Morgunblaðið - 28.02.2004, Blaðsíða 69

ÍÞRÓTTIR
MORGUNBLAÐIÐ LAUGARDAGUR 28. FEBRÚAR 2004 69
„ÞAÐ er enginn beygur í okkur Fröm-
urum. Við höfum lagt sterka andstæð-
inga að velli í keppninni fram að þessu
og okkur munar ekkert um að bæta ein-
um við,“ sagði Húsvíkingurinn Guð-
laugur Arnarsson, fyrirliði Fram, við
Morgunblaðið en faðir hans, Arnar Guð-
laugsson, lék á árum áður með Fram
bæði í handbolta og fótbolta og þótti
sérlega harður í horn að taka.
„Það er ekkert launungarmál að KA
er með tvo af bestu mönnum deildar-
innar, Arnór og Stelmokas, og við verð-
um eðlilega að taka þá sérlega föstum
tökum. Ég verð væntanlega í því hlut-
verki að reyna að stöðva þá báða. Það
er krefjandi en jafnframt skemmtilegt
verkefni enda báðir mjög erfiðir mót-
herjar og Stelmokas að mínu mati besti
leikmaðurinn hér á landi. Það verður
gaman að kljást við hann,“ segir Guð-
laugur.
„KA-liðið er mjög gott og þekkt fyrir
að spila hraðan og skemmtilegan sókn-
arleik. Við munum leggja áherslu á að
taka leikinn í okkar hendur og stjórna
hraða leiksins. Við höfum ekki verið
þekktir fyrir mikinn hraða en við mun-
um að sjálfsögðu keyra upp hraðann
þegar við á.
Vörnin hefur kannski verið okkar að-
alsmerki í vetur en mér finnst vera stíg-
andi í sóknarleiknum og vonandi heldur
það áfram. Ef við mætum með rétt
hugarfar, sömu stemninguna og í bikar-
leikjunum í vetur og með baráttuna í
öndvegi eigum við góða möguleika á að
vinna,“ sagði Guðlaugur.
Verður gaman að kljást
við Arnór og Stelmokas
ÞAÐ kemur væntanlega til að mæða mikið á Jón-
atani Magnússyni, fyrirliða KA, í bikarúrslita-
leiknum gegn Fram í dag. Hann mun stjórna sókn-
arleik liðsins og spila stórt hlutverk í framliggjandi
vörn norðanmanna.
„Það er mikil tilhlökkun hjá okkur strákunum
enda höfum við fæstir spilað bikarúrslitaleik. Það
hefur ekki gengið sem skyldi hjá okkur að undan-
förnu. Núna fáum við gott tækifæri til að snúa
blaðinu við og í okkar huga kemur ekkert annað til
greina en að fara með bikarinn til Akureyrar,“ sagði
Jónatan við Morgunblaðið. Hann er ekki sammála
þeim sem telja KA sigurstranglegri. Hann metur
möguleika liðanna til jafns.
„Framararnir eru virkilega verðugir mótherjar
og það hefur sýnt sig að það er erfitt að spila gegn
þeim. Það eru reynsluboltar í þeirra liði og í bikar-
leikjunum hafa þeir náð sérlega góðri stemningu í
sinn leik. Ég reikna með að Framararnir vilji reyna
að stjórna hraða leiksins. Þeim tókst það á móti
Val í undanúrslitunum með góðum árangri en við
ætlum svo sannarlega að gera okkar í að hleypa
leiknum upp í hraða og við tökum þá á honum. Við
vitum um kosti og galla í liði Framara. Einn þeirra
helsti styrkleiki er vörnin og ekki síður okkar
gamli félagi Petkevicius í markinu. Hann hefur
reynst okkur erfiður en við hræðumst hann ekki
frekar en aðra leikmenn Fram.“
Tökum þá á
hraðanum
Morgunblaðið/Kristján
Jónatan Magnússon, fyrirliði KA, er hér á
ferðinni í deildarleik gegn Fram.
Það eru margir sem telja að ÍBVeigi sigurinn vísan, þar sem
Eyjastúlkur hafa verið nær óstöðv-
andi í vetur. Hvað segir Guðríður um
það? „Það er ýmislegt sem bendir til
þess að ÍBV hafi betur í þessum slag.
Eyjaliðið er einfaldlega það lang-
besta á landinu og það er talsverður
styrkleikamunur á liðunum. En bik-
arleikir og ég tala nú ekki um úrslita-
leikir eru oft frábrugðnari deildar-
leikjum svo það er ekki hægt að
útiloka að Haukar geti farið með sig-
ur af hólmi þó svo að líkurnar á því
séu ekki miklar að mínu mati,“ segir
Guðríður.
Guðríður segir að stór skörð hafi
verið höggvin í lið Hauka frá því á
síðustu leiktíð og það sé of stór biti
fyrir Hauka að kyngja.
