Morgunblaðið - 10.09.2002, Blaðsíða 5
KNATTSPYRNA
MORGUNBLAÐIÐ ÞRIÐJUDAGUR 10. SEPTEMBER 2002 B 5
ATLI Sveinn Þórarinsson, leik-
maður Örgryte í Svíþjóð, lék sinn
fyrsta A-landsleik gegn Ungverja-
landi á laugardaginn. Það var þó stutt
gaman hjá Atla Sveini, sem var skipt
inn á fyrir Ívar Ingimarsson þegar
venjulegum leiktíma var lokið og spil-
aði aðeins í 1 mín., og 50 sekúndur.
ATLI Sveinn varð þar með 41. leik-
maðurinn sem fær tækifæri í sex
landsleikjum Íslands á þessu ári.
BIRKIR Kristinsson lék sinn fyrsta
landsleik á þessu ári og þann 72. frá
upphafi. Hann er þar með orðinn jafn
Ólafi Þórðarsyni í 4.–5. sæti yfir
landsleikjahæstu leikmenn Íslands
frá byrjun.
BIRKIR hafði varið mark Íslands í
210 mínútur samfleytt án þess að
skorað væri hjá honum þegar Zsolt
Löw kom Ungverjum yfir í leiknum á
laugardaginn. Birkir hélt hreinu síð-
ast þegar hann spilaði, megnið af
seinni hálfleik gegn Póllandi í fyrra,
og þar á undan varði hann mark Ís-
lands í 1:0 sigurleik gegn Norður-Ír-
landi fyrir tveimur árum.
KJARTAN Sturluson, markvörður
Fylkis, var kallaður inn í landsliðshóp
Íslands á síðustu stundu þegar í ljós
kom að Árni Gautur Arason gæti
ekki leikið vegna meiðsla.
SÆVAR Þór Gíslason úr Fylki
þurfti einnig að draga sig út úr hópn-
um vegna meiðsla en enginn kom í
hans stað og Ísland var því með 17
menn í stað 18 í sínum leikmannahópi.
ÓLAFUR Stígsson, Gylfi Einars-
son og Kjartan Sturluson sátu á vara-
mannabekk Íslands og komu ekkert
við sögu í leiknum.
ÞAR með hefur enginn leikmaður
spilað alla sex landsleiki ársins. Árni
Gautur, Sævar Þór og Ólafur Stígs-
son voru þeir einu sem höfðu verið
með í öllum fimm leikjunum. Auk
þeirra hafa nú Hjálmar Jónsson og
Marel Baldvinsson spilað fimm lands-
leiki á þessu ári.
GÁBOR Király, markvörður Ung-
verjalands og félagi Eyjólfs Sverris-
sonar hjá Herthu Berlín í Þýska-
landi, leit kunnuglega út í markinu.
Király leikur jafnan í gráum síðbux-
um í markinu hjá Herthu og hafði
greinilega tekið þær með sér til Ís-
lands.
FÓLK
Sigurður Jónsson, þjálfari FH-inga, var „njósnari“ á leik Litháa
og Þjóðverja fyrir Atla Eðvaldsson
landsliðsþjálfara en þjóðirnar, sem
eru í riðli með Íslendingum í undan-
keppni EM, áttust við í Litháen á
sama tíma og Íslendingar öttu kappi
við Ungverja. Þjóðverjar, silfurliðið
frá HM í sumar, unnu sannfærandi
sigur, 2:0, í leik sem þeir höfðu und-
irtökin í að sögn Sigurðar.
