Morgunblaðið - 10.01.2004, Blaðsíða 28

SUÐURNES
28 LAUGARDAGUR 10. JANÚAR 2004 MORGUNBLAÐIÐ
Reykjanesbær | „Loksins á unga
fólkið hús sem hýsir þá sem vilja og
nota ekki bús“, sungu Árni Sigfús-
son bæjarstjóri og húsráð menning-
armiðstöðvar ungs fólks í Reykja-
nesbæ við formlega opnun 88
hússins síðdegis í gær.
Húsráðið er skipað ungmennum,
fulltrúum notenda 88 hússins. Það
hafnaði ræðuhöldum við opnun
menningarmiðstöðvarinnar en
féllst á þá hugmynd Stefáns
Bjarkasonar, framkvæmdastjóra
menningar-, íþrótta- og tóm-
stundaráðs bæjarins, að fá bæj-
arstjórann til að syngja opn-
unarræðuna og sungu síðan með.
„Við fögnum saman og vitum öll að
vinir eiga hérna skjól,“ söng bæj-
arstjórinn meðal annars í opn-
unarræðunni.
Áður hafði Hafþór Barði Birg-
isson, forstöðumaður 88 hússins,
kynnt starfsemina stuttlega og séra
Helga Helena Sturlaugsdóttir
blessað starfsemi hússins. Við at-
höfnina var afhent breiðtjald sem
kiwanisklúbburinn Keilir gefur
menningarmiðstöðinni. Kom það
strax í góðar þarfir í gærkvöldi
þegar ungmennin fylgdust með
Idol-stjörnuleitarþættinum í sjón-
varpi. Bjarni töframaður skemmti
og tónlistarmenn komu fram, með-
al annars Rúnar Júlíusson.
Hlutverk menningarmiðstöðv-
arinnar er að bjóða ungu fólki í
Reykjanesbæ upp á samverustað og
afþreyingu. Miðað er við ungmenni
á framhaldsskólaaldri, hvort sem
það er í skóla eða tekur þátt í at-
vinnulífi.
Lögð er áhersla á þátttöku ung-
menna í mótun starfsins og hefur
sérstakt húsráð undirbúið dag-
skrána í samvinnu við menningar-,
íþrótta- og tómstundasvið Reykja-
nesbæjar. Fyrsta húsráðið skipa
þau Arnar Már Halldórsson, Ari
Th. Ólafsson, Arnar Tryggvason,
Ingibjörg Ósk Erlendsdóttir, Lilja
Guðmundsdóttir og Dóra Lilja Ósk-
arsdóttir. 88 húsið er opið fimmtu-
dags- til sunnudagskvöld, frá
klukkan 20 til 23 eða 23.30 og auk
þess er enski boltinn í beinni út-
sendingu á laugardögum og sunnu-
dögum.
Menningarmiðstöð ungs fólks í Reykjanesbæ – 88 húsið – opnuð formlega við hátíðlega athöfn
Loksins
á unga
fólkið
sitt hús
Morgunblaðið/Helgi Bjarnason
Vinir eiga skjól: Árni Sigfússon og húsráð 88 hússins sungu opnunarræðu bæjarstjórans þegar menningarmiðstöðin var tekin í notkun í gær.
TENGLAR
..............................................
www.88.is
kreppu í líkamanum, þar sem sykur hleðst upp
í blóðinu og líkaminn nær ekki að nýta kol-
vetnin. Sykursýkin er síðan greind með hækk-
uðum sykri í blóði og þvagi.
Á námskeiðinu sem haldið verður í Eldborg
í byrjun febrúar verður farið yfir hvað hægt er
að gera til að lifa með sjúkdómnum. Að sögn
Borghildar Sigurbergsdóttur næringarráð-
gjafa krefst sjúkdómurinn mikillar kunnáttu,
meðal annars í mataræði. Á námskeiðinu verð-
ur farið í hópvinnu þar sem fólk lærir að tak-
ast á við veikindin. Þá skiptir miklu máli að
maki sé meðvitaður um sjúkdóminn og sér-
staklega ef viðkomandi er kokkurinn á heim-
ilinu.
Lögð er áhersla á að á námskeiðinu sé fólk á
staðnum allan sólarhringinn þá tvo daga sem
námskeiðið stendur. Fólk verður látið mæla
blóðsykurinn á ýmsum tímum sólarhringsins,
auk þess sem fólk mun læra á sinn eigin lík-
ama.
Að sögn aðstandenda námskeiðsins er góð
reynsla af námskeiðum sem þessum á Norð-
urlöndunum.
Á námskeiðinu í Eldborg í Svartsengi er
rými fyrir allt að 20 manns. Skráning fer fram
dagana 12. til 16. janúar.
