Morgunblaðið - 10.09.2002, Blaðsíða 11

ÍÞRÓTTIR
MORGUNBLAÐIÐ ÞRIÐJUDAGUR 10. SEPTEMBER 2002 B 11
Fyrir keppnina töluðu ökumennum að sérleiðirnar væru margar
hverjar mjög grófar og hefðu ef til
vill átt að gera formlegar athuga-
semdir og fá ákveðnar leiðir felldar
út þar sem sumar hverjar voru ein-
ungis færar jeppum. Sökum þessa
mikla brottfalls bíla úr keppninni fór
spennan óhjákvæmilega sömu leið og
datt botninn úr öllu eftir að Sigurður
Bragi Guðmundsson og Ísak Guð-
jónsson á Rover Metro féllu úr
keppni í upphafi annars keppnisdags
eftir að bensíndæla bilaði. Fram að
því óku Sigurður Bragi og Ísak en
Baldur og Jón vissu af 140 sekúnda
refsingu sem Metro-menn fengu í
upphafi keppni og gátu þar af leið-
andi hlíft bílnum í gegnum mestu
ófærurnar. „Það er með ólíkindum að
við skyldum þurfa að ganga í gegn-
um allar þessar bilanir,“ sagði Ísak.
„Það leit ekki út fyrir að það yrði góð
byrjun á rallinu þegar við sprengjum
þrjú dekk á leiðinni á fyrstu sérleið
og fáum mikla refsingu fyrir að mæta
of seint. Við vorum að keyra mjög vel
þar sem allt var í lagi eða þar til bens-
íngjafarbarkinn slitnar á Hekluleið
en við náum að bjarga því og klára
sérleiðina. Á laugardeginum gekk
allt vel þar til við vorum búnir að
setja á okkur hjálmana og ræstum
bílinn þá gekk það ekki. Við reyndum
að finna bilunina en fundum ekkert
en líklegast hefur þetta verið bens-
índælan,“ sagði Ísak en það má segja
að keppnin hafi verið búin eftir
Hekluleiðina þar sem þeir tapa átta
mínútum á feðgana vegna þessarar
bilunar.
Pössuðum okkur alls staðar
„Við byrjuðum strax á annarri sér-
leið að fara í varnarkeyrslu,“ sagði
Baldur. „Þetta var mjög óvenjulegt
því strax á fyrstu sérleið falla Gunn-
ar og Björn út og Sigurður Bragi og
Ísak fá refsingu fyrir að mæta of
seint en þetta var ekki alveg það sem
maður vildi. Eftir ruglið á sérleiðinni
um Gunnarsholt var þetta komið nið-
ur í 40 sekúndur og hættum við þá
þessari varnarkeyslu og ákváðum að
sækja aftur og það entist eina og
hálfa leið því þá bilaði eitthvað í
Metro. Þetta er búið að vera meira
og minna öruggur akstur þar sem við
pössuðum okkur alls staðar. Ég tel
mig hafa fengið ofboðslega lítið út úr
þessari keppni en þetta var bara
svona núna. Ég hefði viljað sjá keppi-
nauta okkar lengur inni því það er
alltaf skemmtilegra að vera að slást
og Siggi Bragi er að keyra vel,“ sagði
Baldur að keppni lokinni. Til saman-
burðar við keppnina í fyrra þá var
Baldur með 140,93 kílómetra meðal-
hraða á Tröllhálsinum en núna var
meðalhraði hans einungis 114,69 sem
er litlu hraðar en þeir Þorsteinn og
Ragnar voru að aka á Renault Clio
sem er með drif á einum öxli. Vegna
þeirrar yfirburðastöðu sem þeir
feðgar voru með gátu þeir leyft sér
að hrekkja þjónustulið sitt verulega á
sérleiðinni um Djúpavatn þegar þeir
stöðvuðu bíl sinn viljandi utan í veg-
kanti og hleyptu Sighvati og Úlfari
fram úr sér og létu þannig líta út eins
og þeir hefðu orðið að hætta keppni
vegna bilunar.