„Þjóðverjarnir voru með leikinn í
sínum höndum og þó svo að þeir virt-
ust bara vera í fyrsta gírnum áttu
Litháarnir aldrei möguleika. Ég bjóst
við Litháunum mun sterkari og ég
verð að segja að leikur þeirra var
mjög ómarkviss og það mér kom mér
á óvart hversu illa skipulagðir þeir
voru. Þeir vissu greinilega ekki
hvernig þeir áttu að mæta Þjóðverj-
unum. Lithárnir eru með hættulega
leikmenn í fremstu víglínu en þeir
fengu úr litlu að moða enda lá liðið
mjög aftarlega. Ég var hissa hversu
ánægðir forystumenn knattspyrnu-
sambandsins í Litháen voru með úr-
slitin en þeim fannst 2:0 tap fín úrslit.
Það virkaði mjög lítil stemning í lithá-
íska liðinu enda skilst mér að einhver
ónægja sé hjá leikmönnum þar sem
ekki er búið að semja um bónus-
greiðslur,“ sagði Sigurður í samtali
við Morgunblaðið.
Íslendingar taka á móti Litháum á
Laugardalsvellinum hinn 16. október
og spurður um möguleika íslenska
liðsins í þeim leik sagði Sigurður að
þeir væru góðir.
„Við eigum að vinna þetta lið á
heimavelli þó svo að leikur Litháanna
að þessu sinni hafi kannski ekki verið
alveg marktækur. Þjóðverjarnir eru
með það sterkt lið og það kom í ljós
mikill styrkleikamunur á liðunum.
Við megum samt alls ekki falla í þá
gryfju að ætla að vanmeta Litháana.
Það þurfa allir í íslenska liðinu að vera
í toppstandi og ég trúi ekki öðru en að
strákarnir rífi sig upp og komi allt
öðruvísi stemmdir til leiks í leikina í
haust. Mér skilst að þeir hafi ekki
spilað vel á móti Ungverjunum en ég
hef fulla trú á þessum leikmönnum.
Þeir eru metnaðarfullir upp til hópa
og ég held að þeir láti leikinn við Ung-
verja sér að kenningu verða. Úrslitin í
Færeyjum voru okkur hagstæð og ég
tel gott tækifæri til að gera góða hluti
í riðlinum,“ sagði Sigurður.
Leikmönnum íslenska landsliðsinsog landsliðsþjálfaranum varð
tíðrætt fyrir leikinn um að hann væri
prófsteinn á getu
liðsins og þegar nið-
urstaðan liggur nú
fyrir, það er 2:0 tap á
heimavelli fyrir Ung-
verjum, sem bæði eru töluvert lægra
skrifaðir á knattspyrnuvellinum og
hefur gengið illa síðustu misserin, er
óhætt að segja að liðið sé nánast á
byrjunarreit og eigi töluvert langt í
land að stilla saman strengi sína.
Fyrri hálfleikurinn var svo sem í lagi
hjá íslensku strákunum. Ungverjar
byrjuðu að vísu betur en þegar mest-
ur hrollurinn var farinn af leikmönn-
um náðu Íslendingar undirtökunum
og stjórnuðu að mestu ferðinni. Rún-
ar Kristinsson og Eiður Smári Guð-
johnsen höfðu sig mikið í frammi,
Rúnar á miðsvæðinu þar sem hann
réð að mestu ríkjum og Eiður í
fremstu víglínu, sífellt skapandi en
skorti herslumuninn á að brjóta á
bak aftur ungversku vörnina. Eiður
var ekki langt frá því að skora frá-
bært mark á 20. mínútu. Hann reyndi
að skjóta knettinum yfir Gabor Kir-
aly, markvörð Ungverja, af um 40
metra færi, en Kiraly, félagi Eyjólfs
Sverrissonar hjá Herthu, þurfti að
hafa sig allan við og handsamaði bolt-
ann naumlega. Íslendingar hertu
mjög sókn sína undir lok fyrri hálf-
leiksins og einhvern veginn hafði
maður það á tilfinningunni að mark
lægi í loftinu. Eiður og Hermann
Hreiðarsson áttu tvö ágæt skallafæri
og Lárus Orri skaut í varnamann og
þaðan fór knötturinn rétt framhjá.
