Morgunblaðið - 10.09.2002, Blaðsíða 7
ÍÞRÓTTIR
MORGUNBLAÐIÐ ÞRIÐJUDAGUR 10. SEPTEMBER 2002 B 7
Ég hef mjög gaman af því aðkeppa, en að leggja Andre í úr-
slitaleik á U.S. Open er líklega end-
irinn á sögunni,“ sagði Sampras eftir
sigurinn. „Það gæti verið gaman að
hætta núna, en...“, bætti kappinn við,
en Sampras er 31 árs gamall og næst
elstur til að sigra á mótinu, Ken
Rosewall sigraði árið 1970, þá 35 ára
gamall.
Sampras hefur gengið allt í óhag
síðan hann sigraði á Wilbledon fyrir
tveimur árum, var meðal annars
sleginn út í fyrstu umferð Opna
franska mótsins og féll út á síðasta
Wimbledon fyrir George Bastl, sem
fékk að vera með vegna þess að ann-
ar tennisleikari forfallaðist á síðustu
stundu.
„Þetta gæti verið toppurinn hjá
mér, að ná að rífa sig upp eftir tvö
gríðarlega erfið ár er mjög ljúft. Ég
gæti hætt núna og verið sáttur við
það sem ég hef gert á ferlinum. En
mér finnst enn eins og ég eigi að geta
átt nokkrar ánægjustundir á tenn-
isvellinum,“ sagði Sampras eftir sig-
urinn. Þetta var í fimmta sinn sem
hann vinnur á þessu móti og alls hef-
ur hann sigrað 14 sinnum á stóru
mótunum.
Agassi sagði Sampras hafa leikið
mjög vel. „Hann hefur enn ótrúlega
gott auga fyrir leiknum og hann er
hættulega góður. Ef einhver heldur
því fram að Sampras sé búinn að
vera sem tennisleikari þá er sá hinn
sama fáfróður um tennis,“ sagði
Agassi.
Munurinn á þeim í úrslitaleiknum
lá fyrst og fremst í uppgjöfunum en
Sampras fékk 33 ása en Agassi að-
eins sjö.
Serena í sérflokki
Þetta er í þriðja sinn á þessu ári
sem Williams-systur leika til úrslita
á stórmóti og hefur sú yngri, Serena,
haft betur í öll skiptin. Hún virðist í
sérflokki þessa stundina því Serena
tapaði ekki einu setti á mótinu.
Á einu ári hefur Serena tekið völd-
in í baráttu systranna um efstu sætin
á stórmótunum fjórum en fyrir ári
síðan var það Venus sem sigraði Ser-
enu í úrslitum á opna bandaríska
meistaramótinu.
Serana þakkaði föður sínum, Rich-
ard Williams, fyrir að hafa stutt við
bakið á systrunum í gegnum tíðina
en faðir þeirra hefur verið mikið í
sviðsljósinu þar sem hann hefur
sterkar meiningar um flesta hluti
sem snúa að tennis. Það vekur at-
hygli að Serena lagði systur sína að
velli í maí á þessu ári á mótaröð at-
vinnukvenna sem fram fór á Ítalíu.
Var það aðeins í annað sinn á ferli
þeirra sem sú yngri hafði lagt þá
eldri að velli. Frá þeim tíma hefur
Serena ekki gefið færi á sér.
Serena hefur leikið 44 leik á árinu
og tapað fjórum þeirra og sigrað á
fimm mótum til þessa. Faðir þeirra
hefur verið gagnrýndur harðlega
fyrir að halda þeim systrum frá ýms-
um smærri mótum sem flestir bestu
tennisleikarar heims taka þátt í en
þessi aðferð hefur hinsvegar skilað
sigrum á stórmótum undanfarin ár.
Sampras
sterkastur
SERENA Williams og Pete Sampras sigruðu í einliðaleik á opna
bandaríska meistaramótinu í tennis sem lauk um helgina. Serrena
lagði eldri systur sína, Venus, að velli í tveimur settum og Sampras
lagði Andre Agassi í fjórum settum.
Heimastúlkur réðu ferðinni í fyrrihálfleiknum en áttu í erfiðleik-
um með að brjótast í gegnum vörn
ÍBV. Hulda Frí-
mannsdóttir og Ás-
dís Jóna Sigurjóns-
dóttir fengu þó báðar
upplögð færi en
skallar þeirra hittu ekki í markið.
