Morgunblaðið - 10.09.2002, Blaðsíða 4
KNATTSPYRNA
4 B ÞRIÐJUDAGUR 10. SEPTEMBER 2002 MORGUNBLAÐIÐ
Það var margt jákvætt við leikokkar í fyrri hálfleiknum en ef
maður horfir á leikinn í heild sinni þá
voru Ungverjarnir
einfaldlega betri að-
ilinn í seinni hálfleik
og virðast vera í
betra leikformi en við. Úrslitin voru
vissulega ekki þau sem við vonuð-
umst eftir, við áttum að geta betur,“
sagði Eiður Smári Guðjohnsen við
Morgunblaðið eftir leikinn við Ung-
verja á laugardaginn.
„Ég held að Ungverjarnir hafi
komið með nýja áætlun til síðari
hálfleiks. Þeir lokuðu okkur Rúnar
betur af en áður og það virtist virka
ágætlega. Við náðum ekki að taka
boltann niður og spila honum og vor-
um alltof lengi að byggja upp frá
vörninni. Samt fékk ég færi sem ég
hefði átt að skora úr, en ég býst við
því að hefði ég verið kominn í betri
æfingu, þá hefði ég nýtt þessi færi.
Það hefði verið sérstaklega gaman
að skora þegar ég reyndi að lyfta
boltanum yfir markvörðinn í fyrri
hálfleiknum en hann gerði vel og var
fljótur til baka. En ég hef engar
áhyggjur af þessu, er ánægður með
að hafa spilað í 90 mínútur og við-
urkenni fúslega að ég var orðinn
frekar þreyttur undir lok leiksins.“
Eiður sagði að það tæki sig vænt-
anlega 2–3 vikur í viðbót að komast í
fulla æfingu. „Þetta var aðeins annar
leikurinn minn frá því á síðasta tíma-
bili sem ég spila frá upphafi til enda
og það er ekki nóg. Ég finn fyrir
eymslum hér og þar og þarf fleiri
leiki. En hjá Chelsea virðist Ranieri
ætla að láta mig spila mikið, eins og
til dæmis gegn Arsenal á dögunum
þar sem ég var með allan tímann þó
ég væri orðinn þreyttur þegar á
leið,“ sagði Eiður Smári Guðjohnsen.
Hefði nýtt
færin í betri
æfingu
Morgunblaðið/Brynjar Gauti
Eiður Smári Guðjohnsen fékk nokkur færi til þess að skora í
leiknum við Ungverja. Hann segir að væri hann í betri æfingu
hefði honum lánast að nýta eitthvert þeirra. Hér er Eiður að
fylgjast með knettinum ásamt Ungverjanum Flóríán Urbán.
Eftir
Víði
Sigurðsson
IMRE Gellei, þjálfari ung-
verska landsliðsins, var
ánægður með frammistöðu
sinna manna á Laugardals-
vellinum á laugardaginn.
Hann kvaðst hafa átt von á
mjög erfiðum leik. „Við viss-
um að íslenska liðið væri
sterkt og í mikilli framför og
það var því mjög gott að ná
að sigra hér. Fyrri hálf-
leikur var okkur afar erf-
iður, en í seinni hálfleik
tókst okkur að komast fram-
ar á völlinn. Við nýttum okk-
ar marktækifæri vel og sig-
urinn er okkur afar kær-
kominn, ekki síst vegna þess
að okkur hefur gengið illa
gegn Íslendingum á undan-
förnum árum. Við höfðum
heppnina með okkur, en ég
er ánægður með okkar leik
og vonast til að við getum
haldið áfram á þessari braut
þegar að leikjum Evrópu-
keppninnar kemur.“
Mjög
kærkom-
inn sigur
Rúnar sagði að Ungverjar spiluðuallt öðruvísi knattspyrnu en
Skotar. „Ég býst við því að Skotarnir
spili 4-4-2 eins og
önnur bresk lið en
Ungverjarnir notuðu
3-5-2, sem við erum
óvanir að spila gegn.
Það tók okkur fyrstu 10 mínúturnar
að venjast því sem þeir voru að gera
en síðan fannst mér við ná undirtök-
unum og halda þeim í fyrri hálfleik.
Spilið gekk oft vel og við náðum
ágætlega til Eiðs Smára og Ríkharðs
í framlínunni, þó að við sköpuðum
okkur kannski ekki mörg marktæki-
færi. Í síðari hálfleiknum tókst okk-
ur hins vegar engan veginn að koma
boltanum hratt út úr vörninni, út á
bakverðina, og þaðan á sóknarmenn-
ina eða í gegnum miðjuna. Alltof
margar sendingar mistókust, ein-
faldar sendingar, sérstaklega í
seinni hálfleiknum, og ég er óánægð-
ur með það, bæði með sjálfan mig og
allt liðið. Allir gerðu sig seka um ein-
föld mistök og það virtist vera komin
þreyta í einhverja leikmenn í síðari
hálfleik eftir mikil hlaup í þeimfyrri.
