Fréttablaðið - 16.11.2009, Blaðsíða 10

10 16. nóvember 2009 MÁNUDAGUR
Húsfélagaþjónusta Kaupþings
sparar þér tíma og fyrirhöfn
Nánar á www.kaupthing.is/husfelag
Ekkert mánaðargjald
Einföld innheimta
Öflugur netbanki
Fullkomið rekstraryfirlit
Félagatal og greiðslustaða
Þinn þjónusturáðgjafi
Komdu í viðskipti með húsfélagið þitt. Sendu fyrirspurn á husfelag@kaupthing.com
– hringdu í síma 444 7000 eða komdu við í næsta útibúi. Starfsfólk Kaupþings tekur
vel á móti þér og veitir allar nánari upplýsingar.
Ríkisendurskoðun er sjálfstæð eftirlitsstofnun sem starfar á vegum Alþingis. Meginhlutverk hennar er
að endurskoða ríkisreikning og reikninga ríkisaðila, hafa eftirlit með og stuðla að umbótum á fjármála-
stjórn ríkisins og nýtingu almannafjár. Megingildi hennar eru óhæði, hlutlægni, hæfni og trúverðugleiki.
FLOKKAR OG FRAMBJÓÐENDUR
FÁ LENGRI SKILAFREST
Frestur sem stjórnmálasamtök og frambjóðendur hafa til að skila
Ríkisendurskoðun upplýsingum um fjárframlög fyrri ára hefur verið
framlengdur til 10. desember nk.
Samkvæmt bráðabirgðaákvæði í lögum nr. 162/2006 skal Ríkisendur-
skoðun taka við og birta upplýsingar um fjárframlög til stjórnmálasam-
taka og frambjóðenda nokkur ár aftur í tímann.
Hlutaðeigandi aðilum var upphaflega gefinn frestur til 15. nóvember sl.
til að skila af sér en ákveðið hefur verið að framlengja þann frest til 10.
desember nk.
Um er að ræða framlög til
Stjórnmálasamtaka á tímabilinu 2002–2006
Frambjóðenda í prófkjöri/forvali vegna kosninga 2006 og 2007
Frambjóðenda í formanns- eða varaformannskjöri 2005–2009
Allar nánari upplýsingar er að finna á heimasíðu Ríkisendurskoðunar
www.rikisend.is.
EVRÓPUSAMBANDIÐ Á fimmtudaginn
koma leiðtogar Evrópusambands-
ríkjanna saman til þess að velja í
tvö ný embætti, sem munu setja
svip sinn á sambandið eftir að
Lissabonsáttmálinn tekur gildi.
Eftir að Írar samþykktu
Lissabonsáttmálann í þjóðarat-
kvæðagreiðslu í október hafa bæði
Pólverjar og Tékkar staðfest sátt-
málann, þrátt fyrir tregðu forseta
beggja ríkjanna til að undirrita
hann.
Nýi sáttmálinn á að taka gildi í
byrjun desember, en skipað verð-
ur í nýju stöðurnar frá og með ára-
mótum.
Nýr forseti mun sitja í tvö og
hálft ár og verður það embætti
væntanlega töluvert meira áber-
andi en núverandi forsetaembætti,
sem leiðtogar aðildarríkjanna hafa
skipst á um að gegna í hálft ár í
senn. Frederik Reinfeldt, forsæt-
isráðherra Svíþjóðar, gegnir þessu
embætti nú.
Embætti utanríkisfulltrúa sam-
einar embætti utanríkisfulltrúa,
sem Javier Solana gegnir nú, og
utanríkisstjóra framkvæmda-
stjórnar sambandsins, sem Ben-
ita Ferrer-Waldner gegnir.
Leiðtogarnir 27 þurfa á fund-
inum á fimmtudag að sýna tölu-
verða jafnvægiskúnst til að valið
fullnægi kröfum hinna ýmsu afla
sem togast á um áhrif í Evrópu-
sambandinu. Ein átakalínan er á
milli vinstri- og hægriafla í stjórn-
málum, önnur milli norður- og suð-
urríkja sambandsins, sú þriðja
milli vestur- og austurhluta sam-
bandsins. Einnig er spenna milli
stærri aðildarríkja annars vegar
og minni aðildarríkja hins vegar,
og ekki má gleyma kynjahlutföll-
unum, þar sem einnig verður að
gæta jafnvægis.
Engin leið er að gera öllum til
hæfis, þar sem einungis tvær stöð-
ur eru í boði.
„Við höfum fleiri nöfn en störf-
in sem eru í boði,“ sagði Reinfeldt í
vikunni, þegar hann boðaði til leið-
togafundarins sem haldinn verður
á fimmtudag.
Bretar hafa lagt mikla áherslu
á að Tony Blair, fyrrverandi for-
sætisráðherra, verði fyrir valinu í
forsetaembættið. Frakkar og Þjóð-
verjar hallast hins vegar að því að
fá Herman van Rompuy, forsætis-
ráðherra Belgíu, í þetta embætti.
David Miliband, utanríkisráð-
herra Bretlands, hætti við sitt
framboð í nýliðinni viku til að
draga ekki úr möguleikum Blairs,
en óvíst er hvort það dugar.
Um utanríkisfulltrúaembætt-
ið keppa ekki færri einstaklingar.
Einna líklegastur þessa stundina
til þess að hreppa hnossið þykir
Massimo D‘Alema, fyrrverandi
forsætisráðherra Ítalíu, en erf-
itt gæti þó reynst að fá stuðning
fyrrverandi Austantjaldsríkja við
hann, þar sem hann var meðlimur
í Kommúnistaflokki Ítalíu.
