Tíminn - 18.01.1986, Blaðsíða 3
Laugardagur 18. janúar 1986
Tíminn 3
Umframeftirspurn eftir vinnuafli liðin undir lok:
Verða 3000 færri atvinnu-
tækifæri nú en í fyrra?
Sú umframeftirspurn eftir vinnu-
afli sem fram kom í könnun Þjóð-
hagsstofnunar á vinnumarkaðinum
sl. vor og sumar virðist nú liðin undir
lok - og jafnvel gott betur sé gert
ráð fyrir fjölgun í hópi þeirra sem
vinnu æskja á árunum 1985 og 1986.
Af síðari könnun í október - og
áætlun til næsta vors - má ráða að
fyrirtækin á hinum almenna vinnu-
markaði telji æskilegan starfsmanna-
fjölda sinn í apríl n.k. um 3 þúsund
manns færri en ári áður. Alls var
starfsmannafjöldi þessara fyrirtækja
talinn um 64.500 manns í apríl 1985
(rúmlega helmingur vinnumarkað-
arins) og um 3.200 vantaði til viðbót-
ar að þeirra mati, eða alls um 67.700
manns. í október er talið að starfs-
mönnum hafi fækkað um ca 400 frá
apríl og áætlaður fjöldi t' apríl 1986 er
aðeins 64.500, eða um rúm 3 þús.
færri en æskilegt var talið ári áður,
sem fyrr segir.
Sú undantckning er þarna á að
fiskvinnslufyrirtækin töldu sig vanta
um 1.260 manns í viðbót í lok sept-
ember s.l. (um 900 færra en þau
vantaði í mars), en þá bcr þess að
gæta að starfsmönnum þeirra hafði
fækkað úr 10.600 í mars niður í
8.400 í septemberlok. Fjölda
starfsmanna í apríl n.k. áætla fyrir-
tækin um 10.400, eða heldur færri en
voru við störf ári áður, þ.e. þegar
óskað var eftir rúmlega tvö þúsund
til viðbótar.
Að fiskiðnaðinum undanskildum
áætla fyrirtæki í öðrum greinum
æskilegan starfsmannafjölda unr 54
þús. i apríl n.k., sem er aðeins um
200 manns fleira en þau höfðu í starfi
ári áður. Sá er munurinn að í apríl
1985 töldu þessi fyrirtæki sig vanta
rúmlega 1.000 manns til viðbótar við
þáverandi tölu.
Þjóðhagsstofnun hefur þann fyrir-
vara á að vera kunni að viðhorf fyrir-
tækjanna til næstu mánaða mótist af
ástandi líðandi stundar (þ.e. meiri
svartsýni að hausti en að vori), elleg-
ar að um árstíðasveiflu sé að ræða.
-HEl
Selfoss:
Samvinnuferðir taka
við rekstri hótels
Samvinnuferðir-Landsýn hf. hef-
ur undirritað samning um hótel-
rekstur á Selfossi og mun hótelið
taka til starfa í maí n.k.
Hótelið er með 22 tveggja manna
herbergi ásamt tveimur veitingasöl-
um á fyrstu og annarri hæð og verður
það rekið sem heilsárshótel að sögn
Hildar Jónsdóttur forstöðumanns
innanlandsdeildar Samvinnuferða.
Á hótelinu er fyrirhugað að hægt
verði að halda hvers kyns skemmtan-
ir fyrir þæjarbúa og aðra sem þangað
vilja sækja, ásamt því að þar verður
kjörin aðstaða til hvers kyns fundar-
halda og ráðstefna í sal sem mun
taka allt að 500 manns.
Hótelið er eign Selfossbæjar en
Samvinnuferðir er leigutaki þess og
mun reka það og ráða starfsfólk sem
er næsta skref að sögn Hildar, en eins
og fyrr segir tekur hótelið til starfa í
maí í vor.
