Fréttablaðið - 16.11.2009, Blaðsíða 18
Andrea Róberts situr sjaldan
með hendur í skauti. Undan-
farnar vikur hefur hún hlaupið
á eftir kraftmiklum konum og
reynt að næla í dálítið af kven-
orku þeirra.
„Það er svo mikið af frábærum
konum hér á Íslandi. Kjarkur
þeirra, hæfileikar, þor og dugn-
aður er þannig að eftir er tekið
um heim allan. Það gustar af kyn-
systrum mínum orkan og hana
hef ég fangað og tappað á tób-
akshorn,“ segir Andrea en hún er
með B.A. í félags- og kynjafræði
og M.S. í mannauðsstjórnun.
„Þessi gjörningur er mitt fram-
lag til alþjóðlegrar athafnaviku
sem er í þessari viku en morgun-
dagurinn er sérstaklega helgaður
viðburðum athafnakvenna.“
En hvers vegna urðu tóbaks-
horn fyrir valinu? „Mér finnst
þau mynda svo skemmtilega
andstæðu við kvenorkuna. Karl-
ar hafa helst notað tóbakshorn
og þau eru vísun í þann karllæga
heim sem við lifum og öndum í.“
Andrea segir að leitin að kvenork-
unni hafi ekki verið erfið en fyr-
irmyndirnar eru margar. „Vig-
dís Finnbogadóttir, fyrrverandi
forseti, kemur alltaf upp í huga
mér þegar rætt er um magnaða
konu, eins Björk Guðmundsdótt-
ir söngkona, Guðrún Jónsdóttir
forstöðukona Stígamóta og Svava
Johansen verslunarkona en ann-
ars get ég nefnt margar aðrar.“
Tóbakshornin verða stútfull
af einstakri kvenorku og seld
í nýrri verslun Eymundsson á
Skólavörðustíg 11 á morgun eftir
hádegi. Allur ágóðinn rennur í
innkaup fyrir iðjuþjálfun heim-
ilismanna á Hrafnistu Hafnar-
firði, Reykjavík og Grund. „Afi
minn heitinn var á Hrafnistu og
hannaði og málaði hluti handa
mér sem mér þykir afar vænt
um. Það er alltaf verið að plokka
af þessu fólki sem byggði þetta
land og reglulegur nið-urskurð-
ur. Í hverri ein-
ustu hrukku
á þessu fólki
leynist sagan.
Ég vil leggja
mitt af mörk-
um til að gera
heimilismönn-
um glaðan dag.
Fólk sem kaupir
tóbakshorn á morg-
un hjálpar mér við
það,“ segir Andr-
ea.
DÝRALEIKFÖNG má auðveldlega búa til heima. Ungbarna-
sokkur er fylltur af filti sem úðað hefur verið með svokallaðri
catnip-lykt en það má fá í dýrabúðum. Saumað er fyrir opið og
band fest við sokkinn svo úr verður skemmtilegt leikfang.
„Síðasta haust þegar þetta
„ástand“ brast á fór ég að spá í að
við hefðum það kannski ekki jafn
skítt og margir töldu. Því langaði
mig að gera eitthvað til að peppa
fólk upp,“ segir Auður Ögn Árna-
dóttir stílisti, sem bjó í framhald-
inu til ansi skemmtilega púða. Á
þá prentaði hún orð sem minntu
á hluti sem kosta lítið eða ekkert
en gefa lífinu gildi. „Þetta eru orð
eins og vinátta, hláturskast, dag-
draumar, norðurljós, kjötsúpa,
sakleysi og bros,“ segir hún. Á
annarri gerð púða eru fimmtíu
orð sem kosin voru fallegustu
íslensku orðin fyrir um tveimur
árum. Á honum eru orð eins og
ljósmóðir, dalalæða, mjöll, kær-
leikur, undur og þel. „Þessi púði
á að minna okkur á það að sama
hversu margir framvirkir gjald-
eyrissamningar verða gerðir
verður íslenskan aldrei tekin af
okkur.“
Enn ein gerð af púðum
er með lýsingarorð-
um úr verkum Jónas-
ar Hallgrímssonar og á
enn einum persónur úr
bókum Halldórs Lax-
ness. Í allt eru púðagerð-
irnar fimm en Auður Ögn
hefur einnig tekið að sér
sérpantanir. Þá getur
fólk sjálft valið orðin
á púðana og hafa þeir
verið vinsælir í gjafir.
Auður Ögn heldur úti vefsíð-
unni tilefni.is en hefur fært sig í
auknum mæli yfir á Facebook.
„Púðarnir hafa selst vel í gegn-
um Netið,“ segir hún og upp-
lýsir að annars fáist pepp-
púðarnir í Listasafni Íslands,
á Þjóðminjasafninu og í Sirku á
Akureyri. solveig@frettabladid.is
Prentar pepp á púða
Auður Ögn Árnadóttir stílisti hannar púða með orðalistum sem eiga að minna Íslendinga á hið jákvæða
í lífinu. Þar koma fram orð eins og norðurljós, sakleysi, bros, dalalæða, kærleikur, undur og mjöll.
Pepp-púðar Auðar Agnar.
