Morgunblaðið - 02.03.2006, Blaðsíða 23

MORGUNBLAÐIÐ FIMMTUDAGUR 2. MARS 2006 23
MINNSTAÐUR
AKUREYRI
AUSTURLAND
Höfn | Sænska hljómsveitin Emil
& the Ecstatics verður aðalgestur
blúshátíðarinnar Norðurljósablús,
sem haldin verður á Hornafirði um
næstu helgi. Auk sænsku blús-
aranna munu margir af helstu blús-
tónlistarmönnum landsins koma
fram á hátíðinni. Hornfirska
skemmtifélagið stendur að hátíð-
inni, með þá Sigurð Kr. Sigurðsson,
Heiðar Sigurðsson og Sigurð Mar
Halldórsson í fararbroddi.
Af listamönnum skal fyrst nefna
Blúskompaníið undir forystu Magn-
úsar Eiríkssonar og KK mun einnig
leika á hátíðinni. Þá koma hljóm-
sveitirnar Mood, Kentár, Vax og
Síðasti sjens fram á hátíðinni og
Hornfirðingurinn Sæmi Harðar
leiðir blúsdjamm í Nýheimum. Þar
eru allir velkomnir að koma, hlusta
og taka í hljóðfæri.
Blúsað á þremur stöðum
KK mun opna hátíðina með tón-
leikum á Hótel Höfn á fimmtudags-
kvöldinu. Á föstudag og laugardag
verður blúsdjamm með Sæma
Harðar í Nýheimum en tónleikar
hátíðarinnar fara fram á veitinga-
húsunum á Höfn. Aðaltónleikarnir á
föstudagskvöld eru með Blúskomp-
aníinu á Víkinni en Emil & the
Ecstatics leika á aðaltónleikunum á
laugardagskvöld á Hótel Höfn. Eft-
ir aðaltónleikana hvort kvöld verður
byrjað að blúsa á þremur stöðum í
bænum og geta gestir gengið á milli
og staldrað við eftir því sem þá lyst-
ir á hverjum stað. Veitingahúsin
eru öll við Víkurbrautina á Höfn
sem verður sannkallað „Blues
Avenue“ um helgina, að sögn Horn-
firska skemmtifélagsins.
Sænsku blúsararnir spila einnig í
Nýheimum á sunnudag og eru tón-
leikarnir opnir öllum aldurshópum.
Grunnskólabörn á Höfn fá sinn
skerf af blúsnum því KK mun heim-
sækja alla skólana á Höfn á föstu-
daginn og leika og syngja fyrir
börnin.
Ljósmynd/Hornfirska skemmtifélagið
Sveiflumeistarar á Höfn Johann Bendrik hammondleikari og Emil Ar-
vidsson söngvari og gítarleikari í Emil & the Ecstatics.
Norðurljósablús
haldinn á Hornafirði
Egilsstaðir | Ístölt Austurland
2006 var haldið í einmuna veð-
urblíðu á Eiðavatni sl. laugardag
að viðstöddu fjölmenni.
Guðmundur Björgvinsson fór
þar með glæsilegan sigur af hólmi
í tölti á Takti frá Tjarnarlandi,
eftir harða baráttu við Hans Kjer-
úlf og Leó Geir Arnarson. Fjölnir
Þorgeirsson vann svo verðlaunin,
Skeiðdrekann, örugglega sam-
kvæmt fyrri yfirlýsingum sem
hann hafði haft uppi.
Erla Guðbjörg Leifsdóttir á
Strák frá Neðri-Skálateigi varð
efst í unglingaflokki, í ungmenna-
flokki bar Nikólína Rúnarsdóttir á
Snoppu frá Kollaleiru sigur úr
býtum, í unghrossaflokki sigraði
Hans Kjerúlf á Assa frá Úlfs-
stöðum, Ármann Örn Magnússon
á Blæ frá Egilsstaðabæ vann
áhugamannaflokkinn, og í opnum
flokki sigraði sem áður sagði
Guðmundur Björgvinsson á Takti
frá Tjarnarlandi. Fjölnir Þor-
geirsson vann svo 100 m fljúgandi
skeið með glæsibrag á Lukku-
Blesa frá Gýgjarhóli á 8,55 sek-
úndum.
Taktur bestur
í töltinu
Morgunblaðið/Steinunn Ásmundsdóttir
Hlutskarpastir Guðmundur Björgvinsson sigraði í ístöltmótinu á Takti frá
Tjarnarlandi og tók við Ormsbikarnum úr hendi Eiríks Bj. Björgvinssonar,
bæjarstjóra Fljótsdalshéraðs.
