Morgunblaðið - 10.09.2002, Blaðsíða 6

KNATTSPYRNA
6 B ÞRIÐJUDAGUR 10. SEPTEMBER 2002 MORGUNBLAÐIÐ
Fögnuður KR-inga var ósvikinn þegar þeir fengu afhentan Íslandsbik
Morgunblaðið/Árni Sæberg
Þrjár markahæstu stúlkurnar í Símadeild kvenna, Hrefna Jóhannesdóttir sem skoraði 19 mörk og Ásthildur Helgadóttir og Olga
Færseth sem báðar skoruðu tuttugu sinnum. Samtals skoruðu þær stöllur 59 mörk af 83 hjá vesturbæjarliðinu á leiktíðinni.
Það var aðeins erfiðara að fá uppstemningu í liðið því leikurinn
skipti ekki máli en við vildum auðvit-
að enda með sigri og fá bikarinn eftir
góðan leik. Það var erfiður kafli um
miðbik fyrri hálfleiks en við náðum
okkur upp úr því og héldum markinu
hreinu en síðan var ekki spurning
um hvernig síðari hálfleikur yrði.
Það skilur helst eftir sig við lok móts
að við vorum með sterkt lið. Við
höfðum nokkrar áhyggjur þegar
fjórir leikmenn okkar fóru utan því
það voru eftir mikilvægir leikir, þar
á meðal bikarúrslitaleikur en liðið
spilaði áfram frábærlega. Nú verður
farið að ræða framhaldið. Við ætl-
uðum að ljúka tímabilinu og vera
ekkert að spá í framhaldið en það
verður eflaust farið að ræða við
Vöndu og Halldóru í fyrramálið um
framhaldið. Ég veit ekki hvað verður
með mig, ég var að hugsa um að fara
í framhaldsnám en það er ekki alveg
ljóst,“ bætti Ásthildur við. Hún var
markahæst í Símadeild kvenna
ásamt Olgu Færseth en Hrefna Jó-
hannesdóttir félagi þeirra var næst.
Ásthildur sagði engan ríg þeirra á
milli. „Við ákváðum fyrir löngu að
hugsa ekki um hver yrði markahæst.
Fyrir þennan leik var ljóst að við
fengjum allar skó fyrir að vera
markahæstar og okkur var alveg
sama. Við vinnum vel saman og það
skiptir mestu máli.“
Ætluðum að sökkva þeim
með marki strax eftir hlé
„Þetta var glæsilegur endir á frá-
bæru sumri – nú er snúa sér að
landsliðinu og þar ætluðum við að
standa okkur,“ sagði Olga Færseth
eftir leikinn. „Við vorum mjög af-
slappaðar fyrir leikinn og það þurfti
ekki að segja neitt. Okkur leið mjög
vel og gerðum að gamni okkar í klef-
anum enda var stemningin góð. Við
þurfum ekki nema eina sókn til að
skora eitt mark og þó að nokkuð hafi
legið á okkur um tíma í fyrri hálfleik
skipti það ekki sköpum. Hins vegar
var sterkt fyrir okkur að skora ann-
að markið rétt fyrir hálfleik og um
leið vonbrigði fyrir Valsstelpur. Við
lögðum síðan upp með að skora
strax aftur í síðari hálfleik og end-
anlega slökkva í þeim,“ bætti Olga
við en sem fyrr segir var hún marka-
hæst með Ásthildi. Það var samt
nokkuð á reiki vegna skráningar
KSÍ en var leiðrétt. „Það er búið að
leiðrétta svo að ég fékk annað mark-
ið skráð á mig. Það er mjög sann-
gjarnt og ég hrósa KSÍ fyrir það,“
bætti Olga við en sagði enga sam-
keppni um mörk í liðinu. „Við rædd-
um ekkert um það fyrir leikinn og
það skiptir ekki máli enda hefðum
við aldrei unnið þennan leik með níu
mörkum ef eigingirni hefði verið í
gangi.“
Mörg handtök hjá
bakhjörlum
„Vinnan við knattspyrnuna er
mikil en hvílir mest á þjálfurum og
leikmönnum en auðvitað fer tími hjá
okkur í að sinna þessu,“ sagði Magn-
ús Ingimundarson, varaformaður
knattspyrnudeildar, en hann sér
helst um kvennaflokkinn. „Þjálfar-
arnir vinna mjög vel saman og hefur
tekist vel að gera heilsteyptan hóp
enda talar árangurinn sínu máli. Það
eru mörg handtök í kringum fótbolt-
ann, fyrir utan liðsstjórn eru nokkrir
gamlir bakhjarlar sem sjá um
heimaleikina, ætli það séu ekki allt
að tíu manns. Það er mjög gefandi,
annars væri maður ekki í þessu og
svona uppskera er bestu þakkirnar.
