Morgunblaðið - 30.03.2005, Síða 43

MORGUNBLAÐIÐ MIÐVIKUDAGUR 30. MARS 2005 43
FRÉTTIR
Uppboð
Uppboð
Uppboð munu byrja á skrifstofu embættisins á Bjarnabraut
2, Borgarnesi, sem hér segir á eftirfarandi eignum:
Frístundahús ásamt tilheyrandi lóðarréttindum í Birkirjóðri 4, Húsa-
felli, Borgarfjarðarsveit, þingl. eig. Heiðrún Valborg Sigfúsdóttir,
gerðarbeiðandi Niðurskógur ehf., fimmtudaginn 31. mars 2005
kl. 10:00.
Hl. Borgarbrautar 29, vestari endi, Borgarnesi, þingl. eig. Soffía
Ingveldur Eiríksdóttir, gerðarbeiðandi Kaupþing hf., fimmtudaginn
31. mars 2005 kl. 10:00.
Hl. Fiskilækjar, 210-5480, Leirár- og Melahreppi, þingl. eig. Ólafur
Finnur Böðvarsson, gerðarbeiðandi Tollstjóraskrifstofa, fimmtudag-
inn 31. mars 2005 kl. 10:00.
Hl. Hofsstaða í Borgarbyggð, fastanúmer 210-9607, þingl. eig. Hjalti
Aðalsteinn Júlíusson, gerðarbeiðendur sýslumaðurinn á Blöndósi
og Söfnunarsjóður lífeyrisréttinda, fimmtudaginn 31. mars 2005
kl. 10:00.
Hl. Réttarholts 1, Borgarnesi, þingl. eig. Steinn Eyjólfsson, gerðar-
breiðandi Íslandsbanki-FBA hf., fimmtudaginn 31. mars 2005
kl. 10:00.
Hlíðabær 8, Hvalfjarðarstrandarhreppi, þingl. eig. Anna María Jóns-
dóttir og Jón Benjamínsson, gerðarbeiðendur Gísli Stefán Jónsson
ehf., Íbúðalánasjóður, Málningaþjónusta Akraness ehf. og Vátrygg-
ingafélag Íslands, fimmtudaginn 31. mars 2005 kl. 10:00.
Laugateigur 2, Borgarfjarðarsveit, þingl. eig. Erlendur Sigurðsson,
gerðarbeiðendur Ríkisútvarpið og Vátryggingafélag Íslands hf.,
fimmtudaginn 31. mars 2005 kl. 10:00.
Móholt í Akralandi, Borgarbyggð, þingl. eig. Gunnar Þór Ólafsson,
gerðarbeiðandi Tollstjóraskrifstofa, fimmtudaginn 31. mars 2005
kl. 10:00.
Selás 7, Borgarbyggð, fn. 211-0132, þingl. eig. Gylfi Valtýsson,
gerðarbeiðandi Sparisjóðurinn í Keflavík, fimmtudaginn 31. mars
2005 kl. 10:00.
Sýslumaðurinn í Borgarnesi,
29. mars 2005.
Stefán Skarphéðinsson, sýslumaður.
ÞORGERÐUR Katrín Gunn-
arsdóttir menntamálaráðherra
heimsótti Vestmannaeyjar á dög-
unum og ræddi við forráðamenn
bæjarins og skólafólk, bæði í
framhaldsskólanum og grunnskól-
unum. Þegar Þorgerður Katrín
heimsótti barnaskólann opnaði
hún formlega nýja vefsíðu, orda-
belgur.is, sem hönnuð var fyrir
Daða Þór Pálsson, daufblindan
nemanda skólans.
Menntamálaráðuneytið og Vest-
mannaeyjabær styrktu verkefnið
en Ólöf Margrét Magnúsdóttir
kennari er verkefnisstjóri og
skráði hún útskýringar á tákn-
unum ásamt Páli Rúnari, föður
Daða Þórs. Vefkerfið sem orda-
belgur.is byggist á er hannað af
Smára Páli McCarthy og Nada
Borosak teiknaði skýring-
armyndir.
Vefsíðunni er ætlað að virka
sem orðabók fyrir þá sem um-
gangast Daða Þór en hann notar
nær eingöngu tákn sem hann ger-
ir með höndunum til að tjá sig.