Helstu keppinautar hans eru
Olli Rehn, stækkunarstjóri ESB,
Ursula Plassnik, fyrrverandi utan-
ríkisráðherra Austurríkis, og Carl
Bildt, utanríkisráðherra Svíþjóðar.
gudsteinn@frettabladid.is
Lokaslagur
um tvö ný
embætti ESB
Á leiðtogafundi Evrópusambandsins á fimmtudag
stendur til að skipa í tvö ný embætti sambandsins,
forseta leiðtogaráðsins og utanríkisfulltrúa. Fleiri
eru um hituna en störfin sem eru í boði.
LÍKLEG FORSETAEFNI Frá vinstri: Jean-Claude Juncker, forsætisráðherra Lúxemborgar,
Herman Van Rompuy, forsætisráðherra Belgíu, Tony Blair, fyrrverandi forsætisráð-
herra Bretlands, Jan Peter Balkanende, forsætisráðherra Hollands, og Vaira Vike-Frei-
berga, fyrrverandi forseti Lettlands. NORDICPHOTOS/AFP
NEYTENDUR Neytendastofa hefur
gert olíufélaginu N1 að hætta að
birta auglýsingar fyrir svokallað
sparitilboð fyrirtækisins þar sem
fimm króna afsláttur af bensíni er
sagður í boði. Í raun er um þriggja
króna afslátt að ræða og að auki
söfnun tveggja vildarpunkta og
telur Neytendastofa auglýsingarn-
ar því brjóta í bága við lög um eft-
irlit með viðskiptaháttum og mark-
aðssetningu.
N1 mótmælti þessu og taldi að
réttlætanlegt væri að auglýsa
slíka punktasöfnun sem afslátt,
enda jafngilti hver vildarpunktur
alltaf minnst einni krónu og jafn-
vel meiru þegar vörur og þjónusta
væru boðnar á sérstökum vildar-
punktakjörum.
Eftir að Neytendastofa benti N1
á það í byrjun nóvember að auglýs-
ingarnar kynnu að orka tvímælis
var auglýsingunum breytt. Fylgdi
þá stjörnumerking tölunni fimm á
auglýsingunum, og neðanmáls var
útskýrt að tvær krónur af þessum
fimm væru í formi safnpunkta.
Neytendastofa telur leiðrétting-
una hins vegar ekki fullnægjandi.
Í ákvörðunarorðum hennar segir
að auglýsingarnar séu til þess
fallnar að hafa áhrif á fjárhags-
lega hegðun neytenda. Er N1 gert
að taka auglýsingarnar úr birtingu
eigi síðar en 19. nóvember. - sh
Neytendastofa úrskurðar að ekki megi auglýsa vildarpunktasöfnun sem afslátt:
Sparitilboðsauglýsingar N1 bannaðar
BANDARÍKIN Uppboð á eignum
verðbréfamiðlarans Bernies
Maddoff skilaði milljón dollurum
eða 124 millj-
ónum króna.
Maddoff var,
eins og kunnugt
er, dæmdur í
150 ára fangelsi
fyrir að svíkja
út 21 milljarð
dollara fyrr á
árinu.
Uppboðið var
haldið á laug-
ardaginn í New
York en meðal muna sem voru
á uppboði var hafnaboltajakki
merktur liðinu Mets og demants-
eyrnalokkar sem eiginkona Madd-
offs átti.
Þessir munir seldust á tuttugu
sinnum hærra verði en raunvirði
þeirra er. Uppboðshaldarar eru
því í skýjunum þar sem þeir fengu
helmingi meira út úr uppboðinu
en vonir stóðu til. Peningarnir
renna svo til fórnarlamba Madd-
offs.
Uppboð á eignum Maddoffs:
124 milljónir til
fórnarlambanna
Erilsöm nótt
Erill var hjá lögreglunni á höfðuborg-
arsvæðinu aðfaranótt sunnudags
og voru yfir hundrað bókanir gerðar.
Fimm voru teknir fyrir ölvunarakstur
og var eitthvað um stympingar.
LÖGREGLUMÁL
KÓPAVOGUR Nýtt íþróttamann-
virki var opnað á félagssvæði HK
í Fagralundi í Fossvogsdal í gær.
Það mun nýtast handknattleiks-
og blakfólki íþróttafélagsins HK
og nemendum Snælandsskóla.
Félagsaðstaða HK hefur jafn-
framt verið bætt sem og aðkoma
að húsunum.
Verkið var auglýst í lokuðu
alútboði í nóvember 2007 og var
gengið til samninga við bygging-
arfélagið Eykt ehf.
Heildarkostnaður við fram-
kvæmdina er áætlaður 736 millj-
ónir króna. Þar af eru verðbæt-
ur 151 milljón króna, á verðlagi
september 2009. -ve
Nýtt íþróttamannvirki HK:
Nýtt íþrótta-
mannvirki vígt
BERNARD L.
MADOFF
AUGLÝSINGIN Þetta er ein þeirra
auglýsinga sem Neytendastofa telur
að séu til þess fallnar að blekkja
neytendur.
SVÖL Þessi svala kanína var í spari-
gallanum á tískusýningu kanína á
Kanínuhátíðinni í borginni Yokohama
í Japan, einu af úthverfum Tókíó. Um
átta þúsund unnendur kanína hittust
á hátínni og fylgdust með dýrðinni.
NORDICPHOTOS / AFP