ÍBV fékk tvö næstu færi. Fyrst átti
Laufey Ólafsdóttir hörkuskot sem
Sandra Sigurðardóttir varði mjög
vel en næst vippaði Bryndís Jóhann-
esdóttir yfir Söndru en boltinn fór í
markslána. Undir lok hálfleiksins
komst Þorbjörg Jóhannesdóttir inn
fyrir vörn ÍBV, vippaði yfir Petru
Bragadóttur markvörð en Sigríður
Ása Friðriksdóttir bjargaði naum-
lega í horn. Strax á eftir átti Þóra
Jóna Árbjörnsdóttir hörkuskot upp í
samskeytin hjá ÍBV en Petra sló
boltann í slána, hann barst svo aftur
fyrir markið og Þorbjörg skaut föstu
skoti og enn glumdi í markslánni.
Síðari hálfleikur var jafnari en
heimastúlkur fengu færin. Á 58. mín-
útu komst Þorbjörg ein í gegn og
náði að pota boltanum fram hjá
Petru en Erna Sigurjónsdóttir kom
til bjargar á síðustu stundu. Þór/KA/
KS fékk hornspyrnu og upp úr henni
kom skalli frá Þóru Pétursdóttur
sem ÍBV bjargaði á línu.
Nokkru síðar komst Ásdís Jóna
ein í gegn en Petra varði frábærlega.
Nokkuð dró af heimaliðinu er á leið
og Eyjastúlkur voru mun sterkari
síðasta kortérið. Margrét Viðars-
dóttir átti gott skot fram hjá marki
Þórs/KA/KS og síðasta færið fékk
Sara Sigurlásdóttir en Sandra varði
hökuskot hennar.
Leikurinn var ágætlega leikinn af
beggja hálfu og aðeins vantaði að
klára færin sem sköpuðust. Í liði
gestanna var Sigríður Ása Friðriks-
dóttir mjög traust í vörninni, yfirveg-
uð og skilaði boltanum vel frá sér.
Petra var góð í markinu, Elena Ein-
isdóttir sterk og Bryndís Jóhanns-
dóttir sýndi skemmtilega takta. Lið
heimamanna var jafnara en Sandra
og Ásdís Jóna léku einna best og
Hrafnhildur Guðnadóttir sýndi mik-
inn dugnað og var hörð í návígjunum.
Færin fóru
í súginn
ÞAÐ verður ekki annað sagt en að leikmenn Þórs/KA/KS og ÍBV hafi
gleymt skotskónum heima er stúlkurnar mættu til leiks í frábæru
veðri á Akureyri á sunnudag. Fjölmörg góð færi litu dagsins ljós en
ekkert var skorað. Þetta þýddi að Þór/KA/KS spilaði sinn þriðja leik
í röð án taps og alls náðu þær tíu stigum úr fimm síðustu leikjum
sínum í deildinni. Eins og menn eflaust muna féll liðið úr deildinni
sl. sumar en fékk sætið aftur því Þróttur sem átti að flytjast upp í
staðinn þáði ekki sæti sitt. Fimmta sætið varð hlutskipti liðsins í ár
sem verður að teljast mjög ánægjulegt fyrir stelpurnar en ÍBV end-
aði í næsta sæti fyrir ofan.
Einar
Sigtryggsson
skrifar
Valsstúlkum var mjög brugðiðþegar Olga Færseth skoraði
fyrsta mark KR áður en tvær mín-
útur voru liðnar af
leiknum en þær
hafa séð það svart-
ara. Þeim tókst með
mikilli baráttu að
komast inn í leikinn en á síðustu
mínútu fyrri hálfleiks kom annað
mark KR frá Ásthildi Helgadóttur.
Tveggja marka forysta KR var
nokkuð þungur bakki til að taka
með til búningsherbergja í leikhléi
því eftir hlé náðu gestirnir sér
aldrei á strik og mörkin tóku að
hrannast upp. Fallegast var 8.
mark KR og annað Ásthildar þeg-
ar hún þrumaði aukaspyrnu af um
40 metra færi upp í markhornið.
„Þetta var frábær sigur í dag og
góður endir á sumrinu,“ sagði Guð-
rún Jóna Kristjánsdóttir fyrirliði
KR eftir leikinn. „Við vorum ekki
að spila sérstaklega vel framan af
sumri en það var eins við hefðum
vaknað við tapið á móti ÍBV og
hófum þá að spila eins og mann-
eskjur og lið. Allir lögðu sig fram
og það skilaði okkur þessum góðu
sigrum og það voru oft ekki neinir
smásigrar. Við höfum skorað fullt
af mörkum og erum með þrjár
markahæstu konurnar en enginn
af þeim er eigingjörn. Það var ekki
erfitt að ná upp stemmningu í liðið
fyrir leikinn í dag, okkur tókst það
á móti ÍBV í síðasta leik og skor-
um sjö mörk og nú níu mörk.