Ungverjar ná undirtökunum
Fyrri hálfleikurinn var markalaus
en frammistaða íslenska liðsins við-
unandi þó svo að sóknarleikurinn
sigldi yfirleitt í strand á síðasta þriðj-
ungi vallarsins.
Síðari hálfleikurinn var vægt til
orða tekið ákaflega dapur af hálfu Ís-
lendinga. Ungverjar, sem höfðu legið
mjög til baka með lið sitt í fyrri hálf-
leik mættu mjög ákveðnir til leiks.
Þeir byrjuðu á því að klippa Rúnar og
Eið Smára út úr leiknum og við það
náðu þeir smátt og smátt undirtök-
unum í leiknum. Íslendingar áttu
mjög undir högg að sækja og fyrsta
viðvörun þess sem koma skyldi var
þrumuskot varamannsins Krisztians
Lisztes sem small í þverslánni á 62.
mínútu leiksins. Mínútu síðar náði ís-
lenska liðið sinni bestu sókn í leikn-
um. Brynjar Björn og Jóhannes Karl
léku vel saman upp hægri vænginn,
Jóhannes átti góða fyrirgjöf á Eið
Smára en viðstöðulaust skot hans úr
vítateignum fór yfir markið. Ung-
verjar voru miklu líklegri í sínum
sóknaraðgerðum en markið sem þeir
skoruðu á 76. mínútu var mjög slysa-
legt og skrifast alfarið á Birki Krist-
insson markvörð, sem leysti Árna
Gaut Arason af hólmi. Zsolt Löw
skoraði með föstu skoti sem fór beint
á Birki en einhverra hluta vegna fór
boltinn á milli handa hans og í netið.
Markið kom eins og reiðarslag en
þurfti svo sem ekki að koma óvart
eins og leikurinn þróaðist. Eiður
Smári fékk stuttu síðar gott færi til
að jafna metin eftir góðan undirbún-
ings Marels Baldvinssonar en skot
Eiðs af markteignum fór yfir ung-
verska markið. Íslenska vörnin lét
svo taka sig í bólinu fimm mínútum
fyrir leikslok. Sofandahátturinn var
algjör og Pal Dardai fékk nægt rými
til að munda skotfótinn og skora með
föstu skoti sem Birir átti enga mögu-
leika á að verja.
Slakt og taktlaust
Það er erfitt að draga út einhverja
jákvæða þætti í leik íslenska liðsins
því í heildina séð var liðið slakt og
taktlaust. Það sáust þokkalegir kafl-
ar hjá liðinu í fyrri hálfleik, mest fyrir
tilstilli Rúnars Kristinssonar, en síð-
ari hálfleikurinn var ekki upp á
marga fiska hjá íslensku leikmönn-
unum. Liðið koðnaði gjörsamlega
niður og lét Ungverjunum eftir að ná
undirtökunum í leiknum. Baráttu- og
andleysið sveif yfir vötnum, leikgleð-
in engin og lið sem fær dæmdar á sig
níu rangstöður í einum leik er ekki
með einbeitinguna í lagi. Sóknarleik-
urinn var mjög bitlítill, Eiður Smári
reyndi eftir fremsta megni að búa
eitthvað til upp á eigin spýtur en
hann var þreyttur í síðari hálfleik auk
þess Ungverjar lokuðu sendingar-
leiðunum til hans. Sendingarfeilar
voru mjög áberandi í síðari hálfleikn-
um hjá íslenska liðinu og því gekk illa
að koma boltanum í spil úr öfstustu
vörn.
