Morgunblaðið - 10.09.2002, Blaðsíða 12

ÍSLANDSMEISTARAR Njarðvík-
ur sigruðu Breiðablik, 86:73, í fyrsta
leik Reykjanesmótsins í körfuknatt-
leik, en fyrsta umferðin var leikin í
Grindavík í gærkvöld. Á eftir unnu
heimamenn í Grindavík sigur á
Keflavík, 93:81. Haukar sátu hjá í
fyrstu umferð.

HEIÐAR Helguson lék ekki með
Watford sem sigraði Walsall, 2:0, í
ensku 1. deildinni í knattspyrnu á
laugardaginn.

KATRÍN Jónsdóttir og stöllur
hennar í Kolbotn sigruðu Asker, 3:1, í
norsku úrvalsdeildinni í knattspyrnu
á sunnudaginn. Katrín var í byrjunar-
liðinu að vanda en var skipt út af á 60.
mínútu. Kolbotn er í efsta sæti deild-
arinnar með 34 stig, Trondheims-Örn
hefur 31 og Asker í þriðja sæti með 29
stig en fimm umferðum er ólokið.

PAUL Gascoigne hefur gert samn-
ing við nýsjálenska knattspyrnuliðið
Auckland Kingz en þessi litríki leik-
maður hefur verið í atvinnuleit frá því
hann sagði skilið við enska 1. deild-
arliðið Burnley í vor.

KASPER Schmeichel, 15 ára sonur
Peters Schmeichels markvarðar
Manchester City, skrifaði um helgina
undir unglinasamning hjá Manchest-
er City. Kasper er markvörður eins
og karl faðir hans og þykir mikið efni.

ALAN Smith, framherji Leeds sem
skoraði mark Englendinga í leiknum
við Portúgal á laugardaginn, hefur
varað Rio Ferdinand, félaga sinn í
enska landsliðinu sem fór frá Leeds
til Manchester United í sumar, við því
þegar hann mætir með United á Ell-
and Road í Leeds á laugardag. Smith
segir að stuðningsmenn Leeds séu
mjög heitir út í Ferdinand og að þeir
muni láta hann heyra það í leiknum.

DAVID O’Leary, sem rekinn var úr
starfi sem knattspyrnustjóri Leeds í
sumar, mætir á sinn gamla vinnustað
á laugardaginn þegar Leeds tekur á
móti Manchester United í ensku úr-
valsdeildinni. O’Leary mætir á Ell-
and Road í hlutverki sjónvarpsmanns
en hann hefur verið ráðinn til Sky-
Sport þar sem hann mun annast lýs-
ingar á knattspyrnuleikjum.

EDGAR Davids, landsliðsmaður
Hollendinga í knattspyrnu sem leikið
hefur með Juventus, er nú sterklega
orðaður við Roma. Félögin hafa átt
viðræður um félagaskiptin og þykir
líklegt að Juventus láti Davids fara til
Rómarliðsins fyrir 18 milljónir punda.

KLAUS Toppmöller, þjálfari
þýska úrvalsdeildarliðsins Bayer
Leverkusen, skrifaði í gær undir nýj-
an samning við félagið sem gildir til
ársins 2005. Toppmöller tók við liðinu
fyrir síðustu leiktíð og undir hans
stjórn hafnaði það í öðru sæti á þrenn-
um vígstöðvum – í deildinni, bikar-
keppninni og í Meistaradeildinni.

