Kirkjuritið - 01.04.1956, Blaðsíða 30

172
KIRKJURITIS
hópfundi söfnuðust menn á ný í aðal-fundasalinn. Leiðtogi
hvers flokks gaf stutta greinagerð og skýra um það, sem þar
hafði rætt verið. Að síðustu leysti svo framsögumaður úr fyrir-
spumum og skýrði nánar einstök atriði, er borið liafði á góma.
Vandi er að lýsa svo vel fari því, sem þarna bar einkum á góma.
Framsöguerindin voru öll ýtarleg og góð. Einstök atriði þeirra
voru að sjálfsögðu „krufin" á samtalsfundunum, og þar gafst
útlendingnum stundum færi á að skyggnast inn fyrir stafinn í
ýmsum vistarverum norsks kirkjulífs.
Fyrsta fundardag hafði Smemo biskup framsögu um efnið:
Prédikunin sem boðskapur frá Guði. Biskup lagði megináherzlu
á, að öll prédikun verður boðskapur Guðs því aðeins að hún
•eigi uppsprettur sínar í Orðinu. En Kristur er Orðið. Hann er
boðskapurinn in persona og því grundvöllur allrar prédikunar.
Kirkjan er fædd af þeirri trú, lifir til að vitna um þá trú. Boð-
skapurinn er: Kristur. Prédikunin á að veita Krist. En prédikunin
er líka tal syndugs manns og hugsanir hans um Orðið. Prédik-
un mín er hluti af lífi mínu og kirkjunnar. Því get ég ekki ann-
að en beðið Drottin fyrirgefningar og þarf hennar inest, er ég
hefi prédikað.
Boðskapur Biblíunnar tjáir ekki ytri atkvæði og orð, heldur
yfirgengur hann mannlegan skilning. Þessi boðskapur liggur
ekki á ytra borði. Menn verða að heyra hann gegn um það, sem
auga sér og eyra heyrir. Er hann knýr oss til að laga líf og fram-
tíð eftir honum, þá fyrst er hann orðinn oss boðskapurinn frá
Drottni."
Dr. Bomann talaði annan daginn um efnið: Prédikunin sem
boðskapur til nútímans. „Kirkjan getur aldrei „kristnað" heims-
menninguna. En hún á að tala til mannanna.
Samstarfsmenn þurfum vér. Ekki aðeins starfsins vegna, held-
ur vegna sjálfra vor sem prédikara. Áheyrendur eiga líka sinn
þátt í því, hvort prédikun prestsins nær til fólksins eða ekki.
Kristindómurinn upphefur lýðinn alltaf menningarlega séð.
Umhverfið mótar hvern mann. Vér getum engan hrifið frá um-
hverfi sínu og menningu. En menningargildi prédikunarinnar
er það, að hún skapi hjá oss nýtt viðhorf til mannanna. Ef ver