Menntamál - 01.10.1953, Síða 15

MENNTAMÁL
81
o. s. frv., eftir því sem hann hefur áhuga á og hæfni til.
Flestir verknemar hafa nokkra kennslu í reikningi sam-
hliða enskunáminu.
Það gefur að skilja, að flestir verknemar ná allmikilli
leikni í verknámsgrein sinni, þar eð námstími er oft 3
stundir daglega í 3 ár. Megináherzla er því lögð á að
finna það starf, sem nemandinn hefur mesta hæfni til að
vinna og mestan áhuga á, en þetta tvennt fer nálega ætíð
saman.
Þetta verklega nám veitir nemendum tvenns konar rétt-
indi. Það gefur rétt til framhaldsnáms í iðnskólum og
háskólum og það veitir réttindi á vinnumarkaði, sem þó
eru engan veginn lögbundin. Maður, sem stundað hefur
bifvélaviðgerðir í gagnfræðaskóla fær oftast hærra kaup en
sá, sem er algerlega ófaglærður. Það er þessi tæknilega
menntun, sem t. d. Svíar eru nú að berjast fyrir, að kom-
ið verði á þar í landi, og sem Rússar eru að reyna að koma
á hjá sér líka að sögn. Þetta mun vera vegna þess, að
talið er að iðnmenning nútímans fái varla þrifizt, nema
meginþorri íbúanna séu vel kunnir flestum þeim vélum,
sem daglegt líf byggir á. Tæknileg sérmenntun einstakra
manna er of dýr. Einstaklingar hafa ekki ráð á að láta
sérfróða menn gera við allt, sem aflaga fer.
Verklegt nám og bóklegt er venjulega að finna innan
sama skóla. Sumir skólar í stórum borgum bjóða nem-
endum um eða yfir 100 námsgreinar, sem þeir geta valið
úr. Ég gat þess áður, að hlutverk leiðbeinenda, sem starfa
við flesta skóla, sé fyrst og fremst að sjá um, að nemend-
ur finni sína réttu hillu í lífinu.
T. d. var mér sagt í skóla einum í Minnesota að all-
margir nemenda, sem höfðu áhuga á verkfræði og eðlis-
fræði, yrðu að hætta við þessar námsgreinar, þar eð þeir
næðu ekki nógu góðum árangri í reikningi. Spjaldskrá
er færð yfir alla nemendur, námsafrek þeirra, þátttöku
í félagsmálum, íþróttum o. s. frv. Er oft fljótlegt fyrir