Fréttablaðið - 10.12.2004, Síða 39

FÖSTUDAGUR 10. desember 2004
Til hnífs og skeiðar
GUÐRÚN JÓHANNSDÓTTIR ELDAR MORGUNVERÐ
Steiktar morgunverðarkartöflur
Á kalifornískum laugardags- og sunnudagsmorgnum myndast
langar raðir fyrir utan veitingastaði sem bjóða upp á morgunverð
með eggjum og svokölluðum „home fries“. Eggin eru meðhöndluð
eftir smekk hvers og eins: Spæld, hrærð eða beinlínis í köku. Kart-
öflurnar fylgja með, ómótstæðilegar, ilmandi, stökkar og mjúkar í
senn. Salsa er lykilmeðlæti.
Saxið lauk og hvítlauk og steikið í blöndu af smjöri og ólífuolíu.
Setjið kryddið út í og steikið áfram um stund. Skerið kartöflurnar
í fjórðunga og setjið út á pönnuna með laukblöndunni og steikið
þar til kartöflurnar hafa brúnast aðeins. Saltið og piprið eftir
smekk og stráið saxaðri steinselju yfir til skrauts. Berið fram með
steiktum eggjum, salsa, brauði, kaffi, ávaxtasafa og helgarblöðun-
um.
1 kg soðnar kartöflur (kaldar)
1 laukur
2 hvítlauksgeirar
1 tsk. cumin fræ
2-3 tsk. provence krydd
steinselja
salt og svartur pipar
smjör og ólífuolía til steikingar
MUNIÐ
ÞORLÁKMESSUSKÖTUNA
JÓLASÍLDIN ER KOMIN
- OPIÐ Á LAUGARDÖGUM -
VERIÐ VELKOMIN
FISKBÚÐIN HAFRÚN
SKIPHOLTI 70 • SÍMI 5530003
Lokað vegna
Kínaferðar
Heilsugarðurinn í jólafrí
Þeir sem ætla að leita
friðar frá skarkala
jólaamstursins á veitinga-
staðnum Garðinum við
Klapparstíg eiga eftir að
koma að læstum dyrum
frá og með 16. desem-
ber. Garðurinn er vel
kunnur meðal þeirra sem
kunna að meta heilsu-
fæði en þar er hægt að
fá grænmetismat úr lífrænt ræktuðu
grænmeti, ágætt kaffi og sérstaklega góð-
ar kökur gerðar úr hrásykri, spelti og heil-
hveiti. Vinir og velunnarar staðarins verða
þó að vera án hans yfir jólin því staðurinn
verður lokaður frá 16.desember og fram
til 15. janúar. Ástæðan er sú að eigend-
urnir ætla að skreppa til Kína yfir hátíðirn-
ar. Staðurinn hefur komið sér upp góðum
hópi fastagesta sem eiga eftir að sakna
hans í jólastressinu en geta hlakkað til í
janúar en það er aldrei að vita nema aust-
urlenskir vindar leiki um Garðinn þegar
hann opnar aftur. ■
38-39 (04-05) Allt matur ofl 9.12.2004 14.54 Page 3