Neskaupstaður | Harmónikku-
unnendur á Austurlandi bjóða
til tónleika sunnudaginn 5. mars
nk. í safnaðarheimili Norðfjarð-
arkirkju og hefjast kl. 15.
„Í tengslum við 20 ára afmæli
Harmonikkufélags Reykjavíkur
koma hingað til lands tveir
harmonikkusnillingar frá
Skandinavíu, þeir Lars Karls-
son frá Svíþjóð og Övind Far-
men frá Noregi,“ segir sr. Sig-
urður Rúnar Ragnarsson,
formaður Félags harmonikku-
unnenda í Norðfirði . „Að loknu
tónleikahaldi í Reykjavík koma
þeir austur í samvinnu harmon-
ikkufélaganna á Norðfirði og á
Héraði.“
Sr. Sigurður Rúnar segir
Lars Karlsson íslenskum harm-
onikkuunnendum löngu þekkt-
ur, en hann lék m.a. á lands-
mótinu á Ísafirði og gerði mikla
lukku. „Övind er einnig vel
þekktur í sínu heimalandi og
þeir félagar leika alhliða tónlist
m.a. frá Brasilíu, Svíþjóð, Nor-
egi og fleiri löndum. Félag
harmonikkuunnenda í Norðfirði
og Harmonikkufélag Héraðs-
búa vonast til að sem flestir sjái
sér fært að mæta og njóta góðr-
ar tónlistar í höndum mikilla
snillinga.“ Aðgangseyrir er
2.000 kr.
Nikku-
snillingar
væntan-
legir á
Norðfjörð
„VIÐ urðum af einhverjum ástæðum
eftir, gleymdumst,“ segja þær Anna
María Hjálmarsdóttir, Rannveig
Guðnadóttir og Sæunn Guðmunds-
dóttir hjá Aflinu, systursamtökum
Stígamóta. Aflið hefur verið starfandi
í núverandi mynd frá árinu 2002 og
hafði aðstöðu í húsakynnum Mennta-
smiðjunnar við Glerárgötu. Starfsemi
smiðjunnar var flutt nýverið í hús-
næði gamla Barnaskóla Akureyrar.
„Við höfum eiginlega verið húsnæðis-
lausar frá því í nóvember,“ segja þær,
en til bráðabirgða hafa þær komið sér
fyrir í herbergi sem fékkst leigt hjá
Reyni, ráðgjafastofu við Tryggva-
braut. Þá hafa þær Aflskonur fengið
inni í Lautinni, dagvist fyrir geðfatl-
aða við Þingvallastræti þar sem hóp-
astarf á þeirra vegum fer fram.
Þær stöllur segja að sífellt fleiri
kjósi nú að leita sér aðstoðar í kjölfar
kynferðislegs ofbeldis. Þannig voru
veitt 134 einkaviðtöl á liðnu ári, 122
við þolendur og 12 við aðstandendur,
en þær segja mjög að aukast að að-
standendur leiti eftir samtölum og
óski aðstoðar. Þá bættust 52 nýjar
konur við í hópinn á síðastliðnu ári og
4 karlmenn. „Það má segja að ein
kona hafi bæst í hópinn í hverri viku í
fyrra,“ segja þær.
Auk einkaviðtala, ráðgjafar í síma
og fleira eru einnig starfandi hópar á
vegum Aflsins, þrír slíkir voru í gangi
í fyrra, 6–8 manns í hverjum hópi og
hittist fólkið minnst í 15 skipti. Leið-
beinendur fá greidd laun fyrir hóp-
astarfið en annað starf sem innt er af
hendi er í sjálfboðavinnu. Þar má
nefna fyrirlestra um kynferðislegt of-
beldi og afleiðingar þess í skólum,
m.a. hafa þær komið í Lífsleiknitíma í
Verkmenntaskólanum á Akureyri og
flutt fyrirlestra í Menntasmiðjunni.
