Morgunblaðið - 28.02.2004, Blaðsíða 65
FRÉTTIR
MORGUNBLAÐIÐ LAUGARDAGUR 28. FEBRÚAR 2004 65
STÓRMEISTARINN Helgi
Ólafsson (2.504) náði bestum ár-
angri íslensku keppendanna í A-
flokki á Aeroflot-skákmótinu sem
lauk í Moskvu á miðvikudag. Hann
hlaut sex vinninga í níu skákum
gegn andstæðingum sem voru að
meðaltali með 2.577 skákstig og
hafnaði í 17.–29. sæti á þessu öfl-
ugasta opna móti ársins. Helgi
tefldi því á þessu móti af styrkleika
sem samsvarar yfir 2.700 skákstig-
um. Fyrir þessa frammistöðu
hækkar hann líklega um 24 stig á
alþjóðlega stigalistanum. Nokkurt
fjaðrafok varð meðal íslenskra
skákmanna sem fylgdust spenntir
með lokaumferðinni þar sem Helgi
mætti ísraelska stórmeistaranum
Alexander Huzman sem er með
tæplega 2.600 skákstig. Helgi hafði
hvítt í þeirri skák eins og vænta
mátti samkvæmt röðun eftir sviss-
neska kerfinu. Hins vegar var
gangur skákarinnar í beinni út-
sendingu ekki í samræmi við úrslit-
in og svartur átti unnið tafl í loka-
stöðunni. Málið er enn óupplýst, en
trúlegast er að mistök hafi orðið í
beinu útsendingunni á skákinni,
enda er slíkt ekki óalgengt.
Lokastaða íslensku keppend-
anna í Moskvu:
A-flokkur:
Helgi Ólafsson 6 v.
Hannes Hlífar Stefánsson (2.572) 4½ v.
Þröstur Þórhallsson (2.459) 3½ v.
B-flokkur:
Arnar E. Gunnarsson (2.366) 7 v.
Snorri G. Bergsson (2.270) 4 v.
Dagur Arngrímsson (2.239) 3 v.
Guðmundur Kjartansson (2.162) 3 v.
C-flokkur:
Stefán Bergsson (2.036) 5 v.
Hrannar B. Arnarsson (2.099) 4 v.
Rúnar Berg 3½ v.
Fyrir nokkrum misserum áttu
Íslendingar mun fleiri stórmeistara
í skák en alþjóðlega meistara og
var það einsdæmi í heiminum. Að
undanförnu hafa þó nokkrir ís-
lenskir skákmenn orðið alþjóðlegir
meistarar og er Arnar Gunnarsson
nýjasta viðbótin í þann hóp eftir
glæsilega frammistöðu í B-flokki í
Moskvu.
Hvítt: Arnar Gunnarsson
Svart: Sergei Obodchuk (2.426)
1. c4 e5 2. Rc3 Rf6 3. Rf3 Rc6 4.
e3 Bb4 5. Dc2 Bxc3 6. Dxc3 De7 7.
d4?!
Hæpinn leikur þar sem svartur
nær að setja riddara sinn á mið-
borðið með leikvinningi og hafa þar
trygga bólfestu ásamt því að hvítur
verður viðkvæmur fyrir skákum á
a5-e1-skálínunni. 7. a3 er hefð-
bundnari og traustari leikur.
7. … Re4 8. Dd3 exd4 9. Rxd4
Rb4?!
9. … 0–0 hefði tryggt svörtum
örlítið betra tafl. Textaleikurinn
einkennist af bráðræði enda er lítið
upp úr þessu riddarabrölti að hafa
og ljóst að riddarinn ætti fremur
heima í námunda við miðborðið.
10. De2 0–0 11. Bd2!?
Áhugaverð hugmynd þar sem
hvítur hyggst svara 11. … c5 með
12. Bxb2.
11. … d5?
Slakur leikur sem færir svörtum
lakara tafl. 11. … b6 var betri kost-
ur þar sem 12. Rf5 Dc5 13. Dg4
gengur ekki upp vegna 13. …
Rc2+. Eftir textaleikinn tekst hvít-
um að fá þægilegra tafl.
12. a3 c5 13. Bxb4! cxb4 14. cxd5
bxa3 15. bxa3 Dc5 16. Dc4 Da5+
17. Db4 Dxd5 18. Be2 Bd7 19. 0–0
Rc5
Hvítur stendur nú töluvert betur
að vígi þar sem menn hans eru virk-
ari og peðameirihluti hans á kóngs-
væng öflugri en svarts á drottning-
arvæng. Hægt og sígandi tekst
honum að auka tök sín á stöðunni
með því að véla af svörtum peð.
20. Hfd1! Had8 21. Rb5 De5 22.
Rxa7 Ba4 23. He1
23. Hxd8 hefði leitt rakleiðis til
taps eftir 23. … Dxa1+. Við fyrstu
sýn virðist sem svartur fái nokkurt
mótspil fyrir peðið en Arnari tekst
að sýna fram á að svo sé ekki enda
hvíta staðan ákaflega traust.
23. … Hd6 24. Rb5 Bxb5 25.