Stærsta vandamál varðandi sam-
skipti við Daða Þór er að skilja
táknin sem hann gerir. Daði Þór,
sem er blindur, hefur skerta
heyrn sem nýtist honum þó vel til
að skilja mælt mál. Hann skilur
yfirleitt allt sem sagt er við hann
en þegar Daði Þór gerir tákn
frammi fyrir einhverjum sem ekki
skilur hann nýtist vefurinn við leit
á viðkomandi tákni eftir líkams-
mynd. Geri hann t.d. tákn á enni
sér er einfaldlega smellt á enni
líkamsmyndarinnar á skjánum og
birtast þá öll kunn tákn sem hann
gerir á ennið.
Gekk ekki nógu vel
að muna táknin
„Okkur gekk ekki nógu vel að
muna öll táknin hans Daða Þórs
en hann man þau ótrúlega vel,“
segir Ólöf Magnúsdóttir þegar
hún er spurð út í hugmyndina á
bak við vefsíðuna. „Orðabókin á að
auðvelda þeim sem umgangast og
vinna með Daða að hafa aðgang að
þeim táknum sem hann notar.
Forsagan er sú að í gegnum NUD
var ég komin í samband við þrjá
einstaklinga í Skotlandi og þegar
ég fór til Glasgow í páskaleyfi
2003 fékk ég að skoða stofnun í
Edinborg. Þar hitti ég konu sem
heitir Mary Lee sem hefur unnið
sérstaklega með sjónskertum fjöl-
fötluðum börnum. Stofnunin heitir
The Royal Blind School, Canaan
Lane Campus og þar var gefin út
táknmálsorðabók (Canaan Barrie
Signs) fyrir skólann. Þar eru tákn-
in einfölduð heyrnleysingjatákn og
hafa gagnast nemendum skólans
mjög vel.
Við Sirrý og Palli, foreldrar
Daða Þórs, vorum oft búin að tala
um að gera eitthvað í þessum dúr
og þegar ég kom heim fór ég að
tala um þetta við þau. Þar sem við
Íslendingar erum svo fram-
úrstefnuleg þá endaði þetta í vef-
síðu á Netinu en ekki bara í bók.
Smári Páll fór að vinna hérna í
næstu stofu við mig og hann taldi
þetta vel framkvæmanlegt. Þetta
hefði ekki gengið upp nema fyrir
það hvað Palli og Smári Páll voru
áhugasamir og duglegir að koma
þessu áfram. Við sóttum um styrk
til Þróunarsjóðs grunnskóla og
þeir styrktu verkefnið um þrjú
hundruð þúsund krónur og Vest-
mannaeyjabær um eitt hundrað
þúsund.“
Ólöf Margrét segir litla reynslu
komna á vefinn ennþá þar sem
hann sé svo nýtilkominn. „Ég held
hann muni nýtast fólki sem er að
vinna með Daða Þór, fjölskyldu
hans og þeim sem eiga eftir að
koma inn í líf hans eins og öllu
nýju starfsfólki. Afi hans og
amma, sem búa uppi á landi, eiga
núna t.d. frekar möguleika á að
skilja barnabarn sitt þegar þau
hitta hann.
Ég vil líka benda á að það er
hægt að prenta táknin af vefnum
og það getur verið mjög sniðugt
fyrir þá sem ekki eru með tölvur
eða vilja skoða eitt tákn sér-
staklega, festa í minni o.s.frv.
Næsta skref er að koma út bók
með táknunum og það væri ald-
eilis ekki ónýtt að fá styrktaraðila
til þess,“ sagði Ólöf Margrét og
var að vonum ánægð með hversu
vel tókst til með vefinn.
Vefurinn er ekki ennþá alveg
tilbúinn og klárast í rauninni aldr-
ei og þarf því að vinna áfram í að
setja inn ný tákn og myndbönd og
þróa hann eftir því sem Daði Þór
bætir við sig.
Þorgerður Katrín lofaði fram-
takið og sagði að það ætti að
verða öðrum hvatning til dáða á
þessu sviði.
Menntamálaráðherra vígði heimasíðuna Orðabelg
Smári McCarthy sem hannaði síðuna, Ólöf Margrét Magnúsdóttir kennari, Páll R. Pálsson, faðir Daða Þórs, Nada
Borosak sem teiknar skýringarmyndir, Daði Þór Pálsson, Sigríður Einarsdóttir, móðir Daða, Þorgerður Katrín og
Ása Ingibergsdóttir, amma drengsins, og Einar Erlendsson afi.