„Haukarnir koma til með að sakna
Hörpu Melsted mest í leik sem þess-
um. Hún hefur dregið liðið áfram
undanfarin ár með vilja og dugnaði
og hefur verið með hjartað á réttum
stað. Það hefur engin í Haukaliðinu
náð að fylla skarð hennar. Það leikur
enginn vafi á að Haukarnir eru með
veikara lið en í fyrra en ÍBV aftur á
móti sterkara. Brynja Steinsen,
Nína K. Björnsdóttir og Harpa Mel-
sted báru uppi Haukaliðið í bikarúr-
slitaleiknum í fyrra en nú eru þær
ekki til staðar og það eru komnar í
staðinn reynsluminni stelpur.“
Hvað geta Haukar gert til að eiga
möguleika á að stöðva Eyjahraðlest-
ina?
„Það er ekkert flókið. Hver og
einn einasti leikmaður þarf að skila
toppleik og rúmlega það og Haukar
verða svo að stóla á að ÍBV hitti á
slakan dag. Haukarnir geta alls ekki
treyst á að Ramune geri allt í þeirra
leik. Hún er frábær leikmaður en
hún getur ekki unnið leik upp á eigin
spýtur. Ég reikna með að hún verði í
góðri gæslu hjá ÍBV en ég held hún
verði ekki tekin úr umferð. Hauk-
arnir þurfa að hafa góðar gætur á
öllum leikmönnum ÍBV. Það er val-
inn maður í hverju rúmi í þeirra liði
og Haukarnir geta ekki einblítt á að
stöðva bara Öllu eða Yakovu.“
Guðríður segir að lið ÍBV sé á
mjög góðri siglingu um þessar
mundir og þátttaka liðsins í Evrópu-
keppninni hafi þjappað liðinu enn
betur saman.
„Það er alveg greinilegt að ÍBV-
liðið er komið á mjög gott ról og er
ógnarsterkt um þessar mundir. Það
er mikil og góð breidd í liðinu og
núna er Nína komin aftur á ferðina
og það styrkir liðið enn frekar. Ég
spái ÍBV sigri en vonandi tekst
Haukum að velgja Eyjakonunum
undir uggum þannig að við sem
fylgjumst með fáum að sjá spenn-
andi leik.“
Guðríður Guðjónsdóttir, þjálfari Vals, spáir ÍBV sigri í bikarúrslitaleik kvenna
Haukarnir sakna Hörpu
GUÐRÍÐUR Guðjónsdóttir, þjálfari Vals, þekkir vel þá stöðu að leika
til úrslita í bikarkeppninni en Guðríður á marga slíka leiki að baki
með Fram og hefur margoft lyft bikarnum á loft. Morgunblaðið fékk
Guðríði til að velta fyrir sér bikarúrslitaleik Íslandsmeistara ÍBV og
bikarmeistara Hauka sem fram fer í Laugardalshöll í dag en þessi
lið eigast við í úrslitum í þriðja sinn á síðustu fjórum árum.
Það er hundfúltað fá ekki að
taka þátt í þessum
stærsta leik ársins
en við létum KA-
mennina slá okkur út
og kannski þeir fari alla leið þess
vegna,“ sagði Páll við Morgunblaðið
þegar hann var beðinn um að spá í
spilin hvað úrslitaleikinn varðar.
Lærisveinar Páls biðu lægri hlut
fyrir KA-mönnum í 16-liða úrslitun-
um – töpuðu í æsispennandi leik að
Ásvöllum, 35:34.
„Það má eiginlega segja að leik-
urinn verði uppgjör sóknar og varn-
ar. Framarar eru með gott varnarlið
og hafa á að skipa góðum markverði
á meðan KA-mennirnir hafa verið
þekktir fyrir góðan sóknarleik þar
sem þeir hafa undantekningalaust
reynt að keyra upp hraðann. Vörn og
markvarsla hefur kannski setið að-
eins á hakanum hjá KA en í staðinn
hafa þeir verið mjög skæðir í sókn-
inni og gott hraðaupplaupslið. Fram-
arar hafa að mestu spilað flata 6:0
vörn en það kæmi mér samt ekkert á
óvart að þeir spiluðu 5 plús 1 vörn og
reyndu með því að klippa á Arnór
Atlason. Ég býst ekki við öðru en að
KA-menn haldi sig við 3:2:1 vörn
sína eða 3:3 sem ætti að geta hentað
vel gegn liði eins og Fram,“ segir
Páll.
Lykilatriði fyrir Fram að halda
Arnóri og Stelmokas í skefjum
Páll segir lykilatriði fyrir Fram-
ara að reyna að halda aftur af Arnóri
og Andriusi Stelmokas og takist
þeim það þá aukist möguleikar
þeirra á að sigra.
„Arnór og Stelmokas hafa í vetur
skorað meira en 60% af mörkum KA
og auðvitað hljóta Framararnir að
leggja ofuráherslu á að halda þeim í
skefjum. Ég geri fastlega ráð fyrir
því að Framarar ætli sér að reyna að
stjórna hraðanum í leiknum og halda
honum eins mikið niðri og þeir
mögulega geta. KA-mennirnir eru
bestir þegar þeir fá að stjórna hrað-
anum og þeir þrífast best í leik þar
sem liðin eru að skora yfir 30 mörk.“
Páll segir að þó svo að sóknarleik-
ur Framara virki oft í slakari kant-
inum og að þeir spili hægan sókn-
arleik þá hafi þeir innanborðs skæða
sóknarmenn eins og Héðin Gilsson,
Valdimar Þórsson og Hjálmar Vil-
hjálmsson sem á góðum degi geta
allir tekið af skarið.