Keflavík | Um 160 manns nýta sér þjónustu
móttöku fyrir sykursjúka á Heilbrigðisstofnun
Suðurnesja. Stofnunin stendur fyrir nám-
skeiði fyrir sykursjúka og aðstandendur
þeirra dagana 5. til 7. febrúar næstkomandi í
Eldborg í Svartsengi. Markmið þess er að
auka þekkingu sykursjúkra og aðstandenda
þeirra á sjúkdómnum, meðferð hans og fylgi-
kvillum, með áherslu á lífsstílsbreytingar og
ábyrgð einstaklingsins á eigin meðferð.
Heilbrigðisstofnun Suðurnesja opnaði mót-
töku fyrir sykursjúka 1. mars 2001 og í dag
nýta 160 manns á Suðurnesjum þjónustuna. Á
móttökunni starfa læknir, hjúkrunarfræðing-
ur, næringarráðgjafi og meinatæknar í teymi.
Móttakan er opin einu sinni í viku.
Að sögn Sigrúnar Ólafsdóttur hjúkrunar-
fræðings nýtir fólk sér þjónustuna að minnsta
kosti á þriggja mánaða fresti. Alltaf er tekin
blóðprufa og síðan farið í viðtal og skoðun hjá
lækni og hjúkrunarfræðingi. Viðtal við nær-
ingarráðgjafa er eftir þörfum hvers og eins.
Flestir yfir miðjum aldri
Reglulegt eftirlit er mikilvægt þar sem
sjúkdómurinn breytist með tímanum og
áherslur í meðferð þar með.
Sykursýki greinist hjá fólki á öllum aldri en
þeir sem nýta sér þjónustuna á Heilbrigðis-
stofnun Suðurnesja eru flestir um og yfir
miðjum aldri. Þá eru þeir flestir með syk-
ursýki af tegund 2 sem áður var nefnd öldr-
unarsykursýki. Gunnar Valtýsson, sérfræð-
ingur í innkirtlasjúkdómum, starfar á
móttökunni í Keflavík. Hann segir 90% þeirra
sem hafa sykursýki vera með tegund 2. Þar af
leiðandi eru 10% með tegund 1 en þar eru
börn, unglingar og fólk undir 40 ára aldri í
miklum meirihluta. Hins vegar er sykursýki af
tegund 2 farin að sjást í meira mæli hjá yngra
fólki og tengist þá oftar en ekki yfirþyngd.
Dæmi eru um að fólk hafi lifað með syk-
ursýki mánuðum og árum saman og síðan
greinst fyrir tilviljun. Gunnar sagði fólk hafa
verið með langtíma aukakvilla og í raun ekki
áttað sig á hvað væri að gerast í líkamanum.
Fólk aðlagast ýmsu og venst því. Einkenni um
sykursýki eru slappleiki, þorsti, tíð þvaglát,
þyngdartap, sveppasýkingar í húð við kynfæri
og mikil þreyta. Sykursýkin veldur orku-
160 nýta sér nú
sykursýkismóttöku
Ljósmynd/Hilmar Bragi
Taka á móti sykursjúkum: Borghildur Sig-
urbergsdóttir, Sigrún Ólafsdóttir og Gunnar
Valtýsson skipuleggja námskeiðið.
Njarðvík | Nokkrir vinir fuglanna á tjörn-
unum á Fitjum í Ytri-Njarðvík koma þangað
daglega til að gefa fuglunum brauð, auk þess
sem starfsmenn Reykjanesbæjar sinna þessu
verkefni reglulega. Vilmar Guðmundsson er
einn þeirra sem hlúa að fuglalífinu á Fitjum
með því að koma færandi hendi til andanna,
gæsanna og svananna sem taka vel við brauð-
inu en aðrar fuglategundir og frekari hugsa
sér einnig gott til glóðarinnar.
Ljósmynd/Helgi Hólm
Hlúð að fuglalífinu
Vogar | Hreppsnefnd
Vatnsleysustrandarhrepps
ákvað við lokaafgreiðslu
fjárhagsáætlunar nýbyrjaðs
árs að draga úr áformuðum
hækkunum á holræsa- og
vatnsgjaldi á fasteignaeig-
endur. Álagningarstofn
verður 0,17% á fasteigna-
mat en í drögum að fjár-
hagsáætlun var gert ráð fyr-
ir 0,19% vatnsgjaldi og
0,20% holræsagjaldi. Þessi
gjöld voru 0,15% hvort um
sig á síðasta ári.
Í rökstuðningi fyrir þess-
ari breytingu sem meirihluti
hreppsnefndar lagði fram á
fundi í vikunni kemur fram
að hún sé gerð í ljósi 15%
hækkunar fasteignamats
milli ára. Það þýði að 0,17%
álagningarhlutfall vegna
þessara skatta skili sömu
tekjum og gert var ráð fyrir
við fyrri umræðu um fjár-
hagsáætlunina.
Dregið úr hækkun
fasteignagjaldanna