Vefsíða þeirra sem
ungangast Daða Þór
Vestmannaeyjum. Morgunblaðið.
PÁSKALEIK Smáralindar, Nóa
Síríusar og Icelandair lauk með
því að aðalvinningarnir tveir
voru dregnir út 23. mars sl. Sig-
urrós Ragnarsdóttir og Amalía
Pálsdóttir hrepptu aðalvinn-
ingana, þær fengu hvor sitt
Flugeggið, risapáskaegg frá
Nóa Síríusi, sem inniheldur fjóra
flugmiða til eins áfangastaðar
Icelandair í Evrópu að eigin
vali.
Á myndinni eru Sigurrós
Ragnarsdóttir vinningshafi og
Jane María Sigurðardóttir,
markaðsfulltrúi Smáralindar.
Unnu ferð
fyrir fjóra
til Evrópu
LIÐIN eru þrjátíu ár síðan efnt var
til leikskólastarfs á Eyrarbakka. Um
nokkurt skeið hafði verið rætt um
mögulega stofnun leikskóla í sveitar-
stjórn, hjá verkalýðsfélaginu Bár-
unni, kvenfélaginu og ekki síst í stjórn
Hraðfrystistöðvar Eyrarbakka, sem
þurfti mjög á vinnuafli húsmæðranna
að halda.
Í upphafi árs 1975 var síðan ákveð-
ið að gera tilraun til að reka leikskóla
um vertíðina og fram yfir humarver-
tíð. Haustið var jafnan daprasti tím-
inn í atvinnulífinu á Bakkanum og því
óttuðust menn að engin börn fengjust
þann tíma í leikskólann. Nú verandi
skólastjóri Brimvers er Kristín Ei-
ríksdóttir og með henni starfa ellefu
starfsmenn.
Það varð svo úr að tilraun þessi
varð til þess að frá 17. mars 1975 hef-
ur leikskólinn starfað með miklum
sóma. Aðstaða fékkst í húsi sem Ung-
mennafélag Eyrarbakka og Verka-
lýðs- og sjómannafélagið Báran áttu
saman, gegn vægri leigu.
Ráðnar voru tvær konur til skól-
ans, Gyðríður Sigurðardóttir og Auð-
ur Hjálmarsdóttir, og síðan var leitað
eftir aðstoð Heiðdísar Gunnarsdótt-
ur, leikskólastjóra á Selfossi, til að
þjálfa þær til starfans, svona tvo til
þrjá daga í upphafi. Nafnið fékk leik-
skólinn af fyrsta húsnæðinu, sem
hafði verið nefnt Brimver.
Vel búinn tækjum
Húsnæðið reyndist fljótlega ófull-
nægjandi, en fyrst var byggt hús yfir
starfið 1982 og það síðan stækkað og
endurbætt 1995 og er nú 281 fermetri
að grunnfleti, allvel búið tækjum.
Nú verandi skólastjóri Brimvers er
Kristín Eiríksdóttir og með henni
starfa ellefu starfsmenn og er vel
helmingur þeirra menntaðir leik-
skólakennarar. Nemendur leikskól-
ans eru nú 49 talsins.
Í samkomu, sem haldin var í tilefni
afmælisins, sagði Kristín Eiríksdóttir
nokkuð frá sögu skólans og starfsemi
og Heiðdís Gunnarsdóttir, leikskóla-
fulltrúi Árborgar, minnti nokkuð á
tengsl sín við upphaf skólans og færði
kveðjur og gjöf frá Árborg og leik-
skólunum á Selfossi. Þá afhenti Rann-
veig Anna Jónsdóttir, formaður
Kvenfélags Eyrarbakka, börnunum
nokkrar gjafir til leikskólans. Kven-
félagið færði skólanum einnig far-
síma, til notkunar og öryggis í göngu-
ferðum nemenda. Fyrrverandi
nemendur, Kristján Gíslason og Hall-
dóra Þorvaldsdóttir, léku nokkur lög
á hljómborð með aðstoð Jörgs Sond-
ermanns tónlistarkennara.
Leikskólinn Brim-
ver orðinn 30 ára
Eyrarbakka. Morgunblaðið.
Morgunblaðið/Óskar Magnússon
Vel er búið að börnum og starfsmönnum á leikskólanum.