Tíminn - 05.11.1983, Qupperneq 2
Stjórnkerfi
fP Reykjavíkurborgar
Nefnd á vegum borgarstjórnar vinnur aö endurskoðun á
stjórnkerfi borgarinnar. Borgarbúum, íbúasamtökum og
öörum hagsmunafélögum, sem vilja koma meö ábend-
ingar eða tillögur um tengsl milli íbúanna og yfirstjórnar
borgarinnar er bent á aö senda nefndinni hugmyndir
sínar c/o skrifstofu borgarstjóra fyrir 6., des. n.k.
Borgarstjórinn í Reykjavík
3. nóvember 1983
RÍKISSPÍTALARNIR
lausar stöður
LANDSPÍTALINN
Sérfræðingur í svæfingalækningum óskast á svæf-
ingadeild til afleysinga í eitt ár.
Umsóknir er tilgreini náms- og starfsferil sendist
stjórnarnefnd ríkisspítalanna fyrir 5. desember n.k. á
sérstökum umsóknareyðublöðum fyrir lækna.
Upplýsingar veitir yfirlæknir svæfingadeildar í síma
29000.
Hjúkrunarfræðingar óskast við lyflækningadeildir
og taugalækningadeild.
Upplýsingar veitir hjúkrunarforstjóri í síma 29000.
KÓPAVOGSHÆLI
Starfsmenn óskast til ræstinga á Kópavogshæli.
Vinnutími er frá 08 til 14 eða skemur.
Upplýsingar veitir ræstingastjóri í síma 41500.
Reykjavík, 6. nóv. 1983
Framtíðarstarf
Starfsmaður óskast til að annast uppgjörtjóna og
áhættueftirlit fyrir Brunadeild nú þegar.
Æskileg er verslunar- eða samvinnuskóla-
menntun eða hliðstæð menntun og starfsreynsla.
Starfið gerir kröfur til hæfni í mannlegum sam-
skiptum og að umsækjendur hafi yfir bifreið að
ráða.
Frekari upplýsingar veittar á skrifstofu Starfs-
mannahalds.
SAMVINNU
TRYGGINGAR
ÁRMÚLA. 3 SÍMI81411
St. Jósepsspítali
Landakoti
Lausar stöður
Hjúkrunarfræðingar óskast til eftirtalinna staría:
Svæfingardeild: Staða deildarstjóra.
Umsóknarfrestur til 20. nóv. 1983.
Handlækningadeild: Staða hjúkrunarfræðings
Augnskoðun: Staða hjúkrunarfraeðings, fullt
starf, dagvinna.
Umsóknir ásamt upplýsingum um nám og fyrri
störf sendist hjúkrunarforstjóra sem veitir nánari
upplýsingar í síma 19600 kl. 11 -12 og 13-14 alla
virka daga.
Reykjavík 4.11.1983.
Skrifstofa Hjúkrunarforstjóra.
„NAUÐSYNLEGT AD EINS
FA SKIP OG MÖGULEGT
ER STUNDI VEIÐARNAR”
— sagði Halldór Ásgrímsson, á aðalfundi LÍÚ
■ „I fyrsta lagi er nauðsynlegt að eins
fá skip og mögulegt er stundi veiðarnar.
Með tilliti til þessa var meðal annars
ákveðið að aðeins þau loðnuskip sem
áður höfðu stundað veiðar á loðnu gerðu
það nú. Ljóst er að mun færri skip gætu
náð þeim afla sem ætlunin er að veiða.
Á sama hátt er einnig mikilvægt að færri
skip en áður, stundi aðrar veiðar, til
dæmis netaveiðar,“ sagði Halldór Ás-
grímsson, sjávarútvegsráðherra meðal
annars í ræðu sinni á þingi LIÚ á
Akureyri, sem lauk í gær.
Síðan sagði Halldór að það væri
nánast útilokað að unnt verði að heimila
loðnuskipum að taka þátt í netaveiðum
í vetur. Þá vék hann að netaveiði, sem
hann telur að draga verði úr. „Fækkun
neta og auknar dragnótaveiðar og vænt-
anlega aukin Itnuveiði í stað netaveiði
gæti væntanlega orðið til að bæta hráefn-
ið á næstu vertíð, en fyrirsjáanlegt erað
ekki verður nægilega hagkvæmt að salta
fisk og hcngja upp í skreið og því
mikilvægt að ná sem bestu hráefni að
landi,“ sagði Halldór.
Á öðrum stað sagðist ráðherrann ekki
hafa verið hrifinn af kvótakerfi hingað
til: „Nú er ég hins vegar þeirrar skoðunar
að ekki sé annað fært en að taka upp
einhvers konar kvótafyrirkomulag fyrir
togarana í tilraunaskyni í eitt ár," sagði
Halldór.
Hann kvaðst telja æskilegt að menn
ættu val í því sambandi og gætu valkost-
irnir til dæmis verið þcir, að úthlutað
yrði kvóta eftir reglum sem um hann
yrðu settar, að fram færi samkeppni um
sameiginlegan kvóta, sem samkvæmt
takmarkandi reglum gengi í sömu átt og
skrapdagakerfið. Og að menn gælu ák-
veðið að leggja skipum sínum með
stuðningi úr opinberum sjóðum og
samningum við lánadrottna.
