænir 16,7% og Frjálslyndi flokk-
urinn tæp 2%. Rúmlega 18% voru
ekki viss um hvað þau myndu
kjósa eða neituðu að gefa upp af-
stöðu sína. Rúm 5% sögðust ætla
að skila auðu eða ekki kjósa ef
þingkosningar færu fram núna.
Úrtakið í könnuninni var 2.293
manns á aldrinum 18 til 75 ára,
valið af handahófi úr þjóðskrá, og
var svarhlutfallið 70%. Vikmörk í
könnuninni eru 1–3%.
Aukin ánægja með Geir H.
Haarde og Árna M. Mathiesen
Gallup spurði einnig í símakönn-
un úr sama úrtaki dagana 8. til 22.
maí sl. um ánægju kjósenda með
ráðherra Sjálfstæðisflokksins, en
Gallup hefur fyrir sið að spyrja um
álit á störfum allra ráðherra rík-
isstjórnarinnar tvisvar á ári.
Helstu niðurstöður að þessu
sinni eru þær að ánægja kjósenda
með störf Geirs H. Haarde fjár-
málaráðherra og Árna M. Mathie-
sen sjávarútvegsráðherra hefur
aukist en minnkað hjá öðrum ráð-
herrum flokksins.
Mest er ánægjan með störf
Geirs en 54% segjast vera ánægð
með hann. Það er aukning um 1,4
prósentustig frá síðustu könnun í
nóvember í fyrra þegar 52,7%
sögðust ánægð með hans störf.
Flokksmenn fjármálaráðherra
hafa ekki verið ánægðari með hann
síðan í júní árið 2000, eða 81% nú.
Geir og Davíð Oddsson forsætis-
ráðherra eiga það sammerkt sam-
kvæmt könnuninni að ánægja
framsóknarmanna með þá hefur
aldrei mælst jafn lítil, eða rúmlega
43% framsóknarmanna sem eru
ánægðir með Davíð og rúm 45%
með Geir. Alls sögðust 48% kjós-
enda vera ánægðir með Davíð,
samanborið við 51,6% í nóvember
sl. Sjálfstæðismenn hafa hins veg-
ar ekki verið jafn ánægðir með
Davíð síðan í apríl árið 1999, en
rösk 87% sögðust vera ánægð með
formann sinn.
Fylgismenn allra flokka eru
ánægðari með störf sjávarútvegs-
ráðherra en í nóvember sl. og
mælast tæp 30% kjósenda ánægð
með hann. Síðast sögðust 25,7%
vera ánægð með Árna. Í könn-
uninni sögðust tæp 40% ánægð
með Tómas Inga Olrich mennta-
málaráðherra, rúm 32% voru sátt
við Sólveigu Pétursdóttur dóms-
málaráðherra og tæp 19% með
Sturlu Böðvarsson samgönguráð-
herra. Síðast sögðust 34,6% vera
ánægð með Sólveigu og 32% með
Sturlu.
Könnun Gallup á fylgi flokkanna
Aukinn stuðningur
við ríkisstjórnina
INGI Sigurðsson byggingatækni-
fræðingur verður bæjarstjóri í Vest-
mannaeyjum á komandi kjörtíma-
bili, en fulltrúar Sjálfstæðisflokks
og Framsóknarflokks og óháðra
hafa náð samkomulagi um myndun
meirihluta í bæjarstjórn Vest-
mannaeyja.
Í kosningunum 25. maí sl. fékk D-
listi Sjálfstæðisflokks þrjá fulltrúa
kjörna og B-listi Framsóknarflokks
og óháðra einn fulltrúa en sjö eru í
bæjarstjórn. Á sunnudag tókst sam-
komulag á milli viðræðunefnda
flokkanna um skiptingu fulltrúa,
embætta og formennsku í stjórnir
og nefndir á vegum bæjarstjórnar á
næsta kjörtímabili. Andrés Sig-
mundsson af B-lista verður formað-
ur bæjarráðs fyrstu tvö árin en síð-
an tekur fulltrúi af D-lista við seinni
tvö árin. Fulltrúar Sjálfstæðis-
flokksins hafa ekki ákveðið hver
verður forseti bæjarstjórnar fyrstu
tvö árin en gert er ráð fyrir að það
verði Guðjón Hjörleifsson, fráfar-
andi bæjarstjóri. Síðan tekur full-
trúi B-lista við seinni tvö árin.
Eftir er að ljúka gerð málefna-
samnings en gert er ráð fyrir að því
ljúki innan skamms og samkvæmt
heimildum Morgunblaðsins hafa
ekki komið upp nein ágreiningsefni
við gerð hans.
Þess má geta að Ingi Sigurðsson,
verðandi bæjarstjóri, er kunnur
knattspyrnumaður og leikur með
liði ÍBV í Símadeildinni.
Ingi Sig-
urðsson
verður
bæjarstjóri
Sjálfstæðismenn
og Framsókn
saman í Eyjum
FYLGI Framsóknarflokksins hefur
aukist verulega samkvæmt skoðana-
könnun DV sem gerð var um
helgina, en flokkurinn bætir við sig
4,3 prósentustigum frá því í könnun
DV í mars síðastliðnum. Framsókn-
arflokkurinn mælist með 26,5 pró-
senta fylgi þegar er litið til þeirra
sem afstöðu tóku og er það mesta
fylgi sem Framsóknarflokkurinn
hefur mælst með hjá DV í 8 ár.
39,7 prósent sögðust myndu kjósa
Sjálfstæðisflokkinn, 17,5 prósent
Samfylkinguna, 12 prósent vinstri-
græna og 4,5 prósent Frjálslynda
flokkinn. Fylgi vinstrigrænna mæl-
ist 3,3 prósentustigum minna en í
mars, frjálslyndir bæta við sig fylgi,
fylgi Sjálfstæðisflokksins er óbreytt
og fylgi Samfylkingarinnar er einnig
svipað og í síðustu könnun.
Af öllu úrtakinu sögðust 17,8 pró-
sent styðja Framsóknarflokkinn,
27,7 prósent Sjálfstæðisflokkinn, 3,2
prósent Frjálslynda flokkinn, 12,2
prósent Samfylkinguna og 8,3 pró-
sent vinstrigræna.
Úrtakið var 600 manns. Skiptingin
milli kynja og höfuðborgarsvæðis og
landsbyggðar, var jöfn.
Aukning á fylgi
Framsóknarflokksins
HESTAMAÐUR axlarbrotnaði á
laugardagskvöld þegar hann féll af
baki eftir að hestur hans fældist
vegna flugelda sem skotið var upp í
Lindahverfi í Kópavogi.
Flugeldunum var skotið upp í óleyfi
en aðeins má skjóta upp flugeldum á
gamlárskvöld og á þrettándanum,
nema lögregla veiti leyfi fyrir öðru.
Skömmu áður hafði annar hesta-
maður slasast þegar hann datt af baki
við hesthúsahverfið Heimsenda við
Vatnsendahæð. Var hann meðvitund-
arlaus þegar að var komið.
Slösuðust við
að detta af baki
STUTT
♦ ♦ ♦
♦ ♦ ♦
♦ ♦ ♦
♦ ♦ ♦