Morgunblaðið - 28.02.2004, Blaðsíða 34
safi og börkur af 1 sítrónu
100 ml sykursýróp
Öllu er blandað saman og er sítrussafinn sett-
ur síðast eftir smekk til að skerpa upp súrsæt-
una í sósunni.
Sykursýróp
100 ml vatn
50 g sykur
Sett í pott og suðan látin koma upp og svo
kæld fyrir notkun
Cous cous
Kjúklingasoð (vatn og kraftur)
Cous cous
50 ml extravirgin-ólífuolía
salt og pipar
Heitu kjúklingasoði er hellt yfir cous cous og
það látið standa í nokkrar mínútur í volgum ofni
með plastfilmu yfir formunum eða skál (eftir því
sem á við).
BJARNI Gunnar Kristinsson, yfirmat-
reiðslumaður á Grillinu, segir dressinguna
vera það sem gerir gæfumuninn í eftirfarandi
uppskrift. „Oftast er olía í svona dressingum
þannig að maturinn verður gjarnan frekar
fitumikill. Þessi dressing er hins vegar bara
unnin úr sykursírópi. Þannig kemur svolítil
sæta á móti sýrunni og chilipiparnum og þegar
þetta þrennt kemur saman gefur það alveg
einstakan ferskleika.“ Hann segir dressinguna
góða á allt eldað kjöt og þar sem hún sé fitu-
laus henti hún vel fyrir þá sem eru að hugsa
um línurnar.
Aðspurður segir hann af og frá að maður
þurfi að vera yfirkokkurinn á Grillinu til að
klára sig í gegn um þessa uppskrift. „Þetta er
rosalega einfalt og það geta þetta allir,“ segir
hann.
Steiktur kjúklingur
með cous cous
Uppskriftin er fyrir 3–4
1 stk eldaður kjúklingur
Bringurnar eru teknar frá og sneiddar á
diskinn en restin af kjötinu er rifin niður og
tekin frá fyrir salatið.
Kjúklingasalat
Rifið kjúklingakjöt
1 bréf dill
½ bréf kóríander
1 lítill haus salat
30 g rúsínur
30 g salthnetur
3 stk vorlaukar skornir langsum þunnt og
lagðir í kalt vatn fyrir notkun
Öllu blandað saman.
Nam prik-dressing
1 skarlottulaukur saxaður fínt
1 hvítlauksrif saxað fínt
1 rauður eldpipar (chili) saxaður fínt
1 vorlaukur skorinn þunnt
1 lítill hnúður engifer
safi og börkur af 1 lime
DAGLEGT LÍF
34 LAUGARDAGUR 28. FEBRÚAR 2004 MORGUNBLAÐIÐ
ÞEIR eru ófáir hamborgararnir sem hafa
verið steiktir í hendingskasti á eldavélum Ís-
lendinga síðustu árin og sjálfsagt er hægt að
vega pítsumagnið, sem hefur horfið ofan í
landann á sama tíma, í tonnum. Grillaðir
kjúklingar úr kjötborðinu hafa verið rifnir út,
fimm mínútna örbylgjuréttir hafa aldrei selst
betur og þannig mætti lengi halda áfram.
Allt ber þetta að sama brunni: orsökina að
þessum miklu vinsældum skyndirétta er að
finna í alræmdu tímaleysi nútímamannsins.
En það er sama með skyndibita og aðra
bita – sé of mikið af þeim etið fá menn leiða.
Kjúllinn verður bragðlaus, hamborgarinn
seigur og örbylgjurétturinn óspennandi.
Væri því ekki frábært ef hægt væri að út-
búa glæsilegar máltíðir heima í eldhúsi á
sama tíma og það tekur að bíða eftir píts-
unni? Eitthvað sem kitlar bragðlaukana og
gleður augað, eitthvað sem fjölskyldan
hlakkar til að bragða á og hægt væri að
bjóða vinum upp á með stuttum fyr-
irvara? Eitthvað sem gæti platað mat-
argesti til að halda að gestgjafinn
væri meistarakokkur án þess þó að
hann þurfi að standa á haus í eld-
húsinu í heilan dag til að fram-
kalla þá upplifun?
Morgunblaðið fór á stúfana og
færði kokkum á þremur þekktum veit-
ingastöðum tilbúinn, grillaðan kjúkling með
þeim fyrirmælum að breyta honum á ein-
faldan hátt í veislumáltíð á 20 mínútum.