Dxb5 Hfd8 26. Hac1 b6 27. a4!
Snjöll framrás sem miðast að því
að veikja stöðu riddarans á c5 með
a4-a5. Svartur reynir að mynda sér
gagnfæri á kóngsvæng er Arnar er
eldri en tvævetra í þessum bransa!
27. … Hh6 28. h3 Df6
29. Hc4!
29. a5 hefði verið slæmt vegna
29. … Re4. Textaleikurinn virkjar í
senn hrókinn og kemur í veg fyrir
að riddari svarts komi sér vígalega
fyrir á e4-reitnum.
29. … Rb7 30. Hd4 De7
30. … Hxd4 hefði leitt til máts 31.
De8#.
31. Hed1 Hhd6 32. Bf3 Hxd4 33.
Hxd4 Hxd4 og svartur féll á tíma
um leið en staða hans var engu að
síður vonlaus.
Minningarmót um
Jón Þorsteinsson um helgina
Um helgina fer fram einn af
stærri skákviðburðum ársins,
minningarmót um Jón Þorsteins-
son, skákmeistara, alþingismann
og lögfræðing. Mótið er öllum opið
en meðal keppenda verða sjö stór-
meistarar og flestir af sterkustu
skákmönnum þjóðarinnar.
Teflt er eftir óvenjulegu fyrir-
komulagi en skákirnar hefjast ekki
á hefðbundinni upphafsstöðu held-
ur fyrirfram völdum stöðum.
Meðal skráðra keppenda má
nefna íslensku stórmeistarana
Hannes Hlífar Stefánsson, Jón L.
Árnason, Helga Ólafsson, Helga Ás
Grétarsson og Þröst Þórhallsson.
Einnig verða tékknesku stórmeist-
ararnir Tomas Oral og Jan Votova
með í mótinu. Meðal annarra kepp-
enda má nefna Arnar E. Gunnars-
son og Hjörvar Stein Grétarsson
sem varð Norðurlandameistari í
skólaskák um síðustu helgi.
Afar góð verðlaun eru í boði en
heildarverðlaun nema um kr.
600.000. Mótið er öllum opið en
hægt er skrá sig í gegnum heima-
síðu mótsins: www.chess.is/me-
morial. Það eru Taflfélag Reykja-
víkur og Taflfélagið Hellir sem
standa fyrir mótinu í samvinnu við
syni Jóns.
Alls verða tefldar níu umferðir,
fimmtán mínútur á keppanda, og
verða tvær skákir tefldar í hverri
umferð svo allir fá hvítt og svart
með hverja upphafsstöðu.
Taflið hefst á laugardeginum kl.
14 og verða þá tefldar fjórar um-
ferðir. Taflið á sunnudeginum hefst
kl. 13 og verða þá tefldar fimm síð-
ustu umferðirnar.
Þátttökugjaldi er stillt í hóf en
það er kr. 1.000 fyrir fullorðna og
kr. 500 fyrir 15 ára og yngri.
Helgi Ólafsson öflugur í Moskvu
SKÁK
Moskva
AEROFLOT-MÓTIÐ 2004
16.–25. feb. 2004
Daði Örn Jónsson
Helgi Áss Grétarsson
dadi@vks.is
BISKUP Íslands, Karl Sigurbjörns-
son, vígði Lenu Rós Matthíasdóttur
til prests í Grafarvogsprestakalli í
Reykjavík við athöfn í Dómkirkjunni
fyrir tveimur vikum. Hún verður
sett inn í embætti við guðsþjónustu í
Grafarvogskirkju á morgun kl. 11
ásamt séra Bjarna Þór Bjarnasyni.
Séra Vigfús Þór Árnason sóknar-
prestur lýsti vígslu við athöfnina í
Dómkirkjunni. Vígsluvottar voru
séra Anna Sigríður Pálsdóttir, séra
Bjarni Þór Bjarnason, séra Jón
Helgi Þórarinsson og séra Kristján
Valur Ingólfsson. Séra Jakob Ágúst
Hjálmarsson dómkirkjuprestur
þjónaði fyrir altari en organisti var
Marteinn H. Friðriksson dómorgan-
isti. Dómkórinn söng. Á myndinni
má sjá hinn nývígða prest ásamt
biskupi, vígsluvottum og þjónandi
presti.
Ljósmynd/Gunnar G. Vigfússon
Sett inn í embætti á morgun
Opinn borgarafundur átakshóps
Höfuðborgarsamtakanna og Sam-
taka um betri byggð um færslu
Hringbrautar verður haldinn í
Tjarnarsal Ráðhúss Reykjavíkur á
morgun, sunnudaginn 29. febrúar
kl. 14. Á fundinum gera fulltrúar
borgaryfirvalda og átakshópsins
grein fyrir ólíkum tillögum og
sjónarmiðum varðandi fyrirhugaða
framkvæmd. Að loknu kaffihléi
verða pallborðsumræður.
OA kynningarfundur Á morgun,
sunnudaginn 29. febrúar, verður
haldinn opinn kynningarfundur á
vegum OA-samtakanna, í Héðins-
húsinu, Seljavegi 2, Reykjavík, kl.
