Morgunblaðið - 10.09.2002, Blaðsíða 8
KNATTSPYRNA
8 B ÞRIÐJUDAGUR 10. SEPTEMBER 2002 MORGUNBLAÐIÐ
Leikurinn byrjaði frekar rólega enþað voru heimamenn sem fengu
fyrsta færi leiksins á 16. mínútu þeg-
ar Jóhann Hreiðars-
son komst einn inn
fyrir vörn ÍR-inga en
Kristinn Geir Guð-
mundsson varði vel í
marki ÍR. Aðeins mínútu síðar kom
fyrsta mark leiksins og það gerðu
gestirnir eftir hornspyrnu. Stefán
Þórðarson stökk manna hæst í teign-
um og skoraði með góðum skalla
framhjá Tómasi Ingasyni, mark-
verði Valsmanna. Eftir markið sóttu
Valsmenn stíft en þegar jöfnunar-
markið kom á 42. mínútu höfðu þeir
misnotað nokkur úrvalsfæri. Það var
Bjarni Eiríksson sem jafnaði leikinn
en hann renndi boltanum í netið af
stuttu færi eftir að heimamenn höfðu
sundurspilað vörn ÍR-inga. Á síðustu
andartökum fyrri hálfleiks fengu
Valsmenn aukaspyrnu á vítateigslín-
unni og úr spyrnunni skoraði Sigur-
björn Hreiðarsson með föstu skoti í
markmannshornið. Valur gerði svo
nánast út um leikinn strax í byrjun
síðari hálfleiks þegar Elvar Guðjóns-
son skoraði með skalla en slök varn-
arvinna ÍR-inga gerði Elvari auðvelt
fyrir. Á 75. mínútu kom fjórða mark
heimamanna þegar Magnús Lúð-
víksson skoraði með góðum skalla
eftir sendingu frá Sigurbirni Hreið-
arssyni. Tíu mínútum síðar kom síð-
asta mark leiksins þegar Matthías
Guðmundsson komst einn í gegn og
renndi boltanum framhjá Kristni.
Valur hefði getað bætt við sjötta
markinu á 87. mínútu þegar Magnús
Lúðvíksson tók vítaspyrnu en Krist-
inn varði mjög vel í marki ÍR. Á síð-
ustu andartökum leiksins fékk Lúð-
vík Gunnarsson í liði ÍR rautt spjald
fyrir óíþróttamannslega framkomu.
Valsmenn spiluðu ágætlega í þessum
leik og stórsigur þeirra var fullkom-
lega sanngjarn en þeir áttu auðvelt
með að skapa sér marktækifæri eftir
að ÍR komst yfir. ÍR-ingar náðu sér
ekki á strik í leiknum og var varn-
arleikur þeirra sérstaklega slakur. Í
liði Vals voru þeir Sigurbjörn Hreið-
arsson, Jóhann Hreiðarsson, Magn-
ús Lúðvíksson og Matthías Guð-
mundsson bestir. Hjá gestunum
voru það Eyjólfur Héðinsson og
Stefán Þórðarson sem voru skástir.
Maður leiksins: Matthías Guð-
mundsson, Val.
Sindri féll
Haukar fóru góða ferð til Horna-fjarðar og lögðu heimamenn í
Sindra, 1:0, og þar með féllu Sindra-
menn í 2. deildina ásamt ÍR-ingum.
Edilon Hreinsson, sem kom til
Hauka á miðju sumri frá Fram,
skoraði eina mark leiksins strax á 2.
mínútu, hans fyrsta fyrir Hafnar-
fjarðarliðið, og þrátt fyrir þunga
pressu heimamanna á köflum tókst
þeim ekki að koma knettinum
framhjá Jörundi Kristinssyni sem
átti mjög góðan leik í marki Hauka.
Svanlaugur Þorsteinsson, dómari,
hafði í nógu að snúast. Hann lyfti
gula spjaldinu sjö sinnum á loft og
Haukamaðurinn Jón Gunnar Gunn-
arsson fékk að líta rauða spjaldið á
lokamínútunni.
Maður leiksins: Jörundur Krist-
insson, Haukum.
Þróttur í lykilstöðu
Þróttarar færðust einu skrefi nærsæti í úrvalsdeild karla í knatt-
spyrnu á sunnudag þegar þeir lögðu
Víkinga sannfær-
andi, 5:2, á Víkings-
velli í næstsíðustu
umferð 1. deildar.
Liðið er í öðru sæti
deildarinnar með 30 stig og verður
að teljast í lykilstöðu í baráttu sinni
við Stjörnuna um að fylgja Val upp í
úrvalsdeild, en Stjörnumenn eru
einnig með 30 stig eftir 4:1 sigur á
Aftureldingu á sunnudag.
Fyrir næstsíðustu umferðina á
sunnudag áttu Víkingar möguleika á
að komast upp í úrvalsdeild en þá
þurftu þeir að leggja Þrótt að velli.