Þeir máttu krukka í hann að vild og bæta
við hann hráefni en þó með þeim ann-
marka að ekki var leyfilegt að nota annað
en það sem hægt er að grípa úr búðinni um
leið og kjúklingurinn er keyptur. Kokkarnir
tóku til óspilltra málanna og sönnuðu hver
með sínu lagi að með hugmyndaflugi (og
kannski svolítilli óskammfeilni) getur
venjulegur eldhúsrati breytt skyndibita
í veislumáltíð.
MATARKISTAN|Þrír matreiðslumeistarar fá grillaðan kjúkling og útbúa veislumáltíð á örskotsstund
Veislumáltíð á tuttugu mínútum
ben@mbl.is
CHANDRIKA Gunnarsson, ann-
ar eigandi Austur-Indíafélagsins,
segir kjúkling mikið notaðan í
indverska matargerð. „Fólk er
haldið þeim misskilningi að ind-
verskur matur sé mjög krydd-
aður og að það sé verulega flókið
að útbúa hann. Þessi uppskrift
sýnir að svo er ekki,“ segir hún
og bendir á að þeir sem vilji geti
sleppt bæði chilipiparnum og
chiliduftinu úr uppskriftinni.
„Þetta er mjög einföld uppskrift
þegar tíminn er naumur,“ heldur
hún áfram og staðhæfir að mat-
seldin hafi ekki tekið kokkinn
þeirra nema 7 mínútur. „Fyrir
þá sem eru óvanir í eldhúsinu
ættu 15 mínútur að nægja.“
Athugið að uppskriftin miðast
við einn og þ.a.l. er aðeins ein
kjúklingabringa notuð. Lítið mál
er að nota kjúklinginn allan en
þá þarf að huga að því að stækka
uppskriftina í samræmi við það
magn af kjúkling sem á að nota.
Murgh Malai
Uppskriftin miðast við einn.
Matreiðslutími: 15 mínútur.
1 kjúklingabringa
2 msk matarolía
1 tsk heil kúmenfræ
1 heill grænn chilipipar, saxaður
(má sleppa)
4 rif hvítlaukur
2 msk tómatpúre
¼ tsk Chiliduft (má sleppa)
¼ tsk turmerik
3 msk vatn
100–120 ml. rjómi
½ rauð paprika, skorin gróft
½ græn paprika, skorin gróft
1 tsk ferskur kóríander
salt
Hitið olíuna á pönnu. Snöggsteikið kúm-
enfræin þar til það snarkar í þeim, bætið
grænum chilipipar og hvítlauk við og snögg-
steikið áfram örlitla stund þar til hann er orð-
inn gullinbrúnn. Lækkið hitann og bætið við
tómatpúre, turmerik og chilidufti. Steikið
áfram í tvær mínútur og hrærið viðstöðulaust
svo að maturinn festist ekki við pönnuna.
Bætið við vatni og blandið öllu vel saman.
Hellið rjómanum út í og látið sjóða þar til allt
er vel soðið saman. Bragðið til með salti.
Bætið paprikunni út í þegar sósan fer að
þykkna. Hellið strax yfir kjúklinginn og
skreytið með söxuðum, ferskum kóríander-
laufum.
Réttinn má bera fram með fersku
salati, gufusoðnu græn-
meti, hrísgrjónum
eða nan-brauði,
allt eftir óskum
viðkomandi og
þeim tíma sem
hann getur
ráðstafað í
eldamennsk-
una. Á sumr-
in getur líka
verið gott að
bera hann
fram með
ferskum
ávöxtum á
borð við
kantalópu-
melónur.
Auðvelt: Fólk heldur að indverskur matur sé mjög
kryddaður og að það sé verulega flókið að útbúa hann.
Þessi réttur sem Pramod Nair matreiðslumeistari held-
ur á sannar að svo er ekki.
Morgunblaðið/Þorkell
AUSTUR-INDÍAFÉLAGIÐ|Chandrika Gunnarsson
Milt og framandi
GRILLIÐ Á SÖGU|Bjarni Gunnar Kristinsson
Ferskt og fitusnautt
Morgunblaðið/Kristinn
Ferskleiki: Bjarni Gunnar Kristinsson, yfirmatreiðslumaður á Grillinu, segir að sætan á móti
sýrunni og chilipiparnum geri réttinn ferskan.