„Við myndum gjarnan vilja fara
inn í grunnskólana, en höfum ekki
enn haft tök á því. Við neitum engum
sem biður okkur um að koma til sín,
en eins og staðan er núna þurfum við
að greiða útlagðan kostnað. Við neit-
um heldur ekki neinum sem vill koma
og ræða við okkur, en það er sívax-
andi fjöldi fólks sem það gerir. Um-
ræðan er opnari en áður var um þessi
mál og fólk veit af þessari þjónustu.“
Þær segja að starfið spyrjist út, lít-
ið fé sé til ráðstöfunar til að auglýsa
starfsemina. „Við erum glaðar yfir
árangrinum, fólk er ánægt með þá
þjónustu sem það fær, við veittum vel
á annað hundrað viðtöl í fyrra og eftir
því sem við best vitum var árang-
urinn góður, fólki líður betur þegar
það hefur rætt um þessi mál við aðra
sem lent hafa í svipuðum aðstæðum.“
Erfitt skref að stíga
Vissulega segja þær Aflskonur að
erfitt sé fyrir fólk að koma fyrst og
ræða um óhugnanlega reynslu sína,
það sé erfitt skref að stíga. Því sé
mikilvægt að geta boðið upp á þokka-
legt húsnæði, heimilislegt. Að geta
boðið fólki sæti í sófa og hellt upp á
kaffi. Slík aðstaða sé ekki fyrir hendi
nú og alveg óljóst hvort eitthvað ræt-
ist úr í þeim efnum. „Margir sem til
okkar koma eiga um langan veg að
fara, við sinnum fólki á öllu Norður-
landi og þá eru dæmi þess að konur
austan af fjörðum aki til Akureyrar til
að taka þátt í okkar starfsemi, fá
einkaviðtöl og vera með í hópastarf-
inu.“
Fjögur sveitarfélög
veittu styrki í fyrra
Aflið hefur verið rekið með styrkj-
um, en m.a. sækja þær árlega um
styrk til allra sveitarfélaga á Norður-
landi. Fjögur sveitarfélög, Ból-
staðahlíðarhreppur, Dalvíkurbyggð,
Skagabyggð og Öxarfjarðarhreppur
svöruðu kallinu á liðnu ári, styrktu
starfsemina samtals með 55 þúsund
króna framlagi. Þá greiddi Akureyr-
arbær Aflinu 155 þúsund krónur til
að standa straum af sólarhringsgæslu
í bænum í tengslum við hátíðina Ein
með öllu um verslunarmannahelgi.
Akureyrarbær hefur einnig greitt
leigu fyrir húsnæði.
Fáum stundum skrýtin svör
Önnur sveitarfélög í fjórðungnum
sáu sér ekki fært að styrkja Aflið að
þessu sinni. Til allrar lukku voru fleiri
sveitarfélög sem veittu styrki árið
2003 og 2004, þannig að unnt var að
mæta útgjöldum liðins árs, þau námu
rúmum 600 þúsund krónum.
„Það viðurkenna allir að þetta er
til, enginn vill að þetta sé við lýði og
fólk vill að hægt sé að leita sér að-
stoðar til að bæta úr vanlíðan sinni í
kjölfar kynferðislegs ofbeldis. Samt
fáum við stundum skrýtin svör frá
sveitarfélögum þegar við leitum eftir
styrkjum. Sumir halda því m.a. blá-
kalt fram að það sé nú ekkert af
þessu tagi í gangi í sínu sveitarfélagi
og því ekki nauðsyn að styrkja þessa
starfsemi. Það eru dæmi þess að við
höfum sagt að víst hafi íbúi í viðkom-
andi sveitarfélagi leitað til okkar og
þá vilja menn vita hver. Þetta er með
ólíkindum. Líka þegar bent er á að
fólk eigi að leita sér hjálpar innan síns
sveitarfélags, þar sé boðið upp á
ágæta þjónustu, en staðreyndin er sú
að fólk kærir sig flest ekki um að
opna á þessi mál þar sem það þekkir
alla. Þetta er ákveðið þekking-
arleysi.“
Þá hafa Aflskonur einnig reynt að
fá styrk frá félagsmálaráðuneyti, en
verið hafnað. Ástæðan að þeirra sögn
sú að Stígamót fái styrk til sinnar
starfsemi.
„Staðan hjá okkur er sú að við eig-
um þrjá stóla og gamla tölvu, vantar
húsnæði, höfum næg verkefni og
langar að gera enn meira en við kom-
umst yfir. Það er því óþolandi að
þurfa svo sífellt að hafa áhyggjur af
því hvort við eigum fyrir símareikn-
ingi um næstu mánaðamót.“
Sífellt fleiri konur leita sér aðstoðar vegna kynferðislegs ofbeldis en Aflið er í húsnæðishraki
Ein ný kona bætist í hópinn í hverri viku
Morgunblaðið/Skapti Hallgrímsson
Aflskonur Anna María Hjálmarsdóttir, Sæunn Guðmundsdóttir og Rannveig Guðnadóttir, sem heldur á Ingólfi,
starfa fyrir Aflið, systursamtök Stígamóta á Norðurlandi. Sífellt fleiri leita sér aðstoðar í kjölfar kynferðislegs of-
beldis, en þær segja ótrúlega algengt að fólk haldi að ekkert svoleiðis sé í gangi í sínu sveitarfélagi.
Eftir Margréti Þóru Þórsdóttur
maggath@mbl.is