Allt of grófar sérleiðir
„Mér fannst þetta rall vera leið-
arlega séð alltof gróft, sérstaklega til
að byrja með. Þótt það hafi oft verið
mikil afföll í þessu ralli tel ég að hægt
sé að finna betri vegi. Við sjáum það
að á tveimur leiðum dettur nánast
helmingurinn af bílunum úr keppni.
Ég var búinn að gera athugasemd við
þetta fyrir keppnina; að mér fyndist
þetta of gróft en þetta er eitthvað
sem verður örugglega lagað því það
er synd hvað margir detta út því
þetta skemmir bara keppnina í rall-
inu,“ sagði Baldur sem var engu að
síður glaður yfir því að sigra þótt
slagurinn við stýrið væri ekki mikill.
Sighvatur og Úlfar stóðu sig vel og
hefur það án efa hjálpað að þeir
keppa á jeppa en ekki venjulegum
rallíbíl. Þeir voru ánægðir með
keppnina þar sem þetta hentaði þeim
vel en voru á því að þetta eru ekki
hentugar sérleiðir fyrir rall eins og
þetta þar sem þetta færi alltof illa
með bílana. „Ég sagði það fyrir
keppni að þetta myndi líklega kosta
marga bíla ef menn myndu skilja
skynsemina eftir heima og ekki aka
eftir aðstæðum eins og kom í ljós.
Það eru menn að ljúka rallinu sem
voru nokkuð nettir og höfðu þá eitt-
hvað út úr því,“ sagði Úlfar Eysteins-
son, sem telur að margar sérleiðir í
þessari keppni ættu frekar heima í
sérstöku jepparalli eins og haldið er
víða erlendis og hafa þeir meðal ann-
ars tekið þátt í slíkum keppnum í
Bretlandi og vilja koma slíkri keppni
á fót hérlendis.
Hvalfjörður var felldur út á síð-
ustu stundu. Fyrsta sérleið seinni
keppnisdags átti að vera ekin um
gamla þjóðveginn no. 1 í Hvalfirði en
þegar undanfarabílar höfðu farið af
stað og fyrstu keppendur að gera sig
klára til að fara inn á leiðina var sér-
leiðin felld niður vegna öryggis-
ástæðna. „Þetta kom í ljós þegar
menn voru að setjast yfir þetta í gær-
kvöld vegna þess hversu dagurinn í
gær var grófur og sumir bílarnir
voru orðnir skemmdir og maður veit
ekki nákvæmlega ástandið á þeim.
Það var því ákveðið að taka enga
áhættu á þeim rosalega hraða sem
hér væri að láta menn keyra hana,“
sagði Ólafur Guðmundsson, öryggis-
fulltrúi LÍA, þegar Morgunblaðið
náði tali af honum eftir að sérleiðin
hafði verið felld niður. „Mér fannst
allt í lagi að Hvalfjörðurinn skyldi
vera felldur út,“ sagði Baldur. „Ég
var búinn að segja það fyrir keppnina
að þetta væri allt of hröð leið en mér
fannst ekki alveg rétt að þessu stað-
ið, bæði þar sem fólk var komið inn á
leiðina til að horfa á og við mættir
með bílana á dekkjum fyrir malbik
og fá bara að vita þegar við erum að
starta inn á leiðina að hún verði ekki
keyrð. Þetta finnst mér ekki gott mál
þar sem þetta á að vera á hreinu áður
en keppnin fer á stað. Þetta er eitt-
hvað sem menn þurfa að læra af og
gera betur næst,“ sagði Baldur.
Ljósmynd/Gunnlaugur Briem
Baldur Jónsson og Jón Ragnarsson á fullri ferð á Subaru-bifreið um hinn slæma veg á sérleiðinni við Stöng í Þjórsárdal.
