Fréttablaðið - 17.02.2007, Page 33

Smáauglýsingasími
550 5000
Auglýsingasími Allt
550 5880
Þú getur pantað
smáauglýsingar á visir.is
Þegar Davíð Garðarsson fékk Range
Rover jeppa árgerð 1983 átti hann þá
ósk heitasta að bíllinn yrði appelsínu-
gulur. Hrafnhildur Jónsdóttir, kona
Davíðs, harðneitaði í fyrstu, en í dag
er hún hæstánægð og keyrir stolt um á
þeim appelsínugula.
„Þegar ég eignaðist bílinn dauðlangaði mig í
þennan appelsínugula lit en Hrafnhildur
Jónsdóttir, konan mín, harðneitaði,“ segir
Davíð Garðarsson bifvélavirki hjá B & L.
Vinnufélagar Davíðs brugðu þá á það ráð
að bjóða Hrafnhildi að mála bílinn í sjálf-
boðavinnu ef hún samþykkti appelsínugula
litinn og það varð úr. „Þeir náðu henni á ein-
tal án minnar vitundar og hún samþykkti
þetta bara í einhverju bríeríi og bjóst aldrei
við því að þetta yrði að veruleika,“ segir
Davíð hlæjandi. Þeir félagarnir tættu allt
innan úr honum, teppalögðu, settu ný inni-
ljós og máluðu að lokum skær-appelsínugul-
an, alveg eins og Hrafnhildi hafði verið lofað.
„Þeir unnu að þessu í fleiri daga með mér,
allt í sjálfboðavinnu og þegar hann var tilbú-
inn slógu þeir saman í númeraplötuna G4
sem bíllinn er nú nefndur í daglegu tali,“
segir Davíð.
Þrátt fyrir að Hrafnhildur hafi verið
helsti andstæðingur litarins í byrjun er það
einmitt hún sem notar bílinn mest í dag. Fjöl-
skyldan fer gjarnan á fjöll og í jeppaferðir
með félagi Land Rover eigenda, Íslandrover
þar sem Davíð er sjálfur stjórnarmeðlimur.
„Við förum gjarnan upp að Hólaskógi fyrir
ofan Búrfell þar sem bróðir minn heldur til
og þá keyrum gjarnan áfram til Landmanna-
lauga og Hveravalla,“ segir Davíð sem sér
svo sannarlega ekki eftir að hafa látið app-
elsínugula drauminn rætast.
Konan tekin á eintal út af litum