Stuðningsmenn Víkings glöddust því
mjög þegar Haukur Úlfarsson kom
liðinu yfir eftir aðeins fimm mínútur.
Gleði Víkinga var þó skammvinn því
aðeins fjórum mínútum síðar höfðu
Þróttarar jafnað með marki Daða
Árnasonar eftir barning uppi við
mark Víkings.
Í kjölfarið skiptust liðin á að sækja
en sóknir Þróttar voru þó mun
markvissari og hættulegri. Smám
saman náðu Þróttarar góðum tökum
á leiknum og sýndu oft og tíðum
snilldarsamleik þar sem þeir léku
óörugga vörn Víkings grátt. Það
kom því ekki á óvart að Þróttur
skyldi komast yfir, en á 27. mínútu
lék Daði Árnason á tvo varnarmenn
Víkings og sendi knöttinn á Brynjar
sem skoraði með skalla. Það sem eft-
ir lifði hálfleiks héldu Þróttarar
frumkvæðinu en háar sendingar Vík-
inga frá á völlinn skiluðu litlu.
Mikil barátta einkenndi leikVík-
inga í upphafi síðari hálfleiks en
Þróttarar biðu hins vegar átekta og
beittu skyndisóknum. Sú leikaðferð
Þróttar bar ávöxt því þegar 11 mín-
útur voru liðnar af hálfleiknum skor-
aði Brynjar annað mark sitt með
föstu skoti á vítateig, en Þróttarar
höfðu þá unnið hornspyrnu eftir
snarpa sókn.
Brynjar bætti svo við þriðja marki
sínu í leiknum á 65. mínútu er hann
skallaði knöttinn örugglega í netið
og bætti fyrir að hafa farið illa með
gott færi í sókninni á undan. Það var
svo Vignir Sverrisson sem rak
smiðshöggið fyrir Þrótt á 84. mínútu
þegar hann skoraði fimmta mark
liðsins af stuttu færi eftir undirbún-
ing Brynjars bróður síns en Jón
Grétar Ólafsson minnkaði muninn
fyrir Víking fjórum mínútum fyrir
leikslok með marki úr vítaspyrnu.
„Maður á alltaf eina þrennu á
tímabili og það var kominn tími á
hana,“ sagði Brynjar Sverrisson
kampakátur í leikslok. „Við vorum
seinir í gang en þetta kom þegar
korter var liðið af leiknum. Þá áttum
við allan leikinn og við litum aldrei til
baka nema rétt í endann,“ sagði
Brynjar um leik Þróttar, en liðið tek-
ur á móti Breiðabliki í Laugardaln-
um í síðustu umferðinni. „Við höfum
átt erfitt með Blikana en ég veit að
við getum unnið þá eins og hvert
annað lið. Nú er bara einn leikur eft-
ir og við gefum okkur allir í hann.
Þetta er í okkar höndum núna,“
bætti Brynjar við.
„Við töpuðum fyrir miklu betra
liði, það er einfalt mál,“ sagði Ólafur
Adolfsson, fyrirliði Víkings, eftir
leikinn. „Við byrjuðum ágætlega en
náðum ekki að fylgja því eftir. Maður
vonaðist eftir sigri hér í dag og ef það
hefði orðið hefði næsta vika orðið
ansi skemmtileg,“ sagði Ólafur enn
fremur.
Maður leiksins: Brynjar Sverris-
son, Þrótti.
Stjarnan fylgir Þrótti
sem skuggi
Stjarnan vann öruggan sigur áAftureldingu, 4:1, á Varmárvelli
og heldur því áfram að berjast við
Þrótt um sæti í efstu
deild á næstu leiktíð.
Bæði lið hafa 30 stig í
öðru til þriðja sæti
fyrir lokaumferðina
um næstu helgi. Þá fá Stjörnumenn
Val í heimsókn í Garðabæ á sama
tíma og Þróttur verður að fara í
heimsókn í Kópavoginn og glíma við
Breiðablik.
Stjarnan tók öll völd á vellinum í
síðari hálfleik gegn Mosfellingum.
Heimamenn voru beittari í fyrri hálf-
leik og fengu upplagt marktækifæri
á 13. mínútu er dæmd var vítaspyrna
á Þorgils Rafn Þorgilsson er hann
braut á Þorvaldi Má Guðmundssyni,
framherja Aftureldingar, sem kom-
inn var einn gegn Bjarka Guðmunds-
syni markverði Stjörnunnar. Þor-
valdur, sem verið hefur á marka-
skónum í sumar var það ekki að
þessu sinni, skaut framhjá úr víta-
spyrnunni. Mörgum þótti Þorgils
hins vegar sleppa vel með að fá að-
eins gult spjald fyrir brot sitt.
Mosfellingar létu ekki deigan síga
og héldu áfram að sækja. Skyndi-
sóknir Stjörnunnar voru þó ævinlega
hættulegar. Upp úr einni þeirra var
brotið á Ólafi Páli Snorrasyni í víta-
teig Aftureldingar og vítaspyrna að
sjálfsögðu dæmd. Garðar Jóhanns-
son brást ekki bogalistinn og kom
Stjörnunni í 1:0. Einni mínútu eftir
mark Stjörnunnar skallaði Þorvald-
ur rétt framhjá marki Stjörnunnar.