Keppnin fjar-
aði snemma út
FEÐGARNIR Baldur Jónsson og
Jón Ragnarsson á Subaru Leg-
acy sigruðu í Rallý Reykjavík,
sem fram fór um helgina, með
svo miklum yfirburðum að þeir
hefðu getað sleppt því að aka
tæplega 39 kílómetra sérleið
um Kaldadal. Í öðru sæti urðu
þeir Sighvatur Sigurðsson og
Úlfar Eysteinsson á Jeep
Cherokee en þeir voru rúmlega
20 mínútum á eftir feðgunum að
aka sérleiðirnar. Bræðurnir Þor-
steinn P. Sverrisson og Ragnar
Sverrisson á Renault Clio end-
uðu í þriðja sæti. Af þeim 20
áhöfnum sem hófu keppni náðu
einungis sjö að ljúka henni sem
er óvenju lágt hlutfall en keppn-
in hefur verið gagnrýnd fyrir að
vera allt of gróf og þoldu bílar
engan veginn álagið.
Morgunblaðið/Jim Smart
HK úr Kópavogi sigraði í 2. deild karla á Íslandsmótinu í knattspyrnu í sumar og fékk bikarinn af-
hentan eftir lokaleik sinn á föstudagskvöldið. HK sigraði þá Selfoss, 7:2, í Fagralundi. Leikmenn
HK, með Gunnleif Gunnleifsson markvörð í aðalhlutverki, fögnuðu árangri sumarsins af mikilli
innlifun og sungu sigursönginn sinn, um hana Rabarbara-Rúnu, áður en Eggert Magnússon, for-
maður KSÍ, færði þeim sigurlaunin. HK vann sér sæti í 1. deild á næsta ári ásamt Njarðvík og
koma liðin tvö, sem bæði léku í 3. deild í fyrra, í staðinn fyrir ÍR og Sindra.
JÚGÓSLAVAR tryggðu sér Heims-
meistaratitilinn í körfuknattleik á
sunnudag er þeir lögðu Argentínu
að velli í framlengdum úrslitaleik,
84:77, og er þetta í fyrsta sinn frá
árinu 1963 að lið nær að verja HM
titil sinn en Júgóslavar unnu einnig
árið 1998 og það vekur athygli að
Brasilía afrekaði það síðast fyrir
tæplega fjórum áratugum.
Þetta er í fimmta sinn sem Júgó-
slavar verða heimsmeistarar en þeir
sýndu styrk sinn í úrslitaleiknum
með því að ná að vinna upp átta
stiga forskot Argentínumanna á síð-
ustu tveimur mínútum leiksins.
Svetislav Pesic, þjálfari liðsins,
andaði léttar eftir sigurinn því hart
var deilt á liðið eftir riðlakeppnina
þar sem tveir leikir töpuðust en liðið
vann einnig tvo.
Dejan Bodiroga fór fyrir liði
Júgóslava að þessu sinni með 27
stigum en Peja Stojakovic skoraði
24. „Það var yndislegt að verja tit-
ilinn og það var ekki fyrr en við fór-
um að leika saman sem lið að hlut-
irnir fóru að ganga hjá okkur,“
sagði Bodiroga.
Argentínumenn voru ósáttir við
að fá ekki vítaskot undir lok venju-
legs leiktíma, í stöðunni 75:75, er
brotið var á Hugo Sconochini í snið-
skoti en grískur dómari leiksins
dæmdi ekkert og því var framlengt.
Nowitzki bestur
Þjóðverjar fengu bronsverðlaunin
eftir sigur á liði Nýja-Sjálands,
117:94. Dirk Nowitzki skoraði 29
stig fyrir Þjóðverja, hann skoraði
flest stig að meðaltali í keppninni
eða 24 og var útnefndur sem verð-
mætasti leikmaður keppninnar,
MVP. Gríðarlegur áhugi var á Nýja-
Sjálandi og fylgdust um 900 þúsund
íbúar landsins með beinni útsend-
ingu frá undanúrslitaleik liðsins
gegn Júgóslavíu en um 4 milljónir
búa í landinu. Áhorfið var betra en
þegar ruðningslandslið Nýja-Sjá-
lands lék á ÓL í Sydney árið 2000.
Júgóslavar
vörðu titilinn