Fréttablaðið - 17.02.2008, Blaðsíða 98
26 17. febrúar 2008 SUNNUDAGUR
Drangajökull
Grímsey
Hofsjökull
Húnaflói
BlöndulónÓvænt samband
á Ströndum
Gríptu augnablikið og lifðu núna
Flugmaður einn heldur því blákalt fram að hann hafi náð
sambandi með GSM síma þar sem hann var staddur í
Gjögri. Þykir mönnum það með ólíkindum, enda ekki vanir
slíkum munaði á þessum slóðum. Er skýringanna helst að
leita í því að maðurinn var með síma frá Vodafone.
– Sönn saga frá 1414.
Með tilkomu langdræga GSM kerfisins býður Vodafone
nú stærsta GSM þjónustusvæðið á Íslandi. Skiptu yfir til
Vodafone, án þess að skipta um símanúmer, með einu
símtali í 1414 – strax í dag.
Stærsta GSM þjónustusvæðið
F
í
t
o
n
/
S
Í
A
Enski FA-bikarinn:
Man. Utd.-Arsenal 4-0
1-0 Wayne Rooney (16.), 2-0 Darren Fletcher
(20.), 3-0 Nani (38.), 4-0 Darren Fletcher (74.).
Chelsea-Huddersfield 3-1
1-0 Frank Lampard (18.), 1-1 Michael Collins
(45.), 2-1 Frank Lampard (60.), 3-1 Salomon
Kalou (70.).
Liverpool-Barnsley 1-2
1-0 Dirk Kuyt (32.), 1-1 Stephen Foster (57.), 1-2
Brian Howard (90.).
Bristol Rovers-Southampton 1-0
Cardiff-Wolves 2-0
Coventry-WBA 0-5
Skoska úrvalsdeildin:
Celtic-Hearts 3-0
1-0 Jan Vennegoor (14.), 2-0 Scott McDonald
(51.), 3-0 Andreas Hinkel (76.). Eggert Gunnþór
Jónsson lék allan leikinn fyrir Hearts.
Ítalska Serie A-deildin:
Inter-Livorno 2-0
1-0 David Suazo (14.), 2-0 David Suazo (18.).
Parma-AC Milan 0-0
Juventus-Roma 1-0
1-0 Alessandro Del Piero (45.).
Spænska La Liga-deildin:
Real Betis-Real Madrid 2-1
0-1 Royston Drenthe (6.), 1-1 Edú (32.), 2-1 Mark
Gonzalez (35.).
Espanyol-Sevilla 2-4
0-1 Luis Fabiano (6.), 0-2 Frederic Kanoute (11.),
1-2 Luis Garcia (41.), 1-3 Christian Poulsen (74.),
2-3 Coro (76.), 2-4 Diego Capel (78.).
Hollenska úrvalsdeildin:
Roda-Twente 3-1
Bjarni Þór Viðarsson kom ekkert við sögu hjá
Twente að þessu sinni.
Æfingaleikur á La Manga:
Valerenga-Lyn 2-2
0-1 Endre Fotland Knudsen (34.), 1-1 Kristofer
Hæstad (56.), 1-2 Magnus Powell (74.), 2-2 Jarl
André Storbæk (88.). Theodór Elmar Bjarnason
lék allan leikinn fyrir Lyn.
ÚRSLITIN Í GÆR
FÓTBOLTI 1. deildarlið Barnsley
gerði sér lítið fyrir og sló Liver-
pool út úr sextán liða úrslitum FA-
bikarsins á Anfield í gær. Chelsea
lenti í vandræðum með 2. deildar-
lið Huddersfield en hafði á endan-
um sigur.
Flestir bjuggust við frekar auð-
veldum sigri Liverpool á heima-
velli sínum Anfield gegn Barns-
ley, sem er um miðja 1. deildina,
en annað kom á daginn. Liverpool
lék án Fernando Torres og fyrir-
liðinn Steven Gerrard sat á vara-
mannabekknum en að öðru leyti
stillti Rafa Benitez upp frekar
sterku byrjunarliði.
Dirk Kuyt skoraði fyrsta mark
leiksins eftir rúman hálftíma eftir
sendingu frá Ryan Babel og aðeins
frábær markvarsla frá Luke
Steele í marki Barnsley kom í veg
fyrir að Liverpool náði ekki að
keyra yfir gestina og staðan var 1-
0 í hálfleik.
Barnsley-menn náðu hins vegar
að svara fyrir sig og öllum að
óvörum jöfnuðu þeir leikinn á 57.
mínútu. Þar var á ferðinni Stephen
Foster með skalla eftir sendingu
frá Martin Devaney. Liverpool
bætti í sóknina en Steele varði og
varði og Harry Kewell átti svo
skot sem fór í stöng og allt leit út
fyrir að óvænt jafntefli yrði niður-
staðan. En alveg í blálokin náði
Brian Howard að skora sigurmark
Barnsley og tryggja gestunum
frækinn sigur gegn Liverpool og
farseðilinn í átta liða úrslit keppn-
innar.