TÉKKNESKI landsliðsmaðurinn
Vladimir Smicer sem leikur með Liv-
erpool verður frá næstu vikurnar en
hann varð fyrir því óláni að tábrotna í
leik með Tékkum á móti Júgóslövum
um helgina.
FÓLK
Sigfús Sigurðsson stóð sig vel ífyrsta leik sínum í þýsku 1.
deildinni í handknattleik um
helgina en keppni í deildinni hófst á
föstudagskvöldið. Sigfús skoraði 5
mörk en þau dugðu þó Magdeburg
skammt því liðið tapaði fyrir sterku
liði Lemgo á útivelli, 29:26. Lemgo
leiddi í hálfleik, 14:11, og í síðari
hálfleik hélst sá munur nema hvað
Magdeburg náði að minnka muninn
í eitt mark, 19:18. Ólafur Stefánsson
var markhæstur í liði Magdeburg
með 6 mörk, tvö úr vítum og þeir
Oleg Kuleschov, Nenand Perunicic
og Sigfús skoruðu 5 mörk hver.
Gylfi Gylfason var rétt eins og
Sigfús að spila í fyrsta sinn í 1.
deildinni og hann gat fagnað með
sínum mönnum í Wilhelmshavener.
Nýliðarnir tóku á móti Nordhorn og
sigruðu, 21:19, eftir að hafa verið
undir í hálfleik, 10:8. Gylfi skoraði 3
mörk, þar af eitt út vítakasti.
Sigurður Bjarnason skoraði 4
mörk fyrir Wetzlar sem tapaði fyrir
Flensburg á útivelli, 32:25, eftir að
staðan í hálfleik var 17:10.
Gústaf Bjarnason og félagar hans
í Minden töpuðu fyrir HSV Ham-
burg, liði sem reist var á rústum
Bad Schwartau, 22:20, eftir að hafa
verið undir í hálfleik, 11:6. Gústaf
skoraði 3 mörk í leiknum.
Óvæntustu úrslitin í fyrstu um-
ferðinni áttu sér stað í Lübbecke
þar sem gömlu félagar Julians
Duranona í Tus N-Lübbecke lögðu
meistara Kiel, 24:22.
Atli Hilmarsson og lærisveinar
hans í Friesenheim unnu fyrsta leik
sinn í suðurhluta þýsku 2. deildar-
innar, 28:23 gegn Gensungen. Hall-
dór Sigfússon, sem lék undir stjórn
Atla hjá KA, skoraði 5 af mörkum
Friesenheim og komu fjögur þeirra
af vítalínunni. Halldór þótti einn af
bestu leikmönnum Friesenheim.
Magdeburg lá fyrir Lemgo
Eyjamenn og Fram hafa mæsttvívegis í deildinni í sumar.
Fyrst léku liðin á Laugardalsvelli
þriðjudaginn 28. maí
og í þeim leik höfðu
Eyjamenn betur,
sigruðu 2:1 með
mörkum Gunnars
Heiðars Þorvaldssonar á 13. mínútu
og Atla Jóhannssonar á 55. mínútu.
Mark Fram gerði Ásmundur Arn-
arsson á 42. mínútu en hann gekk
síðar til liðs við Völsung og verður
því fjarri góðu gamni í kvöld. Atli Jó-
hannsson verður ekki í leikmanna-
hópi ÍBV í kvöld.
Síðari leikur liðanna í deildinni var
í Vestamannaeyjum rétt fyrir
Þjóðhátíð og þar höfðu Framarar
betur, 1:0, og gerði fyrirliðinn, Ágúst
Þór Gylfason, eina mark leiksins úr
vítaspyrnu á 50. mínútu.
Hvoru liði um sig hefur því tekist
að sigra einu sinni, í báðum tilvikum
á útivelli þannig að búast má við
hörkuleik í kvöld á Laugardalsvelli,
sem er raunar heimavöllur Fram en
leikurinn skráist sem ÍBV–Fram
enda völlurinn hlutlaus.
Heimir Hallgrímsson, sem tók við
þjálfun ÍBV á dögunum þegar Njáli
Eiðssyni var sagt upp störfum, kom
til Reykjavíkur í gær ásamt leik-
mönnum sínum. „Þetta verður bar-
áttuleikur, það er alveg ljóst. Við
gerum okkur vel grein fyrir hversu
mikilvægur leikurinn er og ég hefði
ekkert á móti því að rúlla yfir Fram-
ara, en á satt best að segja ekki von á
slíku,“ sagði Heimir í samtali við
Morgunblaðið í gær.
Allir leikmenn ÍBV eru heilir og til
í slaginn nema þeir Bjarnólfur Lár-
