Fréttablaðið - 20.04.2009, Qupperneq 19

Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
„Ég held að samansafn hljóð-
færa úr óvæntum áttum einkenni
heimili tónlistarmanna og þar er
mitt heimili engin undantekning,“
segir Sylvía Hlynsdóttir trompet-
leikari þar sem hún situr í stofu
sem nálgast það að vera lítill tón-
leikasalur, fullbúinn til tónleika-
halds. Á sófaborðinu stendur aldið
flugelhorn, sem henni er hjart-
fólgnast veraldlegra eigna.
„Flugelhornið gaf mér gamall
kærasti á jólum fyrir árafjöld og
mér þykir undurvænt um það, auk
þess að finnast það stök heimilis-
prýði. Í miklu leynimakki stakk
hann því undir jólatréð, þéttvöfðu
í forláta ullarteppi og mátti eng-
inn koma nálægt pakkanum því
málmurinn er svo mjúkur að vart
má handleika hann af meðal-
hörku svo hann dældist ekki,“
segir Sylvía, sem hafði ekki hug-
mynd um hvað leyndist innan í
ullinni mjúku, en hafði þráð að
eignast flugelhorn.
„Trompet er mitt aðalhljóðfæri,
en flugelhorn geymir öðruvísi
hljóm, sem er dekkri og mýkri.
Kærastinn fyrrverandi keypti
það gamalt og kolsvart, en púss-
aði upp svo ljómaði sem nýtt. Það
leynir sér ekki á hljómnum að
hornið er komið til ára sinna því
það er innbyrðis falskt af elli og
þarf sérstaka tækni til að spila á
svo hljómi almennilega,“ segir
Sylvía um flugelhornið sem síðan
hefur fylgt henni um allan heim
og mun ævinlega eiga stóran
sess í hennar húsum. Sylvía spil-
ar einnig á píanó, bassa og gítar,
sem standa virðulega innan um
trommusett og fleira hljómfag-
urt í stofunni.
„Ég safna lúðrum, en læt ekki
duga að hafa þá fyrir augað held-
ur spila á þá alla. Ég valdi að læra
á trompet átta ára gömul því mér
þótti það lítið og nett, með þremur
tökkum og rökrétt leikur einn að
læra á, en í raun er það eitt erfið-
asta hljóðfærið að læra á. Ég gafst
þó ekki upp þegar á reyndi því
mér líkaði aginn sem fylgdi því
og mun spila um alla framtíð, ekki
síst á mitt kæra flugelhorn, þótt
kærastinn sé orðinn góður vinur
í dag,“ segir hún hláturmild.
Sylvía heldur burtfarartónleika
sína í Tónlistarskóla FÍH fimmtu-
daginn 14. maí klukkan 18.
thordis@frettabladid.is
Ástarlúður í ullarteppi
Þegar snjókorn jólanætur liðinna ára læddust niður úr hátíðlegum skýjum laumaðist kærasti Sylvíu
Hlynsdóttur trompetleikara með fornt flugelhorn í íslenskum ullarfelubúningi undir jólatréð.
Sylvía Hlynsdóttir trompetleikari lætur hugann reika til liðinna jóla þegar hún fékk flugelhornið fagra frá sínum hugvitssama og
þá heittelskaða. FRÉTTABLAÐIÐ/VILHELM
HIRSLUR undir alls konar dót má auðveldlega búa
til sjálfur. Þessar skemmtilegu skúffur í barnaherbergið
eru til dæmis bara gerðar úr tveimur trékössum sem
hafa verið málaðir og settir á hjól.
20
Hringdu í síma
ef blaðið berst ekki