Chelsea lenti einnig í basli með
2. deildarliðið Huddersfield en
náði, ólíkt Liverpool, að klára
dæmið í seinni hálfleik og vinna 3-
1. Frank Lampard skoraði tvö
mörk og lagði upp eitt fyrir Chel-
sea og virðist vera að komast í sitt
gamla leikform eftir að hafa verið
meiddur. - óþ
Óvænt úrslit urðu í sextán liða úrslitum FA-bikarsins:
Barnsley sló Liver-
pool út á Anfield
FÖGNUÐUR Leikmenn Barnsley fagna hér fræknum sigri sínum gegn Liverpool á
Anfield í gær. NORDIC PHOTOS/GETTY
FÓTBOLTI Englandsmeistarar
Manchester United hreinlega
slátruðu Arsenal 4-0 í sextán liða
úrslitum FA-bikarsins á Old Traff-
ord í gær, en þetta var 100. FA-
bikar leikurinn hjá Sir Alex Fergu-
son með United-liðið.
Greinilegt var á byrjunarliðum
beggja liða í gær að knattspyrnu-
stjórarnir voru með leikina í
Meistaradeild Evrópu í byrjun
næstu viku í huga þar sem bæði
liðin hvíldu lykilmenn. Sir Alex
Ferguson ákvað að láta Ryan
Giggs og markahrókinn Cristiano
Ronaldo sitja uppi í stúku og Ars-
ene Wenger byrjaði með Emm-
anuel Adebayor og Mathieu
Flamini á varamannabekknum.
Wayne Rooney var hins vegar
kominn aftur í byrjunarliðið eftir
að hafa tekið út leikbann og hann
átti heldur betur eftir að láta til
sín taka.
Rooney opnaði marka-
reikninginn fyrir United
strax á 16. mínútu með
glæsilegu skallamarki
eftir skallasend-
ingu frá Ander-
son. United-liðið
lék á als oddi á
meðan Arsenal-liðið
virtist hálf skelkað. Hinn
skoski Darren Fletcher,
sem hefur ekki fengið
mörg tækifæri í liði
United í ár, bætti öðru
markinu við stuttu
síðar, einnig með
skalla, eftir góðan
undirbúning hjá
Nani, en boltinn
hafði hugsanlega
einhverja viðkomu í
Willam Gallas, varnarmanni
Arsenal, á leið sinni í markið.
Nani var svo sjálfur á ferðinni
á 38. mínútu og skoraði þriðja
mark United eftir frábæra send-
ingu frá Michael Carrick með
góðu skoti sem Jens Lehmann í
marki Arsenal réð ekkert við.
Markið undirstrikaði kannski
helst flata vörn Arsenal-liðs-
ins sem var opnuð trekk í
trekk með góðum stungu-
sendingum United-manna. Ekki
voru fleiri mörk skoruð í fyrri
hálfleik þó svo að færin hafi vissu-
lega verið til staðar og þá hjá
United-mönnum.
Gremja Arsenal manna
Snemma í seinni hálfleik dró til
tíðinda þegar Emmanuel Eboue,
leikmaður Arsenal, fékk að líta
rauða spjaldið fyrir háskaleik en
Eboue stökk þá upp í skallaeinvígi
við Patrice Evra og fór með takk-
ana í síðu hans. Hvort sem brotið
var viljandi eða óviljandi leit það
mjög illa út og í raun ekkert annað
í stöðunni fyrir dómarann en að
dæma rautt spjald. Arsenal var
ekki til stórræðanna eftir það enda
einum færra en liðið fékk senni-
lega sitt besta færi í leiknum
þegar Eduardo da Silva átti skalla
rétt yfir á 65. mínútu. United-
menn voru þó ekki hættir og stuttu
síðar leit fjórða markið dagsins
ljós. Fyrrnefndur Fletcher skor-
aði þá sitt annað mark og minnti
rækilega á sig og enn og aftur var
það Nani sem var arkitektinn að
markinu. Lokatölur urðu 4-0 og
erfitt að benda á einhvern einn
sem stóð upp úr hjá United.
Rooney, Nani, Fletcher og Ander-
son áttu allir frábæran dag, en
Arsenal-liðið var í heildina séð
heillum horfið. omar@frettabladid.is
Man. Utd rassskellti Arsenal
Manchester United vann 4-0 stórsigur á erkifjendum sínum í Arsenal í sextán liða úrslitum FA-bikarsins á Old
Trafford í gær. United lék frábæran bolta en Arsenal var algjörlega heillum horfið og nánast óþekkjanlegt.
MINNTI Á SIG Darren
Fletcher hefur lítið
fengið að spila með
United í ár en nýtti
tækifæri sitt vel í gær.
NORDIC PHOTOS/GETT Y
NIÐURLÆGING Leikmenn United fóru á kostum í gær og hreinlega niðurlægðu Arsenal á köflum í leiknum.
NORDPHOTOS/AFP