14–16. Fundurinn er ætlaður öllum
þeim sem vilja kynna sér samtökin.
OA samtökin (Overeaters Anonym-
ous) eru samtök fólks sem á við
sameiginlegt vandamál að stríða, át-
fíkn.
Á Reykjavíkursvæðinu eru 9 fundir
á viku og einnig eru nokkrar deildir
starfandi úti á landi. Nánari upplýs-
ingar er að finna á heimasíðu sam-
takanna: www.oa.is.
VÍS efnir til fjölskyldu- og dýra-
hátíðar í Reiðhöllinni í Víðidal á
morgun, sunnudaginn 29. febrúar
kl. 14–16. Tilefni hátíðarinnar er að
VÍS ætlar að hefja um helgina sölu á
tryggingum fyrir hesta, hunda og
ketti í samstarfi við sænska dýra-
tryggingafélagið Agria. Gestir geta
fengið upplýsingar um nýju trygg-
ingarnar og tryggt dýrin sín á
staðnum.
Hestar, hundar og kettir verða til
sýnis, dýralæknir og aðrir dýra-
sérfræðingar svara fyrirspurnum
gesta og veita ráð. Börn fá að fara á
hestbak og Solla stirða úr Latabæ
skemmtir á meðan boðið verður upp
á pylsur. Aðgangur er ókeypis og
öllum opinn.
Á MORGUN
Íþróttasamband fatlaðra og Ný-
ung, ungliðahreyfing Sjálfsbjargar,
standa fyrir ráðstefnu sem er ætluð
hreyfihömluðu ungu fólki, á aldr-
inum 16–25 ára. Ráðstefnan fer
fram í Skála, 2. hæð Hótel Sögu.
Markmið er að virkja alla til þátt-
töku og að umræðuhópar skili
niðurstöðum í lok ráðstefnu, þar
sem kynntar verða ábendingar og
hugmyndir hópanna.
Andri Valgarðsson, Leifur Leifsson,
Gunnar Guðmundsson, Einar
Trausti Sveinsson, Jón Oddur Hall-
dórsson og Árni Rafn Gunnarsson
munu stýra umræðuhópnum.
Ráðstefnugjald er kr. 1.000. Innifal-
ið er kaffi/meðlæti og kvöldverður
með hópnum í lok ráðstefnunnar.
Skráningarfrestur er til fimmtu-
dagsins 4. mars. ÍSÍ-fargjald er í
boði fyrir þá sem koma utan af
landi. Nánari upplýsingar og skrán-
ing á skrifstofu ÍF, Engjavegi 6, 104
Reykjavík. netfang; annak-
@isisport.is
Kennsla í heilun Karina Becker
heilari mun halda tvö námskeið og
einkatíma hér á landi í mars. Á
fyrra námskeiðinu, sem er 6.–7.
mars, er orkusviðið skoðað og
tengsl þess við orkustöðvar lík-
amans o.fl. Auk þess mun Helga
Braga kenna magadans. Seinna
námskeiðinu verður dagana 13.–14.
Námskeiðin eru haldin í Ljós-
heimum, Brautarholti 8, og Nudd-
skóla Íslands, Asparfelli 12, Reykja-
vík.
Karina er heilari og kennari frá
heilunarskóla Barbara Brennan
School of Healing, í Bandaríkjunum
og starfar í London og Þýskalandi
við sitt fag.
Kynning á framhaldsnámi við
Háskóla Íslands Þriðjudaginn 2.
mars fer fram kynning á þeim
möguleikum sem bjóðast í meist-
ara– og doktorsnámi við Háskóla
Íslands. Kynningin fer fram í Há-
tíðasal aðalbyggingar kl.16–18.
Kennarar og nemendur veita upp-
lýsingar og munu nemendurnir m.a.
kynna rannsóknaverkefni sín.
Heilbrigðar lífsvenjur Félagið,
Betri heilsa – Betra líf, stendur fyr-
ir kynningu á heilbrigðum lífs-
venjum í Suðurhlíðarskóla, Suður-
hlíð 36, Reykjavík. Kynningin fer
fram öll þriðjudagskvöld í mars, kl.
19.30–21.30. Þriðjudaginn 2. mars
mun Andri Sigurgeirsson sjúkra-
þjálfari fjalla um mikilvægi þess að
stunda líkamsrækt og hreyfingu.
Aðrir sem erindi flytja: Monette
Indahl sjúkraþjálfi og Vilhjálmur
Vilhjálmsson tannlæknir. Talað
verður um tannhirðu, hvíld, nær-
ingu, vatn o.fl.
Öll kvöldin verður boðið upp á sýni-
kennslu í matreiðslu grænmetis-
rétta. Fólki gefst tækifæri til að
bragða matinn, sem er allur úr
jurtaríkinu. Boðið er upp á blóð-
þrýstingsmælingar, líkamsfitumæl-
ingar, lungnaþol, og þrekmælingu
og fleira.
Aðgangur er ókeypis, nema mat-
reiðslunámskeiðið sem kostar 500
krónur á hverju kvöldi og þarf að
skrá þátttöku.
Á NÆSTUNNI