Tappar kvenorku
á tóbakshorn
Auður Ögn vildi hressa anda Íslendinga og minna þá á það góða í lífinu.
FRÉTTABLAÐIÐ/GVA
Kökuform finnast víðar en í eldhús-
inu. Sweet Cake er risavax-
ið múffuform sem finna
má á vefsíðunni www.
design3000.de.
Það má nota bæði
inni og úti, sem bala,
sandkassa, blómapott eða
jafnvel sem bæli fyrir gælu-
dýr. Möguleikarnir eru enda-
lausir og hvaða hlutverki sem
formið mun gegna er ljóst að
það mun vekja athygli og gleði.
Fjölnota kökuform
RISAVAXNA KÖKUFORMIÐ FRÁ VEFVERSLUNINNI DESIGN3000 MÁ NOTA Á
FJÖLMARGA VEGU.
Borgartúni 25 | Reykjavík | Sími 570 4000 | raudakrosshusid@redcross.is | www.raudakrosshusid.is | Opið virka daga kl. 12-17
Ókeypis námskeið og ráðgjöf
Mánudagur 16. nóvember
Miðvikudagur 18. nóvember
Fimmtudagur 19. nóvember
Lærðu að halda ódýrari hátíðarveislu - Kennarar
frá Hótel- og matvælaskóla Menntaskólans í Kópavogi
verða með alhliða sýningu og kennslu um veisluhald
sem ekki tæmir budduna. Komdu og smakkaðu á
ljúffengnum réttum. Tími: 13.30-17.00.
Gönguhópur - Klæddu þig eftir veðri! Tími: 13.00 -14.00.
Skiptifatamarkaður - Barnaföt - Tími: 13.30 -17.00.
Baujan sjálfstyrking - Fullt! Tími: 15.00 -16.30.
Uppeldi sem virkar - Fastar venjur og reglur - Annar
hluti af fjórum sjálfstæðum fyrirlestrum. Tmi: 12.30-13.30.
Hvað felst í því að vera Íslendingur? - Opnar um-
ræður. Tími: 14.00-15.00.
Föndur, skrapp-myndaalbúm og jólakort - Gott er
að hafa skæri meðferðis. Tími: 12.00-14.00.
Saumasmiðjan - Gerðu nýjar flíkur á barnið úr gömlu
fötunum þínum. Komdu með saumavél ef þú getur.
Tími: 13.00-15.00.
Jóga - Viltu prófa jóga? Tími: 15.00-16.00.
Endurlífgun - Verklegt námskeið. Tími: 12.30-14.00.
Gönguhópur - Klæddu þig eftir veðri! Tími: 12.30 -13.30.
Bingó – Veglegir vinningar. Tími: 13.30-15.00.
Íslenskuspilið – Viltu læra meiri íslensku? Komdu og
spilaðu með! Allir velkomnir. Tími: 13.00-15.00.
Hláturjóga - Viltu losa um spennu og fylla lífið af hlátri
og gleði? Tími: 15.30-16.30.
Föstudagur 20. nóvember
Er menntasmiðja eitthvað fyrir þig? - Kynning á
menntasmiðju sem kost fyrir fólk sem stendur á kross-
götum í lífinu. Tími: 12.00-15.00.
Markþjálfun fyrir atvinnuleitendur - Einkatímar
hjá Vildísi Guðmundsdóttir markþjálfa. Skráning nauð-
synleg. Tími: 12.00-14.00.
Facebook fyrir byrjendur - Tími: 12.00-14.00.
Prjónahópur - Vertu með! Tími: 13.00-15.00.
Origami. Japanskt handverk á blaðsneið - Sýnt
verður hvernig Origami er búið til og gestum leiðbeint
við að njóta þessa framandi listaverks. Kennt á ensku.
Tími: 15.00-17.00.
Skákklúbbur - Komdu og tefldu! Tími: 15.30-17.00.
Allir velkomnir!
Áhugasviðsgreining - Taktu áhugasviðskönnun og
fáðu einkaráðgjöf í framhaldinu. Tími: 13.00-15.00.
Skokkhópur - Nýtt! Tími: 13.30-15.30.
Tölvuaðstoð - Fyrir alla. Tími: 13.30-15.30.
Bókaklúbbur - Spjallað verður um bókina Dóttir beina-
græðarans eftir Amy Tan. Tími: 14.00-15.00.
Að takast á við frestunaráráttu - Ætlar þú að gera
þetta seinna? Fresta hlutunum? Hættu því með aðstoð
Ingrid frá Þekkingarmiðlun! Tími: 14.00-15.00.
Hættu fyrir lífið - Er erfitt að hætta að reykja? Fáðu að-
stoð við að undirbúa áramótaheitið. Tími: 15.30-16.30.
Markúsarguðspjall - Hefur þig alltaf langað til að
lesa Biblíuna en aldrei byrjað? Tími: 15.30-16.30.
Þriðjudagur 17. nóvember
Rauðakrosshúsið
Markþjálfun fyrir atvinnuleitendur - Einkatímar.
Skráning nauðsynleg. Tími: 12.00-14.00.
Sálrænn stuðningur - Fjallað er um áhrif alvarlegra
atburða á andlega líðan fólks. Tími: 15.00-16.30.
Auglýsingasími
– Mest lesið