Birkir Kristinsson gerði sig sekan
um sjaldséð mistök í fyrra marki
Ungverjanna. Líklega hefur sólin
blindað Birki og skrýtið að hann
skyldi ekki vera með derhúfu í seinni
hálfleiknum. Frammistaða varnar-
mannanna var ekkert til að hrópa
húrra fyrir. Brynjar Björn Gunnars-
son fann sig engan veginn í bakvarð-
arstöðunni og átti dapran dag. Lárus
Orri og Hermann náðu ágætlega
saman í miðvarðastöðunum en voru
illa á verði í síðara marki Ungverj-
anna. Arnar Þór Viðarsson var
sprækur til að byrja með en átti eftir
það erfitt uppdráttar og þá sérstak-
lega með sendingar sínar. Rúnar
Kristinsson var eins og áður segir
mjög áberandi í fyrri hálfleik en eftir
að Ungverjar lokuðu á hann í seinni
hálfleik misstu Íslendingar undirtök-
in í leiknum. Ívar Ingimarsson, sem
lék með Rúnari inni á miðsvæðinu,
náði sér ekki á strik og virkaði þung-
ur og sömu sögu er að segja af væng-
mönnunum. Hjálmar Jónsson byrj-
aði vel en datt fljólega út úr leiknum
og var linur í návígjum. Jóhannes
Karl hefur oftast leikið betur en var
engu að síður duglegur. Eiður Smári
sýndi lipra takta í fyrri hálfleik og var
skásti maður liðsins ásamt Rúnari en
Ríkharður Daðason spilaði líkt og
margir íslensku leikmanna langt
undir getu.
Íslenska liðið olli miklum von-
brigðum og var nánast í sama farinu
og í síðari hálfleiknum gegn Andorra
á dögunum. Eitt geta íslensku lands-
liðsmennirnir þakkað fyrir. Leikur-
inn var ekki í keppni heldur æfing
fyrir stóru verkefnin í haust og þegar
á hólminn er komið telja þeir leikir en
ekki vináttuleikir. Leikmenn ís-
lenska liðsins og þeir sem að því
standa verða hins vegar að horfast í
augu við þá staðreynd að álíka
frammistaða boðar ekki gott. Breyt-
inga er þörf á leik liðsins og ekki síst
hugarfari því ekki var að sjá á vel
flestum leikmönnum íslenska liðsins
að þeir hefðu vilja eða áhuga til að
standa sig í prófinu sem þeir þreyttu
og féllu á. Botninum er vonandi náð
og þegar alvaran tekur við í næsta
mánuði gerir maður þá kröfur til liðs-
ins að það taki sig saman í andlitinu.
Morgunblaðið/Árni Sæberg
Það hitnaði heldur betur í kolunum undir lok leiksins þegar íslenska liðið bjó sig undir að taka hornspyrnu. Gábor Király, markvörður
Ungverja, féll skyndilega við og hélt því fram að Lárus Orri Sigurðsson hefði stigið harkalega ofan á fót sinn. Í framhaldinu hljóp
mönnum kapp í kinn en finnska dómaranum Jari Maisonlahti tókst af röggsemi að róa leikmenn niður áður en allt fór úr böndunum.
Dapurleg frammistaða
ÍSLENSKA landsliðið í knattspyrnu féll á lokaprófinu sem það
þreytti fyrir átökin í undankeppni Evrópumótsins í næsta mánuði
þegar það mætti Ungverjum á Laugardalsvelli á laugardaginn. Brún-
in var létt á íbúum höfuðborgarsvæðisins í blíðviðrinu um helgina en
Adam var ekki lengi í paradís hjá því fólki sem mætti í Laugardalinn
til að berja íslensku landsliðsmennina augum. Það varð fyrir gífur-
legum vonbrigðum enda ekki nema von því íslenska liðið náði sér
engan veginn á strik, tapaði verðskuldað fyrir baráttuglöðum Ung-
verjum og þegar einn mánuður er þar til átökin í undankeppni EM
hefjast er ekki hægt annað en að vera áhyggjufullur fyrir hönd Atla
Eðvaldssonar landsliðsþjálfa og lærisveina hans.
Guðmundur
Hilmarsson
skrifar
Litháarnir illa
skipulagðir