Stemmningin er mjög góð í liðinu
og allir tilbúnir að leggja sig fram
svo það var ekkert mál að fara í
leikinn. Allt eru þetta frábærar
íþróttakonur og það þurfti ekkert
sérstaklega að hvetja okkur áfram
í dag,“ sagði fyrirliðinn en reyndi
samt að láta í sér heyra. „Ég reyni
að öskra svolítið og hvetja þær
áfram og vona að það gangi. Von-
andi verður allur mannskapurinn
áfram og líka sömu þjálfarar og
vonandi gengur þetta aftur.“ KR-
stúlkur voru vel að sigrinum
komnar og sýndu styrk liðsins með
því að halda sínu striki þrátt fyrir
að mörkin létu á sér standa. Einn-
ig var hætta á að leikmenn mættu
værukærir til leiks því fyrir leikinn
var ljóst að þær fengju bikarinn af-
hentan, hvernig sem úrslit yrðu.
Sá vandi lét hinsvegar lítið á sér
kræla.
Skammast mín
Valsstúlkur gátu með sigri
krækt í annað sæti deildarinnar að
því gefnu að Breiðablik hefði sigur
á Stjörnunni. Þeim tókst að þrauka
þar til mínúta var til leikhlés en
virtist síðan þverra móður og Rósa
Júlía Steinþórsdóttir fyrirliði Vals
var ekki sátt við leikinn. „Ég
skammast mín. Það var ekki nóg
að standa sig í fyrri hálfleik því
það vantaði einhvern vilja og
metnað til að halda í annað sætið í
deildinni, sem við misstum frá okk-
ur. Við hættum hreinlega og gerð-
um ekki neitt. Munurinn var ekki
of mikill í hálfleik, við skoruðum
þrjú mörk í bikarleiknum en það
vantaði einhvern neista og dagur-
inn í dag var alls ekki okkar svo að
mig langar mest að hverfa ofan í
jörðina. Ég vil samt óska KR-ing-
um innilega til hamingju með sig-
urinn, þeir eiga hann algerlega
skilið,“ sagði fyrirliðinn.
Annað sætið til Blika
Breiðablik tryggði sér annað
sætið í deildinni með stórsigri á
Stjörnunni, 8:2. Blikakonur höfðu
mikla yfirburði í leiknum og
greinilegt var að þær ætluðu sér
að taka silfrið. Stjarnan, liðið sem
olli mestum vonbrigðum á leiktíð-
inni, átti ekkert svar við góðum
leik Blikanna sem gerðu út um
leikinn í fyrri hálfleik. Breiðablik
skoraði fimm mörk í fyrri hálfleik
og upphafið í seinni hálfleik var
eins og góður handboltaleikur -
fimm mörk á sjö mínútna kafla.
Margrét Rannveig Ólafsdóttir og
Erla Steinunn Arnardóttir léku
best í liði Breiðabliks en hjá
Stjörnunni stóð vart steinn yfir
steini og fær enginn leikmaður
hrós fyrir góða frammistöðu.
Botnliðin gerðu
jafntefli
Grindavík og FH, tvö neðstu lið-
in, gerðu jafntefli, 2:2, í leik sem
hafði litla þýðingu. Þetta var eina
stig beggja liða í síðustu umferð-
inni en fyrir leikinn var ljóst að
Grindavík er fallið úr úrvalsdeild-
inni og FH þarf að leika við Hauka
um áframhaldandi sæti í deildinni.
Það er endurtekið efni frá því í
fyrra en þá vann FH tvo sigra á
Haukum af sama tilefni.
Gerður Björg Jónasdóttir skor-
aði bæði mörk Grindavíkur í leikn-
um en þær Olga Steinunn Stef-
ánsdóttir og Gerður Sif Stefáns-
dóttir, 16 ára nýliði, svöruðu fyrir
FH-inga.
Morgunblaðið/Árni Sæberg
karinn á sunnudaginn. Hér hefur Guðrún Jóna Kristjánsdóttir fyrirliði bikarinn á loft við mikinn fögnuð.
u
KR-konur kór-
ónuðu sumarið
KR-KONUR kórónuðu frammistöðu sína í sumar með 9:0 sigri á Val í
Vesturbænum á sunnudaginn og í leikslok fengu þær afhentan Ís-
landsmeistarabikarinn, sem fer eflaust upp á hillu við hlið verð-
launagripsins fyrir bikarkeppnina. Liðið tapaði einni viðureign í
sumar en snarbætti leik sinn eftir það og bætti markametið í deild-
inni, skoraði 83 en fékk á sig 6.
Stefán
Stefánsson
skrifar