usson og Atli Jóhannsson, sem eru
báðir í leikbanni, Atli fyrir brottvís-
un í leik við KR á dögunum og Bjarn-
ólfur fékk tveggja leikja bann eftir
þann leik vegna fjölda gulra spjalda í
sumar.
„Það munar auðvitað um þessa tvo
en ég verð með fullskipað lið engu að
síður,“ sagði Heimir.
Hann sagði nokkra leikmenn liðs-
ins þegar komna til Reykjavíkur
vegna náms en þeir sem væru í Eyj-
um fóru upp á land í gær. „Við hög-
um undirbúningi fyrir leikinn annars
eins og venjulega. Ég á ekki von á að
það verði æfing hjá okkur uppi á
landi. Við gistum hjá ættingjum og
vinum, hittumst síðan í mat og á
fundi fyrir leikinn en að öðru leyti
held ég að við reynum að trufla
skólastrákana sem minnst,“ sagði
Heimir.
Liðin á svipuðum
slóðum í deildinni
Staða liðanna í deildinni er svipuð,
Fram í næstneðasta sæti með 14 stig
en Eyjamenn tveimur sætum ofar
með 17 stig. Bæði lið gerðu 1:1-jafn-
tefli í síðustu umferð, ÍBV á KR-velli
og Framarar á Skipaskaga.
Fram hefur ekki unnið leik síðan
liðið vann Eyjamenn síðasta dag júlí-
mánaðar og mönnum þar á bæ finnst
tími til kominn að gera breytingu þar
á. „Leikurinn leggst vel í mig. Við er-
um með fullmannað lið, allir heilir og
enginn í banni,“ sagði Kristinn Rún-
ar Jónsson, þjálfari Fram, við Morg-
unblaðið í gær.
„Við gerum okkur vel grein fyrir
mikilvægi leiksins. Sæti í úrslitaleik
bikarsins er í húfi og þangað vilja öll
lið komast. Leikir liðanna í deildinni
voru jafnir og ég á ekki von á öðru en
að sú verði raunin í þessum leik
líka,“ sagði Kristinn Rúnar.
Leikmenn Fram hittast venjulega
tveimur tímum fyrir heimaleiki en að
þessu sinni verður eitthvað meira
gert. „Menn vinna eitthvað fram eft-
ir degi en hugmyndin er að gera eitt-
hvað aðeins meira en venjulega.
Undanfarið höfum við komið saman í
Framheimilinu eða í Laugardalnum
fyrir leiki, en nú verður þetta eitt-
hvað öðruvísi. Ég get ekki sagt að ég
finni fyrir einhverri spennu í strák-
unum. Ég er samt með ungt lið sem
er ekki vant þessari stöðu enda hefur
Fram ekki verið í þessari stöðu und-
anfarin ár. Þessu er öfugt farið hjá
Eyjamönnum sem eru vanir svona
stöðu.“
Kristinn R. sagði nokkuð ljóst að í
svona leik þýddi ekkert að bíða eftir
að eitthvað gerðist. „Þetta er bara
einn leikur, framlenging og ef til vill
vítaspyrnukeppni ef þannig æxlast,
menn reyna því að byrja af krafti.
Það er slæmt að lenda undir og þurfa
að elta mótherjann það sem eftir er
leiks. Við munum því byrja af fullum
krafti,“ sagði Kristinn Rúnar.
Fyrri leikur undanúrslita bikarkeppni karla á Laugardalsvelli í kvöld
Allir vilja komast
í úrslitaleikinn
Morgunblaðið/Kristinn
Framarinn Ingvar Ólason og Eyjamaðurinn Tómas Ingi Tómasson kljást hér um knöttinn á Laugar-
dalsvellinum fyrr í sumar. Félögin mætast aftur þar í undanúrslitum bikarsins í kvöld.
FYRRI undanúrslitaleikurinn í
bikarkeppni karla í knattspyrnu
verður á Laugardalsvelli í dag
en þá mætast Fram og ÍBV. Síð-
ari leikurinn, viðureign KA og
Fylkis, verður á sama stað ann-
að kvöld. Þetta er í fyrsta skipti
sem þessi háttur er hafður á,
þ.e. að leika undanúrslitaleikina
á Laugardalsvelli, en þetta var
samþykkt á síðasta ársþingi
Knattspyrnusambands Íslands.
Skúli Unnar
Sveinsson
skrifar