Það eru engar prímadonnur í hópn-
um, heldur stór og sterk liðsheild
enda leggur þjálfarinn áherslu á það.
Auðvitað eru þetta miklir og sterkir
persónuleikar en Vanda hefur náð að
sjóða úr þessu sterka liðsheild, sem
segir mikið um hana sem þjálfara.“
Olga og Ásthild-
ur markahæstar
„VIÐ áttum ekki von á að vinna svona stórt, sérstaklega af því að við
unnum þær í bikarnum og áttum því von á hörkuleik,“ sagði Ásthild-
ur Helgadóttir, sem hefur staðið sig sérlega vel í sumar og varð
markahæsti leikmaður deildarinnar ásamt Olgu Færseth, hvor um
sig skoraði 20 mörk.
Freistandi að
halda áfram
„VIÐ vorum afslappaðar fyrir leik-
inn en eigi að síður ákveðnar í að
vinna því við vildum ekki taka við
bikarnum eftir tapleik, ég hef
reynslu af því og það er hundleið-
inlegt,“ sagði Vanda Sigurgeirs-
dóttir, þjálfari KR. „Við vorum
grimmar á því að ljúka þessum leik
með sæmd og mér finnst sýna styrk
liðsins að gera það. Við ræddum í
hálfleik að við hefðum dottið niður
og eins og við værum að bíða eftir
því að Valur myndi skora en svo rif-
um við okkur upp eftir hlé.“
KR-konur töpuðu aðeins einum
leik í sumar þegar Eyjastúlkur lögðu
þær að velli í vesturbænum. „Vissu-
lega var okkur brugðið við tapið en
eftir á að hyggja tel ég þetta það
besta sem gat komið fyrir okkur.
Fram að þeim tíma vorum við væru-
kærar, skoruðum tvö til þrjú mörk
en hættum síðan og leikurinn við
ÍBV kenndi okkur að það gætum við
ekki. Svo fórum við í liðsandaæf-
ingar og bættum andann í liðinu.
Þessar stelpur hafa æft mjög vel en
mér finnst einkenna síðasta hlutann
af tímabilinu hvað þær hafa staðið
vel saman enda er frábær andi í lið-
inu og það hefur gert mjög mikið.
Við erum frá átján ára upp í þrjátíu
og ólíkar að mörgu leyti og andinn í
liðinu er frábær,“ sagði Vanda og
taldi kvennaknattspyrnu í sókn.
„Landsliðin eru að ná frábærum ár-
angri en auðvitað væri betra að fá
kvennaknattspyrnuna upp á hærra
plan. Nú eru að koma þessar knatt-
spyrnuhallir og við getum æft meira
inni yfir veturinn auk þess að það
koma fram ungar stelpur hjá mörg-
um liðum, svo að í mínum huga er
ljóst að kvennaknattspyrnan er á
uppleið. Það er stöðug hamingja hjá
okkur og ef landsliðið vinnur er
þetta fullkomnað.“
Vanda samdi aðeins um eitt ár hjá
KR. „Ég tala við forráðamenn KR í
vikunni. Ég gerði árs samning með
jákvæðu hugarfari og það er auðvit-
að freistandi að halda áfram.“