Atuagagdliutit - 03.02.1988, Blaðsíða 8

8
ATUAGAGDLIUTIT/GRØNLANDSPOSTEN
NR. 5 1988
ag-oq; tu LI N N O LU
ISUMMAT AG-KUT SAQQUMMIUGUK
Feria nuannersoq
Qangaanerusoq inuit namminneq akilerlugu feriartaralu-
arput, taamaattumik ikittuinnaat feriamissaminnut akis-
saqartarput. Amerlanerit ukioq kaajaUallugu suliuartaria-
qartarput, peqqinnanngilluinnartumik. Akissallit kisimik
feriartamerat qimanniarlugu inatsisitigut aalajangeme-
qarpoq sipaarsinnaanngitsunut allaat feriarsinnaatitaalis-
sasut, taamalu feriaqarnersiutissanik ukioq naallugu ka-
tersitsisisameq atulersinneqarpoq.
Feriartanermut inatsit ajungilluinnartuuvoq. Taamaa-
liornikkut akissarsisartut tamarmik feriartarsinnaatitaa-
lermata. Amerlasuut akissarsiatik pigiinnarlugit feriartar-
put, allamilli suliffittaareersimasut feriaqarnersiutissatut
katersorsimasatik tigusarpaat.
Pisariillisaanissaq anguniarlugu tamakkua tunniunne-
qarsinnaanngortarput februarip aallaqqaataani, inuillu
namminneq isumagisassarilersarpaat taakkua feriaqaler-
nissaminnut toqqomissaat.
Ippassaani inuppassuit ferialerput. Feriaqarnersiutis-
sallu emgutigineqarput. Ataasinngornermi februarip aal-
laqqaataani unnukkut imerniartarfiit ulikkaarput inunnik
feriaqamersiutissatik atorlugit emguttunik, imemiartar-
fiutillillu maluginnguatsiarpaat pisamermit isertitsilluar-
nerullutik. Suliffeqarfiillu ikittuunngitsut marlunngor-
nermi paasinnguatsiarpaat sulisumik ilarpaalussui »feria-
lersimasut«.
Ussernartorsiornartuuvoq feriaqamersiutit inatsisik-
kut anguniameqartoq uniorluinnarlugu atussallugit. Isu-
maatsuliomeruvoq feriaqarnersiutit feriarfiusartoq suli
nallinngitsoq ataatsikkorsuaq tunniussuunneqartarnerat.
Kingusinnerusukkut aatsaat tunniunneqarsinnaanngor-
tartuugunik pitsaanerussagaluarpoq, eqqomerusorinara-
luarpoq atuartut ferialertarfiat - tamatumami nalaani
amerlanerpaat feriartarmata.
GTO-ip sisannik
umiarsualiorfia
GTO-ip sisannik umiarsualiorfia Nuummiittoq »Sisak 58«-
inik kilisaasiortarunnaarpoq, tamannalu silatusaarneru-
gunarpoq. Kilisaat siulleq - »Aleqa«, ingerlasinnaanngitsoq
- AG-ip aallaaserisimammagu GTOp amutsivinnut pisortai
ajuallattorujussuunikuupput, aviilu »pillarniarlugu« pile-
risaarutinik ilanngussivigisarumajunnaarpaat, suliamilli
atorsinnaannginnerat nassuerutigaat sanaqqikkumajun-
naaramikkit. Umiatsiartassat GTO-ip pisiarereersimasai
pingasut kisimik sananeqassapput, ilaqqinneqassanngillal-
lu.
Amutsiviit isumannaatsumik iluarsaasarfiunissartik pi-
moorutiinnartariaqaraluarpaat 50.000 kr-inik naleqartus-
saagaluit aalisartunut 350.000 kr-inik akiligassanngortit-
tarnerat annilaarnartoq pinerunagu. Ullumikkummi
imaappoq, umiarsuit umiarsualiorfinnut allannut anngus-
sinnaasut tamarmik piginnittuinit naalagaannillu allamu-
kaakkumaneqamerusarlutik.
Neqeroorutit aalajangersimasut atorneqalersariaqarput
pisortat suliffeqarfiutaat GTO kommunit aqqutigalugit
sullinneqartut aningaasiviinit aallersittaqattaaginnarna-
gu. Malittarisassat allani atugaareersut assinginik malitta-
risaqartariaqarput, aqutsisoqartariaqarlutillu pisinnaallu-
artunik. Amutsiviit nammineerluinnarlutik ingerlasuusa-
riaqarput namminersornerullutillu suliffeqarfiutaattut al-
latuulli nalilersorneqartariaqarlutik, eqqaaneqaannarsin-
naavoq piginneqatigiiffinnik pilersitsiortortoqarsinnaane-
ra qaammammi tassani oqaluuserineqartussaasoq.