„Menn mega ekki gleyma því að
Fram hefur slegið út, ÍR, HK og Val
og það segir ýmislegt um Framliðið.
Það eru reyndir leikmenn í liði Fram
sem hafa þrautseigju og einhvern veg-
inn ná Framararnir að gíra sig upp í
mikla stemningu í bikarleikjunum.“
Páll segir að allar forsemdur séu
fyrir því að leikurinn geti orðið jafn
og spennandi.
„Ég sé ekki fyrir mér að annað lið-
ið stingi af. Þetta verður barátta
fram á síðustu mínútu og úrslitin
geta dottið á hvorn veginn sem er.
Mér finnst KA í heildina séð með
sterkara lið. Þeir hafa að mínu mati
betri einstaklinga og ég hef meiri trú
á að sóknin vinni bug á vörninni og
að bikarinn fari norður yfir heiðar.“
Páll Ólafsson þjálfari Hauka spáir í spilin fyrir úrslitaleik KA og Fram
Uppgjör
sóknar og
varnar
PÁLL Ólafsson þjálfari Íslandsmeistarara Hauka reiknar með
hörkuspennandi bikarúrslitaleik í dag þegar Fram og KA leiða sam-
an hesta sína í Laugardalshöllinni. Páll hallast frekar að því bikar-
meistaratitillinn falli KA-mönnum í skaut og vegur þar þyngst að
hans mati að norðanliðið hafi betri einstaklinga í sínum röðum.
Eftir
Guðmund
Hilmarsson
Morgunblaðið/Kristján
Héðinn Gilsson, hinn skotharði leikmaður Fram, reyndist KA-
mönnum erfiður í deildarleik liðanna á Akureyri í vetur.
 ÞORVALDUR Þorvaldsson og
Sævar Þór Árnason eru þeir einu
sem eftir eru í liði KA sem lék síðast
til úrslita í bikarkeppninni. Þeir voru
í liði KA sem tapaði fyrir Haukum í
úrslitaleik árið 1997, 26:24.
 ÞORVALDUR er hins vegar sá
eini sem eftir er í bikarmeistaraliði
KA frá árinu 1996 þegar KA-menn
höfðu betur gegn Víkingi, 21:18.
Þorvaldur var einnig í liði KA sem
hampaði bikarnum í fyrsta skipti ár-
ið 1995 þegar KA sigraði Val í eft-
irminnilegum úrslitaleik, 27:26.
 FRAMARAR urðu bikarmeistarar
síðast fyrir fjórum árum þegar þeir
höfðu betur gegn Stjörnunni, 27:23.
Tveir leikmenn úr því liði eru enn
með Fram, fyrirliðinn Guðlaugur
Arnarsson og hornamaðurinn Guð-
jón Finnur Drengsson.
 FRAM og KA hafa mæst þrívegis í
vetur á Íslandsmótinu. Fram hafði
betur í fyrri leik liðanna í norður-
deildinni á Akureyri, 31:30, en í síð-
ari leiknum fögnuðu KA-menn sigri í
Fram-húsinu, 29:25. Liðin mættust í
úrvalsdeildinni 8. febrúar síðastlið-
inn á Akureyri og þar höfðu KA-
menn betur, 31:28.
 STEFÁN Arnaldsson og Gunnar
Viðarsson dæma bikaraúrslitaleik-
inn í karlaflokki en Guðjón L. Sig-
urðsson og Ólafur Örn Haraldsson
kvennaleikinn.
 HAUKARNIR eru með mikið
breytt lið frá því í fyrra þegar þeir
sigruðu ÍBV í bikarúrslitaleiknum.
Hanna G. Stefánsdóttir og Fríða
Tryggvadóttir spila með Tvis/Hol-
stebro í Danmörku, Nína K. Björns-
dóttir er kominn til ÍBV og þær
Brynja Steinsen og Harpa Melsted
eru í barneignarfríi.
BIKAR-
PUNKTAR
City vildi
ekki lána
Árna Gaut
MANCHESTER City hafnaði
í gær óskum frá Stoke City
um að fá íslenska landsliðs-
markvörðinn Árna Gaut Ara-
son að láni. Stoke leitaði til
City þar sem Ed de Goey hef-
ur átt við bakmeiðsli að
stríða en hollenski markvörð-
urinn, sem er 37 ára gamall
og kom til Stoke frá Chelsea,
gat ekki staðið á milli stang-
anna um síðustu helgi vegna
meiðslanna.
Kevin Keegan vill frekar
að Árni Gautur spili með
varaliði félagsins og verði
klár í slaginn að verja mark
aðalliðsins ef eitthvað bjátar
á hjá David James.