Sakadómur Reykjavíkur:
TVEIR í 3JA
ÁRA FANGELSI
-fyrir manndráp
Sakadómur Reykjavíkur hefur
dæmt tvo unga menn í þriggja ára
fangelsi, fyrir manndráp. Til átaka
kom milli tveggja bræðra og kunn-
ingja þeirra í íbúð í Brciðholti, í
desembermánuði 1983. Annar
bróðirinn mun hafa verið upphafs-
maður að átökunum. Hinn bróðir-
inn og kunninginn hafa borið að
þeir hafi átt hendur sínar að verja.
Báðir hafa mennirnir áfrýjað
dómnum til Hæstaréttar.
Mennirnir eru taldir hafa gerst
brotlegir við 2. málsgrein 218.
greinar hegningarlaga, svo og 1.
málsgrein 220. greinar. Samkvæmt
þeim greinum cr heimilt að dæma
menn í fangelsi allt aðsextán árum.
Refsilækkandi ástæður í málinu
þóttu það miklar að niðurstaðan
var þriggja ára fangelsisdómur.
Sverrir Einarsson sakadómari
kvað upp dóminn.
-ES
„Vissi ekki um lúguna“
- segir skipstjórinn á Þórhalli Daníelssyni
Helgi Jóhannsson framkvæmdastjóri Samvinnuferða og Stefán Ómar Jóns-
son bæjarstjóri á Selfossi t.v. við undirritun samningsins um hótelrekstur á
Selfossi.
Sýning á verkum eftir konur
Sjópróf hafa farið fram vegna
slyssins í Hornafjarðarhöfn. Skip-
stjóri togarans sagði að hann hefði
ekki vitað að slorlúga á hlið skipsins
hafi vcrið opin þegar hann ákvað að
færa það úr stað. Vélstjóri sagðist
hins vegar hafa vitað um lúguna, en
láðst að segja skipstjóranum frá því.
begar skipið var fært kom mikill
sjór inn um lúguna og við það fór
búnaður í gang sem sjálfkrafa breytti
skurði skrúfunnar og skipið sigldi
aftur á bak. Skipstjórinn sagðist hafa
gert tilraun til að drepa á vélinni þeg-
ar Ijóst var hvað hafði gerst, en án ár-
angurs.
Björgunarskipið Goðinn er komiö
til Hornarfjarðar og bíður ákvörð-
unar um það hvort draga þurfi togar-
ann burt eða ckki, cn það mun ekki
eiga neitt við Hafnarcyna.
-BG
í dag verður opnuð í Gerðubergi í
Breiðholti sýning á verkum í eigu
Reykjavíkurborgar sem núlifandi ís-
lenskar myndlistarkonur fæddar
1945 ogfyrrhafagert. Þetta erönnur
sýningin af alls þremur sem Gerðu-
berg efnir til á verkum í eigu borgar-
innar eftir konur en fyrsta sýningin
var í nóvember á síðasta ári.
„Það eru tæplega 30 verk á sýning-
unni,“ sagði Guðrún Erla Geirsdótt-
ir eða Gerða, sem hafði yfirumsjón
með uppsetningu sýningarinnar, í
samtali við Tt'mann.
„Á sýningunni eru málverk, texíl-
verk, grafíkverk og Ragnheiður
Jónsdóttir, Björg Þorsteinsdóttir.
Karólína Lárusdóttur, Þörbjörg
Höskuldsdóttur og fleiri eiga verk á
sýningunni."
Sýning hefst kl. 15 með því að
Guðrún S. Birgisdóttir og Martial
Nardeau flautuleikarar leika fyrir
gesti. Sýninginstendurtil 15. febrúar
og er opin frá 14-18 um hclgar, frá
16-22 á mánudögum og miðvikudög-
um, frá 19-22 á þriðjudögum og
fimmtudögum en lokuö á föstudög-
um.
Mrún.
Davíð Scheving Thorsteinsson:
Ein fjöður og fimm hænur
Nýlega birtist stutt klausa í viku-
blaði hér í borginni þar sem því er
haldið fram að Davíð Scheving
Thorsteinsson hafi sem forráðamað-
ur nýstofnaðs Þróunarfélags tekið
hlutafjárinnistæður ýmissa hluthafa
út af sérreikningum í nokkrum
bönkum og lagt féð inn hjá Iðnaðar-
bankanum, þar sem Davíð er for-
maður bankaráðs. Að sögn blaðsins
mun um álitlega upphæð hafa verið
að ræða.