„Erfiðast er að finna réttlátan grund-
völl fyrir ákvörðun kvóta. Það er marg-
slungið mál, sem ekki er tök á að ræða í
nokkrum orðum. Hins vegar tel ég
mikilvægt að menn eigi annað val, ef
þeir geta ekki sætt sig við kvóta og telja
hann sér óhagkvæman.“
Þá sagði hann, að hér væri ekki um að
ræða mótaðar tillögur. „Ég tel mér hins
vegar skylt að greina frá hugsunum
mínum um þessi erfiðu mál, en mun að
sjálfsögðu taka fullt tillit til sjónarmiða
hagsmunaaðila.“
Þá fjallaði Halldór um frumvarp til
laga um veiðar í fiskveiðilandhelgi
íslands, sem væntanlega verður lagt
fram á Alþingi fljótlega. Hann gerði
grein fyrir efni frumvarpsins, og kom
fram meðal annars, að það gerir ráð fyrír
ótvíræðri heimild fyrir sjávarútvegsráð-
herra til að setja heildarveiðikvóta,
skiptingu milli veiðarfæra og skipa og til
setninga reglna um sóknartakmarkanir.
Hann kvað þetta í samræmi við þær
aðgerðir, sem þegar hefði verið gripið til
við stjórnun fiskveiða. En slíkar ákvarð-
anir hefðu alltaf verið teknar í samráði
við hagsmunasamtök í sjávarútvegi.
„Ég er mjög hikandi við þau miklu
völd sem sjávarútvegsráðherra fær með
þessu frumvarpi. Það leggur miklar
skyldur á ráðuneytið og getur oft reynst
erfitt að úrskurða þannig að heildarhags-
munir séu sem best tryggðir. Ég hef lagt
á það áherslu að betur liggi fyrir hvernig
væntanlegar reglugerðir gætu orðið eftir
að frumvarp sem þetta yrði að lögum.
Það þarf staðfasta stjórnun og standast
á allan hátt þann þrýsting sem er í
þessum málum. Því væri betra að hafa
lögin afdráttarlausari en það getur hins
vegar orðið til þess að nauðsynlegur
sveigjanleiki verður ekki fyrir hendi,“
sagði Halldór.
Það er ekki nægilegt að fækka skipum.
Það mætti að skaðlausu fækka bankaúti-
búum og þjónustustofnunum áður en
nokkru skipi er lagt. Það er einnig
mikilvægt að allur almenningur í landinu
geri sér grein fyrir þessari stöðu, því til
sjávarútvegsins er því miður ekkert að
sækja en þangað eru í reynd sótt þau
verðmæti, sem standa undir eyðslu okk-
ar til þarfra og óþarfra hluta.“ -Sjú
■ Enn er leitað í nágrenni við staðinn þar sem Sandey II fórst fyrir viku en eins
skipverjans er enn saknað. Á myndinni sést þyrla Landhelgisgæslunnar í leitarflugi
en neðst á myndinni sést flak Sandeynnar á grynningum við Engeyjartagl.
Tímamynd: Róbert
VERÐA DRATTARVEXTIR
LÆKKUIR HJA ÚT-
GERDARFYRIRTÆKIUM?
B „Ríkisstjórnin hefur
farið þess á leit við Fisk-
veiðasjóð að kannað verði
hvort ekki er mögulegt og
réttlætanlegt að um sinn
verði reiknaðir lægri drátt-
arvextir en ýtrustu heim-
ildir leyfa.“
Þetta kom fram í ræðu Halldórs
Ásgrímssonar, sjávarútvegsráðherra, á
þingi LÍÚ í gær. Áður hefur komið
fram, að ríkisstjórnin hefur ákveðið að
óska eftir því við Fiskveiðasjóð, að
hann gefi eftir 30 hundraðshluta vaxta,
sem falla til greiðslu á öll útlán tryggð
með veði í fiskiskipum, á tímabilinu 1.
október í ár til 30. september á næsta ári.
Framkvæmdir þessarar eftirgjafar verði
með sama hætti og gilti um vaxtaeftirgjöf
Fiskveiðasjóðs undanfarið ár.
„Ríkisstjórninni er Ijóst að fyrrgreind-
ar ráðstafanir myndu hafa í för með sér
að reikningsleg afkoma Fiskveiðasjóðs
versnar um 200 milljónir króna á árs-
grundvelli og að öllum líkindum hafa
ihrif til lækkunar eiginfjárhlutfalls.
Ríkisstjórninni er ennfremur ljóst að
þessar ráðstafanir myndu rýra lánagetu
sjóðsins á arinu 1984 um ca. 50 milljónir
króna,“ sagði Halldór Ásgrímsson, sjáv-
arútvegsráðherra.
Halldór sagði ennfremur, að þess
hefði verið farið á leit við sjóðinn, að
athugað verði, hvort lán, vegna fiski-
skipa 100 rúmlesta og stærri, sem skrá-
sett eru eftir 1978, verði lengd í allt að
25 ár úr núgildandi 18 árum, talið frá
smíðaári. Að verulegur hluti vanskila
verði endurlánaður með öðrum trygg-
ingum en veði í viðkomandi skipi. Og að
athugaðir verði möguleikar á því að
greiðslubyrði, það er að segja afborganir
og vextir miðað við lán í skilum, verði
ekki á allra næstu árum hærri en eitthvað
ákveðið mark á ári af heildarskuld við
Fiskveiðasjóð á hverjum tíma.
Þá nefndi hann að í athugun væri
hvort grundvöllur sé fyrir því, að taka
nokkur skuldug skip inn í Fiskveiðasjóð,
sem nú standa utan hans.
-SJÓ