Það er kannski ekki alveg eðlilegt og
við hljótum að geta gert betur næst.“
Hver er skýringin á þessum mun á
milli hálfleikjanna, lékuð þið verr eða
Ungverjarnir betur?
„Ég held að eftir fyrri hálfleikinn
hafi Ungverjunum tekist að finna
lausnir á hvernig þeir ættu að bregð-
ast við okkar leik, og okkur tókst
ekki að vinna gegn því og breyta
hlutunum okkur í hag á ný. Ungverj-
ar náðu undirtökunum á vellinum og
héldu boltanum, við lentum í því
hlutverki að hlaupa á milli þeirra og
það var mjög erfitt. Þeir spiluðu með
þrjá menn inni á miðjunni, á móti
okkur Ívari, og okkur gekk mjög erf-
iðlega að setja pressu á þá og þeir
náðu oft að fara í gegn. Ég á ekki von
á því að þessi staða komi upp gegn
Skotum, en hún gæti gert það gegn
Litháum og öðrum liðum sem beita
þessari leikaðferð.“
Voru Ungverjarnir svipaðir að
styrkleika og þú áttir von á?
„Nei, þeir komu mér á óvart. Ég
átti alls ekki von á þeim lélegum en
ekki svona góðum. Þeir reyna að
spila góðan fótbolta og halda bolt-
anum vel innan liðsins, og sjálfs-
traustið hjá þeim óx eftir því sem leið
á leikinn. Eftir á að hyggja er þetta
mjög gott lið, eins og flest Austur-
Evrópulið hafa jafnan verið. Ung-
verjar hafa verið í lægð í mörg ár en
eru að koma upp með ungt og efni-
legt lið sem á eftir að standa sig vel í
þessari Evrópukeppni og gæti kom-
ist í úrslit á stórmóti eftir 2-4 ár. En
Ungverjarnir voru ekki slíkir snill-
ingar að við hefðum átt að geta bet-
ur, sérstaklega eftir að hafa haft yf-
irhöndina í fyrri hálfleiknum.“
Eru þessi úrslit slæm fyrir sjálfs-
traustið í liðinu?
„Nei, alls ekki. Við vorum fúlir í
fimm mínútur í búningsklefanum en
síðan ræddum við málin, Atli og við
leikmennirnir, og vorum sammála
um að standa uppréttir, brosa og
vera sáttir við lífið. Við höfum áfram
gaman af því að spila fótbolta, það
kemur dagur eftir þennan dag, leik-
ur eftir þennan leik, og nú höfum við
allt að vinna gegn Skotum.“
Voru viðbrigði að koma aftur í
þína gömlu stöðu eftir að hafa leikið
sem sóknarmaður með Lokeren?
„Hjá Lokeren spila ég svipaða
stöðu og Eiður gerir með landslið-
inu, sóknarmaður sem kemur aftur á
miðjuna og hjálpar til. Þetta er
skemmtileg staða, ég get bæði tekið
þátt í spilinu og skotið mér inn í víta-
teiginn og reynt að skora og ég hef
notið mín vel í henni með góða menn
fyrir aftan mig. En ég hef spilað sem
miðjumaður í 10–15 ár og veit hvað
ég á að gera þar, það er erfiðara að
fara aftur fram ef eitthvað er,“ sagði
Rúnar Kristinsson.
Gerðum okkur seka
um einföld mistök
„VIÐ viljum að sjálfsögðu vinna alla leiki, en sem betur fór töpuðum
við engum stigum gegn Ungverjum. Við munum taka með okkur það
jákvæða úr þessum leik og nýta mistökin til að bæta okkur. Það er
engin spurning að við komum sterkari til leiks í október þegar við
förum að berjast um stigin við Skota,“ sagði Rúnar Kristinsson, fyr-
irliði Íslands, við Morgunblaðið en hann lék sinn 95. landsleik gegn
Ungverjum á laugardaginn.
Eftir
Víði
Sigurðsson
Morgunblaðið/Brynjar Gauti
Rúnar Kristinsson var besti leikmaður íslenska liðsins í leiknum við Ungverja, einkum í fyrri hálf-
leik þegar hann fékk að leika lausum hala. Í þeim síðari gáfu andstæðingarnir honum betri gætur.