Tímarit lögfræðinga - 01.05.1985, Blaðsíða 34
Gylfi Knudsen lögfræðingur:
UM SKATTLAGNINGU SAMEIGNARFÉLAGA
EFNISYFIRLIT
I. Tilhögun skattlagningar saraeignarfélaga almennt ............. 28
II. Þróun lagaákvæða um skattamál sameignarfélaga................ 31
III. Skattaleg staða samlagsfélaga ................................34
IV. Skilyrði sjálfstæðrar skattskyldu sameignarfélaga............. 36
V. Upphaf og lok skattskyldu sameignarfélaga.....................44
VI. Skattaleg áhrif við stofnun og slit sameignarfélaga
og úttektir eigenda úr þeim ..................................46
VII. Sala á eignarhlutum í sameignarfélögum ......................49
VIII. Skattaleg áhrif sjálfstæðrar skattskyldu samcignarfélaga . . 51
IX. Verðbreytingarfærslur mcð tilliti til sameignarfélaga ........ 55
I.
TILHÖGUN SKATTLAGNINGAR SAMEIGNAR-
FÉLAGA ALMENNT.
I I. kafla (1.-6. gr.) 1. nr. 75/1981, um tekjuskatt og eignarskatt, er
fjallað um þá aðila, sem skyldir eru til að svara skatti hér á landi. I
1. og 2. gr. eru hinar almennu reglur um ótakmarkaða skattskyldu.
Fjallar 1. gr. um skattskyldu manna, en 2. gr. um skattskyldu lög-
aðila. Hér er um að ræða skattskyldu í þeim skilningi, hverjir teljist
sjálfstæðir skattaðilar (subjektív skattskylda). Frá þessu sjónarhorni
er eðlilegt að geua greinarmun á mönnum og lögaðilum. Skattskyldu-
hugtakið hefur einnig aðra merkingu, sem tekur til upp'gjörs tekna og
eigna til skatts (objektív skattskylda). Hefð er fyrir því að telja þess-
ar tvær greinar skattskyldu auk skattaréttarfars mynda aðalsvið
skattaréttar. Þégar um er að ræða skattskyldu í síðarnefndu merking-
unni, er fyrrnefndur greinarmunur manna og lögaðila ekki einhlítur.
Eiga menn, sem stunda atvinnurekstur eða sjálfstæða starfsemi, og
lögaðilar þá frekar samstöðu. Þeir menn, sem atvinnurekstur hafa með
höndum eða sjálfstæða starfsemi, eru þó beggja blands, ekki síst eftir
að sett voru núgildandi lög um tekjuskatt og eignarskatt, sem hafa
að geyma mikilvæg ákvæði í þá átt að aðgreina einstaklinginn frá þeim
rekstri, sem hann stundar.
28