„Það er einungisflugufótur fyrir
þessari frétt, meira er það nú ekki.
Reyndar minnir þetta mig á þekkta
sögu eftir H.C.Andersen um eina
fjöður sem varð að fimm hænum,"
sagði Davíð í samtali við Tímann.
Hann kvaðst ekki hafa lesið
klausuna alla en að augljóst væri að
innihaldið væri í grundvallaratriðum
fjarri sannleikanum.
Þess má geta að hlutafjársöfnun til
Þróunarfélagsins er nýlokið. Þar
komu við sögu aðilar eins og ríkis-
sjóður, Landsbankinn, Búnaðar-
bankinn, Lífeyrissjóður SÍS, o.fl.
-SS.
VEIÐIHORNIÐ
UMSJÓN:EGGERTSKÚLASON
Svartá:
Ólafsf irðingar og SVFR bjóða
Tvö tilboð hafa borist í Svartá í
Húnavatnssýslu. Stangaveiðifélag
Reykjavíkur bauð í ána, og móttil-
boð barst frá Stangaveiðifélagi Ól-
afsfjarðar.f fyrra var Stangaveiðifé
lag Reykjavíkur með ána á leigu.
Vel veiddist þegar leið fram á
sumar.
Pétur Hafsteinsson formaður
veiðifélags um Svartá og Blöndu
sagði að verið væri að skoða tilboð-
in, og bjóst hann við því að tekin
yrði afstaða seinnipart í næstu
viku.
Tekið var fram þegar falast var
eftir tilboðum í ána, að veiðifélagið
áskildi sér rétt til að taka hvað til-
boði sem er, og jafnframt að hafna
þeim öllum.
Pétur viðurkenndi að einhver
hækkun yrði á veiðileyfum, miðað
við þau tilboð sem borist hafa.
Hann vi.ldí þó ekki nefna neinar
upphæðir í því sambandi.
Þrjú stangaveiðifélög gerðu til-
boð í Blöndu, sem einnig er boðin
út í ár. Tilboð félaganna eru hvert
um sig miðuð við þriöjung veiði-
tímans í sumar. Félögin sem gerðu
tilboð í ána eru: Stangaveiðifélag
Reykjavíkur, Stangaveiðifélag
Skagfirðinga og Austur-Húnvetn-
inga.
Sama gildir um Blöndu og
Svartá, að ekki verður Ijóst fyrr en í
næstu viku hver endanleg niður-
staða málsins verður.
Asókn í Grímsá
Mikil eftirspurn hefur verið eftir
veiðileyfum í Grímsá. Eins og
Veiðihornið hefur skýrt frá er áin
ekki lengur í höndum Stanga-
yeiðifélags Reykjavíkur, heldur sjá
landeigendur sjálfir um sölu á
veiðileyfum. Áinopnarþannsautj-
ánda júní og er vcrðiö á stöngina þá
átta þúsund krónur á dag. Alls eru
átta stangir í ánni. Útiendingar
taka við ánni í byrjun júlí og veiða
þeir i' fimm vikna tíma, eða fram í
ágúst.
Verð á veiðileyfum eftir útlend-
ingatímann verður tuttugu þúsund
krónur á stöngina. Fljótlega úr því
lækkar verðið og fer lægst niður í
þrjú þúsund og fimrn hundruð
krónur stöngin, þegar komið er
undir lok veiðitímans í september.
Þorsteinn Þorsteinsson formað-
ur veiðifélagsins um Grímsá sagði í
samtali við Veiðihornið að mikil
ásókn væri í leyfin og þann 10. janú
ar var allt pantað, nema hluti af ág-
ústmánuði. Hann benti á að veiði-
leyfi væru til sölu hjá Sturlu Guð-
björnssyni í síma 93-5243. Það er
því vissara fyrir þá sem hafa hug á
að komast í Grímsá í sumar að fara
að hreyfa við sínum málum.