Tímarit lögfræðinga - 01.05.1985, Blaðsíða 73

lægingu sem fylgir kæru og rannsókn slíks máls, vitandi það að í flest-
um tilvikum eru slík afbrot léttvæg fundin og dæmd til lágmarks-
refsingar. Það þarf líka hugrekki til að kæra nauðgara og lifa síðan
sjálfur sem fangi af ótta við hefndarráðstafanir, meðan nauðgarinn
gengur laus.
Hver eru mannréttindi kvenna?
DROPINN HOLAR STEININN
Undirskriftasöfnunin snerist öðru fremur um mannréttindi kvenna
og hún var mótmæli við því að gildandi lögum væri beitt nauðgurum
í hag á kostnað kvenna. Það er nefnilega misskilningur hjá Þór Vil-
hjálmssyni að þessar „skyndiaðgerðir“ okkar hafi verið barátta fyrir
lagabreytingum. Við vorum að berjast fyrir viðhorfsbreyting-
um innan dóms- og réttarkerfisins sem gætu auðveldað konum
að reka þar sín mál. Og kannski okkur hafi tekist að hola
steininn, því eins og Þór veit eins vel og ég þá hefur nauðgarinn í
þessu tiltekna máli nú verið dæmdur í 4 ára fangelsi sem er einhver
þyngsta refsing fyrir nauðgunarbrot fram til þessa. Kannski dóms-
valdið líti nauðgunarbrot alvarlegri augum hér eftir en hingað til og
er þá vissu marki náð.
Og að lokum. Auðvitað er löng tugthúsvist og frelsisskerðing alltaf
skelfilegur hlutur en við konur getum ekki veitt afslátt út á nauðgun.
67