rwKeroruteKdnt
ATUAGAGDLIUTINE
Peqqissaasunik
ilinniartitsineq
soqutigineqanngilaq
All. Maria Jerimiassen aamma Najaaraq
Hegelund, peqqissaasutut
ilinniaqqammersut, Nuuk
Peqqissaatut ilinniarnerput ul-
lumikkut naammassivarput. Ar-
nat arfrneq marluinnaalluta
naammassivugut. Aallartikkatta
13-iugaluarpugut. Ukiumut
marloriarluni 12-inik ilinniar-
tunngortoqartarsinnaavoq. Sooq
inuusuttut taama ikitsigisut
peqqissaasutut ilinniarumasar-
pat? Tamanna uagut paasilluar-
sinnaanngilarput.
Ilinniameq sulinikkut atua-
garsomikkullu ingerlanneqar-
tarpoq. Imaappoq ilaanni atuar-
fimmiittarpugut ilaannilu nap-
parsimmavinni sulisarluta ul-
luinnarni suliassanut peqataal-
luta. Taamaakkami ilinniarneq
assigiiaaginnarmik ingerlanne-
qarneq ajorpoq. Ilaanni ilinnia-
gassaqartorujussuusarpugut so-
raarummeertarlutalu, tamaalli
ataatsimut isigissagaanni peq-
qissaasunngomiarluni ilinniar-
neq nuannerluinnartuuvoq. Su-
lisummi ilinniagaqarsimasut Ka-
laallit Nunaanni atorfissaqartin-
neqartorujussuupput. Taamaat-
tumik kakaleqativut inuusuttut
inassmnavagut peqqissaatutut
ilinniartaqqullugit taamalu ator-
luarsinnaasaminnik iluaqutaa-
susamillu ilinniagaqaqqullugit.
Ilinniamerulli kingomatigut
ajomartorsiuteqalerpugut, isu-
maqarpugullu taakkua sulisitsi-
sutta aaqqinniagassarigaat.
Siullermik illussaaleqinermut
tunngasut.
Suliffigeru sussinnaasatta ilar-
passuini illussaqartinneqarsin-
naaxmgilagut, naak peqqissaasu-
nik amigaateqartorujussuugalu-
artoq. Tamanna nakorsanut,
napparsimasunik paarsisunut
peqqissaasvmullu suliassaqaree-
qisunut ajuu saarnartuuvoq, ki-
siannili aamma uagutsinnut al-
latut ajomartumik angerlaan-
nartariaqartunut.
Ajornartorsiut alla tassa akis-
sarsiat, appasippallaartut. Ta-
manna takuneqarsinnaavoq peq-
qissaasutut ilinniarsimasut ilar-
passui ukiut marlussuit qaangiu-
tiinnartut allanik suliffissarsior-
tarmata. Peqqinnissap tungaati-
gut sullissisuusut ikiliartmnnas-
sanngippata akissarsiat qaffan-
neqartariaqarput illussanillu
pissaqartinneqartariaqarpugut.
Ajornartorsiutit pingajoraat
ilinniaqqinnissamut periarfissa-
qannginnerput. Peqqissaasut qa-
qutigorujussuaannaq pikkoris-
saqqitsinneqartarput. Nalune-
qanngilarmi peqqinnissap tun-
ngaatigut sullissinermi mikin-
ngitsumik ineriartomeqartoq
aammalu ilisimasassat nutaat
pikkorissartinneqartarnikkut
aatsaat pineqarsinnaasartut.
Napparsimasunik paarsisut suli-
aat tigujartuaarsinnaajumallu-
git pikkorissartinneqartarnis-
sarput kissaatigigaluarparput.
Taamaaliornikkut napparsima-
sunik paarsisut atorfii nunatsin-
ni inuttaqanngitsut inuttaleme-
qarsinnaagaluarmata.
Atuagagdliut
atuagagssiauvoK
angerdlarsimavfingne
tamangajangne
atuarneKartartOK
neuerorut
TELE i Qaqortoq
udbyder følgende biler til salg
1 stk. LANDROWER årgang 1981/benzin
1 stk. VW Golf årgang 1982/diesel
1 stk. VW Pick Up årgang 1982/m. defekt/diesel
1 stk. VW Dobbelt Cabind årgang 1982/diesel
1 stk. VW Transporter årgang 1981/benzin
1 stk. VW Golf årgang 1985/benzin.
Bilerne kan beses ved Telestationen i Qaqortoq, og sælges i den
stand de forefindes. Teleregionscentret betinger sig ret til at afvi-
se indkomne tilbud.
Lukkede tilbud på køretøjerne skal være Teleregionscentret i Qa-
qortoq ihænde senest søndag den 14. februar.
Qaqortoq Teleregionscenter
Postboks 504.3920 Qaqortoq