Heimamenn jöfnuðu metin á 39.
mínútu er Ísleifur Örn Sigurðsson
skoraði með föstu skoti af mark-
teigshorni eftir fyrirgjöf frá Ásbirni
Jónssyni á hægri kanti.
Strax á 50. mínútu kom Ragnar
Árnason Stjörnunni yfir, 2:1, með
föstu skoti úr vítateig í framldi af
hornspyrnu. Eftir það tóku Stjörnu-
menn öll völd á vellinum, bættu þeir
við tveimur mörkum, fyrst Ólafur
Páll á 70. mínútu og tólf mínútum
síðar Rúnar Páll Sigmundsson.
Maður leiksins: Rúnar Páll Sig-
mundsson, Stjörnunni.
Leiftur/Dalvík
tryggði sér sætið
Vonir Breiðabliks um að færastupp í Símadeild á næsta ári
urðu endanlega að engu á Kópavogs-
velli á sunnudag þeg-
ar Blikar biðu lægri
hlut fyrir Leiftri/
Dalvík, 2:1. Með
sigrinum tryggðu
norðanmenn veru sína í 1. deild en
það verður hlutskipti ÍR og Sindra
að leika í 2. deild að ári.
Leikmenn Leifturs/Dalvíkur voru
miklu ákveðnari í öllum sínum að-
gerðum í upphafi leiks á sunnudag.
Það var því fyllilega samkvæmt
gangi leiksins þegar Þorleifur Árna-
son skoraði fyrra mark þeirra á 21.
mínútu, en síðustu mínútur þar á
undan hafði Blikavörnin verið undir
mikilli pressu frá gestunum. Eftir
markið náðu heimamenn að snúa
vörn í sókn og áttu nokkur hálffæri
sem ekkert varð úr. En norðanliðið
ætlaði að tryggja veru sína í deild-
inni og fögnuðu vel þegar Jón Örvar
Eiríksson skoraði annað mark þeirra
eftir skyndisókn á 40. mínútu.
Síðari hálfleikur var með þeim
daufustu sem sést hafa í deildinni í
sumar og var engu líkara en að bæði
lið væru fullkomlega sátt við stöðuna
í leiknum. Hörður Bjarnason, sem
kom á ný inní lið Blika eftir fjarveru
vegna meiðsla, skoraði fyrir þá á 90.
mínútu og þá var líkt og kviknaði á
liðinu. En leiktíminn rann út og
Leiftur/Dalvíkurmenn fögnuðu
áfanganum eftir heldur erfitt og
brösótt sumar.
Breiðablik er nú neðst í hópi
þeirra sex liða sem gert hafa atlögu
að öðru sætinu í deildinni, er í 7. sæti
þegar aðeins einn leikur er eftir. Er
það vart sá árangur sem liðið ætlaði
sér en Blikarnir léku í Símadeildinni
á síðasta ári. Kristófer Sigurgeirs-
son var yfirburðarmaður í liði þeirra
og sá eini sem lagði sig fram í leikn-
um.
Lið Leifturs/Dalvíkur kom til
þessa leiks með aðeins eitt markmið;
að tryggja veru sína í 1. deild. Liðið
virkaði heilsteypt og jafnt en þó bar
mest á Gunnari Guðmundssyni,
þjálfara þeirra, sem var eins og
klettur í vörninni og Þorleifi Árna-
syni sem átti virkilega fínan leik.
Maður leiksins: Þorleifur Árna-
son, Leiftri/Dalvík.
VALSMENN gerðu vonir ÍR-inga um að halda sæti sínu í fyrstu deild
að engu þegar þeir sigruðu þá, 5:1, á Hlíðarenda síðastliðinn
sunnudag. Þar sem Leiftur/Dalvík sigraði Breiðablik á ÍR ekki leng-
ur möguleika á að halda sæti sínu í deildinni. Valsmenn eru öruggir
sigurvegarar í 1. deild og fengu þeir verðlaun fyrir fyrsta sætið að
leik loknum. Hins vegar skýrist það ekki fyrr en í lokaumferðinni um
næstu helgi hvort það verður Þróttur eða Stjarnan sem fylgir Val
eftir upp í efstu deild.
Morgunblaðið/Árni Sæberg
Valsmennirnir Ólafur Brynjólfsson, t.h., og Sigurbjörn Hreiðarsson hampa verðlaunabikarnum
fyrir sigur liðs síns í 1. deildinni, en bikarinn fengu þeir afhentan eftir sigurinn á ÍR.
Atli
Sævarsson
skrifar
Björn
Gíslason
skrifar
Ívar
Benediktsson
skrifar
Ingibjörg
Hinriksdótttir
skrifar
Valur sendi
ÍR-inga
niður